- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، الاڭسىز تىرشىلىك ەتەتىن سوتسياليستىك شينجياڭ قۇرۋ جولىندا قۇلشىنايىق
− شي جينپيڭ جولداستىڭ شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنۋ، دايەكتىلەندىرۋ جونىندە
2014.05.28 10:37 كەلۋ قاينارى : ءتاڭىرتاۋ تورابى
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان
پارتيانىڭ 18 - قۇرىلتايىنان بەرى، شي جينپيڭ جولداس شينجياڭ قىزمەتى جونىندە تالاي رەت ماڭىزدى نۇسقاۋ بەرىپ، بەكىتۋ جازىپ، كەلەلى ستراتەگيالىق ورنالاستىرۋلار جاسادى. شينجياڭنىڭ رەفورما، دامۋ، ورنىقتىلىق ىستەرىنىڭ شەشۋشى مەزگىلىندە، شي جينپيڭ جولداس شينجياڭعا كەلىپ قىزمەت تەكسەرىپ، جەتەكشىلىك ەتىپ، پارتيا ورتالىق كوميتەتىنىڭ شينجياڭ قىزمەتىنە ەرەكشە ءمان بەرەتىنىن جانە شينجياڭداعى ءار ۇلت حالقىنا شىنايى كوڭىل بولەتىنىن ايگىلەدى. شي جينپيڭ جولداس شينجياڭدا قىزمەت تەكسەرگەندە سويلەگەن ماڭىزدى سوزىندە شينجياڭ قىزمەتىندەگى ءبىرقىدىرۋ كەلەلى ماسەلەلەردى ستراتەگيا جانە جالپى جاعداي تۇرعىسىنان تەرەڭ بايىمدادى، بۇل پارتيامىزدىڭ شينجياڭدى باسقارۋ ۇستانىمىنىڭ بايىتىلۋى مەن دامىتىلۋى. ءبىز سانالى تۇردە شي جينپيڭ جولداستىڭ شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىمەن ويىمىزدى قارۋلاندىرىپ، يدەيانى بىرلىككە كەلتىرىپ، ءار ۇلت كادرلارى مەن بۇقاراسىنىڭ كۇش - قۋاتىن جۇمىلدىرىپ، شينجياڭدى ءتىپتى كوركەيتە ءتۇسۋىمىز كەرەك.
شينجياڭ قىزمەتىنىڭ پارتيا مەن مەملەكەتتىڭ جالپى جاعدايىنداعى ەرەكشە ماڭىزدى ستراتەگيالىق ورنىن مىقتاپ يگەرىپ، جاۋاپكەرلىك سەزىمدى، بورىشتىلىق سەزىمدى شىن مانىندە نىعايتايىق
شي جينپيڭ جولداس شينجياڭدا قىزمەت تەكسەرگەندە شينجياڭ قىزمەتىنىڭ پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورىنعا يە ەكەنىن قايتالاي باسا دارىپتەپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ بۇكىل ەلدىڭ رەفورما، دامۋ، ورنىقتىلىق جالپى جاعدايىنا، وتاننىڭ تۇتاستىعىنا، ۇلتتاردىڭ ىنتىماعىنا، مەملەكەتتىڭ حاۋپىسىزدىگىنە، جۇڭحۋا ۇلتىنىڭ ۇلى گۇلدەنۋىنە ساياتىندىعىن ايقىن اتاپ كورسەتتى. ءبىز شي جينپيڭ جولداستىڭ ماڭىزدى ءسوزىنىڭ رۋحىن تەرەڭ ۇعىنىپ، ساياسي جاۋاپكەرشىلىكتى كۇشەيتىپ، سۋبيەكتتىك رولدى ساۋلەلەندىرىپ، شينجياڭ قىزمەتىن جاقسى ىستەۋدىڭ ساياسي جاۋاپكەرشىلىگىن شىن مانىندە ۇستىمىزگە الۋىمىز كەرەك.
پارتيانىڭ 18 - قۇرىلتايىندا جاپپاي دوڭگەلەك داۋلەتتى قوعام قۇرۋ جانە رەفورما جاساپ، ەسىك اشۋدى جاپپاي تەرەڭدەتۋ نىساناسى تۇراقتاندىرىلىپ، شي جينپيڭ جولداس جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ستراتەگيالىق ويىن ورتاعا قويدى. شينجياڭ كوپ ۇلت قونىستاعان شەكارا ءوڭىر، بۇكىل ەلىمىز تەرريتورياسىنىڭ التىدان ءبىر بولىگىن، قۇرلىقتاعى شەكارا سىزىعىنىڭ تورتتەن ءبىر بولىگىن ۇستايدى. ەلىمىزدىڭ باتىس سولتۇستىگىندەگى ستراتەگيالىق قالتقى، سىرتقا ەسىك اشۋداعى ماڭىزدى قاقپا، باتىس بولىكتى قاۋىرت اشۋ ستراتەگياسىن اتقارۋداعى ءتۇيىندى رايون، ستراتەگيالىق بايلىقتىڭ ماڭىزدى بازاسى، جاپپاي دوڭگەلەك داۋلەتتى قوعام قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ بارىسىنا قاتىسى، ىقپالى زور. 2010 - جىلعى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، پارتيانىڭ پارمەندى باسشىلىعى مەن بۇكىل ەل حالقىنىڭ كۇش سالا قولداۋىندا، شينجياڭ ۇيعۇر اۆتونوميالى رايوندىق پارتكوم بۇكىل شينجياڭداعى ءار ۇلت كادرلارى مەن بۇقاراسىن باستاپ، قارىشتاپ دامۋ مەن باياندى تىنىشتىقتى ىلگەرىلەتۋ سىندى 2 ۇلكەن تاريحي مىندەتتى ارقاۋ ەتىپ، ورايدى مىقتى يگەرىپ، قايراتتانا ۇمتىلىپ، شينجياڭنىڭ قالاسى مەن دالاسىنىڭ بەت - بەينەسىندە، حالىق تۇرمىسىندا، ەكونوميكالىق، قوعامدىق دامۋىندا اسا زور وزگەرىستەردى جارىققا شىعاردى. ءبىراق تاريحي قارىزدار مەن جاراتىلىستىق شارت - جاعداي سياقتى سەبەپتەر سالدارىنان، شينجياڭنىڭ دامۋى بۇكىل ەلمەن سالىستىرعاندا ءالى دە ارتتا، ءبىر ءبولىم بۇقارانىڭ تۇرمىسىندا ءالى دە ءبىرشاما قيىنشىلىق بار، كەدەيلىك ماسەلەسى ءالى دە كورنەكتى، قوعام ورنىقتىلىعى جاعىندا كوپتەگەن جاڭا جاعداي مەن جاڭا ماسەلەگە ءدوپ كەلىپ وتىرمىز. جاپپاي دوڭگەلەك داۋلەتتى قوعام قۇرىپ، جۇڭگو ارمانىن جۇزەگە اسىرۋ ءۇشىن، شينجياڭدى ءتىپتى جاقسى دامىتۋعا تۋرا كەلەدى. ءبىز، ءسوز جوق، شينجياڭدى ويداعىداي گۇلدەندىرىپ، دامىتىپ، ورنىقتىرىپ، جاپپاي دوڭگەلەك داۋلەتتى قوعام قۇرۋعا، جۇڭگو ارمانىن جۇزەگە اسىرۋعا ءتيىمدى شارت - جاعداي ازىرلەپ، ءتىپتى زور ۇلەستەر قوسۋىمىز كەرەك.
شي جينپيڭ جولداس: «ۇلتتىق بولشەكتەۋشىلىككە قارسى تۇرىپ، وتاننىڭ تۇتاستىعىن قورعاۋ − مەملەكەتتىڭ ەڭ جوعارى مۇددەسى ءارى شينجياڭداعى ءار ۇلت حالقىنىڭ ءتۇبىرلى مۇددەسى» دەپ باسا دارىپتەدى. جاڭا جۇڭگو قۇرىلعاننان بەرى ءبىزدىڭ ۇلتتىق بولشەكتەۋشىلىكپەن كۇرەسىمىز توقتاپ كورگەن جوق. قىرعي قاباقتىق سوعىس اياقتالعاننان كەيىن، حالىقارالىق جاعدايدا ەلەۋلى وزگەرىس جارىققا شىقتى. حالىقاراداعى جاۋ كۇشتەر ەلىمىزگە سىنالاپ كىرۋىن، ءبۇلدىرۋىن جەدەلدەتتى، شەكارا ءىشى - سىرتىنداعى «ءۇش ءتۇرلى كۇشتى» زورلىقتى كۇش لاڭكەستىك ارەكەتىن جۇرگىزۋگە جەلىكتىرىپ، وعان قولداۋ كورسەتتى. سوڭعى جىلدارى، حالىقارادا لاڭكەستىك ارەكەت قاعىنىپ، ءدىني ۇشقارىلىق ءتىپتى ۋشىعىپ، شەكارا ءىشى - سىرتىنداعى «ءۇش ءتۇرلى كۇشكە» كۇشتى اسەر ەتىپ، ىقپال جاسادى. ولار «جيھاد» ۇرانىن كوتەرىپ، دىنگە سەنەتىن بۇقارانى الجاستىرىپ جانە جەلىكتىرىپ، زورلىقتى كۇش، لاڭكەستىك ارەكەتتەرىن توقتاۋسىز تۋدىردى. شينجياڭدا بولشەكتەۋشىلىك مەن بولشەكتەۋشىلىككە قارسى تۇرۋدىڭ كۇرەسى ۇزاق ۋاقىتقا جالعاسادى، كۇردەلى، وتكىر بولادى، كەيدە ۋشىعىپ كەتەدى. ءبىز، ءسوز جوق، «لاڭكەستىككە قارسى تۇرۋدىڭ الدىڭعى شەبى، نەگىزگى مايدانىمىز» دەگەن تانىمدى كۇشەيتىپ، قاشاندا وي - سانانى سەرگەك ۇستاپ، تاۋقىمەت تانىمىن نىعايتىپ، تومەنگى شەكتە ويلاۋدى كۇشەيتىپ، ستراتەگيالىق تۇراقتىلىقتى ساقتاپ، جەڭىسكە نىق سەنىم بايلاپ، ءتۇرلى زورلىقتى كۇش لاڭكەستىك قىلمىستىق ارەكەتتەرىنە باتىل سوققى بەرىپ، ۇلتتىق بولشەكتەۋشىلىك پەن ءدىني ۇشقارى يدەيانىڭ سىنالاپ كىرۋىنە باتىل قارسى تۇرىپ، وتاننىڭ تۇتاستىعى مەن قوعامنىڭ تىنىشتىعىن باتىل قورعاۋىمىز كەرەك.
شي جينپيڭ جولداس: شينجياڭ جىبەك جولى ەكونوميكالىق بەلدەۋى قۇرىلىسىنا بەلسەنە قاتىناسۋى كەرەك دەپ باسا دارىپتەدى. بۇل − شينجياڭنىڭ ەكونوميكالىق، قوعامدىق دامۋىنا قويىلعان ايقىن تالاپ. جىبەك جولى ەكونوميكالىق بەلدەۋىن قۇرۋ − جۇڭحۋا ۇلتىنىڭ ۇلى گۇلدەنۋىنە قاتىستى كەلەلى ستراتەگيالىق وي جانە ستراتەگيالىق شەشىم، ول كەلەلى دە تەرەڭ مانگە يە. شينجياڭ جىبەك جولىنداعى ەڭ وزەكتى بەلدەۋ ءارى ەلىمىزدىڭ باتىسقا ەسىك اشۋىنداعى قامال، ورتا ازياداعى ەلدەرمەن ىرگەلەس، مادەنيەتى دە جاقىن، ءار جاعىنان بىردەي باسىمدىلىققا يە. وسى تاريحي ورايدى مىقتى يگەرىپ، شينجياڭنىڭ وڭىرلىك سىرتقا ەسىك اشۋىن مەملەكەتتىڭ باتىسقا ەسىك اشۋ جالپى ورنالاستىرۋىمەن يكەمدىلىكپەن توعىستىرىپ، ورتا ازيا وڭىرىنە باعىتتالعان قىزمەتتى ءتىپتى كورنەكتى ورىنعا قويىپ، جان - جاقتى ناقتى سەلبەستىكتى جەبەپ، شينجياڭدى جىبەك جولى ەكونوميكالىق بەلدەۋىنىڭ قاتىناس تورابى، ساۋدا - زات اينالىمى ورتالىعى، فينانس ورتالىعى، مادەنيەت، عىلىم - تەحنيكا، وقۋ - اعارتۋ ورتالىعى، مەديتسينالىق قىزمەت ەتۋ ورتالىعى، جىبەك جولى ەكونوميكالىق بەلدەۋىنىڭ وزەگى ەتىپ قۇرىپ شىعۋعا قۇلشىنىپ، نەگىزگى قوسىن جانە كوشباسشى بولا ءبىلىپ، ەلىمىز بەن ورتا ازيا ءوڭىرىنىڭ سەلبەستىك دەڭگەيىن جوعارىلاتۋعا ءتىپتى زور ۇلەستەر قوسۋىمىز كەرەك.
شينجياڭ قىزمەتىنىڭ كوزدەۋ ءتۇيىنى مەن كۇش الۋ ءتۇيىنىن مىقتاپ يگەرىپ، رەفورما، دامۋ، ورنىقتىلىق قىزمەتتەرىن ءبىر تۇتاس ىلگەرىلەتەيىك
شي جينپيڭ جولداس شينجياڭدا قىزمەت تەكسەرگەندە بىزدەن پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن جاپپاي دايەكتى تياناقتاندىرىپ، ورتالىقتىڭ جاڭا جاعدايداعى شينجياڭ قىزمەتىن جاقسى ىستەۋ جونىندەگى كەلەلى ساياسات، كەمەل باعىتىن مۇقيات اتقارىپ، قوعام ورنىقتىلىعى مەن باياندى تىنىشتىقتى قىزمەتتىڭ كوزدەۋ ءتۇيىنى مەن كۇش الۋ ءتۇيىنى ەتىپ، ءار جاقتاعى قىزمەتتى ءبىر تۇتاس ىلگەرىلەتىپ، تاريحي ورايدى يگەرۋ مەن ۇتىمدى پايدالانۋعا، شينجياڭنىڭ قارىشتاپ دامۋىن جۇزەگە اسىرۋعا تاماشا شارت - جاعداي ازىرلەپ، شينجياڭداعى ءار ۇلت حالقىن ىنتىماقتاستىرىپ جانە باستاپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋعا قۇلشىنۋدى شىنايى ءۇمىت ەتتى. بۇل − جاڭا جاعدايدا شينجياڭ قىزمەتىن جاقسى ىستەۋدىڭ ءتۇبىرلى قىبلاناماسى.
قوعام ورنىقتىلىعى مەن باياندى تىنىشتىقتى قىزمەتتىڭ كوزدەۋ ءتۇيىنى مەن كۇش الۋ ءتۇيىنى ەتۋ كەرەك. باياندى تىنىشتىق − پارتيامىزدىڭ مەملەكەتتى باسقارىپ، اكىمشىلىك ىستەردى جونگە سالۋداعى نەگىزگى نىساناسى ءارى شينجياڭنىڭ قارىشتاپ دامۋىن جۇزەگە اسىرۋدىڭ تابيعي تالابى. ورنىقتىلىق − دامۋدىڭ العى شارتى، ورنىقتى ورتا بولماسا، شينجياڭنىڭ رەفورماسى مەن دامۋىنىڭ ءبىر قالىپتى ىلگەرىلەۋى قيىنعا سوعىپ قالماستان، بۇكىل ەلدىڭ رەفورما، دامۋ، ورنىقتىلىق جالپى جاعدايى دا ىقپالعا ۇشىرايدى. ءبىراز ۋاقىتتان بەرى، شينجياڭدا زورلىقتى كۇش، لاڭكەستىك دەلولارى كوپ، ءجيى تۋىلىپ، شينجياڭنىڭ قوعام ورنىقتىلىعىنا ىقپال ەتەتىن تىكە ءارى ناقتى قاتەرگە اينالدى. قازىر شينجياڭ زورلىقتى كۇش، لاڭكەستىك ارەكەتتەرىنىڭ ورشىگەن كەزەڭىندە تۇر، بولشەكتەۋشىلىككە قارسى كۇرەس قيانكەسكى بولا تۇسۋدە، سوندىقتان ورنىقتىلىقتى قورعاۋدى، ءسوز جوق، شينجياڭنىڭ ەڭ ماڭىزدى قىزمەتى، ۇزاق ۋاقىتتىق مىندەت ساناپ، ورنىقتىلىقتى قورعاۋ ارقىلى تاماشا دامۋ ورتاسىن ازىرلەپ، شينجياڭنىڭ ءتىپتى جاقسى، ءتىپتى تەز دامۋىن جەبەۋىمىز كەرەك. قوعام ورنىقتىلىعى مەن باياندى تىنىشتىقتى كوزدەۋ ءتۇيىنى جانە كۇش الۋ ءتۇيىنى ەتىپ، رەفورما مەن ەسىك اشۋ، ەكونوميكانى دامىتۋ، حالىق تۇرمىسىن جاقسارتۋ، ۇلت، ءدىن، شينجياڭعا باعىتتامالى كومەكتەسۋ، پارتيا قۇرىلىسى سياقتى قىزمەتتەردى ءبىر تۇتاس ىلگەرىلەتۋ كەرەك. ەكونوميكالىق دامۋدى يگەرۋدە، قوعام ورنىقتىلىعى مەن باياندى تىنىشتىقتى ىلگەرىلەتۋگە ءتيىمدى بولۋدى وزەك ەتۋ؛ رەفورما مەن ەسىك اشۋدى يگەرۋدە قوعام ورنىقتىلىعى مەن باياندى تىنىشتىقتى جەبەۋگە ءتيىمدى بولۋدى نىسانا ەتۋ؛ ۇلتتار ىنتىماعىن يگەرۋدە قوعام ورنىقتىلىعىن مەن باياندى تىنىشتىقتىڭ بۇقارالىق نەگىزىن بەكەمدەۋگە ءتيىمدى بولۋدى ءتۇپ نەگىز ەتۋ؛ پارتيا قۇرىلىسىن يگەرۋدە قوعام ورنىقتىلىعى مەن باياندى تىنىشتىقتىڭ بەرىك قامالىن تۇرعىزۋعا ءتيىمدى بولۋدى ءتۇيىن ەتۋ كەرەك.
حالىق تۇرمىسىن جاقسارتۋ، جۇرت قالاۋىنان شىعۋدى ارقاۋ ەتىپ، ەكونوميكانىڭ دامۋىن ىلگەرىلەتۋ كەرەك. شي جينپيڭ جولداس: شينجياڭنىڭ قارىشتاپ دامۋىن بۇلجىتپاي جۇزەگە اسىرۋ، سونىمەن قاتار، ءسوز جوق، حالىق تۇرمىسىن جاقسارتۋدى، حالىق قالاۋىنان، شىعۋدى ارقاۋ ەتە وتىرىپ ەكونوميكانىڭ دامۋىن ىلگەرىلەتۋ كەرەك، - دەپ اتاپ كورسەتتى. بۇل − شينجياڭنىڭ ەكونوميكالىق دامۋىنىڭ ءتۇيىنى مەن بەتالىسى جونىندەگى ايقىن نۇسقاۋ. شينجياڭنىڭ ەكونوميكالىق، قوعامدىق دامۋى، جالپى العاندا، ارتتا، دامۋ ءالى دە شينجياڭداعى بارلىق ماسەلەنى شەشۋدىڭ تەتىگى بولىپ وتىر. ەكونوميكا كوتەرىلمەسە، حالىق تۇرمىسى ماسەلەسى ويداعىداي شەشىلمەيدى؛ جۇرت تىلەگىنەن شىعا الماساق، ورنىقتىلىقتى دا ساقتاي المايمىز. ورنىقتىلىققا ساياتىن كوپتەگەن تامىرلى ماسەلەلەردى، ءسوز جوق، دامۋ ارقىلى شەشۋ كەرەك. شينجياڭنىڭ قارىشتاپ دامۋىن تاباندى تۇردە جۇزەگە اسىرىپ، شينجياڭنىڭ عىلمي دامۋىن تاباندىلىقپەن ىلگەرىلەتىپ، حالىقتىڭ باقىتىن ارقاۋ جانە تياناق ەتىپ، دامۋدى حالىق تۇرمىسىن جاقسارتۋ، جەرگىلىكتى ورىنعا تيىمدىلىك اكەلۋ، ۇلتتار ىنتىماعىن ىلگەرىلەتۋ جاعىندا تياناقتاندىرىپ، ءار ۇلت بۇقاراسىنا ءدۇبىرلى دامۋدىڭ بەل ورتاسىندا جۇرگەندەي سەزىم بەرىپ، بۇقارانىڭ بەلسەندى، ءورشىل سانا - سەزىمىن جەتىلدىرىپ، ەكونوميكانى دامىتۋ، حالىق تۇرمىسىن جاقسارتۋ بارىسىن وتاندى، شينجياڭدى ءسۇيۋدىڭ وڭ ەنەرگياسىن مولايتۋ بارىسىنا اينالدىرۋ كەرەك.
رەفورمانى جاپپاي تەرەڭدەتۋدەن قوزعاۋشى كۇش، تىنىستى لەپ الىپ، شىعار جول تابۋ كەرەك. كەزەكتە شينجياڭ ءدوپ كەلىپ وتىرعان قيىنشىلىقتار مەن ماسەلەلەردى شەشۋدىڭ تەتىگى − رەفورمانى جاپپاي تەرەڭدەتۋ. شينجياڭنىڭ ەكونوميكالىق، قوعامدىق دامۋى سالىستىرمالى تۇردە مەشەۋ، رايون جاعدايى كۇردەلى دە ەرەكشە. تەك ءىس جۇزىندىك جاعدايدى ارقاۋ ەتىپ، رەفورمانى جاپپاي تەرەڭدەتكەندە عانا، ءتۇرلى قايشىلىق پەن قيىنشىلىقتى شەشۋدىڭ ءادىسىن تاۋىپ، شينجياڭنىڭ ءىس جۇزىندىك جاعدايىنا ۇيلەسەتىن دامۋ جولىن اشا الامىز. ەكونوميكانى دامىتۋ بولسىن، حالىق تۇرمىسىن جاقسارتۋ بولسىن، الدە مادەنيەتتىڭ دامۋى، ۇلت - ءدىن، قوعام ورنىقتىلىعى ىستەرى بولسىن، رەفورمادان شىعار جول تابۋى كەرەك. قوعامدىق ادىلدىك پەن ادىلەتتىلىكتى جەبەۋدى، حالىقتىڭ باقىتىن ارتتىرۋدى تياناق جانە نىسانا ەتىپ، ەكونوميكالىق ءتۇزىلىس رەفورماسىن ءتۇيىن، جۇرت قالاۋىنان شىعۋ مەن باياندى تىنىشتىقتى ارقاۋ ەتىپ، دامۋدى، ەسىك اشۋدى، حالىق تۇرمىسىن جاقسارتۋدى، ورنىقتىلىقتى ساقتاۋدى، وسى زامانعى مادەنيەت ارقىلى جەتەكتەۋدى جانە دەموكراتيالىق زاڭ - ءتۇزىم قۇرىلىسىن رەفورما ارقىلى جەبەپ، باسقارۋ جۇيەسى مەن باسقارۋ قابىلەتىنىڭ وسىزاماندانۋىن ىلگەرىلەتۋ كەرەك.
شينجياڭ قىزمەتىنىڭ ستراتەگيالىق ءتۇيىنىن بۇلجىتپاي مىقتى يگەرىپ، شينجياڭنىڭ ءتۇرلى قىزمەتىندە تىڭ جاعداي اشايىق
شي جينپيڭ جولداس شينجياڭدا قىزمەت تەكسەرگەندە شينجياڭنىڭ قوعام ورنىقتىلىعىن قورعاۋ، قارىشتاپ دامۋدى جەبەۋ، حالىق تۇرمىسىن قامتاماسىزداندىرۋ جانە جاقسارتۋ، ۇلتتار ىنتىماعىن جەبەۋ، پارتيا قۇرىلىسىن كۇشەيتۋ سياقتى قىزمەتتەردى ويداعىداي جاقسى ىستەۋ جونىندە ءبىرسىپىرا ماڭىزدى نۇسقاۋ بەرىپ، شينجياڭ قىزمەتىنىڭ باعىتى مەن ءتۇيىنىن ايقىندادى، بۇل شينجياڭ قىزمەتى ءۇشىن ايتقاندا، اسا كۇشتى جەتەكشىلىك جانە باعىتتامالىلىق سيپاتقا يە. ءبىز دايەكتى تياناقتاندىرىپ، نۇسقاۋدىڭ رۋحىن ءتۇرلى قىزمەتتەردە شىنايى تياناقتاندىرۋىمىز كەرەك.
زورلىقتى كۇش لاڭكەستىك ارەكەتىنەن باتىل ساقتانىپ جانە وعان قاتاڭ، سىلەيتە سوققى بەرىپ، شينجياڭنىڭ قوعام ورنىقتىلىعىن قورعاۋ كەرەك. شي جينپيڭ جولداس: لاڭكەستىككە قارسى كۇرەس مەملەكەتتىڭ حاۋىپسىزدىگىنە، حالىق جۇرتشىلىعىنىڭ ءتول مۇددەسىنە، رەفورما، دامۋ، ورنىقتىلىق ىستەرىنىڭ جالپى جاعدايىنا ساياتىن، وتاننىڭ بىرلىگىن، قوعامنىڭ تىنىشتىعىن، حالىقتىڭ باقىت - بايلىعىن قورعايتىن كۇرەس، ءتۇرلى قىزمەتتەردە ۇستىنەن وڭاۋ مەن تۇبىرىنەن وڭاۋ قىزمەتىن، ءسوز جوق، تىڭعىلىقتى جاقسى ىستەۋ كەرەك، - دەپ اتاپ كورسەتتى. اماليات زورلىقتى كۇش لاڭكەستىك ارەكەتىنە باتىل سوققى بەرىلمەسە، شينجياڭنىڭ قوعامى ورنىقتى بولمايتىندىعىن تالاسسىز دالەلدەدى. زورلىقتى كۇشكە قارسى تۇرۋعا، زاڭدى، ءتارتىپتى دارىپتەۋگە تاباندى بولىپ، «توپتاردى تالقانداۋ، ءۇش زاڭسىزدىققا سوققى بەرۋ، قاتاڭ باسقارۋ، نەگىزدى بەكەمدەۋدەن» جازباي، اۋىر جيرەنىشتى زورلىقتى كۇش لاڭكەستىك دەلوسى مەن كولەمدى توپتىق وقيعالاردىڭ تۋىلۋىنان باتىل ساقتانۋ كەرەك. زورلىقتى كۇش لاڭكەستىك ارەكەتىنە قاتاڭ، سىلەيتە سوققى بەرۋ ارناۋلى ارەكەتىن ىشكەرىلەي ورىستەتىپ، باتىل، وتكىر، ءونىمدى شارا قولدانىپ، قاشاندا «ءۇش ءتۇرلى كۇشكە» قاتاڭ سوققى بەرۋدىڭ تەگەۋرىندى كۇيىن ساقتاپ، جاۋعا الدىمەن سوققى بەرىپ، زورلىقتى كۇش لاڭكەستىك ارەكەتتەرىن كۇن ىلگەرى نايزاعايداي تەزدىكپەن كۇيرەتە سوعىپ، جاۋدى سەسكەندىرىپ، حالىقتى جىگەرلەندىرۋ كەرەك. ءالسىز بۋىنداردى ارناۋلى وڭاپ، جونگە سالىپ، جىلجىمالى حالىققا قىزمەت وتەۋدى، باسقارۋدى كۇشەيتىپ، قاتەرلى جارىلعىش زاتتار مەن شەكتەلەتىن بۇيىمداردى قاتاڭ باسقارىپ، قايىم - قاتەرگە وڭاي تاپ بولاتىن قاۋىمنىڭ اماندىعىن قورعاۋدى نىعايتۋ كەرەك. ارنايى كۇش قۇرىلىسىن ونان ارى نىعايتىپ، شۇعىل جاعدايعا توتەپ بەرۋ، تۇتقيىل ىستەردى ءبىر جايلى ەتۋ قابىلەتىن جوعارىلاتۋ كەرەك. نەگىزگى ساتىنىڭ نەگىزىن كۇش سالا نىعايتىپ، ءتۇيىندى، كۇردەلى الەۋمەتتىك اۋماقتاردا بىرلىك باسقارۋ مەن شارشىلاپ قامتۋدى ىسكە اسىرۋ كەرەك. «ۇشقارىلىقتى الاستاۋ» قىزمەتىن ونان ارى ىلگەرىلەتىپ، «ءۇش ءتۇرلى كۇشتىڭ» كەرتارتپا ءمانىن ايپاراداي اشىپ، مەكتەپتەردە ءدىني ۇشقارى يدەيانىڭ سىنالاپ كىرۋىنەن ساقتانۋ قىزمەتىن كۇشەيتىپ، يدەولوگيا سالاسىنداعى بولشەكتەۋشىلىككە، سىنالاپ كىرۋگە قارسى شايقاستا، ءسوز جوق، باتىل جەڭىسكە جەتۋ كەرەك. ارناۋلى وڭاۋ مەن بۇقارالىق وڭاۋدى ۇشتاستىرۋدان جازباۋ، جۇمىلا ساقتانىپ، جابال وڭاپ، لاڭكەستىككە قارسى تۇرىپ، ورنىقتىلىقتى قورعاۋدىڭ حالىقتىق شايقاسىن جەڭىستى جۇرگىزىپ، «ءۇش ءتۇرلى كۇشتى» «كوشەدەن وتكەن تىشقان ۇر - ۇردىڭ استىنا قالادى» دەگەندەي كۇيگە ءتۇسىرۋ كەرەك. شينجياڭدى زاڭمەن باسقارۋ قۇرىلىسىن زور كۇشپەن جەبەپ، ءتۇرلى دەلو، قايشىلىق، داۋ - شاردى زاڭ بويىنشا، يكەمدى ءبىر جايلى ەتىپ، زاڭ ارقىلى باسقارۋ يدەياسى مەن زاڭ ارقىلى باسقارۋ فورماسى ارقىلى ورنىقتىلىقتى قورعاۋ قابىلەتىن كۇش سالا ءوسىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ ۇنەمىلىك قىزمەتكە اينالۋىن جەبەۋ كەرەك. شينجياڭ قىزمەتىنە سانالى تۇردە بۇكىل ەلدىڭ جالپى جاعدايى تۇرعىسىنان وي جۇگىرتىپ، ىشكى وڭىرلەرمەن سەلبەستىكتى كۇشەيتىپ، لاڭكەستىككە قارسى تۇرۋ قىزمەتىنىڭ جاعدايى مەن جۇيەسىن كەمەلدەندىرۋ كەرەك.
ەكونوميكانى تاباندىلىقپەن دامىتىپ، حالىق تۇرمىسىنىڭ تىنباي جاقسارۋىن جەبەۋ كەرەك. ورنىقتىلىق بارىسىندا ىلگەرىلەۋگە، رەفورما جاساۋ، جاڭالىق جاراتۋعا تاباندى بولىپ، ورنىقتى ارتتىرۋدىڭ، رەفورمانى جەبەۋدىڭ، قۇرىلىمدى رەتتەۋدىڭ، حالىق تۇرمىسىنا تيىمدىلىك جاساۋدىڭ، حاۋىپ - قاتەردەن ساقتانۋدىڭ قاتىناسىن ءبىر تۇتاس جوسپارلاپ، تىڭعىلىقتى ءبىر جايلى ەتۋ كەرەك. ءار دارەجەلى كادرلاردىڭ نازارىن حالىق تۇرمىسىن جاقسارتۋعا، ەكولوگيانى قورعاۋعا اۋدارۋ كەرەك. دامۋدى يگەرىپ، حالىق تۇرمىسىنا تيىمدىلىك جاساۋ ارقىلى بۇقارانى جۇمىس ىستەۋگە، اقشا تابۋعا، بولاشاققا ۇمىتپەن قاراۋعا جەتەكتەپ، پارتيانىڭ ءار ۇلت جۇرتشىلىعى ورتاسىنداعى ۇيتقىلىق قابىلەتىن تىنباي نىعايتۋ كەرەك. ءبىرىنشى، اناعۇرلىم بەلسەندى، ىرىقتى تۇردە تاسىلگە بۇرىلىس جاساپ، قۇرىلىمدى رەتكە سالىپ، ەكونوميكالىق دامۋعا جاڭالىق اشۋ ارقىلى تۇرتكى بولىپ، شينجياڭنىڭ ەرەكشەلىگىن ايگىلەيتىن وسى زامانعى كاسىپ جۇيەسىن ورناتىپ، سۋ يگىلىگى، قاتىناس سياقتى نەگىزدىك قۇرىلعى قۇرىلىستارىن كۇشەيتىپ، جالپىلىق مەنشىككە جاتپايتىن ەكونوميكا مەن ورتا، شاعىن، ۇساق كاسىپورىنداردىڭ باياندى، تەز دامۋىن قولداپ، شينجياڭنىڭ ءوزىن دامىتۋ قابىلەتىن ونان ارى نىعايتۋ كەرەك. جەرگىلىكتى ورىندى بايلىقتى اشۋدىڭ پايداسىنا كەنەلتىپ، جەرگىلىكتى جۇرتشىلىقتى جۇمىسقا ءتىپتى كوپ قابىلداپ، بۇقاراعا ات سالىسۋ سەزىمىن بەرۋ كەرەك. ەكىنشى، حالىق تۇرمىسىن جاقسارتۋ تەبىنىن ۇزدىكسىز ارتتىرىپ، «قىسىلعاندا قول ۇشىن بەرۋ» پرينسيبىنەن تايماي، بۇقارا شۇعىل مۇقتاج بولعان، كوزگە تولىمدى، كوڭىلگە ۇنامدى شاعىن ينجەنەريا، شاعىن نىسانداردى كورنەكتى تۇردە مىقتى يگەرىپ، نەگىزگى ساتى كادرلارىن جاقسى اتاندىرىپ، جاقسى ىستەردى نەگىزگى ساتى ۇيىمدارىنا ىستەتىپ، تۇرعىن ءۇي، ەمدەۋ، وقۋ - اعارتۋ، دەنساۋلىق ساقتاۋ سياقتى حالىق تۇرمىسىنا قاتىستى قوعامدىق قۇرىلىستاردى ونان ارى جەدەلدەتىپ، بۇقارانى ناقتى يگىلىككە كەنەلتىپ، تىكەلەي تاربيەلەۋ كەرەك. ءۇشىنشى، اۋىل شارۋاشىلىعى، اۋىل - قىستاق، شارۋالار قىزمەتىن تىڭعىلىقتى جاقسى ىستەپ، اۋىل شارۋاشىلىعىنىڭ تيىمدىلىگىن كۇش سالا جوعارىلاتىپ، شارۋالاردىڭ كىرىسىن ءتۇرلى جولمەن ارتتىرىپ، اۋىل شارۋاشىلىعى مەن اۋىل - قىستاقتاردىڭ سۋ، ەلەكتر، جول، گاز سياقتى نەگىزدىك قۇرىلعى قۇرىلىستارىن ىلگەرىلەتىپ، كەدەيلەردى سۇيەمەلدەۋدىڭ مۇلتىكسىز قىزمەت مەحانيزمىن ورناتىپ، وڭتۇستىك شينجياڭداعى 2 ايماق، ءبىر وبلىستىڭ كەدەيلەردى سۇيەمەلدەۋ جوباسىن ويداعىداي اتقارىپ، كەدەيلەردى سۇيەمەلدەۋ، وركەندەتۋ قىزمەتىنىڭ «ەكىدەن ۋايىمداماۋ، ۇشكە قامتاماسىز ەتۋ» نىساناسىنىڭ 2020 - جىلى ءدال ۋاعىندا جۇزەگە اسۋىنا شىنايى كەپىلدىك ەتۋ كەرەك. ءتورتىنشى، كاسىپتەنۋ، كاسىپ كوزىن اشۋ ىستەرىن بار كۇشپەن جەبەپ، ەڭبەككۇش شوعىرلانعان كاسىپتەردى دامىتۋدى اناعۇرلىم كورنەكتى ورىنعا قويىپ، وڭتۇستىك شينجياڭداعى 2 ايماق، ءبىر وبلىستا جەرگىلىكتى ورىننىڭ ەرەكشەلىگىنە ۇيلەسەتىن، بەلگىلى نەگىزى بار، ازىراق دەمەسە جۇمىس ورنىن مولايتۋعا سەپتىگى تيەتىن قۇرىلىس پەريودى قىسقا، دامۋى ورنىقتى، تەز ءونىم بەرەتىن نىسانداردىڭ اتقارىلۋىنا قولداۋ كورسەتىپ، كاسىپ كوزىن اشۋ ارقىلى كاسىپتەندىرۋگە ءمان بەرۋ كەرەك. كاسىپتەنۋدى جەبەۋدى ماڭداي الدى مىندەت ەتىپ، كاسىپورىنداردىڭ جۇمىس ورنىن مولايتۋدى ماڭىزدى ءتۇيىن ەتۋ كەرەك. بەسىنشى، قورشاعان ورتانى قورعاۋدى ماڭداي الدى ورىنعا قويۋعا، ەكولوگيالىق رايون قۇرۋعا تاباندى بولىپ، سۋ ۇنەمدەۋ، سۋ ساقتاۋ، سۋ رەتتەۋ جۇمىستارىن ءبىر تۇتاس جاقسى ىستەپ، ورمان ەكولوگياسى ينجەنەرياسى مەن ەكولوگيانى وڭاۋ، قالپىنا كەلتىرۋ ينجەنەرياسىن ىشكەرىلەي اتقارىپ، قۇمايتتانۋدان ساقتانۋ، قۇمدى تىزگىندەۋ قىزمەتىنە سەرپىن بەرىپ، لاستانۋدى وڭاپ، كورىكتى جۇڭگو قۇرىلىسىنىڭ شينجياڭ داستانىن قۇلشىنا جازۋ كەرەك.
جاڭا جاعدايداعى ۇلت، ءدىن قىزمەتىن تىڭعىلىقتى جاقسى ىستەپ، ۇلتتار ىنتىماعى العاباسارلىعىن جەبەۋ كەرەك. ۇلتتار ىنتىماعى ماسەلەسى − شينجياڭ ماسەلەسىندەگى ەڭ ۇزاق بولاشاقتىق ماسەلە؛ ۇلتتار ىنتىماعى مەن دىندەر جاراسىمدىلىعى − شينجياڭداعى ەڭ نەگىزگى بۇقارالىق قىزمەت. بۇل شينجياڭدى باسقارۋ، شينجياڭدى كوركەيتۋدىڭ قاشاندا ەستە بەرىك ۇستاۋعا ءتيىستى ۇلى جوباسى. ۇلتتار ىنتىماعى دامۋدىڭ، العا باسۋدىڭ ىرگە تاسى. ءار ۇلت بۇقاراسى ۇلتتار ىنتىماعىن كوز قاراشىعىنداي قورعاپ، جانىنداي قاستەرلەۋى كەرەك. بۇقارالىق قىزمەتتى ءبىر تۇتاس باسشىلىققا الۋدان جازباي، ۇلتتار ىنتىماعىن بۇلجىتپاي مىقتى يگەرىپ، مەملەكەتكە، ۇلتقا دۇرىس كوزقاراس ورناتىپ، پارتيانىڭ ۇلت ساياساتىن جاپپاي تياناقتاندىرىپ، ءار قايسى ۇلتتىڭ ىنتىماقتاسا كۇرەس جۇرگىزۋ، بىرگە گۇلدەنىپ - كوركەيۋ، دامۋ نەگىزگى تاقىرىبىن بەرىك يگەرىپ، «ءۇشتىڭ ءبىر - بىرىنەن ايرىلا الماۋ» يدەياسىن بەرىك ورناتىپ، تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن ۇزبەي بەكەمدەۋ جانە دامىتۋ كەرەك. وسى زامانعى مادەنيەت ارقىلى جەتەكشىلىك ەتۋدەن جازباي، سوتسياليستىك وزەكتى قۇن جۇيەسى ارقىلى شينجياڭداعى ءار ۇلتقا ورتاق مادەني جانە رۋحاني مەكەن قۇرۋعا ءبىر تۇتاس جەتەكشىلىك ەتىپ، «وتاندى، شينجياڭدى ءسۇيۋ، ىنتىماقتاسا ۇلەس قوسۋ، ەڭبەكشىل، قايىرىمدى بولۋ، اشىق ويلى، العاباسار بولۋ» سىندى شينجياڭ رۋحىن ساۋلەلەندىرىپ، ۇلتتاردىڭ ۇلى وتان، جۇڭحۋا ۇلتى، جۇڭحۋا مادەنيەتى، جۇڭگوشا سوتسياليزم جولى جونىندەگى تانىمىن تىنباي كۇشەيتۋ كەرەك. «ناقتى ادامعا تياناقتاندىرۋ، ءونىمدى، ناتيجەلى بولۋ» پرينسيبىنەن جازباي، جۇرتشىلىق قۇمارتا كورىپ، قۇنىعا تىڭدايتىن تاسىلدەرمەن مادەنيەت ارقىلى حالىققا تيىمدىلىك جاساۋ ينجەنەريالارىن جاپپاي ىلگەرىلەتىپ، نەگىزگى ساتىنىڭ مادەنيەت شەبىن يگەرۋ كەرەك. ۇلتتاردىڭ مادەنيەت جاعىنداعى بارىس - كەلىس، اۋىس - جۇعىسىن ىلگەرىلەتىپ، كىربەڭدىكتى جويىپ، سەنىمدى نىعايتۋعا كۇش سالۋ كەرەك. «ۇلتتار ىنتىماعىن وزىمىزدەن باستايىق» دەگەنگە تاباندى بولىپ، ۇلتتار ىنتىماعى جونىندەگى ۇگىت - تاربيە مەن ۇلتتار ىنتىماعى العاباسارلىعىندا وزات ورىن قۇرۋ قيمىلىن ىشكەرىلەي قانات جايدىرىپ، ۇلتتار ىنتىماعى العاباسارلىعى بويىنشا ىنتالاندىرۋ مەحانيزمىن ونان ارى كەمەلدەندىرىپ، بارلىق ادامدى ۇلتتار ىنتىماعىنىڭ ۇلگىسى بولۋعا جەتەكتەپ، تيانشاننىڭ تۇستىگى مەن تەرىستىگىندە ۇلتتار ىنتىماعىنىڭ بايشەشەگىن جايقالتۋ كەرەك. ءدىن قىزمەتىن مۇقيات جاقسى ىستەپ، پارتيانىڭ ءدىن قىزمەتى جونىندەگى نەگىزگى باعىتىن جاپپاي دايەكتىلەندىرىپ، ءدىن ىستەرىن باسقارۋدى زاڭ بويىنشا كۇشەيتىپ، قالىپتى ءدىني قيمىلدار مەن ءدىن سالاسىنىڭ زاڭدى ۇقىق - مۇددەسىن قورعاۋ كەرەك. «ۇشقارىلىقتى الاستاۋدى» نىسانا ەتىپ، زاڭسىز ءدىني ارەكەتتى زاڭ بويىنشا وڭاۋ، جونگە سالۋ قيمىلى مەن ءدىني ۇشقارىلىققا قاتىستى زاڭعا قايشى قىلمىستارعا ارناۋلى سوققى بەرۋ ارەكەتىن ىشكەرىلەي قانات جايدىرىپ، نەكەگە بايلانىستى زاڭعا قايشى ارەكەتتەردى جاپپاي وڭاۋ، جونگە سالۋ كەرەك. ءدىندى سوتسياليستىك قوعامعا سايكەسۋگە بەلسەنە جەتەكتەپ، ءدىن سالاسىنداعى قايراتكەرلەر مەن دىنگە سەنەتىن بۇقارانىڭ ەكونوميكالىق، قوعامدىق دامۋدى جەبەۋدەگى بەلسەندى رولىن ساۋلەلەندىرۋ كەرەك.
پارتيا قۇرىلىسىن زور كۇشپەن نىعايتىپ، كادرلار قوسىنىنىڭ ساپاسىن كۇش سالا جوعارىلاتۋ كەرەك. شي جينپيڭ جولداس: شينجياڭنىڭ قوعامدىق ورنىقتىلىعى مەن قارىشتاپ دامۋىن جۇزەگە اسىرۋدىڭ تەتىگى پارتيادا، تۇپتەپ كەلگەندە، پارمەندى كادرلار قوسىنىنا، قاتاڭ نەگىزگى ساتى ۇيىمدىق جۇيەسىنە، ءونىمدى بۇقارالىق قىزمەت مەحانيزمىنە سۇيەنەمىز، - دەپ اتاپ كورسەتتى. بۇل تالاپتى دايەكتى تياناقتاندىرۋ ءۇشىن، ساياسي تاباندىلىقتى پارتيالى كادرلاردى سىننان وتكىزۋدىڭ ماڭداي الدى ولشەمى، ءدىني ۇشقارى يدەيانىڭ سىنالاپ كىرۋىنەن ساقتانۋ مەن زورلىقتى كۇش لاڭكەستىك دەلولارىن باتىل شاۋجايلاۋدى ماڭداي الدى جاۋاپكەرشىلىك، ساياسي تارتىپكە بويسۇنۋدى ماڭداي الدى باقىلاۋ ەتىپ، ساياسيدا تاباندى جانە پارمەندى، سىننان سۇرىنبەي وتەتىن جوعارى ساپالى كادرلار قوسىنىن قۇلشىنا قۇرۋ كەرەك. كادرلاردى كۇردەلى ورتا مەن بولشەكتەۋشىلىككە قارسى كۇرەستىڭ ءبىرىنشى شەبىندە سىناۋعا، تاربيەلەۋگە جانە تاڭداپ وسىرۋگە كوڭىل ءبولۋ كەرەك. از ۇلت كادرلارىن باۋلۋعا، تاڭداپ وسىرۋگە كوڭىل ءبولىپ، شىنىققان جانە سىننان وتكەن، ءبىرشاما تاجىريبەلى از ۇلت كادرلارىن ماڭىزدى قىزمەتتەرگە قويۋ كەرەك. نەگىزگى ساتى ۇيىمدارى مەن كادرلار قوسىنى قۇرىلىسىن كۇشەيتىپ، اۋىل - قىستاق دارەجەلى ورىنداردىڭ شۋجيلەرى مەن باسشىلىق القاسىن سۇرىپتاپ تاڭداپ جانە كۇشەيتىپ، دارمەنسىز، بىتىراڭقى پارتيا ياچەيكالارىن رەتكە سالۋ كەرەك. «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن پارتيانىڭ بۇقارالىق لۋشيان تاربيەسى جانە امالياتتىق قيمىلىنىڭ ماڭىزدى دانەكەرى ەتىپ، ستيلدە بۇرىلىس جاساۋ مەن نەگىزگى ساتىنى نىعايتۋدى باسشىلىققا الىپ، قىستاق ەكى كوميتەتى، ساقشى كەڭسەسى، قىزمەت گرۋپپاسى ءبىر تۇلعالانعان قىزمەت مەحانيزمىن اتقارىپ، شي جينپيڭ جولداستىڭ ۇلتتار ىنتىماعى، دىندەر جاراسىمدىلىعى، حالىق تۇرمىسىن جاقسارتۋ، ورنىقتىلىقتى قورعاۋ، ت.ب جونىندەگى ورنالاستىرۋلارىن بۇلجىتپاستان، دايەكتى تۇردە تىڭعىلىقتى تياناقتاندىرۋ كەرەك. «شينجياڭ گازەتى»
(«حالىق گازەتىنىڭ» 26 - مامىرداعى 7 - بەتىنە باسىلعان)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
