- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
زورلىقتى كۇش لاڭكەستىك قىلمىستارىن قاتاڭ جازالاپ، شينجياڭنىڭ ورنىقتىلىعىن باتىل قورعايىق
سىمايىل تىلەۋالدى
2014.05.27 16:54 كەلۋ قاينارى : ءتاڭىرتاۋ تورابى
بۇكىل رايونىمىزداعى ءار ۇلت حالقى باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، رەفورمانى جاپپاي تەرەڭدەتۋ جونىندە ءبىر نيەت، ءبىر تىلەكپەن جوبا - جوسپار جاساپ جاتقان تۇستا، قۇتىرىنعان زورلىقتى كۇش لاڭكەستەر 22 - مامىر كۇنى تاڭەرتەڭ ءۇرىمجى قالاسى سايباق رايونىنىڭ باقشا سولتۇستىك كوشەسىندەگى تاڭعى بازاردا توسىننان شابۋىل جاساپ، بەيكۇنا جانداردى اۆتوكولىكپەن قۇتىرىنا سوعىپ، باسىپ، جارىلىس تۋدىرىپ، 39 ادامدى ءولتىرىپ، 94 ادامدى جارالاعان قاندى تراگەديا تۋدىردى. ءۇرىمجى پويەز بەكەتىندە 30 - ساۋىردە تۋىلعان زورلىقتى كۇش لاڭكەستىك دەلوسى ايعا تولماي جاتىپ، قۇلاق ەستىپ، كوز كورمەگەن اۋىر زورلىقتى كۇش لاڭكەستىك دەلوسىن تۋدىرىپ، زۇلىمدىعى اسقان قىلمىسىنا تاعى ءبىر قان قارىزىن جامادى. تاڭعى تىنىشتىق بۇزىلىپ، تالاي ادام ومىرمەن قوشتاستى، ونداعان وتباسى ءاپ - ساتتە جان اشىر جاقىنىنان ايرىلىپ، تيانشان بوكتەرىندەگى كورىكتى ءۇرىمجى قالاسى قاسىرەتكە باتتى.
دەلو تۋىلعان سوڭ، باس شۋجي شي جينپيڭ تاباندا ماڭىزدى نۇسقاۋ بەرىپ، دەلونى تەكسەرىپ انىقتاۋ، جارالعانداردى قۇتقارۋ، قازاعا ۇشىراعانداردىڭ سوڭعى جۇمىستارىن ىڭعايلاۋ، ت.ب قىزمەتتەردى كۇش سالا تەز ىستەۋدى تالاپ ەتتى ءارى قوعامدا شارلاۋ مەن مەڭگەرۋدى جانە ءتۇيىندى ورىندارداعى ساقتانۋ مەن مەڭگەرۋدى جاپپاي كۇشەيتىپ، زورلىقتى كۇش لاڭكەستىك ارەكەتتەرىنە جانە لاڭكەستەرگە قاتاڭ سوققى بەرۋدى تالاپ ەتتى. لي كىچياڭ زۇڭلي دە دەرەۋ نۇسقاۋ بەرىپ، حاۋىپسىزدىك بويىنشا قورعانۋدى كۇشەيتىپ، ءالسىز بۋىنداردى تەكسەرىپ اداقتاپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە قوعامنىڭ ءتارتىبى مەن ورنىقتىلىعىن شىن مانىندە قورعاۋدى تالاپ ەتتى. سونىمەن قاتار، مەملەكەتتىك كەڭەستىڭ مۇشەسى، قوعام حاۋىپسىزدىگى مينيسترى گو شىڭكۇن قىزمەت گرۋپپاسىن باستاپ شينجياڭعا كەلىپ، دەلونى تەكسەرىپ انىقتاۋ جانە ءبىر جايلى ەتۋ قىزمەتىنە جەتەكشىلىك ەتتى. اۆتونوميالى رايوندىق پارتكوم مەن ۇكىمەت اۋىر توسىن وقيعالاردى شۇعىل ءبىر جايلى ەتۋ مەحانيزمىن تاباندا ىسكە قوستى، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان جولداس اۆتونوميالى رايوندىق پارتكوم تۇراقتى كوميتەتىنىڭ ءماجىلىسىن دەرەۋ باسقارىپ اشىپ، شۇعىل توتەپ بەرۋ، ءبىر جايلى ەتۋ شارالارىن ورنالاستىردى؛ اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى نۇر باكىر تەلەۆيزوردا ءسوز سويلەدى ءارى شيپاحاناعا بارىپ جارالانعانداردان حال سۇرادى، ەڭ مىقتى مەديتسينالىق كۇشتى ۇيىمداستىرىپ جارالانعانداردى ەمدەۋدى تالاپ ەتتى. وسى توتەپ بەرۋ شارالارى ورتالىقتىڭ زورلىقتى كۇش لاڭكەستەردىڭ لاڭ سالىپ قوعامعا زيان جەتكىزۋىنە جول بەرمەۋ بەكىمىن ايگىلەپ، زورلىقتى كۇش لاڭكەستىك قىلمىستارىنا باتىل، جەدەل سوققى بەرۋ قابىلەتىمىزدى كورسەتىپ، نەگىزگى زاڭ مەن زاڭداردىڭ ابىرويىن جانە قوعامنىڭ ءتارتىبى مەن جاراسىمدىلىعىن، ورنىقتىلىعىن قورعاپ، زورلىقتى كۇش لاڭكەس جاۋ كۇشتەردىڭ قاسكۇنەمدىگىنە سەس كورسەتتى. مەن ورتالىق پەن اۆتونوميالى رايوننىڭ قولدانعان شارالارىن باتىل قولداپ، زورلىقتى كۇش لاڭكەستەردىڭ شەكتەن اسقان قىلمىستارىن بارىنشا جازعىرامىن، قازاعا ۇشىراعان جازىقسىز جاندارعا قايعىلى ازا ءبىلدىرىپ، قازا بولعانداردىڭ وتباسىنداعىلاردان جانە جارالانعانداردان شىنايى حال سۇرايمىن ءارى ولاردىڭ دەنساۋلىعىنىڭ تەزىرەك قالپىنا كەلۋىن شىن جۇرەكتەن تىلەيمىن!
وسى دەلونىڭ ۇيىمدى، الدىن الا سايلانعان، جان - جاقتى جوسپارلانعان، توسىن اتقارىلعان، سيپاتى ەرەكشە ناشار اۋىر زورلىقتى كۇش لاڭكەستىك دەلوسى ەكەنىن فاكتتەر دالەلدەپ وتىر. قىلمىستىق ەلەمەنتتەردىڭ الىنەن اسىپ، جاۋىز تاسىلدەر قولدانىپ، ادامگەرشىلىككە جات ارەكەتتەرگە بارۋى ونىڭ ادامزاتقا، قوعامعا قارسى سۇرقيالىعىن تاعى دا ايپاراداي اشىپ بەردى. زورلىقتى كۇش ەلەمەنتتەرىنىڭ ادامنىڭ زىعىردانىن قايناتاتىن قىلمىستارى ەلىمىزدەگى ءار ۇلت بۇقاراسىن قامتىعان قالىڭ حالىقتىڭ ءتۇبىرلى سۇيىسپەنشىلىگىنە جانە كىسىلىكتىڭ تومەنگى شەگىنە سوقتىعىپ، زيان جەتكىزىپ، مەملەكەتتى زاڭمەن باسقارۋ رۋحى مەن قوعامدىق الەۋمەتتىك ءتارتىپتىڭ قۇندىق ابىرويىنا سۇعاناقتىق جاساپ، سىن - سايىس جاريالادى. ول − ءارقانداي ءبىر زاماناۋي مەملەكەت پەن وركەنيەتتى قوعام استە شىداپ تۇرا المايتىن پاسىق ارەكەت، ونى مەيلىنشە قاتاڭ جازعىرۋىمىز جانە وعان سوققى بەرۋىمىز كەرەك. زورلىقتى كۇش لاڭكەستىك قىلمىستارىن باتىل تۇردە زاڭ بويىنشا قاتاڭ جازالاپ، زورلىقتى كۇش لاڭكەستىك قىلمىستارىنا سوققى بەرۋدىڭ تەگەۋرىندى كۇيىن باستان - اياق ساقتاپ، زورلىقتى كۇش لاڭكەستىكتىك وشاعىن بەلدى بەكەم بۋا الاستاۋ − مەملەكەتتىڭ گۇلدەنىپ دامۋىنىڭ، قوعامنىڭ ءتارتىپتى اينالىمىنىڭ تابيعي تالابى عانا ەمەس، اسىرەسە، ءبىزدىڭ ءار ۇلت حالىق بۇقاراسىنا بەرگەن ايبىندى سەرتىمىز بولماق!
«22 - مامىر» دەلوسىنىڭ جوبالاۋشىلارى قالا ورتالىعىنداعى ادامدار شوعىرى مول الەۋمەتتىك ورىندى تاڭداپ الىپ، جۇرتتى قۇتىرىنا كولىكپەن سوعىپ، جارىلىس جاساپ، قولىندا تەمىردىڭ سىنىعى جوق، قاننەن - قاپەرسىز كۇيدەگى بەيكۇنا جانداردى قىرىپ، كولەمدى قاندى وقيعا ارقىلى جۇرتتىڭ نازارىن اۋدارىپ، ۇلتتار اراسىنا ىرتكى سالىپ، وشتىككە، قاراما - قارسىلىققا جەلىكتىرىپ، سول ارقىلى وتاندى بولشەكتەۋ سىندى سۇرقيا ماقساتتارىنا جەتپەكشى بولدى. توسىننان كەلگەن قاندى قولدار الدىندا ۇرىمجىدەگى ءار ۇلت حالقى ءبىر جاعادان باس، ءبىر جەڭنەن قول شىعارىپ، بىرگە قورعانىپ، ءوزارا كومەكتەسىپ، جارالانعان باۋىرلاستارىن قۇتقارىپ، زورلىقتى كۇش قىلمىستارىنا بىرگە نالەت جاۋدىردى. زورلىقتى كۇش ەلەمەنتتەرىنىڭ ادامگەرشىلىكتەن شىققان سۇرقيا جاۋىزدىعى ءار ۇلت بۇقاراسىنىڭ ءوزارا كومەكتەسۋ، ەتەنە بولۋداي باۋىرلاستىق سۇيىسپەنشىلىگىن تاسقىنداتىپ، جۇرتتىڭ ءبىر نيەت، ءبىر تىلەكتە بولا وتىرىپ قاندى قولداردى الاستاپ، زورلىقتى كۇشتى جويۋ بەكىمى مەن جىگەرىن وياتتى.
رەفورما جاسالىپ، ەسىك اشىلعاننان بەرى، اسىرەسە، ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، ورتالىق شينجياڭنىڭ ورنىقتىلىعىن ساقتاۋ، شينجياڭدى گۇلدەندىرۋ ستراتەگياسىن ورنىقتى تۇردە ىلگەرىلەتتى، اۆتونوميالى رايوندىق پارتكوم، ۇكىمەت ءتۇرلى ورنالاستىرۋلاردى تاباندىلىقپەن دايەكتى اتقارىپ، تيانشاننىڭ وڭتۇستىگى مەن سولتۇستىگىندە جەر مەن كوكتەي تاريحي وزگەرىستەر جارىققا شىقتى، شينجياڭنىڭ ەكونوميكالىق قۋاتى بارعان سايىن كۇشەيىپ، قالا مەن اۋىلدىڭ كەلبەتىندە جاڭا وزگەرىستەر جارىققا شىقتى، ءار ۇلت بۇقاراسىنا كەلەتىن يگىلىكتى ىستەر ءتىپتى كوبەيە ءتۇستى. بارلىق جۇرت ورنىقتىلىقتى، اماندىقتى، دامۋدى ويلاۋ − بۇگىنگى شينجياڭنىڭ جالپى بەتالىسى، حالىق تىلەگى. قازىر ەلىمىز رەفورمانى جاپپاي تەرەڭدەتۋدىڭ قامال الۋ مەزگىلى مەن تەرەڭ قويناۋىنا قادام تاستاپ ۇلگەردى. باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى سوزدەرى دە ءبىزدىڭ قازىرگى جانە الداعى ۋاقىتتاردا شينجياڭنىڭ دامۋ، ورنىقتىلىق قىزمەتىن جاقسى ىستەۋىمىزگە قىبلاناما جانە ارقاۋ بولدى. ءبىز وڭاي - وسپاق قول جەتە بەرمەيتىن جاراسىمدى ورتا مەن دامۋ ورايىن بارىنشا قاستەرلەۋىمىز كەرەك. «اعاش تىنىش تۇرايىن دەسەدە جەل تىنىم بەرمەيدى»، «شىعىس تۇركستان» لاڭكەستىك كۇشتەرى باستاعان قىلمىستىق توپتار ۇلتتىق بولشەكتەۋدى، ءدىني ۇشقارىلىقتى، زورلىقتى كۇش لاڭكەستىكتى ءبىر ارناعا شوعىرلاندىرىپ، سوڭعى جىلداردان بەرى اۋىر زورلىقتى كۇش قىلمىستارىن تۋدىرىپ، ءار ۇلت بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە اۋىر سۇعاناقتىق جاساپ، ەكونوميكالىق دامۋ مەن قوعام ورنىقتىلىعىنا قاتەر توندىرەتىن ۋلى دەرتكە اينالدى. زورلىقتى كۇش لاڭكەستەرگە ازىراق كەڭشىلىك ەتسەك، ءار ۇلت بۇقاراسىنا كوبىرەك زيان جەتەدى؛ زورلىقتى كۇش ەلەمەتتەرىنە كوبىرەك سوققى بەرسەك، ءار ۇلت بۇقاراسىنىڭ اماندىعى كوبىرەك قامتاماسىز ەتىلەدى. «لاڭكەستىككە قارسى كۇرەس − مەملەكەتتىڭ حاۋىپسىزدىگىنە، حالىق بۇقاراسىنىڭ ءتول مۇددەسىنە، رەفورما، دامۋ، ورنىقتىلىق جالپى جاعدايىنا ساياتىن، وتاننىڭ تۇتاستىعىن، قوعامنىڭ تىنىشتىعىن، حالىقتىڭ باقىتىن قورعاۋ كۇرەسى». ءبىز، ءسوز جوق، باس شۋجي شي جينپيڭنىڭ ماڭىزدى ءسوزىن تەرەڭ ءتۇسىنىپ ءارى باستان - اياق ەستە بەرىك ساقتاۋىمىز كەرەك. زورلىقتى كۇشپەن اراداعى كۇرەس ۇلت ماسەلەسى دە، ءدىن ماسەلەسى دە ەمەس، قايتا مەملەكەتتىڭ يەلىك ۇقىعى مەن تۇتاستىعىن قورعاۋ جانە وعان زيان جەتكىزۋ اراسىنداعى، مەملەكەتتىڭ تەرريتوريا تۇتاستىعىن ساقتاۋ مەن بولشەكتەۋ اراسىنداعى كۇرەس، مۇندا تيتتەي دە ىمىرا جۇرمەيدى.
زورلىقتى كۇش ەلەمەنتتەرىنىڭ ارانداتۋشىلىعى الدىندا ءبىز، ءسوز جوق، يدەيا مەن ارەكەتتى ورتالىقتىڭ جانە اۆتونوميالى رايوننىڭ ورنالاستىرۋلارىمەن بىرلىككە كەلتىرىپ، زاڭمەن باسقارۋ تۋىن بيىك كوتەرىپ، تومەنگى شەكتە ويلاۋدى كۇشەيتىپ، اياماي، جويقىن سوققى بەرىپ جاۋدى الدىمەن اۋىزدىقتاپ، زورلىقتى كۇش لاڭكەستىككە قارسى كۇرەسىندەگى ىرىقتىلىقتى شىن مانىندە يگەرۋىمىز كەرەك. ءبىز، ءسوز جوق، وي - سانامىزدى باستان - اياق سەرگەك ۇستاپ، «ءۇش ءتۇرلى كۇشپەن» كۇرەستىڭ ۇزاق ۋاقىتتىلىعىن، جاپالىلىعىن، كۇردەلىلىگىن جەتە تانىپ، جەدەل تاسىلدەر ارقىلى بۇقارانى بۇقارالىق ساقتانۋ مەن بۇقارالىق وڭاۋعا ات سالىسۋعا جۇمىلدىرۋ، ينفورماتسيالىق تەحنيكانىڭ زورلىقتى كۇشكە قارسى تۇرۋ كۇشىن ارتتىرۋ جانە لاڭكەستىككە قارسى تۇرۋداعى حالىقارالىق سەلبەستىكتى كۇشەيتۋ سياقتىلاردى قامتىعان بارلىق شارانى قولدانىپ، زورلىقتى كۇشتەردىڭ قارجىلىق شىنجىرىن جانە ينفورماتسيا تاراتۋ جولدارىن ءۇزىپ، زورلىقتى كۇش لاڭكەستىك پەن ءدىني ۇشقارى يدەيانىڭ ءومىر ءسۇرۋ ورتاسى مەن ءتۇپ توركىنىن الاستاپ، بۇقارانى ۇرەيلەندىرۋگە، بۇقاراعا زالال جەتكىزۋگە تالپىنعان ءارقانداي زورلىقتى كۇش لاڭكەستىك قىلمىستارىن جورگەگىندە الاستاۋ كەرەك. ءبىز، ءسوز جوق، وتانشىلدىق تاربيەسىن، زاڭ - ءتۇزىم كوزقاراسى تاربيەسىن جانە ۇلت، ءدىن ساياساتى تاربيەسىن دايەكتى تۇردە ورىستەتىپ، ۇلتتار ىنتىماعى العاباسارلىعى بويىنشا وزات ورىن قۇرۋ قيمىلىن تىڭعىلىقتى تۇردە ورىستەتىپ، «ىتىماق، ورنىقتىلىق − قۇت، بولشەكتەۋ، دۇربەلەڭ − جۇت» دەگەن يدەيانى جانە «ءۇشتىڭ ءبىر - بىرىنەن ايرىلماۋى» كوزقاراسىن ايقىن تۋ ۇستاي ۇگىتتەپ، ءار ۇلت بۇقاراسىنىڭ زورلىقتى كۇشكە قارسى تۇرۋ، ونى الاستاۋدىڭ بەرىك قورعانىن تۇرعىزىپ، بولات ساۋىت، قۇرىش جۇدىرىعىن جۇمىلدىرۋىنا مۇمكىندىك جاساۋىمىز كەرەك.
شي جينپيڭ جولداس باس شۋجي بولعان پارتيا ورتالىق كوميتەتىنىڭ پارمەندى باسشىلىعى، اۆتونوميالى رايوندىق پارتكومنىڭ، ۇكىمەتتىڭ عىلمي شەشىمى، شينجياڭداعى ءار ۇلت حالقىنىڭ جۇدىرىقتاي جۇمىلعان كۇرەسى تۇرعاندا، لاڭكەستىككە قارسى تۇرىپ، زورلىقتى كۇشتى الاستاۋ كۇرەسىنىڭ جەڭىسىنە، ءسوز جوق، قول جەتكىزىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭدى، ءسوز جوق، قۇرىپ شىعا الاتىندىعىمىزعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ، ءسوز جوق، جۇزەگە اساتىندىعىنا كامىل سەنەمىن. «شينجياڭ گازەتى»
(اۆتور: مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار باستىعى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
