شي جينپيڭ قازاقستان پرەزيدەنتى توقايەۆپەن كەزدەستى
2019.06.14 13:16 كەلۋ قاينارى : حالىق تورابى
حالىق گازەتى، 6 – ايدىڭ 13 – كۇنى، بىشكەك (ءتىلشى: چۇي پەي، حان بيڭچىن) مەملەكەت ءتوراعاسى شي جينپيڭ 6 – ايدىڭ 13 – كۇنى بىشكەكتە قازاقستان پرەزيدەنتى توقايەۆپەن كەزدەستى.
شي جينپيڭ توقايەۆتىڭ قازاقستاننىڭ پرەزيدەنتى بولىپ سايلانعانىن قۇتتىقتادى، توقايەۆتىڭ جۇڭگو مەن قازاقستان قارىم – قاتىناسىنىڭ دامۋىنا كەلەلى ۇلەس قوسقانىن جوعارى باعالادى. شي جينپيڭ مىنانى باسا دارىپتەدى: جۇڭگو مەن قازاقستاننىڭ قارىم – قاتىناسى ۇزاق ۋاقىتتان بەرى ورنىقتى بولىپ، ۋاقىت وتكەن سايىن بەكەمدەلە تۇسۋدە. ديپلوماتيالىق قارىم – قاتىناس ورناتقان 27 جىلدان بەرى، جۇڭگو مەن قازاقستان قارىم – قاتىناسى ۇزدىكسىز سەكىرمەلى دامۋدى ىسكە اسىردى، بۇل ەكى ەلدىڭ بىرنەشە بۋىن باسشىلارىنىڭ شىن ىقىلاسىمەن قورعاۋىنىڭ جانە شىن نيەتپەن ىلگەرىلەتۋىنىڭ ناتيجەسى، ءبىز مۇنى ەسەلەي قاستەرلەۋىمىز كەرەك. جۇڭگو مەن قازاقستاننىڭ «ءبىر بەلدەۋ، ءبىر جولدى» بىرگە كوركەيتۋ نەگىزى بەكەم، باعدارى ايقىن، قادامى ورنىقتى. ەكى جاق سەلبەستىك باعدارىن مىقتى يگەرىپ، جىبەك جولى ەكونوميكالىق بەلدەۋىن «نۇرلى جول» جاڭا ەكونوميكالىق ساياساتىمەن ۇشتاستىرۋدى تەرەڭدەتىپ، جۇڭگو مەن قازاقستان سەلبەستىگىنىڭ ەكى ەل مەن ءوڭىر حالقىن كەڭ كولەمدە تيىمدىلىككە كەنەلتۋىنە شارت – جاعداي جاراتۋى كەرەك. ساۋدا مەن قارجىلاندىرۋدى قولايلىلاندىرۋدى بەلسەندى ىلگەرىلەتىپ، ءوندىرىس قۋاتى، اۋىل شارۋاشىلىعى، جوعارى تەحنيكا، فينانس، قاتىناس جانە زات اينالىمى، جەرگىلىكتى ورىن قاتارلى جاقتارداعى سەلبەستىكتەردى كۇشەيتىپ، سەلبەستىكتى ارتتىرۋدىڭ تىڭ تۇيىندەرىن ۇزدىكسىز جاراتۋ كەرەك. حالىق تىلەگىن توعىستىرۋ ينجەنەرياسىن قۇلشىنا مولايتىپ، ەكى ەل جاستارىنىڭ ءوزارا تۇسىنىستىگىن تەرەڭدەتۋ كەرەك. ءبىز قازاقستان جاقپەن شاڭحاي سەلبەستىك ۇيىمى جانە ازيا ءوزارا سەلبەستىك جانە سەنىمدىلىك شارالارى اياسىنداعى سەلبەستىكتەردى كۇشەيتىپ، ءوڭىردىڭ حاۋىپسىزدىگى مەن دامۋىنا اناعۇرلىم زور ۇلەس قوسۋدى قالايمىز.
توقايەۆ مىنانى ءبىلدىردى: ءتوراعا شي جينپيڭنىڭ قازاقستان پرەزيدەنتى بولىپ سايلانعانىمدى قۇتتىقتاعانىنا راحىمەت. جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتايمىن. جۇڭگومەن قارىم – قاتىناستى دامىتۋ بولاشاقتا قازاقستاننىڭ ديپلوماتيالىق ساياساتىنىڭ نەگىزگى باسىم باعىتتارىنىڭ ءبىرى بولا بەرەدى، بۇل قازاقستاننىڭ دامۋى، ءوڭىردىڭ ورنىقتىلىعى مەن گۇلدەنۋى جونىنەن توتەنشە ماڭىزدى، قازاقستان مەن جۇڭگو ەكى ەل حالقىنىڭ مۇددەسىنە ۇيلەسەدى. قازاقستان جاق قازاقستان مەن جۇڭگونىڭ جان – جاقتى ستراتەگيالىق سەرىكتەستىك قارىم – قاتىناسىن تەرەڭدەتۋگە كۇش سالادى، جۇڭگو جاقپەن جوعارى دەڭگەيدەگى بارىس – كەلىستى ساقتاپ، ساۋدا، قاتىناس، زات اينالىمى، سيفرلى ەكونوميكا قاتارلى سالالارداعى سەلبەستىكتى كۇشەيتۋدى، كوپ جاقتى سەلبەسۋدى جيىلەتۋدى قالايدى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
