لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2018.09.27 16:19 كەلۋ قاينارى : حالىق تورابى
شينحۋا اگەنتتىگى، 26 – قىركۇيەك، بەيجيڭ. مەملەكەتتىك كەڭەستىڭ زۇڭليى لي كىچياڭ 26 - قىركۇيەكتە مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى. ماجىلىستە شەتەل ساۋداگەرلەرى قارجى قوسقان كەلەلى نىسانداردى ىرگە تەپتىرۋدى ىلگەرىلەتۋ، ءىشىنارا تاۋاردى يمپورت ەتۋدەگى كەدەن باجىسىن تومەندەتۋ جانە كەدەننەن ءوتۋدىڭ قولايلىلانۋىن تەزدەتۋ شارالارى تۇراقتاندىرىلدى، وسىلايشا ءتىپتى دە جوعارى ورەدەگى ەسىك اشۋ جەبەلمەك؛ ءىشىنارا جەرلەردىڭ افريكا شوشقا وباسى ۆيرۋسىنىڭ تارالۋ جاعدايىنان ساقتانۋ قىزمەتى جونىندەگى مالىمەتى تىڭدالىپ، كەلەسى قادامدا شارانى كۇشەيتۋ جونىنەن تالاپ ورتاعا قويىلدى.
ماجىلىستە مىنالار اتاپ كورسەتىلدى: قازىرگى الماعايىپ ىشكى – سىرتقى جاعدايدا ەكونوميكانى ورنىقتى، اقاۋسىز دامىتا بەرۋ ءۇشىن، ىشكى سۇرانىستى ارتتىرۋمەن قاتار، ەسىك اشۋدى بۇلجىماستان كەڭەيتىپ، اناعۇرلىم بەلسەندى دە ىرىقتى ەسىك اشۋ ستراتەگياسىن اتقارىپ، شەتەل ساۋداگەرلەرىنە اناعۇرلىم ءادىل، قولايلى، مەجەلى قارجى قوسۋ ورتاسىن جاراتۋ كەرەك. بىرىنشىدەن، ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، ساپالى قىزمەت وتەۋ رەفورماسىن تەرەڭدەتىپ، كاسىپورىنداردىڭ شەكتەلگەن سالالار تىزىمدىگىنەن تىس جاعدايدا شەتەل قارجىسى مەن ىشكى قارجىعا بىردەي قاراپ، تۇرلىشە مەنشىكتەگى كاسىپورىندارعا بازارعا كىرۋگە رۇقسات ەتۋدىڭ ءبىرىڭعاي ولشەمى مەن توراپتا تىزىمگە الۋدى نەگىز ەتكەن قارجىلاندىرۋدى باسقارۋ ءتۇزىمىن اتقارۋ كەرەك. شارتقا ۇيلەسەتىن شەتەل قارجىسىمەن سالىناتىن نىسانداردى كەلەلى قۇرىلىس نىسانى كولەمىنە ەنگىزۋ نەمەسە وتىنىشىنە قاراي ءتارتىپ بويىنشا قاتىستى كاسىپ جوسپارىنا رەتتەپ ەنگىزۋدى تەزدەتىپ، جەردەن، تەڭىزدەن پايدالانۋدى بەكىتۋ جاعىندا قولداۋ كورسەتۋ ءارى ورتاعا ىقپالدى باعالاۋ اياق الىسىن جەدەلدەتىپ، زات اينالىسىنىڭ وزىندىك قۇنىن تومەندەتىپ، نىساننىڭ جەدەل ىرگە تەبۋىن ىلگەرىلەتۋ كەرەك. ەكىنشىدەن، شەتەل ساۋداگەرلەرىنىڭ قارجى قوسۋ كولەمى كەڭەيتىلەدى، شەتەل ساۋداگەرلەرى قايتالاي قوسقان قارجىنىڭ تابىس باجىسىن الدىن الا ىستەتۋ كولەمى شابىتتاندىرۋ تۇرىندەگى شەتەل قارجى قوسقان نىسانداردان تيىم سالىنباعان بارلىق نىسان مەن سالاعا كەڭەيتىلەدى. ۇشىنشىدەن، ءبىلىم مەنشىك ۇقىعى بارىنشا قورعالادى، ۇكىمەتتىڭ باقىلاپ – باسقارۋ، زاڭ اتقارۋ ارەكەتى اناعۇرلىم ارناعا تۇسىرىلەدى.
ماجىلىستە مىنالار ۇيعارىلدى: كاسىپتىڭ دارەجەسىن جوعارىلاتۋ، كاسىپورىنداردىڭ وزىندىك قۇنىن تومەندەتۋ جانە بۇقارانىڭ تۇتىنۋى سىندى قاجەتتەرگە ۇيلەسۋ ءۇشىن، ۇستەگى جىلى 1 - قاراشادان باستاپ، 1585 جەكە باجى تۇرىندەگى ونەركاسىپ بۇيىمدارى سياقتىلاردىڭ يمپورت باجى مولشەرى تومەندەتىلىپ، ءبىر ءبولىم ەل ىشىندەگى بازار قاجەتى زور ماشينا - ەلەكتر جابدىقتارىنىڭ ورتاشا باجى مولشەرى %12.2 تەن %8.8 كە؛ توقىما بۇيىمدارى، قۇرىلىس ماتەريالدارى سياقتىلاردىڭ ورتاشا باجى مولشەرى %11.5 تەن %8.4 كە؛ قاعاز ونىمدەرى سياقتى ءبىر ءبولىم بايلىق سيپاتىنداعى تاۋارلاردىڭ ورتاشا باجى مولشەرى %6.6 تەن %5.4 كە ازايتىلادى ءارى ۇقساس تۇردەگى نەمەسە ۇقساپ قالاتىن تاۋارلاردىڭ باجى دارەجەسى بىرىكتىرىلەدى. وسىلايشا بيىلدان بەرى شىعارىلعان باجىنى تومەندەتۋ شارالارىنان كاسىپورىندار مەن تۇتىنۋشىلاردىڭ باجى اۋىرتپالىعى مەجەمەن 60 ميلليارد يۋانداي جەڭىلدەتىلىپ، ەلىمىزدىڭ كەدەن باجى جالپى ورەسى وتكەن جىلعى %9.8 تەن %7.5 كە تومەندەتىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
