شي جينپيڭ 20 ەل توبى باسشىلارىنىڭ 13 - رەتكى سامميتىنە قاتىناستى ءارى ماڭىزدى ءسوز سويلەدى
اشىق سەلبەسۋدەن، ارىپتەستىك رۋحتان، جاڭالىق جاراتۋدى جەتەكشى ەتۋدەن، جالپىعا ءتيىمدى بولۋدان، تەڭ يگىلىكتەنۋدەن جازباي، دۇنيە ءجۇزى ەكونوميكاسىنىڭ جالپى بەتالىسىن جاۋاپكەرلىك پوزيتسياسىمەن يگەرۋدى دارىپتەدى
2018.12.03 16:24 كەلۋ قاينارى : حالىق تورابى
«حالىق گازەتى»، 11 – ايدىڭ 30 - كۇنى، بەيجيڭ (تىلشىلەر جاۋ جياميڭ، دۋ شاڭزى). سول جەر ۋاقىتى بويىنشا 11 - ايدىڭ 30 - كۇنى 20 ەل توبى باسشىلارىنىڭ 13 - رەتكى ءسامميتى ارگەنتينانىڭ بۋەنوس - ايرەس قالاسىندا وتكىزىلدى. مەملەكەت ءتوراعاسى شي جينپيڭ 1 - كەزەڭدىك ماجىلىسكە قاتىناستى ءارى «بيىكتە تۇرىپ، الىسقا كوز تاستاپ، دۇنيە ءجۇزى ەكونوميكاسىنىڭ دۇرىس بەتالىسىن مىقتاپ يگەرەيىك» دەگەن تاقىرىپتا ماڭىزدى ءسوز سويلەپ، 20 ەل توبىنىڭ اشىق سەلبەسۋدەن، ارىپتەستىك رۋحتان، جاڭالىق جاراتۋدى جەتەكشى ەتۋدەن، جالپىعا ءتيىمدى بولۋدان، تەڭ يگىلىكتەنۋدەن جازباي، دۇنيە ءجۇزى ەكونوميكاسىنىڭ جالپى بەتالىسىن جاۋاپكەرلىك پوزيتسياسىمەن يگەرۋىن دارىپتەدى (ءسوزدىڭ تولىق مازمۇنىن «حالىق گازەتىنەن» وقي الاسىزدار).
سول جەر ۋاقىتى بويىنشا تۇستە ءسامميت باستالدى. ارگەنتينانىڭ پرەزيدەنتى ماكري ءسامميتتى باسقاردى.
شي جينپيڭ نۇسقاۋ ءسوز سويلەپ، مىنالاردى اتاپ كورسەتتى: بيىل − حالىقارالىق فينانس داعدارىسىنىڭ 10 جىلدىعى، سونداي - اق 20 ەل توبى باسشىلارى ءسامميتىنىڭ دە 10 جىلدىعى. دۇنيە ءجۇزى ەكونوميكاسى جالپى جاقتان ارتۋدى جالعاستىرعانمەن، داعدارىستىڭ قات - قابات ىقپالى ءالى تولىق الاستالعان جوق، ەكونوميكالىق ارتۋدىڭ كونە - جاڭا قوزعاۋشى كۇشتەرىنىڭ الماسۋى ءالى اياقتالعان جوق، ءتۇرلى حاۋىپ - قاتەر جەدەل جيناقتالۋدا. دۇنيە ءجۇزى ەكونوميكاسى تاعى ءبىر رەت تاريحي تاڭداۋعا ءدوپ كەلدى. 20 ەل توبى تاريحتىڭ ۇلى اۋقىمىنان زاڭدىلىقتاردى يگەرىپ، باعدار - بەتالىسقا جەتەكشىلىك ەتۋى كەرەك. دۇنيە ءجۇزى ەكونوميكاسى ۇدايى تولقىپ تۇرعانمەن، ءار ەلدىڭ ەسىك اشۋعا، توعىسۋعا بەت العان جالپى اۋقىمى وزگەرگەن جوق. ءار ەلدىڭ ءوزارا سەلبەسىپ، ارتىقشىلىقتارىمەن ءوزارا تولىقتاۋى − وندىرگىش كۇشتەردىڭ دامۋىنىڭ وبيەكتيۆ تالابى جانە وندىرىستىك قاتىناستاردىڭ وزگەرۋىنىڭ العا باسۋ بەتالىسىنا دا ۋاكىلدىك ەتەدى. وسى اياق الىستا ءار ەل بىرتە - بىرتە مۇددەلەس ورتاق تۇلعا، جاۋاپكەرشىل ورتاق تۇلعا، تاعدىرلاس ورتاق تۇلعا قالىپتاستىرادى. قول ۇستاسا سەلبەسىپ، ءوزارا تيىمدىلىك جەتكىزىپ، تەڭ يگىلىكتەنۋ − بىردەن - ءبىر دۇرىس تالعام. قات - قابات سايىستارعا سايكەس ءبىز كوكەي تەستىلىك تانىمدى كۇشەيتۋىمىز ءارى بايىپتى بولۋىمىز، بيىكتەن الىسقا كوز تاستاپ، دۇنيە ءجۇزى ەكونوميكاسىنىڭ جالپى بەتالىسىن جاۋاپكەرلىك پوزيتسياسىمەن يگەرۋىمىز كەرەك.
شي جينپيڭ مىنالاردى دارىپتەدى: دۇنيە ءجۇزى ەكونوميكاسىنىڭ ورنىقتى دامۋىن جالعاستىرۋدىڭ ورتاق قاجەتى 20 ەل توبىن ومىرگە اكەلدى. 10 جىلدان بەرى ءبىز ءبىر جەڭنەن قول، ءبىر جاعادان باس شىعارىپ، جۇدىرىقتاي جۇمىلىپ، دۇنيە ءجۇزى ەكونوميكاسىنىڭ قۇلدىراۋدان قۇتىلىپ، قالپىنا كەلۋ، ارتۋ ارناسىنا ءتۇسۋىن ىلگەرىلەتتىك. 10 جىلدان كەيىن ءبىز تاعى دا باتىلدىقپەن بەل بايلاپ، ستراتەگيالىق كورەگەندىك كورسەتىپ، دۇنيە ءجۇزى ەكونوميكاسىنىڭ دۇرىس ارنامەن العا دامۋىنا جەتەكشىلىك ەتۋگە ءتيىسپىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
