شي جينپيڭ چۇڭچيڭدە قىزمەت تەكسەرگەندە ءارى «ەكىدەن تارىقتىرماۋ، ءۇشتى قامتاماسىزداندىرۋداعى» كورنەكتى ماسەلەلەردى شەشۋ اڭگىمە ءماجىلىسىن باسقارىپ اشقاندا مىنانى دارىپتەدى
يدەيانى بىرلىككە كەلتىرىپ، تياناقتاندىرۋدى مىقتى يگەرىپ، ۇدىرە العا تارتىپ، قايسارلىقپەن شايقاس جۇرگىزىپ، «ەكىدەن تارىقتىرماۋ، ءۇشتى قامتاماسىزداندىرۋداعى» كورنەكتى ماسەلەلەردى كۇش سالا شەشۋ كەرەك
2019.04.18 16:38 كەلۋ قاينارى : حالىق تورابى
«حالىق گازەتى»، 4 – ايدىڭ 17 - كۇنى، چۇڭچيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4 - ايدىڭ 15 - كۇنىنەن 17 - كۇنىنە دەيىن چۇڭچيڭدە قىزمەت تەكسەرىپ، «ەكىدەن تارىقتىرماۋ، ءۇشتى قامتاماسىزداندىرۋداعى» كورنەكتى ماسەلەلەردى شەشۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنالاردى دارىپتەدى: كەدەيلىكتەن ارىلتۋدان قامال الۋ شايقاسى شەشۋشى جەڭىسكە جەتۋدىڭ شەشۋشى كەزەڭىنە ءوتتى، جەر – جەر، تاراۋلار، ءسوز جوق، ايرىقشا ءمان بەرىپ، يدەيانى بىرلىككە كەلتىرىپ، تياناقتاندىرۋدى مىقتى يگەرىپ، ۇدىرە العا تارتىپ، قايسارلىقپەن شايقاس جۇرگىزىپ، «ەكىدەن تارىقتىرماۋ، ءۇشتى قامتاماسىزداندىرۋداعى» كورنەكتى ماسەلەلەردى كۇش سالا شەشۋى، بيىل جانە كەلەر جىلعى كەدەيلىكتەن ارىلتۋدان قامال الۋ قىزمەتىن تىڭعىلىقتى ىستەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە، جاپپاي دوڭگەلەك داۋلەتتى قوعام قۇرۋعا دەر كەزىندە قول جەتكىزۋگە تىڭ دا اناعۇرلىم زور ۇلەس قوسۋى كەرەك.
4 - ايدا كوكتەم سامالى ەسىپ، تاۋلار جاسىل جەلەك جامىلىپ، وزەندەر سارقىراي اعىپ تىڭ تىرشىلىك تىنىسى بايقالدى. 4 - ايدىڭ 15 - كۇنى شي جينپيڭ ج ك پ ورتالىق كوميتەتى ساياسي بيۋروسىنىڭ مۇشەسى، چۇڭچيڭ قالالىق پارتكومنىڭ شۋجيى چىن مين - ىر مەن قالا باستىعى تاڭ لياڭجىنىڭ سەرىك بولۋىندا شىجۋ تۋجيا اۆتونوميالى اۋدانىنىڭ مەكتەپتەرىنە، اۋىل - قىستاعىنا بارىپ، كەدەيلىكتەن ارىلتۋدان قامال الۋ قىزمەتىنىڭ جاعدايىن ناقتاپ ۇعىستى.
شىجۋ تۋجيا اۆتونوميالى اۋدانى ۋ - ليڭشان شوعىرلى تۇتاسقان اۋىر كەدەي وڭىرگە ورنالاسقان، مەملەكەتتىڭ كەدەيلەردى سۇيەمەلدەۋ، وركەندەتۋ قىزمەتىندەگى ءتۇيىندى اۋدان. 4 - ايدىڭ 15 - كۇنى تۇستە شي جينپيڭ ۇشاقتان تۇسە سالا پويەزگە، ودان اۆتوكولىككە وتىرىپ يرەلەڭدەگەن تاۋ جولىن بويلاپ، تىك بەتكەي، قۇلاما سايلاردان ءوتىپ 3 ساعاتتان استام جول باسىپ، تاۋ قويناۋىنداعى شىجۋ اۋدانى جۇڭ - ي اۋىلى حۋاشي قىستاعىنا باردى.
شي جينپيڭ الدىمەن جۇڭ - ي اۋىلدىق باستاۋىش مەكتەپكە باردى. مەكتەپتىڭ دەنە تاربيە الاڭىندا باستاۋىش مەكتەپ وقۋشىلارى ساباقتان سىرتقى دەنە تاربيە قيمىلىن ورىستەتۋدە ەدى. باس شۋجيدىڭ كەلگەنىن كورگەن وقۋشىلار قاۋمالاي كەلىپ، شي جينپيڭ اتالارىنان اماندىق سۇرادى، باس شۋجي اسا قۋانىشتى بەينەدە كوپشىلىكپەن اڭگىمەلەسىپ، ولاردىڭ ۇيرەنۋ جانە تۇرمىس جاعدايىن سۇرادى. جۇڭ - ي اۋىلى تاۋ قويناۋىندا، بۇقارانىڭ قونىستانۋى ءبىرشاما بىتىراڭقى، بالالاردىڭ وقۋعا ءتۇسۋى قيىن ماسەلە ەدى. شي جينپيڭ بىلاي دەپ اتاپ كورسەتتى: «ەكىدەن تارىقتىرماۋ، ءۇشتى قامتاماسىزداندىرۋدىڭ» ەڭ ماڭىزدى ءبىر تارماعى ــ مىندەتتى وقۋ - اعارتۋدى قامتاماسىزداندىرۋ. قانشالىق جاپا تارتساق تا، بالالارعا جاپا تارتقىزۋعا، قانشا كەدەي بولساق تا، وقۋ - اعارتۋدا كەدەيشىلىك كورۋگە بولمايدى. كەدەي تاۋلى رايوندارداعى بالالاردىڭ وقۋعا ءتۇسىپ، ءبىلىم الۋىنا كەپىلدىك ەتۋ، ولارعا باقىتتى دا كوڭىلدى بالالىق شاق سيلاۋ كەرەك. شي جينپيڭ وقىتۋشى - وقۋشىلار اسحاناسىنا بارىپ، اسحانانى ەگجەي - تەگجەيلى كوزدەن كەشىرىپ، وتباسى قيىنشىلىعى بار وقۋشىلاردىڭ تاماق قوسىمشا قاراجاتى مەن ازىق - تۇلىك حاۋىپسىزدىگىن، دەنساۋلىق، تازالىق جاعدايىن ۇعىستى. شي جينپيڭ مەكتەپ باسشىلارىنا جانە وقىتۋشىلارعا قالاۋلى حالىق وقىتۋشىسى بولۋمەن بىرگە، اتا – انانىڭ دا رولىن اتقارا ءبىلۋدى، وقۋشىلاردى ويداعىداي تاربيەلەۋدى، ويداعىداي باسقارۋدى، حاۋىپسىزدىكتى ماڭداي الدى ورىنعا قويۋدى، وقۋشىلاردىڭ مەكتەپتە وقۋ، جاتاقتا جاتۋ، تاماقتانۋ حاۋىپسىزدىكتەرىنە تولىق كەپىلدىك ەتىپ، اتا - انالاردى الاڭسىز ەتۋدى قاداعالاي تاپسىردى. ول وقىتۋشىلاردىڭ تاۋلى وڭىرلەرگە تامىر تارتىپ، وزدەرىن اۋىل - قىستاق وقۋ - اعارتۋ ىستەرىنە ارناپ، بۇقارانىڭ كەدەيلىكتەن ارىلۋىنا ءبىر كىسىلىك ۇلەس قوسۋىن ءۇمىت ەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
