باس شۋجي رەفورمانى تەرەڭدەتۋدىڭ جۇمىلدىرۋ بۇيرىعىن بەردى (جاڭا يدەيا امالياتتان تۋىندايدى اتىنداعى جەلىلەس حابارلار – 1، شىنجىن بولەگى)
«حالىق گازەتىنىڭ» تىلشىلەرى ۋاڭ شياۋدۇڭ، جاڭ ۋەي، جاۋ دانتۇڭ، لۇي جاۋگاڭ
2018.09.14 16:16 كەلۋ قاينارى : حالىق تورابى
شىنجىندەگى ليانحۋا تاۋى باقشاسى جاسىل جەلەك جامىلىپ، كوز تارتادى، تاۋ توبەسىندە دىڭ شياۋپيڭنىڭ مىس ءمۇسىنى ەڭسە كوتەرىپ تۇر. 2012 – جىلى 8 – جەلتوقساندا باس شۋجي شي جينپيڭ مىس ءمۇسىننىڭ جانىنان ءوز قولىمەن ءبىر ءتۇپ فيكوس اعاشىن ەكتى. بۇل كۇندە 10 نەشە مەتر بولىپ بوي سوزعان وسى اعاش ماۋەلەپ ءوسىپ تۇر.
پارتيانىڭ 18 – قۇرىلتايىنان كەيىن باس شۋجي شي جينپيڭ ەل ىشىندە ءبىرىنشى رەت قىزمەت تەكسەرگەندە رەفورما جۇرگىزىپ، ەسىك اشۋدىڭ سامالى الدىمەن ەسكەن شىنجىندى تاڭدادى، بۇل ــ ءبىر رەتكى ءمانى زور ساياسي مالىمدەمە، ءبىر رەتكى ىقپالى تەرەڭ يدەيالىق باستاما، ءبىر رەتكى كىسىنى جەلپىندىرەرلىك رەفورما جۇمىلدىرۋى. باس شۋجي شي جينپيڭ وسىندا مىنانى دارىپتەدى: رەفورمانى كىدىرتپەۋ، ەسىك اشۋدى توقتاتپاۋ، رەفورما جۇرگىزىپ، ەسىك اشۋدى ءۇرتىس ىلگەرىلەتۋ كەرەك.
ارادا 5 جىلدان استام ۋاقىت وتكەندە، رەفورما جاساپ، ەسىك اشۋدىڭ 40 جىلدىعى ساتىندە، شىنجىنگە كەلىپ، سول جىلى باس شۋجي شي جينپيڭ قىزمەت تەكسەرگەندە جۇرگەن جولدى باسىپ، جۇرت كوڭىلىن جەلپىندىرگەن ساتتەرگە قايىرىلا قاراپ، ۇمىتىلماس سول ساتتەردى قايتادان ەستەلىككە تۇسىردىك.
ياڭ ي – بياۋ (كەزىندەگى شىنجىن قالاسى ليانحۋا تاۋى باقشاسى باسقارماسىنىڭ مەڭگەرۋشىسى):
باس شۋجي «سەنىم اعاشىن» ەكتى
«ول كۇرەكتى سىعىمداپ ۇستاپ، تەتىك قيمىلدادى، ءبىر قاراعاندا – اق شارۋالار جۇمىسىن ىستەپ كورگەنىن اڭعاراسىز». سول كۇنى باس شۋجي شي جينپيڭنىڭ ليانحۋا تاۋى باقشاسىندا فيكوس اعاشىن ەككەنى ياڭ ي – بياۋدىڭ كوكەيىنە مىقتاپ ورناپ قالىپتى.
2012 – جىلى 8 – جەلتوقسان سەنبىگە تۋرا كەلدى، ليانحۋا تاۋى باقشاسىندا ساياحاتشىلار كوپ بولاتىن، الايدا سول كۇنى جول توسىلمادى، الاڭداعى جۇرتشىلىق تا قايتارىلمادى.
9 ساعات 30 مينۋت مولشەرىندە ەكى مينبۋس ليانحۋا تاۋىنىڭ ەتەگىنە كەلدى. باس شۋجي شي جينپيڭ كولىكتەن تۇسكەن سوڭ تاۋ توبەسىندەگى الاڭعا قاراي اياڭداپ ءجۇردى. جول بويىندا قالا تۇرعىندارى مەن ساياحاتشىلار: «باس شۋجي كەلىپتى!»، «باس شۋجي، سالەمەتسىز بە؟!» دەسىپ، جاپا تارماعاي قول سوعىپ قوشامەت ءبىلدىردى، باس شۋجيمەن تالاسا – تارماسا قول الىسىپ جاتتى.
باس شۋجي شي جينپيڭ كوپشىلىكپەن كۇلىمسىرەي قول الىستى، ءالسىن – ءالى «كيمەلەمەڭىزدەر» دەپ ەسكەرتىپ وتىردى. ياڭ ي – بياۋ: «تاۋ توبەسىنە شىققاندا، باس شۋجي اۋەلى وسىندا كۇتىپ تۇرعان كادرلارمەن ەمەس، قايتا جۇرتشىلىقپەن قول الىسىپ امانداستى، سول اراداعى جۇرتشىلىق ايرىقشا اسەرلەندى» دەدى.
تاۋ توبەسىندەگى الاڭدا باس شۋجي شي جينپيڭ دىڭ شياۋپيڭنىڭ مىس مۇسىنىنە گۇل قويدى، ودان سوڭ شىنجىن قالاسىنا بيىكتەن كوز تاستادى.
فيكوس اعاشى ــ وڭتۇستىكتىڭ جەرگىلىكتى اعاشى، باقىتتىڭ، گۇلدەنىپ – كوركەيۋدىڭ بالاماسى دەپ قارالادى. 1992 – جىلى دىڭ شياۋپيڭ جولداس شىنجىندەگى شيانحۋ كولى وسىمدىك باقشاسىنا ءوز قولىمەن ءبىر ءتۇپ فيكوس اعاشىن ەككەن بولاتىن.
«20 جىلدان كەيىن باس شۋجي دىڭ شياۋپيڭ جولداستىڭ مىس مۇسىنىنە تاياۋ جەردە تاعى ءبىر ءتۇپ فيكوس اعاشىن ەكتى. باس شۋجي بىلاي دەگەن: رەفورما جاساپ، ەسىك اشۋ ۇيعارىمى دۇرىس، بۇدان كەيىن دە وسى دۇرىس جولمەن ءجۇرۋىمىز كەرەك. بۇل ــ مەملەكەتتى، حالىقتى بايىتۋ جولى، بۇل جولمەن بۇلجىماستان ءجۇرۋىمىز، ونىمەن قويماي تىڭ ءورىس اشىپ، جاڭا دەڭگەيگە قادام تاستاۋىمىز كەرەك». 5 جىل وتە شىققانىمەن، ياڭ ي – بياۋ باس شۋجيدىڭ وسى ءسوزىن ءالى دە مۇدىرمەي جاتقا ايتادى.
ياڭ ي – بياۋ بىلاي دەدى: «باس شۋجيدىڭ ەككەنى جاستىق اعاشى، ءتىپتى جۇڭگونىڭ رەفورما جاساپ، ەسىك اشۋداعى سەنىم اعاشى، ءۇمىت اعاشى!».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
