- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق 12-كەزەكتى حالىق قۇرىلتايىنىڭ 3-ءماجىلىسى 2-رەتكى جالپى ءماجىلىسىن وتكىزدى
2015.01.23 16:18 كەلۋ قاينارى : شينجياڭ حالىق راديو ستانسياسى تورابى
22-قاڭتار تۇستەن بۇرىن، اۆتونوميالى رايوندىق 12-كەزەكتى حالىق قۇرىلتايىنىڭ 3-ءماجىلىسى 2-رەتكى جالپى ءماجىلىسىن وتكىزىپ، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەت بايانداماسى مەن اۆتونوميالى رايوندىق جوعارى حالىق سوت مەكەمەسىنىڭ قىزمەت بايانداماسىن، اۆتونوميالى رايوندىق حالىق پروكۋراتۋراسىنىڭ قىزمەت بايانداماسىن تىڭدادى.
جاڭ چۇنشيان، شوكىرات زاكىر، نۇرلان ءابىلماجىن ۇلى، اسحات كەرىمباي ۇلى، چى جۇن، حان يۇڭ، پىڭ يۇڭ، حۋاڭ ۋي، شاۋكەت يمىن، سۇڭ ايرۇڭ، جۋ حايلۇن، باي جىجيە، ەركىنجان تۇراحۇن، عانيبات سابىكەي ۇلى، لي شۋەجۇن، ەركىن تۇنياز، ليۋ شينچي، نايىم ياسىندار ماجىلىسكە قاتىناستى.
ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى جاپپاي ءابيبوللا ءماجىلىستى باسقاردى. ءماجىلىستىڭ اتقارۋشى ءتوراعالارى ما ميڭچىڭ، تىلەبالدى ابدىرەشيت ۇلى، ورگۇل جاپار، دۇڭ شينگۋاڭ، لي ۋي، حۋاڭ سانپيڭ، ابدىرەيىم ابىلەز، شۇي جىشين، بورا، تۇرعۇن ابدىرەيىم، جاڭ جينبياۋ، ابدىقىيىم مامەت ءتوراعالار مىنبەسىنىڭ الدىڭعى قاتارىنان ورىن الدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ تاپسىرۋىمەن، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى ۋاڭ يۇڭميڭ ماجىلىسكە تۇراقتى كوميتەتتىڭ قىزمەتىنەن بايانداما جاسادى. ول بىلاي دەدى: 2014-جىلى اۆتونوميالى رايوندىق حالىق قۇرىلتايىنىڭ تۇراقتى كوميتەتى ورتالىقتىڭ شينجياڭدى باسقارۋ جالپى جوباسى مەن اۆتونوميالى رايوندىق پارتكومنىڭ شەشىم-ورنالاستىرۋلارىن باتىل دايەكتى تياناقتاندىرىپ، جاڭا اۋقىمعا بەلسەنە ۇيلەسىپ، مىندەتتى باتىلدىقپەن ارقالاپ، بەلسەنە ناقتى جۇمىس ىستەپ، نەگىزگى زاڭنىڭ، زاڭنىڭ جۇكتەگەن مىندەتىن تولىق ورىنداپ، ءار جاقتىلى قىزمەتتە تىڭ ىلگەرلەۋشىلىك، تىڭ ونىمدىلىككە قول جەتكىزدى. باياندامادا، ورتالىقتىڭ شينجياڭدى باسقارۋ جالپى جوباسىن ىشكەرلەي دايەكتىلەندىرىپ، قوعام ورنىقتىلىعى مەن باياندى تىنىشتىقتى كۇش سالا ىلگەرلەتۋ؛ شينجياڭدى زاڭمەن باسقارۋ قۇرىلىسىن ارقاۋ ەتىپ، ۇقىقتى زاڭ بويىنشا جۇرگىزۋ؛ ۋاكىلدەردىڭ رولىن بارىنشا ساۋلەلەندىرىپ، ءار دارەجەلى حالىق قۇرىلتايىمەن بايلانىستى اناعۇرلىم كۇشەيتۋ؛ ستيلدى تۇزەتۋدى ءتۇيىن ەتىپ، تۇراقتى كوميتەتتىڭ وزىندىك قۇرىلىسىن كۇشەيتۋ سياقتى 4 جاقتان 2014-جىلعى باستى قىزمەتتەر قورتىندىلاندى. وتكەن ءبىر جىلدا تۇراقتى كوميتەت زاڭ-ءتۇزىم جانە زاڭدىق سيپات العان 15 قاراردى قاراپ ماقۇلدادى جانە بەكىتتى، مەملەكەتتىك حالىق قۇرىلتايى تۇراقتى كوميتەتى تۇسىرگەن 8 زاڭ جوباسى جونىندە پىكىر الۋ قىزمەتىن ورىندادى، اۆتونوميالى رايوننىڭ ءدىن ىستەرى ەرەجەسىنە وزگەرىس ەنگىزۋدى زاڭ شىعارۋ قىزمەتىنىڭ ءتۇيىنى ەتىپ، ەرەجەنى زەرتتەپ وزگەرتۋ، شىعارۋ جۇمىسىن مۇقيات جاقسى ىستەدى؛ 12 ارناۋلى قىزمەت بايانداماسىن تىڭداپ جانە قاراپ، زاڭدى اتقارۋدى 11 رەت تەكسەرىپ، 14 رەت ارناۋلى تەكسەرۋ-زەرتتەۋ قيمىلىن ورىستەتتى. اۆتونوميالى رايوندىق 12-كەزەكتى حالىق قۇرىلتايىنىڭ 2-ءماجىلىسى مەزگىلىندە ۋاكىلدەر ورتاعا قويعان 14 كەڭەس جوبا، 965 ۇسىنىس، سىن جانە پىكىردى تولىق ءبىر جايلى ەتتى. ورتالىقتىڭ 8 ءتۇرلى بەلگىلەمەسى مەن اۆتونوميالى رايوندىق پارتكومنىڭ 10 ءتۇرلى بەلگىلەمەسىن مۇقيات اتقارىپ، ماجىلىسكە قاتىناسۋ جاعدايىن جاريالاۋ، الدىن الا كەڭەسۋ سياقتى تاسىلدەر ارقىلى تۇراقتى كوميتەت مۇشەلەرىنىڭ مىندەتىن وتەۋ جاۋاپكەرلىك سەزىمىن ارتتىرىپ، تۇراقتى كوميتەت ءماجىلىسىنىڭ كەڭەسۋ ونىمدىلىگىن جوعارىلاتتى.
باياندامادا بىلاي دەپ اتاپ كورسەتىلدى، بيىل، اۆتونوميالى رايوندىق حالىق قۇرىلتايى تۇراقتى كوميتەتى اۆتونوميالى رايوندىق پاتكومنىڭ پارمەندى باسشىلىعىندا، شينجياڭدى زاڭمەن جونگە سالۋ تۋىن بيىك ۇستاپ، شينجياڭدى زاڭمەن جونگە سالۋ قۇرىلىسىن جاپپاي ىلگەرىلەتەدى ؛ شينجياڭدى زاڭمەن جونگە سالۋ قۇرىلىسىن نەگىزگى مىندەت دەپ ءبىلىپ، فۋنكتسيالىق رولىن تولىق ساۋلەلەندىرەدى. ۋاكىلدەر قىزمەتىن اناعۇرلىم كۇشەيتىپ، ۋاكىلدەردىڭ شينجياڭدى زاڭمەن جونگە سالۋ قۇرىلىسىنداعى ماڭىزدى رولىن تولىق ساۋلەلەندىرەدى. تۇراقتى كوميتەتتىڭ ءوز قۇرىلىسىن ونان ارى كۇشەيتىپ، شينجياڭدى زاڭمەن جونگە سالۋعا قىزمەت وتەۋ قابىلەتى مەن دەڭگەيىن جوعارىلاتىپ، نەگىزگى زاڭ مەن زاڭدار بەرگەن قىزمەت ۇقىعىن مۇقيات اتقارىپ، نەگىزگى زاڭنىڭ بەدەلىن ويداعىداي قورعاپ، سوتسياليستىك زاڭمەن جونگە سالۋ رۋحىن ساۋلەلەندىرىپ، اۆتونوميالى رايونىمىز قۇرىلعاندىعىنىڭ 60 جىلدىعىن سۇبەلى تابىستار ارقىلى قارسى الادى.
اۆتونوميالى رايوندىق جوعارى حالىق سوتى مەكەمەسىنىڭ باستىعى نايىم ياسىن قىزمەت بايانداماسىندا بىلاي دەدى، ءبىر جىلدان بەرى، اۆتونوميالى رايوندىق جوعارى حالىق سوتى مەكەمەسى بۇكىل رايونىمىزداعى سوت مەكەمەلەرىن ىنتىماقتاستىرىپ جانە باستاپ،« حالىق بۇقاراسىنا ءار ءبىر ءادىليالىق دەلودا ادىلدىكتى سەزىندىرۋ » نىساناسىن ارقاۋ ەتىپ، زاڭ اتقارىپ دەلو ءبىترۋ مىندەتىن مىقتى يگەرىپ، ءادىليادا حالىققا قولايلىلىق جاراتۋ شاراسىن كەمەلدەندىرىپ، ءادىليا رەفورماسىن ورنىقتى ىلگەرىلەتىپ، قوسىن قۇرىلىسىن بارىنشا كۇشەيتىپ، ءتۇرلى قىزمەتتەردە تىڭ ناتيجەلەرگە قول جەتكىزدى. بۇكىل رايونىمىزداعى سوت مەكەمەلەرى 326 مىڭ 58 دەلو قابىلداپ، 288 مىڭ 953 دەلونى قاراپ اياقتاتىپ، الدىنداعى جىلداعىدان جەكە-جەكە %17.45 جانە %11.07 ارتتىردى. جوعارى حالىق سوتى مەكەمەسى 5 مىڭ 630 دەلونى قابىلداپ، 5 مىڭ 252 سىن قاراپ اياقتاتىپ، الدىنداعى جىلداعىدان %8.23 جانە %8.89 ارتتىردى.بيىل، رايونىمىزداعى سوت مەكەمەلەرى سوتسياليزمنىڭ زاڭمەن جونگە سالۋ تۋىن بيىك ۇستاپ، ءادىليانى حالىق ءۇشىن قىزمەت ەتتىرۋدە، ءادىليادا ءادىل بولۋعا تاباندى بولىپ، جۇرت تىلەگى مەن كۇش-قۋاتىن توعىستىرىپ، تىنىش شينجياڭ قۇرىلىسىن بار كۇشپەن ورىستەتىپ، زاڭمەن جونگە سالاتىن شينجياڭ قۇرىلىسىن ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعىن ءادىليالىق جاقتان قامتاماسىز ەتىپ، بۇل جاعىندا تىڭ ۇلەس قوستى.اۆتونوميالى رايوندىق حالىق پروكۋراتۋرا مەكەمەسىنىڭ باس پروكۋرورى نيشان يىبىرايىم قىزمەت بايانداماسىن جاساعان كەزدە بىلاي دەدى، 2014-جىلى، رايونىمىزدىڭ پروكۋراتۋرا ورگاندارى وزگەرىس ەنگىزىلگەننەن كەيىنگى قىلمىستىق ىستەر ارىز-شاعىم زاڭىن، ازاماتتىق ىستەر ارىز-شاعىم زاڭىن مۇقيات اتقارىپ، زاڭدىق باقىلاۋ فۋىنكتسياسىن جاپپاي اتقارىپ، قىلمىستىق ىستەر قىلمىس كۇماندىسىنان 27 مىڭ 164 ادامدى ۇستاۋدى بەكىتتى، 34 مىڭ 816 ادامنىڭ ۇستىنەن الەۋمەتتىك شاعىم ايتتى، بۇلار الدىنداعى جىلداعىدان %7.95 جانە % 59.3 ارتىق. قيانات جاساپ پارا الۋ، قىزمەتتە جازا باسىپ، ۇقىققا سۇعاناقتىق جاساۋ سياقتى قىزمەت مىندەتىنە بايلانىستى 695 قىلمىس دەلوسىنا ساياتىن 786 ادامدى تەكسەرىپ انىقتادى، بۇل الدىنداعى جىلداعىدان %4.8 جانە % 11.2 ارتىق.ارىز-شاعىمداعى زاڭعا قايشى ارەكەتتەن 533 ى تەكسەرىپ تۇزەتىلدى ؛ قىلمىستىق ىستەر جازاسىن اتقارۋ جانە باقىلاپ باسقارۋداعى زاڭعا قايشى 206 ارەكەت تەكسەرىپ تۇزەتىلدى.2015-جىلى رايونىمىزداعى پروكۋراتۋرا ورگاندارى «بىرگە قارسى تۇرىپ، ەكىنى دارىپتەۋگە» تاباندى بولىپ، «قاتاڭ سوققى بەرۋ جىلى»، «زاڭمەن جونگە سالۋ جىلى» قيمىلىن تىڭعىلىقتى ورىستەتىپ، زاڭدىق باقىلاۋدى، ءوزىن باقىلاۋدى جانە قوسىن قۇرىلىسىن كۇشەيتىپ، شينجياڭدى زاڭمەن جونگە سالۋ قۇرىلىسىن ىلگەرىلەتۋدىڭ بورىشى مەن جاۋاپكەرشىلىگىن شىن مانىندە ۇستىنە الادى.
جينالىستا اۆتونوميالى رايوندىق 12-كەزەكتى حالىق قۇرىلتايى ءۇشىنشى ءماجىلىسىنىڭ سايلاۋ ءادىسى داۋىس بەرىپ ماقۇلداندى.شينجياڭداعى مەملەكەتتىك حالىق قۇرىلتايىنىڭ ۋاكىلدەرى، ساياسي كەڭەس اۆتونوميالى رايوندىق 11-كەزەكتى كوميتەتىنىڭ ءۇشىنشى ماجىلىسىنە قاتىناسقان مۇشەلەر مەن ءار سالانىڭ ۋاكىلدەرى ماجىلىسكە سىرتتاي قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
