- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءتۇزىلىس رەفورماسىن تەرەڭدەتىپ، شينجياڭ حالقىن باقىتقا كەنەلدىرەيىك
2015.07.22 14:07 كەلۋ قاينارى : ءتاڭىرتاۋ تورابى
18 - شىلدەدەن 21 - شىلدەگە دەيىن، جۇڭگو مۇناي، تابيعي گاز توبى سەرىكتەستىگىنىڭ قارامايلى مۇناي حيميا شەكتى جاۋاپكەرشىلىك سەرىكتەستىگى مەن جۇڭگو مۇناي حيميا توبى سەرىكتەستىگىنىڭ شينجياڭ شينچۇن مۇناي اشۋ شەكتى جاۋاپكەرشىلىك سەرىكتەستىگى ىركەس - تىركەس قۇرىلىپ جۇمىس باستادى. بۇل شينجياڭ مەن ورتالىق كاسىپورىندارىنىڭ قارجى قوسۋ سەلبەستىگىندە تىڭ جەتىستىككە قول جەتكىزگەنىن كورسەتتى؛ بۇل اۆتونوميالى رايوندىق پارتكومنىڭ پارتيا 18 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن دايەكتى تياناقتاندىرۋىنىڭ، رەفورمانى جاپپاي تەرەڭدەتۋىنىڭ ماڭىزدى جەمىسى، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ جانە ورتالىقتىڭ 5 - ءنومىرلى حۇجاتىن تياناقتاندىرۋىنىڭ ناقتى ارەكەتى بولىپ، اۆتونوميالى رايوندىق پارتكومنىڭ «شينجياڭداعى ورتالىق كاسىپورىندارىنىڭ شينجياڭدا تىركەلۋىن ىلگەرىلەتىپ، جەرگىلىكتى ورىننىڭ جارنا بازارىنا قاتىناسۋىندا تىڭ جەتىستىككە قول جەتكىزۋ» جونىندەگى تالابىن ايگىلەدى.
بۇل − اۆتونوميالى رايوننىڭ رەفورمانى جاپپاي تەرەڭدەتۋدەگى تاعى ءبىر ماڭىزدى امالياتى. جۇڭگو مۇناي، تابيعي گاز توبى سەرىكتەستىگىنىڭ قارامايلى مۇناي حيميا شەكتى جاۋاپكەرشىلىك سەرىكتەستىگى مەن جۇڭگو مۇناي حيميا توبى سەرىكتەستىگىنىڭ شينجياڭ شينچۇن مۇناي اشۋ شەكتى جاۋاپكەرشىلىك سەرىكتەستىگى مۇناي، تابيعي گاز بارلاۋ - اشۋدا بىرلەسىپ قارجى قوسۋ سەلبەستىگىندە ماڭىزدى تىڭ جەتىستىكتى جۇزەگە اسىردى، بۇل ورتالىق كاسىپورىندارىن جەرگىلىكتى ورىندا تىركەۋ قىزمەتىندە ماڭىزدى قادام تاستاپ، شينجياڭدا تۇراتىن ورتالىق كاسىپورىندارىنىڭ ءتۇزىلىس رەفورماسىندا تىڭ جەتىستىككە قول جەتكەنىن كورسەتتى. سەلبەستىك نىسانى ورتالىق كاسىپورىندارى مەن جەرگىلىكتى ورىننىڭ ورتاق ۇقىق - مۇددەسىن تولىق ايگىلەدى، بۇل، شينجياڭنىڭ جەرگىلىكتى سالىق كىرىسىن ارتتىرۋىندا، كاسىپتەنۋدى جەبەۋدە كەلەلى ءمان الادى، سونداي - اق اۆتونوميالى رايوندىق پارتكوم العا قويعان «الدىمەن مۇناي، مۇناي حيميا سالاسىندا ارالاس مەنشىكتەگى شارۋاشىلىقتى دامىتۋ» سىندى رەفورما باعىتى مەن ستراتەگيالىق شەشىمىنىڭ بۇكىلدەي دۇرىس ەكەنىن دالەلدەدى.
بۇل − باسىمدىلىقتار ارقىلى ءوزارا ولقىلىقتاردى تولىقتاپ، شىنايى ىستەپ، ەكى جاقتى بىردەي يگىلىككە كەنەلدىرەتىن سەلبەستىك. ءبىر جاعىنان، ورتالىق كاسىپورىندارى − حالىق شارۋاشىلىعىنىڭ تىرەگى، كاپيتال كولەمى مول، ىقپالى زور، جىلجىمالىلىعى جاقسى، پايدا قابىلەتى كۇشتى؛ ەكونوميكالىق پەريود تولقۋىنىڭ قاتەرىنە قارسى تۇرۋ قابىلەتى ءبىرشاما جوعارى، مەملەكەت ساياسات جاعىنان ۇزاق ۋاقىت قولداۋ كورسەتەدى. ەندى ءبىر جاعىنان، شينجياڭنىڭ مول ەنەرگيا بايلىعى مەملەكەتتىڭ بولاشاقتىق دامۋى جونىندە كەلەلى ستراتەگيالىق ءمان الادى. مۇناي، تابيعي گاز سالاسى − شينجياڭداعى باسىمدىلىعى ەڭ زور كاسىپ سالاسى ءارى اۆتونوميالى رايوننىڭ جەرگىلىكتى ورىندا تىركەلۋدى الدىمەن باستاعان سالاسى. شينجياڭ ۇكىمەت جەبەۋ، بازار اينالىمى، كاسىپورىن نەگىزگى تۇلعا، ءوزارا پايدا جەتكىزىپ تەڭ ۇتۋ پرينسيبىن باسشىلىققا الا وتىرىپ، ورتالىق كاسىپورىندارى مەن جەرگىلىكتى كاسىپورىندار سەلبەستىگىنىڭ ۇلگىسى جونىندە بەلسەندى ىزدەنىس جاساپ جانە وعان جاڭالىق ەنگىزىپ، باسىمدىلىققا يە بايلىقتى اشۋ مەن پايدالانۋدا، ەڭ الدىمەن، مۇمكىندىكتىڭ بارىنشا شينجياڭداعى ءار ۇلت حالقىنا پايدا جەتكىزۋدى قامتاماسىز ەتەدى. ورتالىق كاسىپورىندارى مەن جەرگىلىكتى كاسىپورىنداردىڭ سەلبەستىك ۇلگىسىن جاڭالاۋ ارقىلى ەكى جاقتىڭ ءوزارا باسىمدىلىق ارقىلى ولقىلىقتاردى تولىقتاۋىن ىسكە اسىرىپ، ورتالىق كاسىپورىندارىنىڭ جەرگىلىكتى كاسىپورىندار ءۇشىن كاسىپتەنۋگە باستاۋ، كاسىپتەنۋگە جەتەكشىلىك ەتۋ سىندى تىرەكتىك رولىن ساۋلەلەندىرىپ قانا قويماي، شينجياڭنىڭ مۇناي، تابيعي گاز بايلىعى جاعىنداعى باسىمدىلىعىن ەكونوميكالىق باسىمدىلىققا اينالدىرىپ، جەرگىلىكتى ورىننىڭ سالىق كىرىسىن ارتتىرىپ، ءوزارا پايدا جەتكىزىپ تەڭ ۇتۋىنا دا پايدالى.
بۇل − شينجياڭعا پايدا جەتكىزىپ، ءار ۇلت بۇقاراسىن باقىتقا كەنەلتەتىن كەلەلى شارا. جۇڭگو مۇناي، تابيعي گاز توبى سەرىكتەستىگىنىڭ، جۇڭگو مۇناي حيميا توبى سەرىكتەستىگىنىڭ شينجياڭدا تىركەلۋى سىندى ءتۇزىلىس رەفورماسى مۇناي، تابيعي گاز، كومىر سياقتى بايلىقتىق ونىمدەردى شينجياڭدا مانەرلەۋ، جىنتىكتەي مانەرلەۋ سياقتى جەرگىلىكتى ورىنعا ءتىپتى كوپ پايدا جەتكىزەتىن ساياساتتاردى كۇشەيتكەنىن تولىق ايگىلەدى. بۇگىنگى تاڭدا شينجياڭدا تۇراتىن ورتالىق كاسىپورىندارىنىڭ جەرگىلىكتى ورىندا زاڭدىق يەنى تىركەۋى جانە بىرلەسىپ قارجى قوسۋ سەلبەستىگى مۇناي، مۇناي حيميا سالاسىنان كوپتەگەن سالاعا قاراي ەتەك الۋدا، حابارلاسۋ سالاسىندا، ەنەرگيا، ەلەكتر، قاتىناس - تاسىمال سالالارىندا نىق قاداممەن ىلگەرىلەتىلۋدە. شينجياڭدى باقىتقا كەنەلتىپ، ورتالىق كاسىپورىندارىن جەرگىلىكتى ورىندا تىركەۋ ءتۇزىمىن اتقارعاندا، كاسىپورىننىڭ سالىق كىرىسىن شينجياڭدا الىپ قالۋمەن قاتار، شينجياڭنىڭ كاسىپتەنۋ ءىسىن بارىنشا جەبەپ، ءار ۇلت بۇقاراسىنىڭ رەفورما مەن دامۋدىڭ جەتىستىكتەرىن تەڭ يگىلىكتەنۋىنە مۇمكىندىك جاساۋعا بولادى.
بۇل − اۆتونوميالى رايوننىڭ بەلسەندى ىزدەنىسىنىڭ، ىرىقتى ارەكەتىنىڭ، ءتارتىپتى ىلگەرىلەتۋىنىڭ ۇلگىسى. رەفورمانى جاپپاي تەرەڭدەتۋدىڭ قىزمەت ءتۇيىنى رەتىندە، شينجياڭدا تۇراتىن ورتالىق كاسىپورىنداردىڭ زاڭدىق يەسىن جەرگىلىكتى ورىندا تىركەۋدى جانە بىرلەسىپ قارجى قوسۋ سەلبەستىگىنىڭ دامۋىن ىلگەرىلەتۋ − اۆتونوميالى رايوندىق پارتكوم بارىنشا نازار اۋدارىپ كەلە جاتقان قىزمەت. ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى ورتالىق كاسىپورىندارىن جەرگىلىكتى ورىندا تىركەۋدى ىلگەرىلەتۋ ءۇشىن، اۆتونوميالى رايون قىرۋار جاپالى دا ءارى ىجداعاتتى، اسا ناتيجەلى جۇمىستار ىستەدى ءارى ۇتىمدى امالياتتىق ىزدەنىستەر جاسادى. جاڭ چۇنشيان شۋجي اۆتونوميالى رايوندىق پارتكوم تۇراقتى كوميتەتىنىڭ، تۇراقتى مۇشەلەردىڭ (كەڭەيتىلگەن) ءماجىلىسىن جانە ارناۋلى ماجىلىستەردى تالاي رەت باسقارىپ اشىپ، نىسانداردى تياناقتاندىرۋ بارىسىنداعى قيىنشىلىقتاردى اقىلداسىپ شەشىپ، ەرەكشە ىستەردى ەرەكشە جولدارمەن شەشىپ، شۇعىل ىستەردى شۇعىل ءبىر جايلى ەتىپ، قيىن شارۋالاردى بىتىرۋگە كومەكتەسىپ، كادۋەلگى ىستەردى تەز ءبىتىردى؛ باستان - اياق پارمەندى تۇردە، تەز ىلگەرىلەتتى، بۇل ىسكەرلىك پەن شارۋاشىلىق قۇرۋ جاعىنداعى باتىل بەكىمىن، اسىرەسە، جاقسى ىستەپ، ويداعىداي اياقتاتۋ قابىلەتىن جانە وزىنە دەگەن سەنىمدى ايگىلەدى.
سەلبەستىكتىڭ مۇنداي جاڭا ۇلگىسىنىڭ اسا كۇشتى جەتەكتەۋ رولى مەن ۇلگىلىك اسەرى بار. جۇڭگو مۇناي، تابيعي گاز توبى سەرىكتەستىگىنىڭ قارامايلى مۇناي حيميا شەكتى جاۋاپكەرشىلىك سەرىكتەستىگى مەن جۇڭگو مۇناي حيميا توبى سەرىكتەستىگىنىڭ شينجياڭ شينچۇن مۇناي اشۋ شەكتى جاۋاپكەرشىلىك سەرىكتەستىگىنىڭ ءساتتى قۇرىلىپ جۇمىس باستاۋى، ءسوز جوق، ارالاس مەنشىكتەگى شارۋاشىلىق رەفورماسىن ىلگەرىلەتۋدە ماڭىزدى ىزدەنىستەر جاساپ، شينجياڭ كاسىپورىندارى مەن ورتالىق كاسىپورىندارىنىڭ سەلبەستىگىنە ءتىپتى كەڭ ءورىس اشادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
