- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مانەن زەينەل ۇلى ارىز – ارمان قابىلداۋ كۇنىندە مىنانى ءبىلدىردى : تاريحقا قۇرمەت ەتىپ، زاڭعا، ساياساتقا نەگىزدەلىپ، ارىز – ارمان ماسەلەسىن ۇيلەسىمدى شەشۋ كەرەك
2015.03.20 13:44
ارىز–ارمان قىزمەتى بۇقارانىڭ ءتول مۇددەسىنە جانە قوعام ورنىقتىلىعىنا قاتىستى. قوعام جاعدايىن، جۇرت تىلەگىن اڭىس ەتۋ ارناسىن كەڭەيتىپ، ماسەلە مەن قايشىلىقتى شىنايى شەشۋ ءۇشىن وبلىستىق پارتكوم مەن ۇكىمەت جۋىردا «اۆتونوميالى وبلىستىڭ پارتيا، ۇكىمەت باسشىلارىنىڭ ارىز–ارمان قابىلداۋ كۇنى ءتۇزىمىن» بەلگىلەگەننەن كەيىن پارتيا، ۇكىمەتتىڭ نەگىزگى باسشىلارى باستاماشىلىقپەن ارىز–ارمان قابىلدايتىن، قاتىستى باسشىلار ءوز جاۋاپكەرلىكتەرىن ارقالايتىن، 4 باسشىلىق القاسى تەڭ ءمان بەرىپ، بىرگە باسقاراتىن، قاتىستى تاراۋلار ارىز–ارمان ماسەلەسىن بىرلەسىپ شەشەتىن قىزمەت جۇيەسى بىرتىندەپ قالىپتاستى. ناۋرىزدىڭ 18–كۇنى تۇستەن كەيىن وبلىستىق پارتكومنىڭ ورىنباسار شۋجيى، وبلىس باستىعى مانەن زەينەل ۇلى وبلىستىق ۇكىمەتتىڭ ارىز–ارمان قابىلداۋ كەڭسەسىندە بۇقارانىڭ پىكىرىن تىڭداپ، ولار اڭىس ەتكەن تولعاقتى، قيىن ماسەلەلەردى مۇقيات شەشتى.
سول كۇنى تۇستەن كەيىن وبلىستىق ۇكىمەتتىڭ ارىز–ارمان قابىلداۋ كەڭسەسىندە مانەن زەينەل ۇلى ارىز–ارمان ايتا كەلگەن بۇقارانى ىقىلاسپەن قابىلداپ، ولاردىڭ ارمان–تىلەگىن مۇقيات تىڭداپ، ەستەلىككە الدى. نىلقى اۋدانىنىڭ تۇرعىنى ءانۋارجان اڭىس ەتكەن مالشىلاردى وتىرىقتاندىرۋ تۇيىنىندە ەلەكتر، اۋىز سۋ جوق بولۋ ماسەلەسى؛ قۇلجا اۋدانىنىڭ تۇرعىنى يە يوۋلۋ اڭىس ەتكەن ناپوس جوتكەۋ ماسەلەسى؛ بۇرىنعى وبلىستىق ساۋدا مەكەمەسىنىڭ جۇمىسشىسى كادىرباي قاتارلىلار اڭىس ەتكەن تۇرعىن ءۇي ماسەلەسى؛ قۇلجا قالاسىنىڭ تۇرعىنى ۋلاديمر اڭىس ەتكەن ساياساتتى تياناقتاندىرۋ ماسەلەسى جونىندە مانەن زەينەل ۇلى ءبىر–بىرلەپ دالەلىمەن تۇسىنىك جاسادى.
قۇلجا اۋدانىنىڭ تۇرعىنى يە يوۋلۋ تالاپ ەتكەن ناپوس جوتكەۋ ماسەلەسىندە داۋگەر ەكى بالاسىن وقىتۋ ءۇشىن ناپوس جوتكەمەكشى بولعان. ۇعىسۋعا قاراعاندا، يە يوۋلۋ 1982–جىلى قۇلجا اۋدانىنىڭ ءبىر قىستاعىنا كوشىپ كەلگەننەن بەرى الىگە دەيىن ناپوسىن جوتكەمەگەن، بالالارى وقۋ جاسىنا تولعاندا عانا ناپوس جوتكەۋ ويىنا كەلگەن، الايدا بۇل جۇمىستى قازىرگە دەيىن بىتىرمەگەن.
مانەن زەينەل ۇلى جاعدايدى ۇعىسقاننان كەيىن قۇلجا اۋداندىق پارتكومنىڭ شۋجيى جاڭ جيشىڭمەن ناق مايداندا تەلەفوندا سويلەسىپ، قۇلجا اۋدانىنىڭ قاتىستى بەلگىلەمەلەر نەگىزىندە يە يوۋلۋدىڭ ناپوس جوتكەۋ ماسەلەسىن تەز ارادا شەشىپ، بالاسىنىڭ وقۋعا تۇسۋىنە كەپىلدىك ەتۋىن ءۇمىت ەتتى. مانەن زەينەل ۇلى بىلاي دەدى: «مەنشە بۇل ماسەلەنى قاتىستى ساياساتتار بويىنشا تولىق شەشۋگە، جۋىق ارادا–اق شەشۋگە بولادى». مۇنى ەستىگەن يە يوۋلۋ اسەرلەنگەنىنەن: «سىزدەرگە راقىمەت، ناپوسسىز جۇرگەنىمە 33 جىل بولدى، كورىم بولدى، بالام دا وقۋعا تۇسە الاتىن بولدى». مانەن زەينەل ۇلى ناق مايدانداعى قۇلجا اۋدانىنىڭ قاتىستى تاراۋلارىنىڭ جاۋاپتىلارىنا بىلاي دەدى: «ناپوس ماسەلەسىن دە، بالانىڭ وقۋعا ءتۇسۋ ماسەلەسىن دە شەشۋ كەرەك».
نىلقى اۋدانىنىڭ تۇرعىنى ءانۋارجان شارۋالاردىڭ وتىرىقتاندىرۋ تۇيىنىندە ەلەكتىر، اۋىز سۋ جوق ەكەنىن، 40 تان استام شارۋا وتباسىنىڭ تۇرمىسى قيىنشىلىقتا ەكەنىن اڭىس اتتى. ناق مايداندا ەلەكتر قۋاتى تاراۋىنىڭ جاۋاپتىسى مىنانى ءبىلدىردى: اتالعان رايوننىڭ ەلەكتردەن پايدالانۋى مەملەكەتتىڭ بەكىتۋىنەن ءوتتى، قازىر نىسانعا مەردىگەر شاقىرىلۋ ۇستىندە، جىل سوڭىنا دەيىن ەلەكتر جەتكىزىلەدى. سۋ ىستەرى تاراۋىنىڭ جاۋاپتىسى مىنانى ءبىلدىردى: سۋدان پايدالانۋ ماسەلەسى دە حاۋىپسىز اۋىز سۋ ينجەنەرياسى بويىنشا شەشىلىپ، تەز ارادا جۇزەگە اسىرىلادى. مانەن زەينەل ۇلى تاعى وبلىستىق دامۋ–رەفورما كوميتەتىنىڭ اۋىز سۋدى وتباسىلارىنا جەتكىزۋ قاراجاتى ءۇشىن 200 مىڭ يۋان قارجى بوساتۋىن ورنالاستىردى. ول سونىمەن بىرگە سۋ ىستەرى تاراۋلارىنىڭ جۇمىس قارقىنىن جەدەلدەتىپ، مىندەتتى ساپاعا، سانعا كەپىلدىك ەتىپ ورىنداپ، وتىرىقتاندىرۋ ءتۇيىنىنىڭ اۋىز سۋدان پايدالانۋ ماسەلەسىن شەشۋىن تالاپ ەتتى.
ارىز–ارمان قابىلداۋ كەزىندە مانەن زەينەل ۇلى قىزمەتكەرلەرگە بىلاي دەدى: ارىز–ارمان ايتا كەلگەن بۇقاراعا بايىپتى مامىلە جاساپ، تاريحقا قۇرمەت ەتىپ، ءىس جۇزىندىككە نەگىزدەلىپ، ماسەلەلەردى پارمەندى شەشۋ كەرەك. قيىن، كۇردەلى ماسەلەلەردى زاڭ جانە ساياسات بويىنشا ويداعىداي شەشۋ كەرەك.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
