مەملەكەتتىك كەڭەس «قاۋلى» باسىپ تاراتتى
جىلجىمالى مۇلىك پەن ۇقىقتى كەپىلگە قويۋدى ءبىرتۇتاس تىزىمگە الۋ اتقارىلادى
2020.12.30 16:32 كەلۋ قاينارى : حالىق تورابى
شينحۋا اگەنتتىگىنىڭ 12 – ايدىڭ 29 – كۇنى بەيجيڭنەن بەرگەن حابارى. لي كىچياڭ زۇڭليدىڭ قول قويىپ بەكىتۋىمەن، مەملەكەتتىك كەڭەس جۋىردا «جىلجىمالى مۇلىك پەن ۇقىقتى كەپىلگە قويۋدى ءبىرتۇتاس تىزىمگە الۋ جونىندەگى قاۋلىنى باسىپ تاراتتى (تومەندە قىسقارتىلىپ «قاۋلى» دەپ اتالادى).
پارتيا ورتالىق كوميتەتى مەن مەملەكەتتىك كەڭەستىڭ شەشىمدەرى مەن ورنالاستىرۋلارىن دايەكتى تياناقتاندىرۋ ءۇشىن، 2021 – جىلى 1 – ايدىڭ 1 – كۇنىنەن باستاپ، بۇكىل ەلىمىز كولەمىندە جىلجىمالى مۇلىك پەن ۇقىقتى كەپىلگە قويۋدى ءبىرتۇتاس تىزىمگە الۋ اتقارىلادى. جىلجىمالى مۇلىك پەن ۇقىقتى ءبىرتۇتاس كەپىلگە قويۋ جىلجىمالى مۇلىك پەن ۇقىقتى كەپىلگە قويۋ ارقىلى قارجى توپتاۋ ونىمدىلىگىن اناعۇرلىم جوعارىلاتۋعا ءتيىمدى بولىپ، كاسىپورىنداردىڭ قارجى توپتاۋىنا قولايلىلىق جاراتىپ، فينانستىڭ ناقتى تۇلعالىق ەكونوميكاعا ويداعىداي قىزمەت وتەۋىن ىلگەرىلەتىپ، بازارلاندىرىلعان، زاڭمەن باسقارىلاتىن، حالىقارالانعان ساۋدا جاساۋ ورتاسىن جاقسارتادى.
«قاۋلىدا» مىنالار ورتاعا قويىلعان: ءوندىرىس قۇرال – جابدىقتارىن، شيكىزاتتىق ماتەريالداردى، جارتىلاي وڭدەلگەن زاتتاردى، ونىمدەردى كەپىلگە قويۋ، سونداي – اق، جينالاتىن الاشاقتى كەپىلگە قويۋ قاتارلى جەتى ءتۇرلى جىلجىمالى مۇلىك پەن ۇقىقتى كەپىلگە قويۋ ءبىرتۇتاس تىزىمگە الۋ كولەمىنە ەنگىزىلدى، قاتىستى ادامدار جۇڭگو حالىق بانكەسى كرەديت ورتالىعىنىڭ جىلجىمالى مۇلىكپەن قارجى توپتاۋدى ءبىرتۇتاس تىزىمگە الۋ ىستەرىن جاريالاۋ جۇيەسى ارقىلى تىزىمگە الدىرۋىنا بولادى. قاتىستى ادامدار تىزىمگە الدىراتىن مازمۇنداردىڭ شىنايىلىعىنا، كەمەلدىلىگىنە جانە زاڭعا سيىمدىلىعىنا جاۋاپتى بولۋى كەرەك، تىزىمگە الۋشى قۇرىلىم تىزىمگە الدىرعان مازمۇنعا ناقتى تەكسەرۋ جۇرگىزبەيدى.
«قاۋلىدا» مىنالار ايقىندالعان: جۇڭگو حالىق بانكەسى ءوندىرىس قۇرال – جابدىقتارىن، شيكىزاتتىق ماتەريالداردى، جارتىلاي وڭدەلگەن زاتتاردى، ونىمدەردى كەپىلگە قويۋ جانە جينالاتىن الاشاقتى كەپىلگە قويۋ ىستەرىن ءبىرتۇتاس تىزىمگە الۋ ءتۇزىمىن بەلگىلەۋگە جاۋاپتى بولىپ، تىزىمگە الۋ قىزمەتىن قولايلىلاندىرۋعا جاۋاپتى بولادى. جۇڭگو حالىق بانكەسىنىڭ كرەديت ورتالىعى قىزمەت وتەۋ سيپاتىندىق تىزىمگە الۋ قىزمەتىن ناقتى ۇستىنە الادى، ىستەن بۇرىن تەكسەرۋ – بەكىتۋ سيپاتىندىق تىزىمگە الۋدى ورىستەتۋىنە بولمايدى. مەملەكەتتىك بازاردى باقىلاۋ – باسقارۋ باس مەكەمەسى بۇدان بىلاي «جىلجىمالى مۇلىك رەتىندە كەپىلگە قويىلعان زاتتاردى تىزىمگە الۋ» مىندەتى مەن جاۋاپكەرشىلىگىن ارقالامايدى.
«قاۋلىدا» مىنالار تالاپ ەتىلگەن: جۇڭگو حالىق بانكەسى، مەملەكەتتىك بازاردى باقىلاۋ – باسقارۋ باس مەكەمەسى ءوندىرىس قۇرال – جابدىقتارىن، شيكىزاتتىق ماتەريالداردى، جارتىلاي وڭدەلگەن زاتتاردى، ونىمدەردى كەپىلگە قويۋدى تىزىمگە الۋ ىستەرىن وتكەرىپ بەرۋ مەزگىلىندەگى ورنالاستىرۋلاردى ايقىنداۋى، ساقتالعان ينفورماتسيالاردى تەكسەرۋ، وزگەرتۋ، كۇشىنەن قالدىرۋ قىزمەتى جانە دەرەكتەردى جوتكەپ بەرۋ قىزمەتىن ۇيلەسىمدى، ويداعىداي ورىنداۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
