- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان سانجى حۇيزۋ اۆتونوميالى وبلىسىندا تەكسەرۋ - زەرتتەۋ جۇرگىزدى
«ءۇشتى الدىمەن جۇزەگە اسىرۋ» نىساناسىن جەدەل ورىندايىق
2015.06.09 13:26 كەلۋ قاينارى : ءتاڭىرتاۋ تورابى
7 - ماۋسىمدا سانجى تەحنيكالىق كاسىپتىك ينستيتۋتىنىڭ وقۋشىلار پراكتيكا بازاسىندا، جاڭ چۇنشيان از ۇلت جانە حانزۋ وقۋشىلارىنىڭ ءبىر - بىرىمەن سەرىكتەسىپ ۇيرەنۋ جاعدايىن ۇعىستى
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 7 - ماۋسىمدا سانجى حۇيزۋ اۆتونوميالى وبلىسىنا كەلىپ، سانجى قالاسىنداعى الەۋمەتتىك اۋماقتاردى، مەكتەپتەردى، شيپاحانالاردى، كاسىپورىنداردى، قوعام حاۋىپسىزدىگى ورگاندارىن ارالاپ، سانجى وبلىسىنىڭ ەكونوميكالىق، قوعامدىق دامۋى مەن ورنىقتىلىقتى قورعاۋ جاعدايىنا جان - جاقتى تەكسەرۋ - زەرتتەۋ جۇرگىزدى.
«5 ءىرى ورتالىق» قۇرىلىسىنا ۇلەس قوسايىق
سانجى وبلىسى تيانشاننىڭ سولتۇستىك بوكتەرىندەگى ەكونوميكالىق بەلدەۋدىڭ ماڭىزدى تىرەگى، جاڭ چۇنشيان سانجى وبلىسىندا بۇدان بۇرىن دا تالاي رەت تەكسەرۋ - زەرتتەۋ جۇرگىزىپ، 2010 - جىلى سانجى وبلىسىنىڭ بۇكىل شينجياڭ كولەمىندە «ءۇشتى الدىمەن جۇزەگە اسىرۋ» بويىنشا دامۋ نىساناسىن ەلدەن بۇرىن ورىنداۋىن العا قويعان بولاتىن. بىرنەشە جىلدىق قۇلشىنۋدىڭ ارقاسىندا سانجى وبلىسى ەگىنشى - مالشىلاردىڭ كىرىسىن 10 مىڭ يۋانعا جەتكىزۋ نىساناسىن بۇكىل شينجياڭ بويىنشا ەڭ الدىمەن جۇزەگە اسىردى، جاڭاشا ونەركاسىپتەندىرۋدى، ەگىن، مال شارۋاشىلىعىن وسىزامانداندىرۋدى، جاڭاشا قالا - قالاشىقتاندىرۋدى بۇكىل شينجياڭ بويىنشا ەڭ الدىمەن ورىندادى، جاپپاي دوڭگەلەك داۋلەتتى قوعام قۇرۋ نىساناسىن بۇكىل شينجياڭ بويىنشا ەڭ الدىمەن جۇزەگە اسىرۋ اياق الىسىن جەدەل ىلگەرىلەتۋدە.
جىبەك جولى ەكونوميكالىق بەلدەۋىنىڭ وزەكتى رايونىنداعى «5 ءىرى ورتالىق» قۇرىلىسىن ارقاۋ ەتكەن سانجى وبلىسى ناقتى اتقارۋ پىكىرىن جاساپ، وزەكتى رايون قۇرىلىسىندا اناعۇرلىم كوپ ءىس تىندىرۋعا قۇلشىندى. بىلتىر جەلتوقسان ايىندا شينجياڭ مەديتسينا ۋنيۆەرسيتەتىنە قاراستى 1 - شيپاحانا سانجى قالاسىمەن كەلىسىمگە قول قويىسىپ، سانجى قالالىق 2 - حالىق شيپاحاناسىن تۇلعالىق جاقتان مىندەتتەمەلى باسقارىپ، شينجياڭ مەديتسينا ۋنيۆەرسيتەتىنە قاراستى 1 - شيپاحانانىڭ سانجى بولىمشەسىن بىرگە قۇرۋعا كىرىستى. بۇل شيپاحانا سانجىنى تياناق ەتىپ، بۇكىل شينجياڭدى قامتۋ اياسىنا ەنگىزىپ، توڭىرەكتەگى ەلدەرگە كوز تىگىپ، ەرەكشە ەمدەۋ، زارۋلىك ءۇشىن ەمدەۋ جانە حالىقارالىق ەمدەۋ سەلبەستىگى قىزمەت وتەۋىن ورىستەتتى.
جاڭ چۇنشيان بىلاي دەدى: مىندەتتەمەلى باسقارۋ، سەلبەستىك جاساسۋدىڭ جاڭا فورماسىن قاراستىرۋ ارقىلى شينجياڭ مەديتسينا ۋنيۆەرسيتەتىنە قاراستى 1 - شيپاحانانىڭ سانجى بولىمشەسى جاڭا جول اشتى. شيپاحانانىڭ جەرگىلىكتى ورىنداعى بۇقاراعا ەمدەۋدە جوعارى ساپالى قىزمەتىن وتەۋمەن بىرگە، ورتا ازياعا ىقپالىن كورسەتىپ، «حالىقارالىق ەمدەۋ» بويىنشا قىزمەت وتەۋگە ويىسىپ، جىبەك جولى ەكونوميكالىق بەلدەۋىندەگى وڭىرلىك ەمدەۋ قىزمەت وتەۋ ورتالىعى قۇرىلىسىن قۇندى تاجىريبەلەرمەن قامداۋىن ءۇمىت ەتەمىن.
عىلىم - تەحنيكا، وقۋ - اعارتۋ، مادەنيەت ورتالىعى جىبەك جولى ەكونوميكالىق بەلدەۋىندەگى وزەكتى رايوننىڭ «5 ءىرى ورتالىق» قۇرىلىسىنىڭ ءبىرى ەسەپتەلەدى. سانجى قالاسىنداعى «باتىس ءوڭىر اسەرى» حالىقارالىق ساياحات قالاسى نىسانى وسى ورايدى مىقتى يگەرىپ، باتىس ءوڭىر مادەنيەتىن سومداۋدى وزەك ەتىپ، ساياحات جاساۋ، سەيىل - سەرۋەن قۇرۋ، كوڭىل اشۋ، سياقتىلار ءبىر تۇلعالانعان حالىقارالىق ساياحات مادەنيەت كاسىپ سالاسى باقشاسىن بەلسەنە قۇرۋعا كىرىستى. شينجياڭ ۇلكەن تەاترحاناسى «باتىس ءوڭىر اسەرىنىڭ» وزەگى، سونداي - اق العاشقى مەرزىمدىك باستاۋ نىسانى ەسەپتەلەدى. بۇدان بىلاي بۇل جەردە حالىقارالىق دەڭگەيگە يە شينجياڭ از ۇلت ءان - ءبيى سياقتى كولەمدى ادەبيەت - كوركەمونەر نومىرلەرى قويىلاتىن بولادى.
جاڭ چۇنشيان نىسان جاۋاپتىلارى مەن اۆتورلاردى جەرگىلىكتى ورىن باسىمدىلىعىن ساۋلەلەندىرىپ، مادەنيەت پەن ساياحاتتى ۇشتاستىرىپ، شينجياڭنىڭ تاريحىن، وركەنيەتىن ءان - ءبي فورماسىمەن بەينەلەپ، جۇرتتى باۋرايتىن اسەرلى حيكايالارمەن ايگىلەپ، مادەنيەت ساپاسىن، شينجياڭ ورەسىن كورسەتۋگە قۇلشىنىپ، جىبەك جولى ەكونوميكالىق بەلدەۋىندەگى عىلىم - تەحنيكا، وقۋ - اعارتۋ، مادەنيەت ورتالىعىن قۇرۋعا ۇلەس قوسۋعا شابىتتاندىردى.
جاڭ چۇنشيان بىلاي دەدى: شينجياڭنىڭ جىبەك جولى ەكونوميكالىق بەلدەۋىندەگى وزەكتى رايون قۇرۋ كەلەلى ورايىن مىقتاپ يگەرىپ، ءار ۇلت كادر - جۇرتشىلىعىنىڭ تۇلعالىق رولىن تولىق ساۋلەلەندىرىپ، دامۋ وي جەلىسىن جاڭالاپ، «5 ءىرى ورتالىق» قۇرىلىسىنا ات سالىسۋ ارقىلى سانجى وبلىسى ەكونوميكاسىنىڭ، قوعامىنىڭ دامۋىنا تىڭ قوزعاۋشى كۇش قوسىپ، «ءۇشتى الدىمەن جۇزەگە اسىرۋ» نىساناسىن جەدەل ورىنداۋ كەرەك.
از ۇلت، حانزۋ وقىتۋشى - وقۋشىلارى ءبىر - بىرىمەن سەرىكتەسى
سانجى كاسىپتىك تەحنيكالىق ينستيتۋتى «ماماندىقتى كاسىپ سالاسىنا بەيىمدەۋ، ساباقتى قىزمەت ورنىنا بەيىمدەۋ» سىندى وقىتۋ تانىمىنا ساي، مەكتەپ پەن كاسىپورىن وقۋشىنىڭ بۇكىل ۇيرەنۋ بارىسىنا باقىلاۋ جۇرگىزىپ جانە تەكسەرىپ باعالاپ وتىردى، وقۋ تاۋىسقان وقۋشىلاردىڭ كاسىپتەنۋ سالىستىرماسى دا ءۇرتىس 8 جىل %98تەن تۇسكەن جوق.
ءار ۇلت وقىتۋشى - وقۋشىلارى بىرگە ۇيرەنىپ، بىرگە تۇرمىس كەشىرىپ، از ۇلت، حانزۋ وقىتۋشى - وقۋشىلارى ءبىر - بىرىمەن سەرىكتەسىپ، ءوزارا ۇيرەنۋ ارقىلى ءبىر - ءبىرىنىڭ دەڭگەيىن ءوسىرىپ، قيىن تۇيىندەردى بىرگە شەشتى.
سىم جولى ايىرىپ - قوسقىشىن قۇراستىرۋ بولمەسىندە از ۇلت وقۋشىلارى مەن حانزۋ وقۋشىلارى ءبىر پارتادا وتىرىپ قۇراستىرۋ بارىسىنداعى ماسەلەلەردى بىرگە تەكسەرىپ، ورتاق شەشتى. جاڭ چۇنشيان ءبىر جۇپ از ۇلت جانە حانزۋ وقۋشىمەن بۇكپەسىز اڭگىمەلەستى. ول: سەندەر قانداي ماسەلەنى شەشتىڭدەر؟ كاسىپورىنمەن توقتامعا قول قويىستىڭدار ما؟ مۇنداي ءوزارا ۇيرەنۋ فورماسى قانداي ەكەن؟ - دەپ سۇراستىردى. ول 2 وقۋشىنىڭ جاۋابىن ەستىگەننەن كەيىن ءدان ريزا بولىپ، ولاردى جاقسى ۇيرەنىپ، تەحنيكالىق ونەردى تىڭعىلىقتى يگەرىپ، قوعامعا جارامدى ادام بولىپ، شينجياڭدى كوركەيتۋ ىستەرىنە ۇلەس قوسۋعا جىگەرلەندىردى.
جاڭ چۇنشيان: شينجياڭ جاڭاشا ونەركاسىپتەندىرۋدى جەدەل ىلگەرىلەتۋ كەزەڭىندە تۇر، ونەركاسىپتەندىرۋشى دارىندىلارعا، قولى ونەرلى جوعارى ساپالى كاسىپتىك ادامدارعا مۇقتاج، كاسىپتىك مەكتەپتەر، مىنە ءدال وسىنداي دارىندىلاردى تاربيەلەۋدىڭ بەسىگى ەسەپتەلەدى. مەكتەپتىڭ وقۋشىلاردى تاربيەلەۋ بارىسىندا جاڭاشا ونەركاسىپتەندىرۋدىڭ قاجەتىنە كوڭىل ءبولىپ، كاسىپورىننىڭ قاجەتىنە دەن قويىپ، وقۋشىلاردى جان - جاقتى تاربيەلەۋىن ءۇمىت ەتەمىن. وقىتۋشىلار تاريحي جاۋاپكەرشىلىك ارقالايتىن، ۇلگى - ونەگە بولاتىن، ءمورال ارقىلى ادام تاربيەلەيتىن، كاسىپكە شوگەل «تورتتە جاقسى وقىتۋشى» بولۋعا تالپىنىپ، قوعامعا قاجەتتى ءتىپتى دە كوپ دارىندى تاربيەلەپ شىعۋى كەرەك.
بۇقارالىق قىزمەتتى جاقسى ىستەۋ قابىلەتىن ءوسىرۋ كەرەك
وسى ساپارىندا جاڭ چۇنشيان سانجى قالاسى نيڭبيان ءمالىسى نيڭحى الەۋمەتتىك اۋماعىنا بارىپ، الەۋمەتتىك اۋماقتىڭ «بەس كىلتتەن» پايدالانىپ، «ۇشقارىلىقتى الاستاۋ» قىزمەتىنىڭ جانە 2 - توپتاعى «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەت گرۋپپاسىنىڭ قىزمەت جاعدايىن ەگجەي - تەگجەيلى ۇعىستى. اڭگىمە ۇستىندە، قىزمەت گرۋپپاسىنىڭ مۇشەلەرى الەۋمەتتىك اۋماققا كەلگەلى نە ءبارى 3 اي بولعانىمەن، قىزمەت گرۋپپاسى مەن الەۋمەتتىك اۋماق اراسىندا تەرەڭ سۇيىسپەنشىلىك ورناعانىن، تۇرعىنداردىڭ قانداي قيىنشىلىعى، ماسەلەسى بولسا، كورشىلەر اراسىندا قانداي قايشىلىق بولسا قىزمەت گرۋپپاسىن ىزدەيتىنىن، جۇرتتىڭ ءبىر ءۇيدىڭ ادامىنداي بولىپ كەتكەنىن ايتتى.
جاڭ چۇنشيان بىلاي دەدى: «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن ورىستەتۋ − پارتيانىڭ تاڭداۋلى ءداستۇرى ءارى جاڭا جاعدايعا سايكەسىپ، جاڭا ماسەلەردى شەشىپ، جاڭا جاعدايداعى بۇقارالىق قىزمەتتى جاقسى ىستەۋدەگى جاسامپاز شارا. قىزمەت گرۋپپاسىنداعى مۇشەلەردىڭ ۇيرەنۋدى كۇشەيتىپ، نەگىزگى ساتىنى ىشكەرىلەي ءتۇسىنىپ، ماسەلەلەردى ىشكەرىلەي زەرتتەپ، بۇقارالىق قىزمەتتى جاقسى ىستەۋ قابىلەتىن اناعۇرلىم ءوسىرىپ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەتىن ويداعىداي ىستەۋىن ءۇمىت ەتەمىن.
قوعام ورنىقتىلىعىن قورعاۋدى استە بوساڭسىتۋعا بولمايدى
سانجى قالالىق قوعام حاۋىپسىزدىگى مەكەمەسىنىڭ «110» قولباسشىلىق ورتالىعىندا جاڭ چۇنشيان لاڭكەستىككە قارسى مانەۆردى ەكران ارقىلى كورىپ، ۆيديولىق قولباسشىلىق شتابى ارقىلى ساقشىلاردى اتتانىسقا كەلتىرۋ جاعدايىن ەگجەي - تەگجەيلى ۇعىستى.
جاڭ چۇنشيان بىلاي دەدى: قوعام ورنىقتىلىعىن قورعاۋدى استە بوساڭسىتۋعا بولمايدى. سانجىنىڭ ورنىقتىلىقتى قورعاۋ قىزمەتىنىڭ نەگىزى جاقسى، جاۋاپكەرشىلىگى اۋىر، قالىڭ قوعام حاۋىپسىزدىگى كادر - ساقشىلارى بورىشتىلىق سەزىمدى كۇشەيتىپ، پارتيا ورتالىق كوميتەتىنىڭ، اۆتونوميالى رايوندىق پارتكومنىڭ ورنىقتىلىقتى قورعاۋ قىزمەتى جونىندەگى ورنالاستىرۋلارى مەن تالاپتارىن ونان ارى تياناقتاندىرىپ، جاۋىنگەرلەردى جاپالى جاتتىعۋ ارقىلى شىڭاپ، وقيعانى سول جەردىڭ وزىندە ءبىر جايلى ەتۋ قابىلەتىن ءوسىرىپ، ەرتە باستان، قىلپى بىلىنگەن زاماتتا سوققى بەرىپ، ادامدى، دەلونى، ءىز - دەرەكتى قاداعالاپ، سانجىنىڭ قوعام ورنىقتىلىعى مەن باياندى تىنىشتىعىن قامتاماسىز ەتۋى كەرەك.
ءدىني قايراتكەرلەر«ۇشقارىلىقتى الاستاۋ» قىزمەتىندە ءوز رولىن ساۋلەلەندىرۋى كەرەك
جاڭ چۇنشيان جەرگىلىكتى ورىنداعى 11 ءدىني قايراتكەرمەن اڭگىمەلەستى. اڭگىمەگە قاتىناسقان ءدىني قايراتكەرلەردىڭ ءبىرتالايى جاڭ چۇنشيان شۋجيدى ءار جەردە كورىپ، اڭگىمەلەسكەن ەكەن. جاڭ چۇنشيان شۋجي ولاردى دوستارىنداي جاقىن تارتىپ، ەرەكشە ىقىلاستى اڭگىمەدە بولدى. كوپشىلىك ءدىني ۇشقارى يدەياعا قالاي قارسى تۇرۋ، ءدىني قايراتكەرلەردىڭ رولىن قالاي ساۋلەلەندىرىپ «ۇشقارىلىقتى الاستاۋ» قىزمەتىن ىلگەرىلەتۋ جاقتارىندا اقتارىلا اڭگىمەلەستى. ءدىني قايراتكەرلەر ورتا جولدى، دۇرىس سەنىمدى تىلگە الىپ، كوزقاراستارىن ايقىن ءبىلدىرىپ، ءدىني ۇشقارى يدەيانى بارىنشا ايىپتاپ، ماسەلەنىڭ جۇزىنە تۋرا قاراپ، «ۇشقارىلىقتى الاستاۋ» قىزمەتىن ىلگەرىلەتۋگە اقىل - كەڭەس بەردى.
ءدىني قايراتكەرلەردىڭ ءسوزىن دەن قويا تىڭداعان سوڭ جاڭ چۇنشيان بىلاي دەدى: اۆتونوميالى رايوندىق پارتكوم ءدىن سالاسىنداعى ۋاكىل قايراتكەرلەردىڭ قوسىن قۇرىلىسىنا جانە ءدىني ىستەردى باسقارۋ قىزمەتىنە بارىنشا ءمان بەرىپ وتىر. ءدىني قايراتكەرلەردىڭ ۇلتتار ىنتىماعىن، قوعام ورنىقتىلىعى مەن جاراسىمدىلىعىن جەبەۋ، «ۇشقارىلىقتى الاستاۋ» قىزمەتىن تەرەڭدەتۋ جاقتارىندا، ءتىپتى، زور رولىن ساۋلەلەندىرىپ، دۇرىس سەنىم تاراتىپ، ءدىني ۇشقارى يدەياعا باتىل قارسى تۇرۋىن ءۇمىت ەتەمىن. ءدىني قايراتكەرلەر ورتالىقتىڭ، اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىن ونان ارى ۇيرەنىپ، ءتۇسىنىپ، دىنگە سەنەتىن بۇقاراعا پارتيا ورتالىق كوميتەتىنىڭ قامقورلىعىن جانە حالىققا تيىمدىلىك جاساۋ ساياساتتارىن ويداعىداي ۇگىتتەپ، جەتە ءتۇسىندىرۋىن؛ زاڭمەن باسقارۋ تانىمىن ارتتىرىپ، دىنگە سەنەتىن بۇقارانى زاڭعا قۇرمەت ەتىپ، زاڭ ۇيرەنىپ، زاڭعا بويسۇنىپ، زاڭنان پايدالانىپ، ءىس جۇزىندىك ارەكەتتەرى ارقىلى شينجياڭنىڭ قوعام ورنىقتىلىعى مەن باياندى تىنىشتىعىنا ۇلەس قوسۋعا تاربيەلەۋىن، جەتەكتەۋىن ءۇمىت ەتەمىن.
جاڭ چۇنشيان تاعى سانجى قالالىق جوعارى، جاڭا تەحنيكا رايونى شينحۋا ەنەرگيا - ەلەكتر جارنا شەكتى سەرىكتەستىگى مەن ورتالىق ساۋدا رايونى باس شتابى بازاسىنىڭ قۇرىلىس جاعدايىن تەكسەردى.
اۆتونوميالى رايون باسشىلارىنان شيۇڭ شۋانگو، ليۋ جيانشين تەكسەرۋ - زەرتتەۋدە بىرگە بولدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
