- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءبىر نيەتپەن ىنتىماقتاسىپ، جاۋعا جاي وتىنداي ءتيىپ، «ءۇش ءتۇرلى كۇشپەن» كۇرەستى سوڭىنا دەيىن تاباندىلىقپەن جالعاستىرايىق
− اۆتونوميالى رايوندىق حالىق قۇرىلتايىنىڭ ۋاكىلدەرى زورلىقتى كۇش لاڭكەستىك قىلمىسىن قاتاڭ جازعىردى
2014.05.28 10:50 كەلۋ قاينارى : ءتاڭىرتاۋ تورابى
2014 - جىلى 23 - مامىردا اۆتونوميالى رايوندىق حالىق قۇرىلتايىنىڭ تۇراقتى كوميتەتى ءبىر ءبولىم مەملەكەتتىك حالىق قۇرىلتايى ۋاكىلدەرى، اۆتونوميالى رايوندىق حالىق قۇرىلتايى ۋاكىلدەرى جانە اۆتونوميالى رايوندىق حالىق قۇرىلتايى تۇراقتى كوميتەتىنىڭ قۇرامىنداعىلار قاتىناسقان اڭگىمە ءماجىلىسى اشىپ، «22 - مامىر» اۋىر زورلىقتى كۇش لاڭكەستىك ۋاقيعاسىن قاتاڭ جازعىردى. ولار زورلىقتى كۇش لاڭكەستەرىنىڭ كەرتارتپا قىلمىسىن ءار قىرىنان اشكەرەلەپ، ۋاكىلدىك رولدارىن جەتە ساۋلەلەندىرىپ، پارتيا ورتالىق كوميتەتى مەن اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىن باتىل تياناقتاندىرىپ، ءبىر نيەتپەن ىنتىماقتاسىپ، جاۋعا جاي وتىنداي ءتيىپ، «ءۇش ءتۇرلى كۇشپەن» كۇرەستى سوڭىنا دەيىن تاباندىلىقپەن جالعاستىرىپ، شينجياڭدى زاڭمەن باسقارۋ قۇرىلىسىن جەبەپ، قوعام ورنىقتىلىعى مەن باياندى تىنىشتىقتى قورعاۋعا بەلسەنە ۇلەس قوساتىندىقتارىن ءبىلدىرىستى.
مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شوكرات زاكىر بىلاي دەدى:«22 - مامىر» اۋىر زورلىقتى كۇش لاڭكەستىك ۋاقيعاسىندا اردان، ادامگەرشىلىكتەن بەزگەن زورلىقتى كۇش لاڭكەستەرى بەيكۇنا جۇرتشىلىقتى وبالدى ءولتىرىپ، قولىندا كوك تەمىردىڭ سىنىعى جوق بۇقاراعا ۋلى شەڭگەلىن سالدى. ولاردىڭ ءتاسىلى قانقۇيلى، ارەكەتى پاسىق، ادامگەرشىلىككە جات. مۇنداي زورلىق - زومبىلىق ءار ۇلت حالقىنا جاسالعان تاعى ءبىر رەتكى اۋىر قىلمىس، ولار ءار ۇلت حالقىنىڭ قان قارىزىن ارقالادى. زورلىقتى كۇش لاڭكەستىك ارەكەتىنە كەڭشىلىك ەتۋگە بولمايدى؛ بەيكۇنا جاندارعا زيانكەستىك جاساعانداردى كەشىرۋگە بولمايدى. زورلىقتى كۇش لاڭكەستەرى حالىقپەن اشىقتان - اشىق جاۋلاسىپ، ۇلتقا، كارى - جاسقا ايىرماي، قۇتىرىنا قاستىق سايلادى، سوندىقتان ولار ءار ۇلت حالقىنىڭ ورتاق جاۋى، قاس دۇسپانى ەسەپتەلەدى. ولاردىڭ زورلىق - زومبىلىعىنا استە راقىم جاساۋعا بولمايدى، مۇنداي قىلمىستىڭ تاريحي ماسقارالىققا اينالارى داۋسىز!
زاڭنىڭ بەدەلىن بەتالدى اياق استى ەتۋگە بولمايدى، حالىقتىڭ مۇددەسىنە سۇعاناقتىق جاساۋعا كەلمەيدى. مەيلى قانداي ادام بولسىن، قايسى ۇلت بولسىن، ءبار - ءبارى دە، ءسوز جوق، زاڭ جۇلگەسىندە ارەكەت جاساۋى ءتيىس، قوعامنىڭ ءتارتىبىن بۇلدىرگەن، حالىقتىڭ باس اماندىعى مەن مال - مۇلىك حاۋىپسىزدىگىنە سۇعاناقتىق جاساعان ءارقانداي زاڭعا قايشى قىلمىستىق ارەكەت، ءسوز جوق، زاڭنىڭ قاتاڭ جازاسىنا تارتىلادى. جەرگىلىكتى مەملەكەتتىك ۇقىق ورگانى بولعان اۆتونوميالى رايوندىق حالىق قۇرىلتايى شينجياڭدى زاڭمەن باسقارۋ قۇرىلىسىن جەبەۋ جاعىندا ماڭىزدى جاۋاپكەرشىلىك جانە قاسيەتتى بورىش ارقالاپ وتىر. ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتى تياناقتاندىرىپ، پارتيا ورتالىق كوميتەتى مەن اۆتونوميالى رايوندىق پارتكومنىڭ كەلەلى شەشىمدەرىن، ورنالاستىرۋلارىن ىشكەرىلەي دايەكتى تياناقتاندىرىپ، «زورلىقتى كۇشكە قارسى تۇرۋ، زاڭمەن باسقارۋدى، ءتارتىپتى دارىپتەۋ» تالابىنا ساي، نەگىزگى زاڭ مەن زاڭدار جۇكتەگەن ءتۇرلى قىزمەت جاۋاپكەرشىلىكتەرىن مۇقيات ادا ەتىپ، زاڭ شىعارۋ، باقىلاۋ قىزمەتى مەن زاڭ - ءتۇزىم ۇگىت تاربيەسىن زور كۇشپەن نىعايتىپ، قوعام ورنىقتىلىعى مەن باياندى تىنىشتىقتى زاڭ بويىنشا قامتاماسىزداندىرۋىمىز كەرەك. وتە - موتە، ۇلتتىق بولشەكتەۋشىلىككە قارسى تۇرۋ، ءدىني ۇشقارىلىقتى شاۋجايلاۋ، زورلىقتى كۇش لاڭكەستىك قىلمىسىنا سوققى بەرۋ، ۇلتتار ىنتىماعى مەن دىندەر جاراسىمدىلىعىن جەبەۋ، قوعامدىق باسقارۋدى كۇشەيتۋ، قوعامنىڭ ورنىقتىلىعىن قورعاۋ سياقتى جاقتاردى ارقاۋ ەتە وتىرىپ، جەرگىلىكتى زاڭ شىعارۋ ىستەرىن ونان ارى كۇشەيتىپ، قوعام ورنىقتىلىعى مەن باياندى تىنىشتىقتى قورعاۋدى زاڭ - تۇزىممەن قامتاماسىزداندىرۋىمىز كەرەك. بيىل تۇراقتى كوميتەت ارناۋلى كۇش ۇيىمداستىرىپ، اۆتونوميالى رايوننىڭ ءدىن ىستەرى ەرەجەسىنە وزگەرىس ەنگىزىپ، اۆتونوميالى رايوننىڭ ۇلتتار ىنتىماعى تاربيەسى ەرەجەسىن زاڭعا ەنگىزگەننەن كەيىن باعالاۋ جۇرگىزەدى. سونىمەن بىرگە، اۆتونوميالى رايوننىڭ لاڭكەستىك ارەكەتتەن ساقتانۋ ەرەجەسىن جاساۋ جونىندە تەكسەرۋ - زەرتتەۋ جۇرگىزىپ، دالەل - سىپاتتار الادى.
مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتىنىڭ مەڭگەرۋشى جوراسى دۇڭ شينگۋاڭ بىلاي دەدى:22 - مامىر تاڭەرتەڭ زورلىقتى كۇش لاڭكەستەرى حالىق بۇقاراسىنا قاراتا تاعى ءبىر رەت ادامگەرشىلىكتەن، اردان بەزگەن كەشىرگىسىز قىلمىس وتكىزىپ، وزدەرىنىڭ ادامزاتقا، قوعامعا، وركەنيەتكە قارسى سۇرقيا تەگى مەن جيىركەنىشتى بەت - بەينەسىن تاعى ءبىر رەت ايپاراداي اشىپ، ادامزات وركەنيەتىنىڭ ورتاق توزىمدىلىگىنە اشىقتان - اشىق سوقتىعۋداي جاۋىز سيپاتىن اشىق كورسەتتى.
بۇعان قاتتى كەكتەندىم. زورلىقتى كۇش لاڭكەستەرى، سەندەردىڭ بالا - شاعالارىڭ، اتا - انالارىڭ جوق پا؟ ايتۋعا اۋىز بارمايتىن پاسىق، راقىمسىز تاسىلمەن بەيكۇنا جۇرتشىلىقتى قانعا توعىتتىڭدار، سەندەر بارىپ تۇرعان قانىشەر جاۋىز ەكەنسىڭدەر، اللا تاعالا سەندەرگە استە راقىم جاسامايدى! مەن زورلىقتى كۇش لاڭكەستەرىنىڭ كەشىرگىسىز اۋىر قىلمىسىنا نالەت جاۋدىرىپ، بەيكۇنا ولگەن جۇرتشىلىققا قايعىلى ازا ءبىلدىرىپ، ولگەندەردىڭ وتباسىنداعىلار مەن جارالىلاردان شىنايى حال سۇرايمىن!
ءبىز پارتيا ورتالىق كوميتەتى مەن مەملەكەتتىك كەڭەستىڭ دۇرىس باسشىلىعىندا، اۆتونوميالى رايوندىق پارتكوم مەن حالىق ۇكىمەتىنىڭ، ءسوز جوق، حالىققا باستاماشىلدىق ەتىپ، زورلىقتى كۇش لاڭكەستەرىنىڭ اسقىنعان اپتىعىن باسىپ، ءار ۇلت حالقىنا تىنىش تۇرمىس ورتاسىن ازىرلەپ بەرەتىندىگىنە كامىل سەنەمىز.
مەملەكەتتىك حالىق قۇرىلتايىنىڭ ۋاكىلى، جۇڭگو ينجەنەريا اكادەمياسىنىڭ اكادەميگى، شينجياڭ ۋنيۆەرسيتەتى ينفورماتسيا عىلىمى جانە ينجەنەريا ينستيتۋتىنىڭ پروفەسسورى وشۇر ءسىلام بىلاي دەدى:قازىر شينجياڭنىڭ ەكونوميكاسى مەن قوعامى اقاۋسىز دامىپ كەلەدى، حالىق تۇرمىسى جاقسارا باستادى، ۇلتتار ىنتىماعى بارعان سايىن نىعايۋدا، دەسەدە زورلىقتى كۇش لاڭكەستەرى وسىنداي جاراسىمدى دا تىنىش، گۇلدەنىپ - كوركەيگەن شينجياڭدى، ونداعى ءار ۇلت حالقىنىڭ باي - باقىتتى تۇرمىسىن كورگىسى كەلمەيدى، قىمسەتسە بولدى، لاڭكەستىك قيمىلدارىمەن اينالىسىپ، قوعامنىڭ ورنىقتىلىعىن، ۇلتتاردىڭ ىنتىماقتى جاقسى جاعدايىن بۇلدىرەدى.
ءبىزدىڭ «ءۇش ءتۇرلى كۇشپەن» كۇرەسىمىز ۇزاققا سوزىلادى، اسا كۇردەلى بولادى، قيان - كەسكى جۇرىلەدى. كەي كەزدەرى، اۋەلى، ەرەكشە شيەلەنىسىپ كەتەدى. حالىق قۇرىلتايىنىڭ ۋاكىلى بولعان بىزدەر، ءسوز جوق، تاريحي جاۋاپكەرشىلىكتى ارقالاپ، وزىمىزدەن باستاپ، ۇلتتار ىنتىماعىن قورعاۋدىڭ امالياتتا ايگىلەۋشىلەرى، جەبەۋشىلەرى جانە سەركەسى بولۋىمىز كەرەك.
مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق حالىق قۇرىلتايىنىڭ ۋاكىلى، اۆتونوميالى رايوندىق ايەلدەر بىرلەستىگىنىڭ ءتوراعاسى قاسيەت ءالي بىلاي دەدى:«22 - مامىر» اۋىر زورلىقتى كۇش لاڭكەستىك دەلوسى تۋىلعاننان كەيىن، ايەلدەر بىرلەستىگىمىز توراپ بەكەتى، ميكرو بلوگ، ۋيچات، QQ توبى سياقتى ۇگىت - ءناسيحات شەپتەرىنەن ۇتىمدى پايدالانىپ، توراپتا ۇنامدى جاقتاعى ۇگىت - تاربيەنى كۇشەيتىپ، وڭ ەنەرگيا توپتادى. بۇكىل شينجياڭداعى ءار ۇلت اپەكە - سىڭلىلەرىمىزگە اشىق حات جازىپ، ءار ۇلت ايەلدەرىن انا تۇرعىسىنان زورلىقتى كۇش لاڭكەستەرىنە نالەت جاۋدىرۋعا ۇندەپ، ءار ۇلتتان شىققان انالارعا «انا جاقسى بولسا بالاسى جاقسى بولادى، بالا جاقسى بولسا ۇلت جاقسى بولادى، ۇلت جاقسى بولسا مەملەكەت جاقسى بولادى» دەگەن ۇندەۋ تاستادى.
اۆتونوميالى رايوندىق حالىق قۇرىلتايىنىڭ ۋاكىلى، اۆتونوميالى رايوندىق حالىق قۇرىلتايى تۇراقتى كوميتەتى ۇلت، ءدىن، سىرتقى ىستەر، مۇھاجىرلار قىزمەتى كوميتەتىنىڭ مەڭگەرۋشىسى زاكەن قايسا ۇلى بىلاي دەدى:ءبىز، ءسوز جوق، يدەيالىق تانىمدى ورتالىقتىڭ شينجياڭ قىزمەتى جونىندەگى شەشىمدەرىمەن جانە ورنالاستىرۋلارىمەن، باس شۋجي شي جينپيڭنىڭ ءبىرسىپىرا ماڭىزدى ءسوزىنىڭ رۋحىمەن، اۆتونوميالى رايوندىق پارتكومنىڭ قىزمەت ورنالاستىرۋلارىمەن بىرلىككە كەلتىرۋىمىز كەرەك. زاڭنىڭ بەدەلىن، وتاننىڭ بىرلىگىن، مەملەكەتتىڭ حاۋىپسىزدىگىن قورعاۋ، ۇلتتاردىڭ ۇلى ىنتىماعى تۋىن بيىك ۇستاپ، جۇدىرىقتاي جۇمىلىپ، لاڭكەستىككە قارسى تۇرىپ، ورنىقتىلىقتى قورعاۋدىڭ حالىقتىق شايقاسىن جەڭىستى جۇرگىزۋىمىز كەرەك.
اۆتونوميالى رايوندىق حالىق قۇرىلتايىنىڭ ۋاكىلى، اۆتونوميالى رايوندىق وداق كوميتەتىنىڭ شۋجيى اينۇر ماقسات بىلاي دەدى:زورلىقتى كۇش لاڭكەستەرىنىڭ ادامگەرشىلىكتەن جۇرداي سۇرقيا قىلمىسى قاراپايىم، ىزگى نيەتتى، ءانشى، ءبيشى، قوناعۋار ۇيعۇر ۇلتىنىڭ بەتىنە شىركەۋ كەلتىردى. ءبىز قاتاڭ پوزيتسيامەن ولاردىڭ قوعامعا، ادامزاتقا قارسى كەيىپ - كەسپىرىن ايپاراداي اشىپ تاستاۋىمىز كەرەك، مەن ۇيعۇرلاردى كەۋدە كەرە العا شىعىپ، ىرىقتىلىقپەن پوزيتسيا بىلدىرۋگە، زورلىقتى كۇش لاڭكەستەرىمەن باتىل كۇرەس جۇرگىزۋگە ۇندەيمىن.
جاستار قارتايعان اتا - اناسىن باعىپ - قاعۋعا، ۇلكەندەردىڭ ءومىرىنىڭ سوڭىن الاڭسىز وتكىزۋىنە مۇمكىندىك جاساۋعا، بالاسىنا جارقىن، شات - شادىمان ەسەيىپ - ەرجەتەتىن ورتا ازىرلەۋگە مىندەتتى. اۆتونوميالى رايوندىق وداق كوميتەتى بار كۇشپەن ىسكە كىرىسىپ، جاستاردى كورىكتى شينجياڭدى ويداعىداي قورعاۋعا جانە قۇرىلىس ىستەرىن ويداعىداي جۇرگىزۋگە جەبەيدى، سونداي - اق ولارعا جەتەكشىلىك ەتەدى.
اۆتونوميالى رايوندىق حالىق قۇرىلتايىنىڭ ۋاكىلى، شينجياڭ ياڭديڭ مادەنيەت عىلىم - تەحنيكا شەكتى سەرىكتەستىگىنىڭ باس ديرەكتورى ايگۇل ياقۇپ بىلاي دەدى:شينجياڭداعى ءار ۇلت حالقى ءبىر ءۇيلى جاندارداي ءوزارا كومەكتەسىپ، ءوزارا سيىسىمدى بولىپ، ءبىر - بىرىنە ارقا سۇيەپ، ءوزارا كومەكتەسكەندە عانا العا باسا الادى. حالىق قۇرىلتايى ۋاكىلى سالاۋاتىممەن ماڭايىمداعى بۇقارانى كورىكتى شينجياڭدى بىرگە قۇرۋ جولىندا تالماي قۇلشىنۋعا باستايمىن.
اۆتونوميالى رايوندىق حالىق قۇرىلتايىنىڭ ۋاكىلى، سانجى حۇيزۋ اۆتونوميالى وبلىستىق حالىق قۇرىلتايى تۇراقتى كوميتەتىنىڭ مەڭگەرۋشىسى ما دىڭفىڭ بىلاي دەدى:«22 - مامىر» اۋىر زورلىقتى كۇش لاڭكەستىك ۋاقيعاسى «ءۇش ءتۇرلى كۇشتىڭ» سۇرقيا ماقساتىنىڭ شينجياڭدا ۇرەي تۋدىرۋ، شينجياڭعا تىنىشتىق بەرمەۋ ەكەنىن؛ ۇلتتار اراسىندا وشپەندىلىك تۋدىرىپ، ۇلتتاردى ءبىر - بىرىمەن ەگەستىرىپ، ارازداستىرىپ، بەرەكەسىزدىك تۋدىرۋ ەكەنىن؛ شينجياڭدى ۇلى وتانىمىزدان بولشەكتەپ اكەتۋگە قارمانۋ ەكەنىن قايتالاي اڭعارتتى. ولار ۇلتقا ۋاكىلدىك ەتە المايدى، ولار ۇلتتىڭ ازعىنى؛ ولار مۇسىلماندارعا دا ۋاكىلدىك ەتە المايدى، ولاردىڭ زورلىقتى ارەكەتتەرى ءىسلام شاريعاتتارىنا قايشى. «ءۇش ءتۇرلى كۇش» − ءار ۇلت حالقىنىڭ ورتاق جاۋى.
اۆتونوميالى رايوندىق حالىق قۇرىلتايىنىڭ ۋاكىلى، اۆتونوميالى رايوندىق حالىق قۇرىلتايى تۇراقتى كوميتەتى ورگانى ءتارتىپ تەكسەرۋ گرۋپپاسىنىڭ باستىعى گۇلگينا نياز بىلاي دەيدى:مەن اۆتونوميالى رايوندىق حالىق قۇرىلتايىنىڭ ۋاكىلىمىن، پارتيا تالاي جىلدان بەرىپ باۋلىپ جەتىلدىرگەن از ۇلت كادرىمىن، مەملەكەتتىڭ حاۋىپسىزدىگى مەن شينجياڭنىڭ ورنىقتىلىعىنا بارىپ ساياساتىن ۇلكەن دۇرىس پەن ۇلكەن بۇرىس ماسەلەسىندە يدەيام مەن ارەكەتىمدى پارتيا ورتالىق كوميتەتى مەن اۆتونوميالى رايوندىق پارتكومنىڭ شەشىمدەرىمەن، ورنالاستىرۋىمەن بىرلىككە كەلتىرىپ، بۇل شايقاسقا ءىس جۇزىندىك ارەكەتىم ارقىلى بەل شەشە كىرىسىپ، ۇلتتاردىڭ ىنتىماعىن، قوعامنىڭ ورنىقتىلىعىن ءوزىمنىڭ شىنايى ءىس - ارەكەتىم مەن ءسوز - سويلەمىم ارقىلى جان سالا قورعايمىن. مەن ءار دارەجەلى حالىق قۇرىلتايى ۋاكىلدەرىن شىنايى ىسكە كىرىسىپ، حالىق قۇرىلتايى ۋاكىلىنىڭ توتەنشە رولىن ءىس جۇزىندىك ارەكەتتەرى ارقىلى ويداعىداي ساۋلەلەندىرۋگە ۇندەيمىن، ءبىز شينجياڭنىڭ باياندى تىنىشتىعىنا وڭ ەنەرگيامىزبەن ءتيىستى ۇلەسىمىزدى قوسۋىمىز كەرەك. مەن زورلىقتى كۇش لاڭكەستىك ارەكەتتەرىنىڭ شينجياڭنىڭ جاپپاي اشۋ، كەڭ كولەمدى قۇرىلىس جۇرگىزۋ، قاۋىرت دامۋ اياق الىسىنا تۇساۋ بولا المايتىندىعىنا، ءار ۇلت حالقىنىڭ دامۋعا تالپىنۋ، باي - باقىتتى تۇرمىسقا ۇمتىلۋ، ورنىقتىلىقتى كوكسەۋ، جاراسىمدىلىقتى اڭساۋ سىندى نەگىزگى اۋەنىن مىزعىتا المايتىندىعىنا كامىل سەنەمىن. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
