- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
4-كەزەكتى جۇڭگو شينجياڭ حالىقارالىق ۇلتتىق ءبي فەستيۆالى سالتاناتپەن باستالدى
2015.07.21 16:42 كەلۋ قاينارى : شينجياڭ حالىق راديو ستانسياسى تورابى
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان باستالۋ سالتىندا 4-كەزەكتى جۇڭگو شينجياڭ حالىقارالىق ۇلتتىق ءبي فەستيۆالىنىڭ باستالعاندىعىن جاريالادى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، وسى كەزەكتى ءبي فەستيۆالىن ۇيىمداستىرۋ كوميسسياسىنىڭ قۇرمەتتى مەڭگەرۋشىسى شوكرات زاكىر، مادەنيەت مينيسترى، 4-كەزەكتى جۇڭگو شينجياڭ حالىقارالىق ۇلتتىق ءبي فەستيۆالىن ۇيىمداستىرۋ كوميسسياسىنىڭ قۇرمەتتى مەڭگەرۋشىسى لۋو شۋگاڭ ءسوز سويلەدى.
اۆتونوميالى رايوننىڭ باسشىلارىنان نايىم ياسىن، نۇرلان ءابىلماجىن ۇلى، چى جۇن، حان يۇڭ، پىڭ يۇڭ، لي ۋي، حۋاڭ ۋي، شاۋكەت يمىن، جۋ حايلۇن، باي جىجيە، ەركىنجان تۇراحۇن، شيۇڭ شۋانگو، شۇي حايرۇڭ، عانيبات سابىكەي ۇلى، ما شۋەجۇن، ليۋ شينچيدەر ءبي فەستيۆالىنىڭ اشىلۋ سالتىنا قاتىناستى، اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى، وسى كەزەكتى ءبي فەستيۆالىن ۇيىمداستىرۋ كوميسسياسىنىڭ مەڭگەرۋشىسى لي شۋەجۇن اشىلۋ سالتىن باسقاردى.
مەملەكەتتىك ۇلت-ءدىن ىستەرى كوميتەتىنىڭ ورىنباسار مەڭگەرۋشىسى، پارتگرۋپپاسىنىڭ ورىنباسار شۋجيى لي جاۋ، وقۋ-اعارتۋ مينيسترلىگىنىڭ ورىنباسار مينيسترى، پارتگرۋپپاسىنىڭ مۇشەسى لۋ شين، جۇڭگو ادەبيەت-كوركەمونەرشىلەر بىرلەستىگىنىڭ ورىنباسار ءتوراعاسى ياڭ چىڭجى، گۋاڭشي جۋاڭزۋ اۆتونوميالى رايونىنىڭ ورىنباسار ءتوراعاسى لي كاڭ، نيڭشا حۇيزۋ اۆتونوميالى رايوندىق ساياسي كەڭەستىڭ ورىنباسار ءتوراعاسى ءان چۇنرىن، سانشي ولكەلىك ساياسي كەڭەستىڭ ورىنباسار ءتوراعاسى لي يۋە-ى سياقتى ورتالىقتىڭ قاتىستى مينيسترلىك، كوميتەت، كەڭسەسىنىڭ، تۋىسقان ولكە، قالا، رايوننىڭ باسشىلارى مەن سيلى قوناقتار، سونداي-اق بەنگالدىڭ ەلىمىزدەگى ەلشىحاناسىنىڭ باس ەلشىسى فازىل كارىم، پاكيستاننىڭ ەلىمىزدەگى ەلشىحاناسىنىڭ كىشى ەلشىسى شۋزات ءالي راسۋ، الجىريا مەن وزبەكستاننان كەلگەن سيلى قوناقتار مەن كوركەمونەرشىلەر، ءار ۇلت كورەرمەندەرىن قامتىعان ءبىر مىڭ 200 دەن ارتىق ادام اشىلۋ سالتىنا قاتىناستى.
شوكرات زاكىر وسى كەزەكتى ءبي فەستيۆالىنا قاتىناسقان ەلىمىز ءىشى-سىرتىنان كەلگەن سيلى قوناقتار مەن كوركەمونەرشىلەردى قىزۋ قارسى الاتىندىعىن بىلدىرە كەلىپ بىلاي دەدى: شينجياڭ بايىرعى «جىبەك جولىنداعى» ماڭىزدى وتكەل، ءار ۇلت حالىق بۇقاراسىنىڭ مادەنيەتى، سونداي-اق «ءبىر تۇلعالى، كوپ نەگىزدى» مادەنيەت پەن باتىس بولەكتىڭ مادەنيەتى تىعىز ۇشتاسقان ءوڭىر، ءارى ەلىمىزدىڭ باتىسقا ەسىك اشۋداعى ماڭىزدى قاقپاسى، ماڭىزدى ەنەرگيا بايلىعىنىڭ ستراتەگيالىق بازاسى. ەلىمىز ءبىر بەلدەۋ، ءبىر جول ستراتەگيالىق ويىن العا قويدى، ءارى شينجياڭدى جىبەك جولى ەكونوميكالىق بەلدەۋى وزەكتى رايونى ەتىپ ايقىن بەلگىلەپ، شينجياڭنىڭ سىرتقا قاراتا ەسىك اشۋ اياق الىسىن ىلگەرىلەتۋىنە ماڭىزدى وراي جاراتتى. ول تاعى بىلاي دەدى: جۇڭگو شينجياڭ حالىقارالىق ۇلتتىق ءبي فەستيۆالى ەلىمىزدىڭ سىرتقا قاراتقان مادەنيەت اۋىس-كۇيىسىن ىلگەرىلەتىن ايگىلى ماركالى نىسانىنىڭ ءبىرى رەتىندە، شينجياڭنىڭ سىرتقا قاراتا ەسىك اشۋىن كەڭەيتىپ، دۇنيە جۇزىمەن دوستاسۋ اياق الىسىن ىلگەرىلەتۋدە ماڭىزدى رول اتقارادى.
لۋو شۋگاڭ ارناۋ سوزىندە بىلاي دەدى: كوپ ۇلت تىنىستاس، سان-سالالى مادەنيەت توعىسقان شينجياڭدا، ءار ۇلت بۇقاراسى قاجىرلىلىعى مەن اقىل پاراساتىنا سۇيەنىپ شۇعىلالى وڭىرلىك مادەنيەت جاراتىپ، جۇڭحۋا مادەنيەتىنىڭ اسىل قازىناسىن مولايتتى. شينجياڭ حالىقارالىق ۇلتتىق ءبي فەستيۆالى مادەنيەت مينيسترلىگىنىڭ اتقارعان ›مادەنيەت جاعىنان شينجياڭعا كومەكتەسۋ‹ جوسپارىنداعى ماڭىزدى نىساننىڭ ءبىرى، قازىرگە دەيىن ءۇش كەزەگى ءساتتى وتكىزىلدى، ماركا جاراتىپ، ىقپالىن كەڭەيتىپ، تاجىريبە توپتاپ، قوسىندى شىنىقتىرىپ، تياناقتانعان نىساناعا قاراي ورنىقتى ىلگەرىلەۋدە. ءبي فەستيۆالى بارعان سايىن جاقسى وتكىزىلەدى. ءبي فەستيۆالىن جۇڭگونىڭ ستيلىن، شينجياڭنىڭ ەرەكشەلىگىن جانە حالىقارالىق ولشەمدى ايگىلەيتىن كوركومونەردىڭ سالتاناتتى مەرەكەسى، جۇڭحۋا مادەنيەتىنىڭ قۇدىرەتىن ايگىلەيتىن، جاراسىمدى وركەنيەتتى ساۋلەلەندىرەتىن بۇقارالىق مەرەكە، جىبەك جولى ەكونوميكالىق بەلدەۋىنىڭ بويىنداعى ەلدەردىڭ مادەنيەتىنىڭ توعىسۋىنىڭ ماڭىزدى كوپىرى ەتىپ قۇرىپ، شەتەلمەن مادەنيەت اۋىس-كۇيىسى مەن سەلبەستىكتى كۇشەيتىپ، دۇنيە مادەنيەتىنىڭ كوپ تۇرلىلىگىن ساقتاپ، شينجياڭنىڭ قوعام ورنىقتىلىعى مەن ەكونوميكاسىنىڭ دامۋى جانە باياندى تىنشىتىعىن ساقتاۋ ءۇشىن بەلسەندى ۇلەس قوسۋىمىز كەرەك».قاراپايىم دا جالىندى اشىلۋ سالتىنان كەيىن، كوپشىلىك كولەمدى ءان بي تەاترى ــــ «باتىس وڭىرگە قايتا ورالۋدى» بىرلىكتە كوردى. وسى كەزەكتى ءبي فەستۆالى «جىبەك جولى ەكونوميكالىق بەلدەۋى» قۇرىلىسىن وزەك، «جۇڭگو ارمانى، شۇعىلالى جىبەك جولىن» تاقىرىپ ەتىپ، 20-شىلدەدەن 5-تامىزعا دەيىن ۇرىمجىدە وتكىزىلەدى، سونىمەن بىرگە اقسۋ، قارامايلىدا بولىمشە ويىن الاڭدارى بولىپ، ەل ءىشى سىرتىنان كەلگەن 25 كوركومونەر ۇيىرمەسى شينجياڭداعى ءار ۇلت كورەرمەندەرىنە 78 رەت ويىن قويىپ بەرەدى، بۇندا حالىقارالىق كوركومونەر ساحىناسىندا اتى ايگىلى بالەت ءبيى «جيسسەل»، «مىڭ ءبىر ءتۇن»، تاعى دا وسىزامان ءبي كوركومونەرى ارقىلى جۇڭحۋا ءداستۇرلى مادەنيەتىن بەينەلەيتىن سارا تۋىندى «كۇڭ زى»، «چيانشوۋگۋانيىن» بار، سونىمەن بىرگە شينجياڭنىڭ جەرگىلىكتى تۋىندىسى «الماحان ەرتەگىسى»، «ساحاراداعى كوكتەم» سياقتىلاردا بار. بۇدان تىس، 3-كەزەكتى جۇڭگو توراپ ءبي فەستيۆالى، حالىقارالىق ءبي ۇستازادارى ساباعى، 2015-جىلعى جىبەك جولى ويىن ساۋىق كەشى جارمەنكەسى، تۇڭعىش كەزەكتى جۇڭگو شينجياڭ جىبەك جولى كوركومونەر ونىمدەر كورمەسى جانە كوركومونەر بۇيىمدارىن باسەكەلەستىرىپ ساتۋ جارمەنكەسى، شينجياڭ ماي بوياۋلى سۋرەت كورمەسى سياقتى 5 ءتۇرلى الەۋمەتتىك قيمىل قاتار وتكىزىلەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
