لي كىچياڭ جاڭا زەللانديانىڭ پرەمەر - مينيسترى بيلل ەڭگليشپەن كەڭەس وتكىزدى
2017.03.28 15:18 كەلۋ قاينارى : حالىق تورابى
«حالىق گازەتى»، 27 – ناۋرىز، ۆەللينگتون (تىلشىلەر جياۋ شياڭ، لي فىڭ، باۋ جيە). مەملەكەتتىك كەڭەستىڭ زۇڭليى لي كىچياڭ سول جەر ۋاقىتى بويىنشا 27 – ناۋرىز تۇستەن بۇرىن ۆەللينگتونداعى پرەمەر - مينيستر سارايىندا جاڭا زەللانديانىڭ پرەمەر - مينيسترى بيلل ەڭگليشپەن كەڭەس وتكىزدى.
لي كىچياڭ بىلاي دەدى: جۇڭگو مەن جاڭا زەللانديا ديپلوماتيالىق قاتىناس ورناتقان 45 جىلدان بەرى ەكى جاق ءبىر – بىرىنە قۇرمەت ەتۋ، بارابار سەلبەستىك جاساۋ پرينسيبىن جالعاستىرىپ، جوعارى ورەدەگى ساياسي سەنىمدىلىك ورناتتى، ناقتى سەلبەستىكتە قوماقتى تابىسقا قول جەتكىزدى. 2014 – جىلى ءتوراعا شي جينپيڭ جاڭا زەللانديادا مەملەكەتتىك ساپاردا بولىپ، ەكى ەل قاتىناسى جالپى بەتتىك ستراتەگيالىق ارىپتەستىك قاتىناسىنا كوتەرىلدى. جۇڭگو مەن جاڭا زەللانديانىڭ قاتىناسى، سەلبەستىگى ۇزاق ۋاقىتتان بەرى جۇڭگونىڭ باتىستاعى دامىعان ەلدەرمەن قاتىناسىنىڭ الدىڭعى لەگىندە ءجۇردى، مۇنى جاعدايى، دامۋ ساتىسى تۇرلىشە ەلدەردىڭ جاراسىمدى قاتىناسىنىڭ ونەگەسى دەۋگە بولادى. جۇڭگو جاڭا زەللانديامەن ساياسي سەنىمدىلىكتى ءۇرتىس نىعايتىپ، ءارقايسى جىك اراسىنداعى بارىس – كەلىستى جيىلەتىپ، ناقتى سەلبەستىكتى كەڭەيتىپ، ەكى ەلدىڭ جالپى بەتتىك ستراتەگيالىق ارىپتەستىك قاتىناسىن تىڭ ساتىعا كوتەرۋگە پەيىل.
لي كىچياڭ بىلاي دەدى: جۇڭگو مەن جاڭا زەللانديانىڭ دامۋ ستراتەگياسىنىڭ قابىسۋى وتە جاقسى، ءبىر – ءبىرىنىڭ ابزالدىعىن تولىقتاۋى كورنەكتى. جۇڭگو جاڭا زەللانديامەن سەلبەستىكتىكتىڭ كومەسكى كۇشىن اشىپ، «3+1» ۇلگىسىندەگى ءوزارا ءتيىمدى سەلبەستىكتىڭ جاڭا جاعدايىن جاراتۋعا پەيىل، مۇندا جاڭاشا ەركىن ساۋدا رايونىن قۇرىپ، ەكونوميكا – ساۋدا سەلبەستىك ورەسىن جوعارىلاتۋىمىزعا؛ ستراتەگيالىق ۇشتاسۋدى، قوزعاۋشى كۇشتە جاڭالىق جاراتۋدى، ەگىن – مال شارۋاشىلىعىنداعى سەلبەستىكتى دامىتىپ، ەكى ەلدىڭ سەلبەستىگىن كوپ جاقتىلاندىرۋىمىزعا بولادى. «ءبىر بەلدەۋ، ءبىر جول» سەلبەستىگىنىڭ كۇشەيۋى ەكى ەل كاسىپورىندارىنا جاڭا وراي جاراتتى. سەلبەسىپ زەرتتەۋدى جانە ينفورماتسيادان ورتاق يگىلىكتەنۋدى كۇشەيتۋ جاڭا كاسىپ كۇيى مەن جاڭا ساۋدا ۇلگىسىن جەبەپ، شەكارا اتتاعان ەلەكتروندى ساۋدا سەلبەستىگىن كەڭەيتتى. كليمات وزگەرىسىنە توتەپ بەرۋ سالاسىنداعى سەلبەستىك كۇشەيتىلدى. جوعارى تەحنيكا، جوعارى قوسىمشا قۇندى ەگىن – مال شارۋاشىلىعى جالپىلاما كاسىپ تىزبەگىندەگى سەلبەستىك كەڭەيتىلدى. ساياحات، وقۋ – اعارتۋ سەلبەستىگى كۇشەيتىلىپ، ازاماتتاردىڭ بارىپ – كەلۋىنە قولايلىلىق جاراتىلىپ، گۋمانيتارلىق بايلانىستىڭ جاڭا تىرەۋى ورناتىلدى. ءادىليالىق زاڭ اتقارۋداعى سەلبەستىك كۇشەيتىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
