شي جينپيڭ «ءبىر بەلدەۋ، ءبىر جول» حالىقارالىق سەلبەستىك فورۋمىنىڭ اشىلۋ سالتىنا قاتىناستى ءارى ارقاۋ لەكسيا جاسادى
2017.05.15 15:53 كەلۋ قاينارى : حالىق تورابى
«حالىق گازەتى»، 14 – مامىر، بەيجيڭ (تىلشىلەر جۋ جيڭرو، دۋ شاڭزى، پەي گۋاڭجياڭ). مەملەكەت ءتوراعاسى شي جينپيڭ 14 - مامىردا «ءبىر بەلدەۋ، ءبىر جول» حالىقارالىق سەلبەستىك فورۋمىنىڭ اشىلۋ سالتىنا قاتىناستى ءارى «<ءبىر بەلدەۋ، ءبىر جول> قۇرىلىسىن قول ۇستاسا وتىرىپ ىلگەرىلەتەيىك» دەگەن تاقىرىپتا ارقاۋ لەكسيا جاساپ، مىنالاردى دارىپتەدى: بەيبىت بولۋ، سەلبەسۋ، اشىق ۇستاۋ، سيىسىمدى بولۋ، ءوزارا ۇيرەنۋ، ءوزارا ونەگە الۋ، ءوزارا پايدا جەتكىزۋ، تەڭ يگىلىككە كەنەلۋدى ۇيىتقى ەتكەن جىبەك جولى رۋحىنان جازباي، «ءبىر بەلدەۋ، ءبىر جول» قۇرىلىسىن قول ۇستاسا وتىرىپ ورنىقتى قاداممەن باياندى ىلگەرىلەتىپ، «ءبىر بەلدەۋ، ءبىر جولدى» بەيبىت، گۇلدەنگەن، اشىق، جاسامپاز، وركەنيەتتى جول ەتىپ قۇرىپ شىعىپ، ءتىپتى دە شۇعىلالى بولاشاققا قادام تاستاۋىمىز كەرەك. مەملەكەتتىك كەڭەستىڭ ورىنباسار زۇڭليى جاڭ گاۋلي اشىلۋ سالتىن باسقاردى.
تۇستەن بۇرىنعى ساعات 9 دا شي جينپيڭ جينالىس زالىنا دۋ قول شاپالاق ءۇنى ىشىندە كىردى. جاڭ گاۋلي «ءبىر بەلدەۋ، ءبىر جول» حالىقارالىق سەلبەستىك فورۋمىنىڭ اشىلعانىن جاريالادى. شي جينپيڭ مىنبەگە شىعىپ ءسوز سويلەدى. شي جينپيڭ بىلاي دەپ اتاپ كورسەتتى: بايىرعى جىبەك جولى ءار ەلدىڭ دوستىق قارىم - قاتىناسىنا تىڭ تەرەزە اشىپ، ادامزاتتىڭ دامىپ، العا باسۋىنىڭ جاڭا داستانىن جازىپ، بەيبىت بولۋ، سەلبەسۋ، اشىق ۇستاۋ، سيىسىمدى بولۋ، ءوزارا ۇيرەنۋ، ءوزارا ونەگە الۋ، ءوزارا پايدا جەتكىزۋ، تەڭ يگىلىككە كەنەلۋدى ۇيىتقى ەتكەن جىبەك جولى رۋحىن تۇلعالادى، بۇل __ ادامزات وركەنيەتىنىڭ باعالى مۇراسى.
شي جينپيڭ مىنالاردى دارىپتەدى: ادامزات قوعامى قاۋىرت دامۋ، قاۋىرت وزگەرىس، قاۋىرت رەتكە ءتۇسۋ داۋىرىندە تۇر. دۇنيەنىڭ كوپ ۇيەكتەنۋى، ەكونوميكانىڭ جاھاندانۋى، قوعامنىڭ ينفورماتسيالانۋى، مادەنيەتتىڭ كوپ نەگىزدەنۋى ىشكەرىلەي دامۋدا، بەيبىت دامۋدىڭ ۇلكەن بەتالىسى ءالى دە پارمەندى، وزگەرىس، جاڭالىق اشۋ قادامى ۇزدىكسىز العا ىلگەرىلەۋدە. سونىمەن بىرگە، بەيبىتشىلىك قىزىل سيفرى، دامۋ قىزىل سيفرى، جونگە سالۋ قىزىل سيفرى كۇللى ادامزات الدىنداعى قاتاڭ سىن - سايىس بولىپ وتىر. مەن جىبەك جولى ەكونوميكالىق بەلدەۋى مەن 21 - عاسىرداعى تەڭىز جىبەك جولىن بىرگە قۇرۋدى، ياعني «ءبىر بەلدەۋ، ءبىر جول» دارىپتەمەسىن 2013 - جىلى قازاقستان مەن يندونەزيادا ورتاعا قويعان ەدىم. 4 جىلدان بەرى دۇنيە جۇزىندەگى 100 نەشە مەملەكەت پەن حالىقارالىق ۇيىم «ءبىر بەلدەۋ، ءبىر جول» قۇرىلىسىن بەلسەندى قولدادى جانە ات سالىستى، ب م ۇ قۇرىلتايى، ب م ۇ - نىڭ حاۋىپسىزدىك القالار كەڭەسى سياقتىلاردىڭ ماڭىزدى قاۋلىلارىنا دا «ءبىر بەلدەۋ، ءبىر جول» قۇرىلىسى جونىندەگى مازمۇندار ەنگىزىلدى. «ءبىر بەلدەۋ، ءبىر جول» قۇرىلىسى بىرتىندەپ كوزقاراستان ارەكەتكە، بولاشاق جوسپاردان رەالدىققا اينالىپ، قۇرىلىستا سۇبەلى ناتيجەلەرگە قول جەتتى.
شي جينپيڭ بىلاي دەپ اتاپ كورسەتتى: «ءبىر بەلدەۋ، ءبىر جول» دارىپتەمەسى ءداۋىر اعىمىنا ۇيلەسەدى، دامۋ قاعيداسىنا سايكەسەدى، ءار ەل حالقىنىڭ مۇددەسىنە ساي كەلەدى، اسا كەڭ بولاشاققا يە. ءبىز ۇتىمدى ورايدان پايدالانىپ العا ۇمتىلىپ، جاعدايعا قاراي ىسكە كىرىسىپ، «ءبىر بەلدەۋ، ءبىر جول» قۇرىلىسىن ورنىقتى قاداممەن باياندى ىلگەرىلەتىپ، ءتىپتى دە شۇعىلالى بولاشاققا قادام تاستاۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
