- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
لي كىچياڭنىڭ مەملەكەتتىك كەڭەستىڭ بۇيرىعىنا قول قويۋىمەن «كاسىپورىنداردىڭ قارجىلاندىرۋ نىساندارىن تەكسەرىپ بەكىتۋ جانە ەستەلىككە الىپ باسقارۋ ەرەجەسى» جاريالاندى
2016.12.15 13:50 كەلۋ قاينارى : حالىق تورابى
شينحۋا اگەنتتىگى، 14 – جەلتوقسان، بەيجيڭ. بىرنەشە كۇننىڭ الدىندا مەملەكەتتىك كەڭەستىڭ زۇڭليى لي كىچياڭنىڭ مەملەكەتتىك كەڭەستىڭ بۇيرىعىنا قول قويۋىمەن «كاسىپورىنداردىڭ قارجىلاندىرۋ نىساندارىن تەكسەرىپ بەكىتۋ جانە ەستەلىككە الىپ باسقارۋ ەرەجەسى» جاريالاندى، 2017 – جىلى 1 – اقپاننان باستاپ اتقارىلادى.
«ەرەجەدە» ۇكىمەتتىڭ كاسىپورىنداردىڭ قارجىلاندىرۋ نىساندارىن تەكسەرىپ بەكىتۋ جانە ەستەلىككە الۋ ارەكەتى اناعۇرلىم ارناعا ءتۇسىرىلدى.
بىرىنشىدەن، نىسانداردى تەكسەرىپ بەكىتۋ ارەكەتى ارناعا ءتۇسىرىلدى. «ەرەجەدە» بىلاي دەپ بەلگىلەندى: مەملەكەتتىڭ حاۋىپسىزدىگىمەن قاتىسى بار، بۇكىل ەلدىڭ كەلەلى ءوندىرىس قۋاتىن ورنالاستىرۋ جاعدايى، بايلىقتى ستراتەگيالىق اشۋ، كەلەلى الەۋمەتتىك مۇددە سياقتىلارعا ساياتىن كاسىپورىنداردىڭ قارجىلاندىرۋ نىساندارىنا قاراتا تەكسەرىپ بەكىتۋ جانە باسقارۋ شاراسى قولدانىلادى، باسقا نىسانداردىڭ بارلىعى ارحيۆكە الىپ باسقارىلادى. كاسىپورىندار نىسانداردى بەكىتتىرۋ رەسمياتىن وتەۋدە نىسان ءوتىنىشى مەن زاڭداردا، اكىمشىلىك زاڭ - ەرەجەلەردە بەلگىلەنگەن العى شارتقا قاتىستى رەسميات كۋالىك قۇجاتىن عانا تاپسىرۋ كەرەك؛ تەكسەرىپ بەكىتۋشى ورگان مەملەكەتتىڭ حاۋىپسىزدىگىنە زيان جەتكىزە مە، جوق پا، دامۋداعى قاتىستى قۇرىلىس جوسپارىنا، تەحنيكالىق ولشەمگە، كاسىپ ساياساتىنا ۇيلەسە مە، جوق پا، بايلىقتى ۇيلەسىمدى اشىپ، ءونىمدى پايدالانا ما، جوق پا، كەلەلى الەۋمەتتىك مۇددەگە ءتيىمسىز ىقپال تۋدىرا ما، جوق پا دەگەن 4 جاقتان تەكسەرۋ جۇرگىزەدى، تەكسەرىپ بەكىتۋ ۋاقىتى پرينسيپتىك جاقتان 20 قىزمەت كۇنىنەن اسىپ كەتپەۋى كەرەك.
ەكىنشىدەن، نىسانداردى ەستەلىككە الۋ ارەكەتى ارناعا تۇسىرىلەدى. نىسانداردى ەستەلىككە الۋدىڭ ءتۇسى وزگەرگەن اكىمشىلىك رۇقسات بەرۋگە اينالىپ قالۋىنان ساقتانۋ ءۇشىن، «ەرەجەدە» بىلاي دەپ بەلگىلەندى: ارحيۆكە الىپ باسقارىلاتىن نىساندار جونىنەن، كاسىپورىندار جۇمىس باستاۋدىڭ الدىندا كاسىپورىننىڭ نەگىزگى احۋالى، نىساننىڭ اتى، قۇرىلىس جۇرگىزىلەتىن جەر، قۇرىلىس جۇرگىزۋ كولەمى، قۇرىلىس مازمۇنى، نىسانعا قوسىلاتىن جالپى قارجىنىڭ سوماسى، نىساننىڭ كاسىپ ساياساتىنا ۇيلەسەتىنى جونىندەگى مالىمدەمە سياقتى ينفورماتسيالاردى ارحيۆكە الاتىن ورگانعا جولداۋى ءارى ينفورماتسيالاردىڭ شىنايىلىعىنا جاۋاپتى بولۋى كەرەك؛ ارحيۆكە الاتىن ورگان بارلىق ينفورماتسيانى العان سوڭ ارحيۆكە ەنگىزەدى. ارحيۆكە الاتىن ورگان ارحيۆكە الىنعان نىساننىڭ كاسىپ ساياساتىندا شەكتەلگەن قۇرىلىس ەكەنىن نەمەسە تەكسەرىپ بەكىتۋ نىسانىنا تاۋەلدى ەكەنىن بايقاسا، كاسىپورىنعا تۇزەتۋدى نەمەسە زاڭ بويىنشا تەكسەرىپ بەكىتتىرۋ رەسمياتىن وتەۋدى ۋاعىندا ۇقتىرۋى ءارى قاتىستى تاراۋعا حابارلاۋى كەرەك (ەگجەي – تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار).
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
