- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بىرلىكتىڭ كۇشى قايعىنى قايراتقا جەڭدىردى
2014.05.28 10:53 كەلۋ قاينارى : ءتاڭىرتاۋ تورابى
25 - مامىر. 22 - مامىرداعى زورلىقتى كۇش لاڭكەستىك دەلوسىنىڭ تۋىلعانىنا ءتورتىنشى كۇن. قاتىستى جاقتاردان كەلىپ تۇسكەن حابارعا قاراعاندا، جارالانعانداردىڭ تورتەۋى شيپاحانادان شىعىپ، اۋىر جارالانعانداردىڭ دەنى حاۋىپتەن قۇتىلىپتى. بۇل دەلونىڭ 36 ساعاتتا تەكسەرىپ انىقتالعانىنان كەيىنگى كوڭىلىمىزگە مەدەت بەرگەن تاعى ءبىر حابار بولدى.
«22 - مامىر» زورلىقتى كۇش لاڭكەستىك دەلوسى تۋىلعاننان كەيىن، وقيعا ورنىن ءبىر جايلى ەتۋ، جارالانعانداردى قۇتقارۋ، دەلونى تەكسەرىپ انىقتاۋ، قوعامنىڭ ورنىقتىلىعىن ساقتاۋ، قازا بولعانداردىڭ سوڭعى جۇمىستارىن ويداعىداي ورنالاستىرۋ قىزمەتتەرى بىردەي باستالدى، ورتالىق كوميتەتتىڭ پارمەندى باسشىلىعىندا، اۆتونوميالى رايون، ءۇرىمجى قالاسى، الەۋمەتتىك اۋماقتار سەلبەسە ارەكەتكە كەلىپ، ارميا، ساقشى، حالىق، ۇكىمەت تاراۋلارى جابال اتتانىسقا كەلدى، ءار ۇلت قالا تۇرعىندارى مەن جۇرتشىلىعى شىن پەيىلىمەن كومەكتەستى... ءتۇرلى كۇشتەر تىعىز ىنتىماقتاسىپ، ءبىر جايلى ەتۋ، قۇتقارۋ، ەمدەۋ، سوڭعى جۇمىستاردى ىڭعايلاۋ قىزمەتتەرى ءونىمدى دە ءتارتىپتى ورىستەتىلىپ، جارالى جۇرەكتەرگە جۇباتۋ بەردى.
پارمەندى باسشىلىق، جەدەل ارەكەت
پارتيا ورتالىق كوميتەتى شينجياڭنىڭ جاعدايىنا اركەز كوڭىل ءبولىپ وتىردى. دەلو تۋىلعاننان كەيىن، باس شۋجي شي جينپيڭ، زۇڭلي لي كىچياڭ، ءتوراعا يۇي جىڭشىڭ قاتارلى پارتيا مەن مەملەكەت باسشىلارى جارالانعانداردى قۇتقارۋ جانە ەمدەۋ، قازا بولعانداردىڭ جانە ولاردىڭ وتباسىنداعىلاردىڭ كوڭىلىن جۇباتۋ، دەلونى تەكسەرىپ انىقتاۋ، زورلىقتى كۇش لاڭكەستەرىن قاتاڭ جازالاۋ، قوعامنىڭ ورنىقتىلىعىن مەڭگەرۋ سياقتى قىزمەتتەر جونىندە نەشە دۇركىن بەكىتۋ جازدى ءارى مەملەكەتتىك كەڭەستىڭ مۇشەسى، مەملەكەتتىك لاڭكەستىككە قارسى تۇرۋعا جەتەكشىلىك ەتۋ گرۋپپاسىنىڭ باستىعى، قوعام حاۋىپسىزدىگى مينيسترى گو شىڭكۇندى ورتالىق كوميتەتتىڭ قىزمەت گرۋپپاسىن باستاپ، ۇرىمجىگە كەلىپ، دەلونى تەكسەرۋ، ءبىر جايلى ەتۋ قىزمەتىنە جەتەكشىلىك ەتۋگە، جارالانعانداردان حال سۇراۋعا جىبەردى.
اۆتونوميالى رايونىمىز تۇتقيىل وقيعالارعا شۇعىل توتەپ بەرۋ جوباسىن دەرەۋ ىسكە قوستى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان قىزمەتتەردى ۇستىندە ورنالاستىرىپ، نەشە مارتە ءماجىلىس اشىپ، دەلو جاعدايىنا تالداۋ جاساپ، قىزمەتتەردى ورنالاستىردى، وقيعا ورنىن ءبىر جايلى ەتۋ، جارالانعانداردى قۇتقارۋ جانە ەمدەۋ، دەلونى تەكسەرىپ ءبىر جايلى ەتۋ، سوڭعى جۇمىستاردى ويداعىداي ىستەۋ، قوعامنىڭ ورنىقتىلىعىن مەڭگەرۋ سياقتىلار جونىندە دەر كەزىندە ءبىر قىدىرۋ ورنالاستىرۋ جاسادى.
جاڭ چۇنشيان مىنانى تالاپ ەتتى: دەلودا قازا بولعانداردىڭ، جارالانعانداردىڭ دەنى قارتتار، ولار شينجياڭدى كوركەيتۋگە ەڭبەك ەتىپ، ۇلەس قوسقاندار، ولاردىڭ باقىتسىزدىققا ۇشىراۋى ادامدى اشىندىرادى. جارالانعانداردىڭ جانە ولاردىڭ وتباسىنداعىلاردىڭ كوڭىل كۇيىن تولىق ءتۇسىنۋىمىز، ولارعا جۇباتۋ ايتۋ جانە قىزمەت وتەۋ جۇمىستارىن ەگجەي - تەگجەيلى، مۇقيات ىستەۋىمىز كەرەك.
ءۇرىمجى قالاسى باتىلدىقپەن ءبىر جايلى ەتىپ، كوپ بولىپ سايكەسىپ، بەل شەشە كىرىستى. ورتالىق كوميتەتتىڭ دەلونى تەكسەرىپ انىقتاۋ جانە ءبىر جايلى ەتۋ قىزمەتىنە جەتەكشىلىك ەتۋ ءۇشىن ۇرىمجىگە ارنايى جىبەرگەن قىزمەت گرۋپپاسى: ۇرىمجىدەگى «22 - مامىر» زورلىقتى كۇش لاڭكەستىك دەلوسىندا وقيعا ورنىن ءبىر جايلى ەتۋ، دەلونى تەكسەرىپ انىقتاۋ جۇمىستارى تەز ىستەلىپ، سوڭعى جۇمىستار دا ويداعىداي ىڭعايلاندى، جاماعات پىكىرىنە دۇرىس جەتەكشىلىك ەتىلىپ، قوعامنىڭ ورنىقتىلىعى ويداعىداي مەڭگەرىلدى، - دەگەن باعا بەردى.
دەلو 36 ساعاتتا تەكسەرىپ انىقتالدى
اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى جۋ حايلۇن وقيعا ورنىن ءبىر جايلى ەتۋ جاعدايى جونىندە: العاشقى توپتاعى شۇعىل جاعدايعا توتەپ بەرۋشى كۇشتەر دەلو تۋىلعان ورىنعا ءبىر مينۋتتا - اق جەتىپ ۇلگىردى، كومەكشى كۇشتەر 5 مينۋتتا كەلدى، جارالانعانداردىڭ بارلىعى 12 مينۋتتا شيپاحاناعا جەتكىزىلدى، وقيعا ورنى ءبىر ساعاتتا تازالانىپ بولىپ، اينالانىڭ ءتارتىبى قالىپقا ءتۇستى، - دەپ تانىستىردى.
وقيعا ورنىن ءبىر جايلى ەتۋ كەزىندە، 5000 نەشە بۇقارا مەن 400 نەشە ساۋداگەر تارتىپپەن شەگىنىپ، باستىرىلۋ جايتى تۋىلمادى، جارالانعاندار شيپاحاناعا جەدەل جەتكىزىلدى، جارىلىستان ساقتانۋ، ءورت ءوشىرۋ جۇمىستارى 40 مينۋتتا اياقتادى، قوعام حاۋىپسىزدىگى ورگانى، قارۋلى ساقشى، ءورت ءوشىرۋ، شۇعىل قۇتقارۋ سياقتى ورىندار تولىق سايكەسىپ، وقيعا ورنىن ەڭ تەز جىلدامدىقپەن ءبىر جايلى ەتىپ، زياندى مۇمكىندىكتىڭ بارىنشا ازايتتى.
سول كۇنى كەشتە لاڭكەستىك توپتىڭ قاشىپ كەتكەن مۇشەسى تۇتقىندالدى، سونداي - اق وسى دەلوداعى زورلىقتى كۇش لاڭكەستىك توبىنىڭ 5 مۇشەسى بار ەكەنى، تورتەۋىنىڭ جارىلىستا ولگەنى انىقتالدى. قوعام حاۋىپسىزدىگى مينيسترلىگىنىڭ، اۆتونوميالى رايوندىق قوعام حاۋىپسىزدىگى مەڭگەرمەسىنىڭ، ءۇرىمجى قالالىق قوعام حاۋىپسىزدىگى مەكەمەسىنىڭ قىلمىستىق ىستەر بويىنشا مامان تەحنيكتەرى مەن قىزمەتكەرلەرىنىڭ ءۇرتىس شايقاسۋىمەن دەلو 36 ساعاتتا اشكەرەلەنىپ، ءار ۇلت بۇقاراسىنىڭ كوڭىلى ورنىقتى.
شۇعىل قۇتقارىلعان 4 جارالى شيپاحانادان شىقتى
پارمەندى كۇشتەردى جۇمىلدىرىپ، ەڭ جاقسى شارت - جاعداي ازىرلەپ، بارلىق بوداۋ بەرە وتىرىپ قۇتقارۋ قىزمەتىن جاقسى ىستەدى!
دەلو تۋىلعاننان كەيىن، اۆتونوميالى رايوندىق قوعام حاۋىپسىزدىگى مەڭگەرمەسى مەن ءۇرىمجى قالاسىنداعى دەنساۋلىق ساقتاۋ تاراۋلارى دەرەۋ اتتانىسقا كەلىپ، قۇتقارۋ قىزمەتىنە ات سالىستى، شۇعىل قۇتقارۋدىڭ جاسىل ارناسىن اشىپ، ەڭ كۇشتى ەمدەۋ كۇشىن ۇيىمداستىرىپ، قان جانە قاجەتتى ءدارى - دارمەكپەن قامتاماسىزداندىرىپ، ەڭ قىسقا ۋاقىت ىشىندە جارالانعانداردى قۇتقارىپ قالدى.
جارالىلاردى قابىلداعان شيپاحانالار تىزگىن ۇشىندا شۇعىل جاعدايعا توتەپ بەرۋ جوباسىن ىسكە قوسىپ، ءار ءبولىمنىڭ مەڭگەرۋشىلەرى مەن تىرەكتىلەرى دەرەۋ اتتانىسقا كەلىپ، شيپاحانانىڭ نەگىزگى باسشىلارى ناقتى جەتەكشىلىك ەتۋگە جاۋاپتى بولىپ، جارالانعانداردى دەن قويا ەمدەدى.
مەملەكەتتىك دەنساۋلىق ساقتاۋ جانە جوسپارلى تۋىت كوميتەتى جىبەرگەن 14 مامان دەلو تۋىلعان كۇنى ۇرىمجىگە جەتىپ ۇلگىرىپ، جارالىلاردى شۇعىل قۇتقارۋ قىزمەتىنە ات سالىستى. قازىر جارالانعانداردان 4 ادام شيپاحانادان شىقتى، اۋىر جارالانعانداردىڭ دەنى حاۋىپتەن قۇتىلدى.
دەن قويا قارايلاسىپ، جۇباتتى
دەلودا قازا بولعاندار مەن جارالانعانداردىڭ باسىم كوبى قارتتار، ەڭ ۇلكەنى 80 نەشەدە، ولاردىڭ كوپ بولىگىنىڭ شينجياڭدا قىزمەت ىستەپ، تۇرمىس كەشىرگەنىنە 50 نەشە جىل بولعان، ولار تالاي قيىنشىلىقتاردى باستان كەشىرىپ، شينجياڭنىڭ دامۋىنا تيەسىلى ۇلەس قوسقان ەدى، ال بۇگىن زورلىقتى كۇش لاڭكەستەرىنىڭ اياۋسىز شابۋىلىنا ۇشىرادى. ولاردىڭ قازاسى جاقىن - جان اشىرلارىن شەكسىز قايعىعا باتىرىپ، ورنى تولماس وكىنىشتە قالدىردى.
شىنايى ءتۇسىنۋ، دەن قويا قاراۋ، جۇيەلى قىزمەت وتەۋ − سوڭعى جۇمىستاردى ءبىر جايلى ەتۋدىڭ ولشەمى. ءۇرىمجى قالاسى سوڭعى جۇمىستاردى ءبىر جايلى ەتۋگە باسشىلىق ەتۋ گرۋپپاسىن دەر كەزىندە قۇرىپ، وعان 4 باسشىلىق القانىڭ باسشىلارى جەتەكشىلىك ەتتى، شيپاحانا قىزمەت گرۋپپاسى، سوڭعى جۇمىستاردى ءبىرجايلى ەتۋ قىزمەت گرۋپپاسى سياقتى گرۋپپالار قۇرىپ، قالا، رايون دارەجەلى ورگانداردان 600 قىزمەتكەر شىعارىپ، «بىرگە 3» «بىرگە بەس» تاسىلىنەن پايدالانىپ، 24 ساعات تىكەلەرىنەن تىك قۇرىپ قارايلاستى.
ءۇرىمجىنىڭ سوڭعى جۇمىستاردى ويداعىداي ءبىر جايلى ەتۋ جونىندەگى تالابى: ءاربىر جارالى مەن جارالىلاردىڭ، قازا بولعانداردىڭ تۋىس - تۋعاندارىنا قىزمەت وتەۋ، قامتاماسىزداندىرۋ مەن جۇباتۋ، ءجون كورسەتۋ قىزمەتىن تىڭعىلىقتى جاقسى ىستەۋ؛ يدەيالىق جاقتان ءجون كورسەتۋ جانە پسيحيكالىق جاقتان كەڭەس بەرۋ قىزمەتىن ىستەۋ، ءاربىر وتباسىنا بىردەن قىزمەت گرۋپپاسىن ورنالاستىرىپ، قازا بولعانداردىڭ وتباسىنداعىلارعا ويداعىداي قىزمەت كورسەتۋ، جارالىلار مەن ولاردىڭ تۋىس - تۋعاندارىنىڭ، قازا بولعانداردىڭ وتباسىنداعىلار اڭىس ەتكەن ماسەلە مەن تالاپ جونىندە سايكەستى قىزمەتتى بايسالدىلىقپەن، ەگجەي - تەگجەيلى جاقسى ىستەپ، كوڭىلىن اۋلاۋ، كوڭىل كۇيىن ورنىقتىرۋ.
سۇيىسپەنشىلىكتىڭ كۇشىن شوعىرلاندىردى
زورلىقتى كۇش لاڭكەستىك دەلوسى تۋىلعاننان كەيىن، سول جەردەگى جانە سول ماڭايداعى ءار ۇلت جۇرتشىلىعى، ساۋداگەرلەر، كوشەدەگى جۇرگىنشىلەر ءوزارا قارايلاسىپ، ءبىر - بىرىنە ايانباي كومەك كورسەتتى، كىسىنى اسەرلەندىرەرلىك ەسىمدەر مەن حيكايالار ەل اراسىنا كەڭ تارالىپ كەتتى: ارتقى تەرەزەسىن اشىپ بۇقارانىڭ جەدەل شەگىنۋىنە مۇمكىندىك جاساعان ايەل قوجايىن چىن زۇڭيان، ءوز باسىنا تونگەن حاۋىپ - قاتەرگە قاراماي كارى اجەيدى قۇتقارعان ۋاڭ شيگاڭ، اۆتوموبيلىمەن جارالىلاردى تاسىعان عايرات عۇپۇر، جۇمىلا ىسكە كىرىسىپ، جارالىلاردى شيپاحاناعا جەتكىزگەن اۆتونوميالى رايوندىق تاس جول تاسىمالىن باسقارۋ مەكەمەسىنىڭ شوفەرلەرى...
جارالانىپ اۋرۋحانادا توسەك تارتىپ جاتقان سارىگۇل سايت نەشە كۇننەن بەرى ءوزىن شيپاحاناعا جەتكىزگەن كىرە كولىگىنىڭ شوفەرىن ىزدەۋدە. ول: مەنى ءبىر حانزۋ ازامات قۇتقارىپ قالدى. شوشىعانىمنان اۋزىما ءسوز تۇسپەي تۇرعان قىسىلتاياڭ ساتتە قىزىما تەلەفون جالعاپ، مەنى شيپاحاناعا جەتكىزىپ قويدى...، - دەدى.
باقشا سولتۇستىك كوشەسىنە وزدىكتەرىنەن كەلىپ ولگەندەرگە ازا ءبىلدىرۋ ىسىنە قاتىناسقان قالا تۇرعىندارى ۇستامدىلىقپەن، مادەنيەتتىلىكپەن، ءتارتىپتى تۇردە ءۇنسىز قۇرمەت ءبىلدىرىپ، جانارلارىن جاسقا شىلادى؛ تيانشان سايتى ازا بىلدىرۋگە ارناۋلى بەت اشىپ، ادامداردىڭ ازالى كوڭىل كۇيىن ينتەرنەت ارقىلى بەينەلەپ، زورلىقتى كۇش لاڭكەستەرىمەن سوڭىنا دەيىن باتىل كۇرەس جۇرگىزۋگە بەل بۋعان بەرىك بەكىمدى ايگىلەدى.
4 كۇننەن بەرى قالا تۇرعىندارى ۇرىمجىدەگى ءارقايسى قان الۋ ورىندارىنا اعىلىپ، بەلسەندى تۇردە قان بەردى. قىسقا عانا بىرنەشە كۇندە ءۇرىمجى قالالىق قان ورتالىعى 60 مىڭ ميلليلترگە جۋىق اقىسىز قان جينادى. ءار ۇلت جۇرتشىلىعىنىڭ شىنايى مەيىرى مەن ىستىق ىقىلاسىن جيعان قىپ - قىزىل قان تالاي جاننىڭ ومىرىنە اراشاشى بولۋمەن بىرگە، قالتقىسىز سۇيىسپەنشىلىك پەن مىزعىماس بەرەكەنى تولعادى.
قالانى جاڭبىر شايىپ، تالاي جان كوز جاسىن سەلدەتىپ، اۋىر قايعىعا باتسا دا ءۇرىمجىنىڭ بۋىنى بوساعان جوق، بۇرىنعىداي قاجىماس قايسارلىعىنان جازبادى. دەلونىڭ تەكسەرىلىپ انىقتالۋىنا، زورلىقتى كۇش لاڭكەستىك ارەكەتىنە قاتاڭ، سىلەيتە سوققى بەرۋ ارناۋلى قيمىلىنىڭ ورىستەتىلۋىنە، كوپتەگەن قىزمەت شارالارىنىڭ ىشكەرىلەي اتقارىلۋىنا، قارۋلى ساقشى، قوعام حاۋىپسىزدىگى ساقشىلارى سياقتى ورنىقتىلىقتى قورعايتىن ارناۋلى كۇشتەر مەن الۋان ءتۇرلى بۇقارالىق ساقتانۋ، قورعانۋ كۇشتەرىنىڭ ونان ارى شوعىرلانۋىنا وراي ءۇرىمجىنىڭ قوعامدىق جاعدايىن مەڭگەرۋ قىزمەتى نىعايتىلىپ، ادامدار شوعىرلى ورىنداردىڭ حاۋىپسىزدىگى مەن ءتۇيىندى ورىندارداعى، ءتۇيىندى سالالارداعى، ءتۇيىندى جەرلەردەگى حاۋىپسىزدىكتى قورعاۋ قىزمەتى دە سايكەستى تۇردە كۇشەيتىلۋدە. اناعۇرلىم ىنتىماقتى مىزعىماس كۇش بۇكىل قالادا ۇلكەن تولقىن قالىپتاستىرۋدا! «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
