«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
ەلىمىزدىڭ ەكولوگيالىق وركەنيەت قۇرىلىسىنىڭ تىڭ دەڭگەيگە كوتەرىلۋىن ىلگەرىلەتەيىك
2019.02.01 16:35 كەلۋ قاينارى : حالىق تورابى
شينحۋا اگەنتتىگى، 1 – ايدىڭ 31 - كۇنى، بەيجيڭ. 2 – ايدىڭ 1 – كۇنى باسپادان شىعاتىن «ىزدەنۋ» جۋرنالىنىڭ 3 – سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ەلىمىزدىڭ ەكولوگيالىق وركەنيەت قۇرىلىسىنىڭ تىڭ دەڭگەيگە كوتەرىلۋىن ىلگەرىلەتەيىك» دەگەن ماڭىزدى ماقالاسى جاريالانادى.
ماقالادا مىنالار اتاپ كورسەتىلدى: ەكولوگيالىق وركەنيەت قۇرىلىسى ــ جۇڭحۋا ۇلتىنىڭ ماڭگى باياندى دامۋىنا ساياتىن ءتۇبىرلى ءىرى جوسپار، ەكونوميكالىق، قوعامدىق دامۋدى ەكولوگيالىق وركەنيەت قۇرىلىسىمەن سانالىلىقپەن ءبىر تۇتاس جوسپارلاپ، پارتيا باسشىلىعىنىڭ جانە ەلىمىز سوتسياليستىك ءتۇزىمىنىڭ كۇشتى شوعىرلاندىرىپ ءىرى ءىس تىندىراتىن ساياسي ابزالدىعىن تولىق ساۋلەلەندىرىپ، رەفورما جاساپ، ەسىك اشقان 40 جىلدان بەرى جينالعان بەرىك ماتەريالدىق نەگىزدەن تولىق پايدالانىپ، ەكولوگيالىق وركەنيەت قۇرىلىسىن ىلگەرىلەتۋ سەرپىنىن ارتتىرىپ، ەكولوگيالىق ورتا ماسەلەسىن شەشىپ، لاستانۋدان ساقتانۋ جانە ونى جونگە سالۋدان قامال الۋ شايقاسىن باتىل، ويداعىداي جۇرگىزىپ، ەلىمىزدىڭ ەكولوگيالىق وركەنيەت قۇرىلىسىنىڭ تىڭ دەڭگەيگە كوتەرىلۋىن ىلگەرىلەتۋ كەرەك. ەكولوگيالىق ورتا ــ پارتيانىڭ بورىشى مەن نەگىزگى ماقساتىنا ساياتىن كەلەلى ساياسي ماسەلە، سونداي – اق حالىق تۇرمىسىنا ساياتىن ماڭىزدى قوعامدىق ماسەلە. ءبىز حالىق بۇقاراسىنىڭ ويلاعانىنا، ارمان – تىلەگىنە، كوكەي تەستى ىسىنە بەلسەنە جاۋاپ بەرىپ، ەكولوگيالىق وركەنيەت قۇرىلىسىن بار كۇشپەن ىلگەرىلەتىپ، حالىق بۇقاراسىنىڭ كۇن سايىن ارتقان تاماشا ەكولوگيالىق ورتا قاجەتىن ۇزدىكسىز قاناعاتتاندىرۋىمىز كەرەك. ماقالادا مىنالار دارىپتەلدى: جاڭا داۋىردە ەكولوگيالىق وركەنيەت قۇرىلىسىن ىلگەرىلەتۋدە مىناداي پرينسيپتەردە تاباندى بولۋ كەرەك: ءبىرىنشى، ادام مەن تابيعاتتىڭ جاراسىمدى قاتار ءومىر سۇرۋىندە تاباندى بولۋ؛ ەكىنشى، جاسىل تاۋ، تۇنىق سۋدىڭ ءوزى باعالى بايلىق؛ ءۇشىنشى، تاماشا ەكولوگيالىق ورتا ــ حالىق تۇرمىسى ءۇشىن ەڭ كوپ جالپىعا ءتيىمدى باقىت – بايلىق؛ ءتورتىنشى، تاۋ، سۋ، ورمان، اتىز، كول، جايىلىم ــ تىرشىلىكتىڭ ورتاق تۇلعاسى؛ بەسىنشى، ەكولوگيالىق ورتانى ەڭ قاتاڭ ءتۇزىم، ەڭ قاتاڭ زاڭمەن جونگە سالۋ ارقىلى قورعاۋ؛ التىنشى، دۇنيە جۇزىلىك ەكولوگيالىق وركەنيەت قۇرىلىسىن بىرگە جوسپارلاۋ. لاستانۋدان ساقتانۋ جانە ونى جونگە سالۋدان قامال الۋ شايقاسىن باتىل جۇرگىزۋدە ەكولوگيالىق وركەنيەت جۇيەسىن جەدەل ورناتىپ، جاسىل دامۋدى جاپپاي ىلگەرىلەتىپ، كورنەكتى ەكولوگيالىق ماسەلەلەردى شەشۋدى حالىق تۇرمىسىندا الدىمەن ويلاستىرىلاتىن سالا ەتىپ، ەكولوگيالىق ورتا حاۋىپ – قاتەرىنەن ءونىمدى ساقتانىپ، ەكولوگيالىق وركەنيەت ءتۇزىلىسى رەفورماسىنىڭ ءونىمدى تياناقتاندىرىلۋىن جەدەل ىلگەرىلەتىپ، ورتانى جونگە سالۋ ورەسىن جوعارىلاتۋ كەرەك. ماقالادا مىنالار دارىپتەلدى: لاستانۋدان ساقتانۋ جانە ونى جونگە سالۋدان قامال الۋ شايقاسىن تىڭعىلىقتى جۇرگىزۋدە ۋاقىت تىعىز، مىندەت اۋىر، قيىندىق زور، ول ــ ءبىر مايدان ءىرى، قيان – كەسكى، جاپالى شايقاس، وندا پارتيانىڭ باسشىلىعىن كۇشەيتۋ كەرەك، وڭىرلەر، تاراۋلار، «ءتورت تانىمدى» كۇشەيتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، ەكولوگيالىق وركەنيەت قۇرىلىسىنىڭ ساياسي جاۋاپكەرلىگىن باتىل ارقالاپ، پارتيا ورتالىق كوميتەتىنىڭ شەشىم، ورنالاستىرۋلارىن جاپپاي دايەكتىلەندىرىپ، تياناقتاندىرىپ، جاپپاي دوڭگەلەك داۋلەتتى قوعام قۇرۋ، كورىكتى جۇڭگو قۇرىلىسىنىڭ جاڭا جاعدايىن جاراتۋ ءۇشىن قۇلشىنا كۇرەس جۇرگىزۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
