- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
چارقىلىق اۋدانى قىستاقتاردى الۋەتتەندىرۋ جوسپارىن اتقارىپ، جۇرت تىلەگىن بىرىكتىردى
2015.06.10 13:58 كەلۋ قاينارى : ءتاڭىرتاۋ تورابى
24 - مامىر تۇستەن بۇرىن چارقىلىق اۋدانى تىكەنلىك اۋىلى توعىراقلىق قىستاعىنىڭ «بۇقارالىق مادەنيەت كۇنى» قيمىلى قىزۋ ءجۇرىپ جاتتى: قىستاق تۇرعىندارىنىڭ قيمىل ۇيىنەن شىرقاتا سالعان ءان اۋەنى قالىقتاسا، باسكەتبول الاڭىندا سايدىڭ تاسىنداي جىگىتتەر ءبىر - بىرىنە ىرىق بەرەتىن ەمەس، بيلياردتىڭ قىزىعى ءوز الدىنا. باسكەتبول الاڭىنان بوساعان جاس ديقان تۇرسۇن وسمان ماڭدايىنىڭ تەرىن ءسۇرتىپ: قيمىل ءۇيى مەن باسكەتبول الاڭى سالىنعاننان بەرى، قىستاق تۇرعىندار كوميتەتى ءبىزدىڭ قاستەرلى شاڭىراعىمىزعا اينالدى، - دەدى.
«ءبىر جىلدان بەرى قىستاقتاردى الۋەتتەندىرۋ جوسپارىن اتقارۋ ارقىلى، دارمەنسىز، بىتىراڭقى باستاۋىش پارتيا ۇيىمدارى مەن جۇمىسى ماندىماعان قىستاقتاردى رەتكە سالىپ، باستاۋىش پارتيا ۇيىمدارىنىڭ بەرەكە - بىرلىگىن نىعايتىپ، جۇرتشىلىققا قىزمەت كورسەتۋ جانە قوعام ورنىقتىلىعىن قورعاۋ قابىلەتىن كۇشەيتتىك. چارقىلىق اۋدانىنىڭ باستاۋىش پارتيا ۇيىمدارى ورتاسىندا <ەكىنى رەتكە سالىپ، ءۇشتى كوتەرۋ> قيمىلىن جولعا قويعالى جارىققا شىققان ەڭ جارقىن وزگەرىستەردىڭ ءبىرى وسى»، - دەدى چارقىلىق اۋداندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى جۋ شينفىڭ.
چارقىلىق اۋدانى قىستاقتاردى الۋەتتەندىرۋدى باستاۋىش پارتيا ۇيىمدارى قۇرىلىسىن كۇشەيتۋدىڭ ماقساتى ەتىپ، قىستاق دارەجەلى شەپتەردىڭ رولىن تولىق كورسەتە الماعان، كوللەكتيۆ ەكونوميكانىڭ اۋقاتى تومەن، بۇقاراعا ويداعىداي ءناسيحات - تاربيە جۇرگىزە الماعان، ورنىقتىلىقتى قورعاۋ كۇشتەرىنىڭ نەگىزى ءالسىز 7 باستاۋىش پارتيا ۇيىمىنا رەتتەۋ جۇرگىزدى. ارنايى ەسەپ داپتەرىن ۇستاپ، ەرەجە - تارتىپتەر بەلگىلەپ، قيمىل ورىندارىن سالدىرۋ، تابىس كوزىن اشىپ، ەڭبەكاقىنى كوبەيتىپ، قىزمەتكەر قاتارىن مولايتۋ، قىستاق دارەجەلى زاپاس كادرلاردى تاربيەلەپ، قازىنا ارناسىن كەڭەيتىپ، تىرەكتى كادرلار جەتىلدىرۋ دەپ اتالاتىن ارناۋلى شارانى اتقارىپ، باستاۋىش پارتيا ۇيىمىنىڭ بەرەكە - بىرلىگى مەن بۇقاراعا قىزمەت وتەۋ، ورنىقتىلىقتى قورعاۋ قابىلەتىن ۇزدىكسىز نىعايتتى.
بىلتىر جىل باسىنان بەرى چارقىلىق اۋدانىنىڭ ءتورت باسشىلىق القاسىنىڭ باسشىلارى 23 قىستاق پەن الەۋمەتتىك اۋماقتىڭ پارتيا ياچەيكاسىنىڭ «ءبىرىنشى شۋجيى» مىندەتىن قوسا اتقارىپ، قوردالانعان تاريحي ماسەلەلەر مەن بۇقارا كوڭىل ءبولىپ وتىرعان قىزۋ ءتۇيىندى، قيىن ماسەلەلەردى شەشتى. اۋداندىق پارتكوم ستۋدەنت قىستاق كادرلارى، قوسىننان شەگىنگەن اسكەري ادامدار، اۋقاتتانۋ شەبەرلەرى اراسىنان قارا ءۇزىپ شىققانداردى قىستاق ەكى كوميتەتتەرىنە جۇمىسقا قويدى. اۋداندىق قازىنادان ارناۋلى قارجى ءبولىپ، قىستاق سايىن قيمىل ءۇيى مەن باسكەتبول الاڭىن سالدى، جىل سايىن ءار قىستاق پەن الەۋمەتتىك اۋماققا 001 مىڭ يۋان دەگەن ولشەم بويىنشا جۇمىس قاراجاتىن بەرىپ وتىردى، ارناۋلى جوبالار اتقارىپ، قىستاقتاردىڭ كوللەكتيۆ ەكونوميكاسىن دامىتۋعا قارجىلاي قولداۋ كورسەتتى.
بۇرىن توعىراقلىق قىستاعىندا قيمىل ءۇيى جوق ەدى، قىستاقتىڭ كوللەكتيۆ ەكونوميكاسى تۇرالاپ تۇرعان، قىستاق ۇيىمداستىرعان قيمىلعا قاۋىم جۇرتتان ادام كەلمەيتىن، قىستاق كادرلارىنىڭ ءسوزىن جۇرت قۇلاعىنا قىستىرمايتىن. قازىر ءبارى وزگەرگەن: قيمىل ءۇيى مەن باسكەتبول الاڭى سالىنۋمەن بىرگە، اۋدانى 200 شارشى مەتر جىلىجاي ەڭسە كوتەرگەن، قىستاق كوللەكتيۆى «قىستاقتاردى الۋەتتەندىرۋ» جوباسى بويىنشا 300 قوي بورداقىلاپ، ءبىر جىلدا 300 مىڭ يۋاننان ارتىق تابىس تاپتى. ءار اپتانىڭ اياعىندا وتەتىن «بۇقارالىق مادەنيەت كۇنىنە» قىستاقتاعى ۇلكەن - كىشى، ەر - ايەل جابىلا ات سالىساتىن بولدى.
قىستاقتاردى الۋەتتەندىرۋ جوسپارىنان شابىت العان ۇتام اۋىلى يۇلعۇن ارىق قىستاعىنداعى پارتيا مۇشەلەرى جوق - جىتىكتەر مەن مۇقتاج جاندارعا باس بولىپ كومەك قولىن سوزدى. ءبىر جىلدان بەرى ولاردىڭ جەتەكشىلىگىمەن، قىستاقتاعى 78 ۇيعۇر ديقان مەن حانزۋ ديقان دوستىق بايلانىس ورناتىپ، شىلان ءوسىرۋ تەحنيكاسى جونىندەگى تاجىريبەلەرىن ءبىر - بىرىمەن ءبولىستى. 2014 - جىلى قىستاق حالقىنىڭ ورتاشا تازا تابىسى 27 مىڭ 490 يۋانعا، قىستاق كوللەكتيۆىنىڭ ەكونوميكالىق كىرىسى 924 مىڭ يۋانعا كوتەرىلىپ، اۋدان بويىنشا ەڭ اۋقاتتى قىستاق رەتىندە تانىلدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
