الدىڭعىلاردىڭ ءىزىن باسىپ، بولاشاققا جول اشىپ، كليمات وزگەرىسىنە توتەپ بەرۋدىڭ الەمدىك جاڭا ساپارىن باستايىق
2020.12.14 15:05 كەلۋ قاينارى : شينجياڭ گازەتى
الدىڭعىلاردىڭ ءىزىن باسىپ، بولاشاققا جول اشىپ، كليمات وزگەرىسىنە توتەپ بەرۋدىڭ الەمدىك جاڭا ساپارىن باستايىق
− كليمات جونىندەگى ۇلى مۇرات باسشىلار باس قوسۋىندا سويلەنگەن ءسوز
(2020 - جىلى 12 - ايدىڭ 12 - كۇنى، بەيجيڭ)
جۇڭحۋا حالىق رەسپۋبليكاسىنىڭ ءتوراعاسى شي جينپيڭ
قۇرمەتتى گۋتەرەس باس حاتشى مىرزا:قۇرمەتتى ارىپتەستەر:
بۇگىنگى كليمات جونىندەگى ۇلى مۇرات باسشىلار باس قوسۋىنا قاتىناسقانىما ايرىقشا قۋانىشتىمىن. 5 جىلدىڭ الدىندا ءار ەل باسشىلارى ەڭ ۇلكەن ساياسي بەكىممەن جانە پاراساتپەن كليمات وزگەرىسىنە توتەپ بەرۋدىڭ «پاريج كەلىسىمىن» جاساۋدى ىلگەرىلەتكەن ەدى. 5 جىلدان بەرى «پاريج كەلىسىمى» اتقارىلۋ كەزەڭىنە ءوتىپ، حالىقارالىق قوعامنىڭ جاپپاي قولداۋىنا جانە ات سالىسۋىنا يە بولدى. قازىر حالىقارالىق ارنا جەدەل وزگەرىپ، جاڭا تيپتى ايدارشا ۆيرۋس وكپە قابىنۋ ىندەتى ادام مەن تابيعاتتىڭ قاتىناسى تۋرالى تەرەڭ تولعانىسقا تۇرتكى بولىپ، الەمدىك كليماتتى جونگە سالۋدىڭ بولاشاعى جۇرت نازارىن اناعۇرلىم اۋدارا تۇسۋدە. بۇل جونىندە مەن 3 دارىپتەمەنى ورتاعا قويماقپىن.
ءبىرىنشى، ءبىر نيەتپەن ىنتىماقتاسىپ، كليماتتى جونگە سالۋدىڭ سەلبەسىپ بىرگە يگىلىككە كەنەلەتىن جاڭا جاعدايىن اشۋ. كليمات وزگەرىسىنىڭ سىن - سايىسى الدىندا ادامزات تاعدىرلاس ورتاق تۇلعا بولىپ تابىلادى، سىڭار جاقتىلىقتا شىعار جول جوق. ءبىز تەك كوپ جاقتىلىققا تاباندى بولىپ، ىنتىماقتى دارىپتەپ، سەلبەستىكتى جەبەگەندە عانا ءوزارا پايدا جەتكىزىپ، بىرگە يگىلىككە كەنەلىپ، ءار ەل حالقىن باقىتقا بولەي الامىز. جۇڭگو جاق ءار ەلدىڭ «پاريج كەلىسىمىنە» قولداۋ كورسەتۋىن، كليمات وزگەرىسىنە توتەپ بەرۋگە اناعۇرلىم كەسەك ۇلەس قوسۋىن قارسى الادى.
ەكىنشى، ۇلى مۇراتتى سەرپىلتىپ، كليماتتى جونگە سالۋدىڭ اركىم شاماسىنا قاراي ىستەيتىن جاڭا جۇيەسىن قالىپتاستىرۋ. ءار ەل ورتاق، ءبىراق پارىقتى جاۋاپكەرشىلىك پرينسيبىن ۇستانا وتىرىپ، مەملەكەت جاعدايىنا جانە قابىلەتىنە قاراي ارەكەتتى ەڭ جوعارى دەڭگەيدە كۇشەيتۋگە ءتيىس. سونىمەن بىرگە، دامىعان ەلدەر وركەندەپ كەلە جاتقان ەلدەرگە قارجى، تەحنيكا، قابىلەت قۇرىلىسى قولداۋلارىن شىنايى ارتتىرۋى قاجەت.
ءۇشىنشى، سەنىمدى بەكەمدەپ، كليماتتى جونگە سالۋدىڭ جاسىل جولمەن قالپىنا كەلەتىن جاڭا وي جەلىسىنە تاباندى بولۋ. تۇنىق سۋ، جاسىل تاۋ − باعالى بايلىق. جاسىل، تومەن كومىرتەكتى ءوندىرىس، تۇرمىس ءتاسىلىن زور كۇشپەن دارىپتەپ، جاسىل دامۋدان دامۋدىڭ ورايى مەن قوزعاۋشى كۇشىن قاراستىرۋ كەرەك.
جۇڭگو كليمات وزگەرىسىنە توتەپ بەرۋدىڭ «پاريج كەلىسىمىن» جاساۋعا ماڭىزدى ۇلەس قوستى ءارى «پاريج كەلىسىمىن» تياناقتاندىرۋدىڭ بەلسەندى جۇزەگە اسىرۋشىسى. بيىل 9 - ايدا مەن جۇڭگونىڭ مەملەكەتتىڭ ءوز كۇشىمەن ۇلەس قوسۋ سەرپىنىن ارتتىرىپ، اناعۇرلىم پارمەندى ساياسات جانە شارا قولدانىپ، كومىرتەگى قوس توتىعىن ىعىستىرۋدى 2030 - جىلدان بۇرىن جوعارعى شەككە جەتكىزۋگە كۇش سالىپ، 2060 - جىلدان بۇرىن كومىرتەگىن بەيتاراپتاندىرۋدى جۇزەگە اسىرۋعا قول جەتكىزۋگە قۇلشىناتىندىعىن جاريالادىم.
وسى ارادا مىنانى ىشكەرىلەگەن تۇردە جاريالاماقپىن: 2030 - جىلعا بارعاندا، جۇڭگونىڭ بىرلىك ىشكى ءوندىرىس جالپى ءونىم قۇنىنداعى كومىرتەگى قوس توتىعىنىڭ ىعىستىرىلۋى 2005 - جىلداعىدان ％65تىڭ ۇستىندە ازايادى، قازبا ەمەس ەنەرگيالاردىڭ العاشقى ەنەرگيالىق تۇتىنۋداعى ارا سالماعى ％25 شاماسىنا جەتەدى، ورمان قورى كولەمى 2005 - جىلداعىدان 6 ميلليارد تەكشەمەتر كوبەيەدى، جەل ەلەكتر، كۇن ەلەكتر جالپى اگراگاتتار سيىمدىلىعى ءبىر ميلليارد 200 ميلليون كيلوۆاتتان جوعارىعا جەتەدى.
جۇڭگو ەجەلدەن سەنىمدىلىككە ءمان بەرىپ، ۋادەسىندە تۇرىپ كەلەدى، جاڭا دامۋ ۇستانىمىن جەتەكشى ەتىپ، جوعارى ساپالى دامۋدى ىلگەرىلەتۋ بارىسىندا ەكونوميكالىق، قوعامدىق دامۋدىڭ جالپى بەتتىك جاسىلعا قاراي تيبىن وزگەرتۋىن جەبەپ، وسى ايتىلعان نىسانالاردى تاباندىلىقپەن تياناقتاندىرىپ، دۇنيە ءجۇزىنىڭ كليمات وزگەرىسىنە توتەپ بەرۋى ءۇشىن اناعۇرلىم كەسەك ۇلەس قوسادى.
ارىپتەستەر!
”تابيعات ءۇنسىز بولعانىمەن، ءتورت ماۋسىم اۋىسا بەرمەك، جەر ءۇنسىز بولعانىمەن، بارشا تىرشىلىك ءوسىپ - ونبەك“. جەر شارى ادامزاتتىڭ ورتاق، بىردەن - ءبىر مەكەنى. ءبىز الدىڭعىلاردىڭ ءىزىن باسىپ، بولاشاققا جول اشىپ، تىزە قوسا العا باسىپ، «پاريج كەلىسىمىنىڭ» نىق قاداممەن الىسقا جەتۋىنە دەم بەرىپ، كليمات وزگەرىسىنە توتەپ بەرۋدىڭ الەمدىك جاڭا ساپارىن باستايىق!
كوپشىلىككە راقىمەت.
(شينحۋا اگەنتتىگىنىڭ 12 - ايدىڭ 12 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
