شي جينپيڭنىڭ جۇڭگو - افريكا سەلبەستىك فورۋمى بەيجيڭ سامميتىندەگى ارقاۋ سوزىندە ەڭ كوپ قايتالانعان 10 ءسوز
2018.09.04 16:38 كەلۋ قاينارى : حالىق تورابى
«حالىق گازەتى»، 3 – قىركۇيەك، بەيجيڭ (ءتىلشى لي ۋەيحۇڭ). «قول ۇستاسا تاعدىرلاس بولىپ، ءبىر نيەتپەن دامۋدى جەبەيىك». 3 – قىركۇيەك تۇستەن كەيىن شي جينپيڭ 2018 – جىلعى جۇڭگو - افريكا سەلبەستىك فورۋمى بەيجيڭ ءسامميتىنىڭ اشىلۋ سالتىنا قاتىناستى ءارى ارقاۋ ءسوز سويلەپ، جۇڭگونىڭ افريكامەن قاتىناستى كۇشەيتۋدەگى جاڭا تانىم، جاڭا دارىپتەمەسىن جاپپاي پايىمداپ، جۇڭگونىڭ افريكاعا قاراتىلعان ناقتى سەلبەستىگىندەگى جاڭا ارەكەت، جاڭا شارالارىن جاريالادى. ارقاۋ سوزدە التىنداي باعالى سوزدەر ءجيى كەزدەسىپ، تەرەڭ ىقپال قالدىردى، حالىق تورابى ارقاۋ سوزدە ەڭ كوپ قايتالانعان 10 ءسوزدى ىرىكتەپ شىقتى.
1. «سەلبەستىك جاساۋ» دەگەن ءسوز 61 رەت ايتىلدى
ارقاۋ سوزدە «سەلبەستىك جاساۋ» دەگەن ءسوز جالپى 61 رەت ايتىلىپ، جيىلىگى ەڭ جوعارى سوزگە اينالىپ، وسى رەتكى ءسامميتتىڭ ايقىن باس تاقىرىبىن بەينەلەدى. شي جينپيڭ ارقاۋ سوزىندە جۇڭگو مەن افريكانىڭ سەلبەستىك جاساۋىنداعى «تورتتە تاباندى بولۋدى» بىلايشا ايقىن ورتاعا قويدى: جۇڭگو سەلبەستىك بارىسىندا شىنايى دوس بولۋدا، تەڭ مامىلە جاساۋدا تاباندى بولادى. جۇڭگو سەلبەستىك بارىسىندا ادىلەت پەن مۇددەنى بىرىكتىرۋدە، ادىلەتتى الدىڭعى ورىنعا قويۋدا تاباندى بولادى. جۇڭگو سەلبەستىك بارىسىندا حالىق ءۇشىن دامۋدا، شىنايى، ءونىمدى بولۋدا تاباندى بولادى. جۇڭگو سەلبەستىك بارىسىندا اشىق، سيىسىمدى بولۋدا، ءبارىن بىردەي قامتۋدا تاباندى بولادى.
2. «دامۋ» دەگەن ءسوز 39 رەت ايتىلدى
18 – قۇرىلتايدان بەرى شي جينپيڭ افريكا قۇرلىعىنا 4 رەت قادام تاستادى، «دامۋ» ول باستان – اياق دارىپتەپ كەلە جاتقان وزەكتى ءسوز سانالادى. ارقاۋ سوزىندە شي جينپيڭ ءوزىنىڭ مىناداي بەرىك سەنىمىن تىلگە تيەك ەتتى: «افريكانىڭ دامۋ مۇمكىندىگى شەكسىز، افريكانىڭ بولاشاعى ۇمىتكە تولى، جۇڭگو – افريكا دوستىعى مەن سەلبەستىگىنىڭ بولاشاعى كەڭ، جۇڭگو – افريكا جالپى بەتتىك ستراتەگيالىق ارىپتەستىك قاتىناسىنىڭ دامۋىنان زور ناتيجە كۇتۋگە بولادى».
3. «قولداۋ» دەگەن ءسوز 28 رەت ايتىلدى
«دامۋ ۇستىندەگى ەلدەردىڭ حالىقارالىق ىستەردەگى ۋاكىلدىك جانە ءسوز سويلەۋ ۇقىعىن كەڭەيتۋدى قولدايمىز، دۇنيە ءجۇزىن جونگە سالۋ جۇيەسىندەگى وڭتۇستىكتىڭ جەتەرسىزدىگىن تولىقتاۋدى قولدايمىز، وڭتۇستىك ەلدەرى سەلبەستىگىنىڭ كۇشىن ۇيىستىرۋدى قولدايمىز»، شي جينپيڭ ارقاۋ سوزىندە «قولداۋ» دەگەن ءسوزدى 28 رەت قولدانىپ، جۇڭگونىڭ بەرىك مايدانىن بەينەلەدى.
4. «حالىق» دەگەن ءسوز 28 رەت ايتىلدى
«ءبىر ميلليارد 300 ميلليوننان استام جۇڭگو حالقى باستان – اياق ءبىر ميلليارد 200 ميلليوننان استام افريكا حالقىمەن تىنىستاس، تاعدىرلاس بولادى، باستان – اياق افريكانى قۇرمەتتەپ، قىزۋ ءسۇيىپ، قولدايدى، ‹بەستى ىستەمەۋدى› قاتاڭ ورىندايدى»، شي جينپيڭ سوزىندە «ەشكىم دە جۇڭگو – افريكا حالىقتارىنىڭ ۇلى ىنتىماعىن بۇلدىرە المايدى» دەپ زور ەكپىنمەن دارىپتەپ كورسەتتى.
5. «ارەكەت» دەگەن ءسوز 14 رەت ايتىلدى
شي جينپيڭ ارقاۋ سوزىندە ورتاعا قويعان «سەگىز ءىرى ارەكەتكە» ناق مايداندا تولاسسىز قول سوعىلدى: ءبىرىنشى، كاسىپتى جەبەۋ ارەكەتىن اتقارۋ؛ ەكىنشى، قۇرىلعىلاردى تۇتاستىرۋ ارەكەتىن اتقارۋ؛ ءۇشىنشى، ساۋدانى قولايلىلاندىرۋ ارەكەتىن اتقارۋ؛ ءتورتىنشى، جاسىل دامۋ ارەكەتىن اتقارۋ؛ بەسىنشى، قۋات قۇرىلىسى ارەكەتىن اتقارۋ؛ التىنشى، سالاماتتىق جانە دەنساۋلىق ساقتاۋ ارەكەتىن اتقارۋ؛ جەتىنشى، گۋمانيتارلىق اۋىس – كۇيىس ارەكەتىن اتقارۋ؛ سەگىزىنشى، بەيبىتشىلىك جانە حاۋىپسىزدىك ارەكەتىن اتقارۋ.
6. «بەيبىتشىلىك» دەگەن ءسوز 13 رەت ايتىلدى
قيىن – قىستاۋ كۇندەردى باستان كەشىرگەندەر عانا بەيبتىشىلىكتىڭ قاستەرلى ەكەنىن بىلە الادى. شي جينپيڭ حاۋىپسىزدىكتى تەڭ قالىپتاستىراتىن جۇڭگو – افريكا تاعدىرلاس ورتاق تۇلعاسىن قول ۇستاسا سومداۋعا ۇندەدى. ول بىلاي دەدى: جۇڭگو افريكانىڭ بەيبىتشىلىگىن، ورنىقتىلىعىن جەبەۋدە سىندارلى رول اتقارىپ، افريكا ەلدەرىنىڭ دەربەس ورنىقتىلىقتى قورعاۋ، بەيبىتشىلىكتى ساقتاۋ قۋاتىن جوعارىلاتۋىنا قولداۋ كورسەتەدى.
7. «تاعدىرلاس ورتاق تۇلعا» دەگەن ءسوز 12 رەت ايتىلدى
جۇڭگو − دۇنيە جۇزىندەگى ەڭ ءىرى دامۋ ۇستىندەگى ەل، افريكا – دامۋ ۇستىندەگى ەلدەر ەڭ كوپ شوعىرلانعان قۇرلىق، جۇڭگو - افريكا الدەقاشان قۋانىش - قايعىسى ورتاق تاعدىرلاس ورتاق تۇلعاعا اينالدى. شي جينپيڭ سوزىندە بىلاي دەدى: «ءبىز افريكا حالقىمەن بىرگە اناعۇرلىم نىعايعان جۇڭگو - افريكا تاعدىرلاس ورتاق تۇلعاسىن قۇرىپ، ادامزاتتىڭ تاعدىرلاس ورتاق تۇلعاسىنىڭ قۇرىلۋىنا ۇلگى كورسەتۋدى قالايمىز».
8. «جاستار» دەگەن ءسوز 10 رەت ايتىلدى
«جاستار − جۇڭگو - افريكا قارىم - قاتىناسىنىڭ ءۇمىتى». شي جينپيڭ سوزىندە جاستاردىڭ جۇڭگو مەن افريكا قاتىناسىنىڭ دامۋىنداعى ماڭىزدى رولىن ايرىقشا دارىپتەدى. ول بىلاي دەدى: «مەن ورتاعا قويعان جۇڭگو - افريكا <سەگىز ءىرى ارەكەت> باستاماسىنداعى كوپتەگەن شارادا جاستار، جاستاردى تاربيەلەۋ، جاستاردى سۇيەمەلدەۋ كوزدەلگەن، وسىلايشا ولارعا ءتىپتى دە كوپ كاسىپتەنۋ ورايىن، ءتىپتى دە جاقسى دامۋ ورتاسىن جاراتۋىمىز كەرەك».
9. «ءداۋىر» دەگەن ءسوز 9 رەت ايتىلدى
«ءداۋىر» دەگەن ءسوز شي جينپيڭنىڭ ارقاۋ سوزىندە 9 رەت ايتىلدى. ول بىلاي دەدى: «ءبىز مىناعان سەنەمىز، بەيبىتشىلىك پەن دامۋ – قازىرگى ءداۋىردىڭ باس تاقىرىبى، سونداي – اق ءداۋىردىڭ تولعاقتى تاقىرىبى، حالىقارالىق قوعام ىنتىماقتى، پاراساتتى، باتىل بولۋ تۇرعىسىنان تاريحي جاۋاپكەرلىكتى ارقالاپ، ءداۋىردىڭ تولعاقتى تاقىرىبىنا جاۋاپ قايتارىپ، ءداۋىر الدىندا مىندەت ارقالاپ وتىرعاندارىن ايگىلەۋى كەرەك.
10. «جاسىل» دەگەن ءسوز 6 رەت ايتىلدى
شي جينپيڭ سوزىندە بىلاي دەدى: «ءبىر بەلدەۋ، ءبىر جولدى» بەيبىتشىلىك جولى، گۇلدەنۋ جولى، ەسىك اشۋ جولى، جاسىل جول، جاڭالىق اشۋ جولى، وركەنيەت جولى ەتىپ قۇرىپ شىعۋىمىز كەرەك. «جاسىل جولدىڭ» ورتاعا قويىلۋى قوعامنىڭ نازارىن جاپپاي اۋداردى. جۇڭگو افريكا ءۇشىن 50 جاسىل دامۋ جانە ەكولوگيالىق ورتانى قورعاۋ تۇرعىسىنان كومەك بەرۋ نىسانىن اتقارۋدى ۇيعاردى، وسىلايشا جۇڭگو – افريكا ورتانى قورعاۋ سەلبەستىك ورتالىعىنىڭ قۇرىلىسى ىلگەرىلەتىلىپ، جۇڭگو – افريكا جاسىلدىق ەلشىلەرى جوسپارى ورىستەتىلىپ، جۇڭگو – افريكا قامىس ورتالىعى قۇرىلادى، ورتانى قورعاۋ ۇگىت – تاربيە سەلبەستىگى ورىستەتىلەدى... جۇڭگو مەن افريكانىڭ سەلبەستىك جاساۋ «جاسىل جولىنان» زور ءۇمىت كۇتەمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
