- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون كادرلار جينالىسىن اشىپ، مەملەكەتتىك ەكى ءماجىلىستىڭ رۋحىن جەتكىزدى
«ءتورتتى جاپپاي ورىنداۋ» ستراتەگيالىق ورنالاستىرۋىنا تاباندى بولىپ، شينجياڭنىڭ رەفورما، دامۋ، ورنىقتىلىق ىستەرىن ىشكەرىلەي جەبەيىك، جاڭ چۇنشيان جينالىستا ماڭىزدى ءسوز سويلەدى
2015.03.18 13:35 كەلۋ قاينارى : ءتاڭىرتاۋ تورابى
اۆتونوميالى رايون 17 - ناۋرىز تۇستەن كەيىن تەلەۆيزور - تەلەفون ءماجىلىسى فورماسىمەن كادرلار جينالىسىن اشىپ، مەملەكەتتىك ەكى ءماجىلىستىڭ رۋحىن جەتكىزدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان جينالىسقا قاتىناستى ءارى ەكى ءماجىلىستىڭ رۋحىن دايەكتى تياناقتاندىرۋ جونىندە ماڭىزدى ءسوز سويلەدى. ول: ءبىز «ءتورتتى جاپپاي ورىنداۋ» ستراتەگيالىق ورنالاستىرۋىنا تاباندى بولىپ، مەملەكەتتىك ەكى ماجىلىستە العا قويىلعان مىندەتتەردى تياناقتاندىرۋدى ارقاۋ ەتىپ، شينجياڭنىڭ رەفورما، دامۋ، ورنىقتىلىق ىستەرىن ىشكەرىلەي جەبەۋىمىز كەرەك، - دەپ باسا دارىپتەدى.
جينالىس مەملەكەتتىك 12 - كەزەكتى حالىق قۇرىلتايىنىڭ 3 - ءماجىلىسى مەن ساياسي كەڭەس مەملەكەتتىك 12 - كەزەكتى كوميتەتى 3 - ءماجىلىسىنىڭ رۋحىن جەتكىزدى.
جاڭ چۇنشيان بىلاي دەپ اتاپ كورسەتتى: بۇل جولعى مەملەكەتتىك ەكى ءماجىلىس − پارتيا 18 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن كەيىن اشىلعان العاشقى ەكى ءماجىلىس، سونداي - اق كوكتەمگى اتتانىسقا كەلتىرۋ ءماجىلىسى ەسەپتەلەدى. پارتيا ورتالىق كوميتەتىنىڭ پارمەندى باسشىلىعىندا، بارلىق ۋاكىلدەردىڭ، مۇشەلەردىڭ ورتاق قۇلشىنۋىندا، ءماجىلىس ءساتتى اشىلدى. بۇل جولعى ەكى ءماجىلىس دەموكراتيالى، بەرەكەلى، ناقتى ىسكە ءمان بەرىپ، قۇلشىنا العا ۇمتىلعان ءماجىلىس بولدى. ەكى ءماجىلىس كەزىندە شينجياڭ ۋاكىلدەر ۇيىرمەسىندەگى جالپى ۋاكىلدەر، مۇشەلەر قىزمەت جاۋاپكەرشىلىكتەرىن مۇقيات ادا ەتىپ، بەلسەنە ۇسىنىس - پىكىر، سىندارلى كەڭەس بەرىپ، شينجياڭدى الۋان ءتۇرلى فورمالارمەن ۇگىتتەپ، تانىستىرىپ، شينجياڭ ۋاكىلدەرىنىڭ، مۇشەلەرىنىڭ كەرەمەتىن تولىق ايگىلەپ، شينجياڭ رۋحىن، شينجياڭ قابىلەتىن، شينجياڭ وبرازىن تانىتتى.
جاڭ چۇنشيان بىلاي دەپ باسا دارىپتەدى: مەملەكەتتىك ەكى ماجىلىستە العا قويىلعان مىندەتتەردى تياناقتاندىرۋدى ارقاۋ ەتىپ، شينجياڭنىڭ رەفورما، دامۋ، ورنىقتىلىق ىستەرىن ىشكەرىلەي جەبەۋىمىز كەرەك.
ءبىرىنشى، باس شۋجي شي جينپيڭنىڭ ماڭىزدى بەكىتۋىنىڭ رۋحىن ىشكەرىلەي دايەكتى تياناقتاندىرىپ، «ۇشتەن باتىل ساقتانۋدى» قۇلشىنا جۇزەگە اسىرۋ كەرەك. تانىمدى جوعارىلاتىپ، جاۋاپكەرشىلىكتى كۇشەيتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ قازىرگى كۇردەلى جاعدايى مەن جاپالى مىندەتىن جىعا تانىپ، «ورنىقتىلىقپەن قاتىسسىز ءوڭىر، قاتىسسىز تاراۋ، قاتىسسىز ادام بولمايدى» دەيتىن تانىمدى بەرىك سومداۋ كەرەك. ءالسىز تۇيىندەردى مىقتاپ يگەرىپ، قاتاڭ، سىلەيتە سوققى بەرۋدى ىشكەرىلەتۋ كەرەك. «ۇشقارىلىقتى الاستاۋدى» ىشكەرىلەي جەبەپ، سوققى بەرۋدى مىقتى يگەرۋمەن بىرگە، ءتالىم - تاربيە بەرۋ، جول كورسەتۋدى مىقتى ۇستاۋعا دا تاباندى بولىپ، «بەس كىلتتەن» ويداعىداي پايدالانۋ قاجەت. نەگىزگى ساتىنىڭ نەگىزىن ونان ارى بەكەمدەۋ كەرەك. اۋىل - قالاشىقتىڭ القا قۇرىلىسى مەن قىستاق (الەۋمەتتىك اۋماق) پارتيا ياچەيكاسىنىڭ قۇرىلىسىن كۇشەيتۋدەن جازباي، ءالسىز، بىتىراندى نەگىزگى ساتى ۇيىمىن رەتكە سالۋعا تاباندى بولىپ، قوعام ورنىقتىلىعىن قورعاۋدىڭ ۇيىمدىق، ساياسي، بۇقارالىق نەگىزىن شىنايى بەكەمدەۋ كەرەك.
ەكىنشى، رەفورما جاساۋ، ەسىك اشۋدى تەرەڭدەتىپ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جەدەلدەتۋ كەرەك. وراي تانىمىن كۇشەيتىپ، جاۋاپكەرشىلىكتى باتىل ارقالاپ، رەفورما جاساۋ، ەسىك اشۋ، قۇرىلىمدى رەتتەۋ، حالىق تۇرمىسىن جاقسارتۋ سياقتىلارعا «ءبىر بەلدەۋ، ءبىر جول» نەگىزگى جاعداي تۇرعىسىنان وي جۇگىرتىپ جانە جوسپار جاساپ، شينجياڭنىڭ ۇلەسىن قوسۋعا قۇلشىنۋ كەرەك. ءبىز شينجياڭنىڭ ءىس جۇزىندىگىمەن ۇشتاستىرىپ، كوزدەۋ ءتۇيىنىن، كۇش سالۋ ءتۇيىنىن جانە وزەكتى رايون قۇرىلىسىن ارقاۋ ەتىپ، اۆتونوميالى رايوننىڭ 2015 - جىلعى رەفورما قىزمەتىنىڭ ءتۇيىنىن ويداعىداي تياناقتاندىرۋىمىز كەرەك. ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋ ۇشتاسقان رەفورما تەبىنىن ارتتىرىپ، ورتالىق كاسىپورىندارىنىڭ سول جەردە تىزىمگە الىنۋى مەن جەرگىلىكتى ورىننىڭ جارنا قوسۋ ءىسىن زور كۇشپەن العا ىلگەرىلەتىپ، ارالاسپا مەنشىكتەگى ەكونوميكانى دامىتىپ، مەملەكەت مەنشىگىندەگى كاسىپورىن رەفورماسىن، بايلىق سيپاتتى ونىمدەردىڭ باعا رەفورماسىن تەرەڭدەتىپ، قارجى قوسۋ، قارجى توپتاۋ ءتۇزىلىسى رەفورماسىنىڭ تەبىنىن ارتتىرىپ، الەۋمەتتىك قىزمەت وتەۋ سالاسىنداعى رەفورمانى ىشكەرىلەتۋ كەرەك؛ سىرتقا قاراتا تىڭنان، جوعارى دەڭگەيدە ەسىك اشۋعا تاباندى بولىپ، باتىسقا ەسىك اشۋدىڭ ىرىقتىلىعى مەن جەتەكشىلىگىن كۇشەيتۋ كەرەك. مەملەكەتتىڭ «ءبىر بەلدەۋ، ءبىر جول» قۇرىلىسى ستراتەگياسى جوباسىنا ساي، شينجياڭنىڭ «اتقارۋ پىكىرىمەن» جانە «ارەكەت جوسپارىمەن» ۇشتاستىرىپ، باعدار كارتاسىن، ۋاقىت كەستەسى مەن ماڭىزدى بۋىنداردى ونان ارى ايقىنداپ، الدىمەن جەبەلەتىن نىسانداردى جەدەل قۇرىپ، «5 ءىرى ورتالىق» قۇرىلىسىندا ناقتى قادام تاستاۋ كەرەك. ءۇرىمجى قۇرلىق جولى قۇرىلىسىن العا ىلگەرىلەتۋ كەرەك. كەدەننەن ءوتۋدى قولايلىلاستىرۋعا زور كۇش سالۋ قاجەت. قاشقار، قورعاس ەكونوميكالىق اشۋ رايونى مەن الاتاۋ ساعاسى جالپىلىق قورعامالى باجى رايونى قۇرىلىسىن جەدەلدەتۋ كەرەك. كاسىپورىنداردىڭ سىرتقا ويىسۋىن قولداۋمەن بىرگە، ىشكەرىدەگى كاسىپورىنداردى شينجياڭعا قارجى قوسۋعا بەلسەنە باۋراپ، ورتا، باتىس ازيا مەن ەۆروپا بازارىنا باعىتتالعان كاسپتەردى دامىتۋ كەرەك.
ءۇشىنشى، ورنىقتى ارتتىرۋعا، قۇرىلىمدى رەتتەۋگە، حالىق تۇرمىسىنا تيىمدىلىك جاساۋعا تاباندى بولىپ، ەكونوميكانىڭ ورنىقتى، اقاۋسىز دامۋىن جەبەۋ كەرەك. بيىل ەكونوميكالىق جاعدايدىڭ ءتىپتى دە قاتاڭدىعىن، كۇردەلىلىگىن جىعا تانىپ، ورنىقتى ارتتىرۋدى كورنەكتى ورىنعا قويىپ، اناعۇرلىم پارمەندى ساياسات، شارا قولدانۋ كەرەك. تۇتىنۋدى ارتتىرۋدىڭ، قارجى قوسۋدى كوبەيتۋدىڭ، قۇرىلىمدى رەتتەۋدىڭ، حالىق تۇرمىسىنا تيىمدىلىك جاساۋدىڭ جانە ەكونوميكالىق قىزمەتكە باسشىلىق ەتۋدى كۇشەيتۋدىڭ شارالارىن ويداعىداي تياناقتاندىرۋ كەرەك.
ءتورتىنشى، «بۇقارالىق قىزمەتتى تىڭعىلىقتى جاقسى ىستەۋ، نەگىزگى ساتى ۇيىمىن نىعايتۋ، <ۇشقارىلىقتى الاستاۋدى> العا ىلگەرىلەتۋ» سىندى 3 ءتۇرلى ءتۇيىندى قىزمەتتەن پايدالانىپ، 6 ءتۇرلى مىندەتكە ءبىر تۇتاس جەتەكشىلىك ەتىپ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىندا تىنباي تىڭ ناتيجەلەرگە قول جەتكىزۋ كەرەك. بىلتىرعى قىزمەت تاجىريبەلەرىن قورىتىندىلاۋ، ۇلگى الۋ نەگىزىندە ورىن تەپكەن ماسەلەلەردى تۇزەتىپ، قىزمەتتىڭ باعىتتامالىلىعىن كۇشەيتىپ، تەرەڭدەتە تۇسۋدەگى زاڭدىلىقتارعا ىزدەنىس جاساپ، فورمادا، تاسىلدە جاڭالىق اشۋ كەرەك. ءار دارەجەلى پارتيا ۇيىمى «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن كەلەلى مىندەتكە بالاپ، وعان وسكەلەڭ ءمان بەرىپ، تۇلعالىق جاۋاپكەرشىلىكتەرىن تولىق ادا ەتىپ، قىزمەتتى ناقتى ىستەپ، مىندەتتى شىنايى تياناقتاندىرۋى ءتيىس.
جاڭ چۇنشيان بىلاي دەپ باسا دارىپتەدى: حالىق قۇرىلتايى، ساياسي كەڭەس قىزمەتىن ونان ارى جاقسى ىستەۋ كەرەك. ءار دارەجەلى پارتكوم حالىق قۇرىلتايى، ساياسي كەڭەس قىزمەتىنە بولعان باسشىلىقتى شىنايى كۇشەيتىپ، حالىق قۇرىلتايى مەن ونىڭ تۇراقتى كوميتەتىنىڭ قىزمەت ۇقىعىن زاڭ بويىنشا جۇرگىزۋىن، ساياسي كەڭەستىڭ ىنتىماق جانە دەموكراتيا سىندى ەكى ۇلكەن باستى تاقىرىپتى ارقاۋ ەتە وتىرىپ قىزمەت ورىستەتۋىن قولداۋ كەرەك.
جاڭ چۇنشيان بىلاي دەپ اتاپ كورسەتتى: بيىلعى كوكتەم مەرەكەسىنەن كەيىن قىزمەتكە شىققان العاشقى كۇنى اۆتونوميالى رايوندىق پارتكوم «دامۋدىڭ، ورنىقتىلىقتىڭ جاڭا قالىبىنا سايكەسىپ، باياندى تىنىشتىقتىڭ تاماشا نەگىزىن مىقتاپ ورناتايىق» تاقىرىبىنداعى جەلىلەس قيمىلدى باستاعان بولاتىن. ءبىز جەلىلەس قيمىلدان باستاپ ىسكە كىرىسىپ، تياناقتاندىرۋدى مىقتى يگەرىپ، قىزمەتتەردە جاقسى باستاما اشۋىمىز كەرەك. قازىر ونەركاسىپ، اۋىل شارۋاشىلىعى ءوندىرىسىن مىقتى يگەرىپ، «13 - بەسجىلدىق» جوبانى جاساۋ قىزمەتىن مىقتى ۇستاپ، اۆتونوميالى رايون قۇرىلعاندىعىنىڭ 60 جىلدىعىن تويلاۋ قىزمەتىن ويداعىداي ۇيىمداستىرىپ، «ۇشتە قاتاڭ، ۇشتە شىنايى بولۋ» تاقىرىپتىق تاربيە قيمىلىن ويداعىداي قانات جايدىرىپ، «پارتيالى كادرلاردىڭ، وقىتۋشىلاردىڭ جانە وتانشىل ءدىني قايراتكەرلەردىڭ» رولىن ساۋلەلەندىرۋ تەبىنىن ارتتىرىپ، باسشىلىق ەتۋ قىزمەتىن كۇشەيتىپ، ۇيرەنۋگە شەبەر بولۋ، زاڭمەن جونگە سالۋدى دارىپتەۋ، ىنتىماققا ۇمتىلۋ، تياناقتاندىرۋدى مىقتى ۇستاۋ، ونىمدىلىككە ءمان بەرۋ تالابىنا ساي، ىرىقتىلىقپەن ىسكە كىرىسىپ، ناقتى يگەرىپ، شىنايى ىستەپ، اۆتونوميالى رايونىمىز قۇرىلعاندىعىنىڭ 60 جىلدىعىن تاماشا ناتيجەلەرمەن قارسى الۋىمىز كەرەك.
جينالىستا اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر مەملەكەتتىك ەكى ءماجىلىستىڭ رۋحىن جەتكىزدى.
جينالىستى اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن باسقاردى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
