- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق 12 - كەزەكتى حالىق قۇرىلتايىنىڭ 4 - ءماجىلىسى اشىلدى
ءماجىلىستى جاڭ چۇنشيان باسقاردى، شوكىرات زاكىر ۇكىمەت قىزمەتىنەن بايانداما جاسادى
2016.01.12 15:00 كەلۋ قاينارى : ءتاڭىرتاۋ تورابى
اۆتونوميالى رايوندىق 12 - كەزەكتى حالىق قۇرىلتايىنىڭ 4 - ءماجىلىسى 11 - قاڭتار ءتۇستىڭ الدىندا شينجياڭ حالىق سارايىندا اشىلدى. شينجياڭنىڭ جەر - جەرىنەن كەلگەن، اۆتونوميالى رايوندىق حالىق قۇرىلتايىنىڭ 500 نەشە ۋاكىلى 23 ميلليوننان استام ءار ۇلت حالقىنىڭ ماڭىزدى تاپسىرماسىن ارقالاپ ماجىلىسكە قاتىناسىپ، نەگىزگى زاڭ مەن زاڭدار بەرگەن قاسيەتتى بورىشىن وتەدى.
ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى جاڭ چۇنشيان ءماجىلىستى باسقاردى.
ءتوراعالار القاسىنىڭ تۇراقتى ءتوراعالارى نايىم ياسىن، ۋاڭ يۇڭميڭ، جاپار ابەيبوللا، ما ميڭچىڭ، تىلەبالدى ابدىرەشيت ۇلى، ورگۇل جاپار، دۇڭ شينگۋاڭ، جاڭ بو، نيجات سولتان، اسقار تۇرسىن ءتوراعالار مىنبەسىنىڭ الدىڭعى قاتارىنان ورىن الدى.
شوكىرات زاكىر، نۇرلان ءابىلماجىن ۇلى، اسحات كەرىمباي ۇلى، چى جۇن، حان يۇڭ، لي ۋي، حۋاڭ ۋي، شاۋكەت يمىن، جۋ حايلۇن، باي جىجيە، ەركىنجان تۇراحۇن، شيۇڭ شۋانگو، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، ليۋ شينچي جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنە جايعاستى.
اۆتونوميالى رايوندىق 12 - كەزەكتى حالىق قۇرىلتايىنىڭ 4 - ماجىلىسىنە قاتىناسۋعا ءتيىستى ۋاكىل 548 ادام، بۇگىن ءتۇستىڭ الدىنداعى ماجىلىسكە 508 ۋاكىل قاتىناستى، بۇل زاڭدا بەلگىلەنگەن ۋاكىل سانىنا ۇيلەسەدى.
ساعات 10نان 30 مينۋت وتكەندە، جاڭ چۇنشيان شينجياڭ ۇيعۇر اۆتونوميالى رايوندىق 12 - كەزەكتى حالىق قۇرىلتايى 4 - ءماجىلىسىنىڭ اشىلعانىن جاريالادى. زالداعى بارلىق ادام ورىندارىنان تۇرىپ، مەملەكەت گيمنىن ورىندادى.
اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتى اتىنان ماجىلىسكە قىزمەتتەن بايانداما جاسادى. بايانداما ءبىرىنشى، «12 - بەسجىلدىق» جوبا كەزىندەگى جانە 2015 - جىلعى قىزمەتتەرگە ايال؛ ەكىنشى، «13 - بەسجىلدىق» جوبا كەزىندەگى نىسانا مىندەتتەر؛ ءۇشىنشى، 2016 - جىلعى قىزمەت ورنالاستىرۋى سىندى ءۇش بولىمگە ءبولىندى.
شوكىرات زاكىر بىلاي دەدى: «12 - بەسجىلدىق» جوبا مەزگىلى شينجياڭنىڭ دامۋ تاريحىنداعى كەزەڭدىك مانگە يە بەس جىل ەسەپتەلەدى. ورنىقتىلىقتى قورعاۋ قابىلەتىمىز تىڭ ورەگە اياق باستى، ۇلتتار ىنتىماعى، العا - باسارلىعى ىستەرى العا قاراي تىڭ قادام تاستادى، جالپىلىق ەكونوميكالىق قۋات تىڭ ساتىعا كوتەرىلدى، رەفورما جاساۋ، ەسىك اشۋدا تىڭ قامال الدىق، حالىق تۇرمىسىن قامتاماسىزداندىرۋ، جاقسارتۋدا تىڭ ىلگەرىلەۋشىلىككە قول جەتكىزدىك، نەگىزدىك قۇرىلعى قۇرىلىسىندا تىڭ تابىسقا يە بولدىق، ەكولوگيالىق وركەنيەت قۇرىلىسىندا تىڭ جاعداي اشىلدى، شينجياڭعا باعىتتامالى كومەكتەسۋ قىزمەتىندە تىڭ ناتيجە جاراتىلدى، ۇكىمەت ىسىندە ەلگەزەك، پاك بولۋ قۇرىلىسىندا تىڭ بەت - بەينە ايگىلەندى. «12 - بەسجىلدىق» جوبا كەزىندە شينجياڭنىڭ ەكونوميكاسى جوعارى قارقىندى ارتۋىن ساقتادى، جالپىلىق قۋات كورنەكتى نىعايدى، وڭىرلىك ءوندىرىستىڭ جالپى ءونىم قۇنى مەجەمەن بەس جىلدىڭ الدىنداعى 543 ميلليارد 700 ميلليون يۋاننان 940 ميلليارد يۋانعا ارتىپ، جىلىنا ورتا ەسەپپەن %10.7 جوعارىلادى؛ دامۋ فورماسىندا جەدەل بۇرىلىس جاساپ، كاسىپ سالاسى قۇرىلىمى تىنباي ساپالىلانىپ، مۇنايدان سىرت ونەركاسىپتىڭ ۇستاعان سالىستىرماسى %60تەن اسىپ، مۇناي ونەركاسىبى «ءوز الدىنا ءبىر توبە» بولاتىن جاعداي تۇبەگەيلى وزگەرىپ، 3 - كاسىپتىڭ ۇستاعان سالىستىرماسى 10 نەشە جىلدان بەرى ت−ۇڭعىش رەت 2 - كاسىپتەن اسىپ ءتۇستى؛ نەگىزدىك قۇرىلعىلار كۇننەن - كۇنگە كەمەلدەنىپ، تىرەكتىك قابىلەتى كورنەكتى نىعايىپ، بەس جىلدا قوعامدىق تۇراقتى مۇلىككە جالپى 3 تريلليون 960 ميلليارد يۋان سالىندى، بۇل «11 - بەسجىلدىقتىڭ» 3.3 ەسەسىنە بارابار؛ حالىقتىڭ تۇرمىسى قاۋىرت جاقسارىپ، بۇقارا اناعۇرلىم كوپ يگىلىككە كەنەلىپ، حالىق تۇرمىسى قۇرىلىسى جىلى قيمىلى جاسامپازدىقپەن ورىستەتىلىپ، اۆتونوميالى رايوندىق قازىنانىڭ حالىق تۇرمىسى شىعىسى ادەتتەگى الەۋمەتتىك مەجە ەسەپ شىعىسىنىڭ %70تەن استامىن ۇستاپ، قالا - قالاشىق تۇرعىندارىنىڭ جان باسىنا تۋرا كەلەتىن ورتاشا قولداعى تابىسى مەن شارۋالاردىڭ جان باسىنا تۋرا كەلەتىن تازا كىرىسى جىلىنا ورتا ەسەپپەن %12.7 جانە %13.6 ارتىپ، ارتۋ قارقىنى ءۇرتىس 5 جىل بۇكىل ەل بويىنشا ماڭداي الدى ورىندا تۇردى؛ قوعامدىق ىستەر قارىشتاپ دامىپ، الەۋمەتتىك قىزمەت وتەۋ ورەسى جاپپاي جوعارىلاپ، قالا مەن اۋىلدى ءبىر تۇتاس جوسپارلاپ، جاپپاي ورنالاستىراتىن، جالپى حالىقتى تەگىس قامتۋ اياسىنا ەنگىزگەن نەگىزدىك زەينەتكەرلىك قامسىزداندىرۋى مەن نەگىزدىك ەمدەۋ قامسىزداندىرۋى ءتۇزىمى ورناتىلىپ، قوعامدىق قامسىزداندىرۋدىڭ تەگىس قامتۋىن بۇكىل ەل بويىنشا ءبىر جىل بۇرىن جۇزەگە اسىردى.
شوكىرات زاكىر 2015 - جىلعى قىزمەتتەردى ورنىقتىلىقتى قورعاۋ قىزمەتىن كۇش سالا جاقسى ىستەۋ، ەكونوميكانىڭ باسەڭدەۋ قىسىمىنا توتەپ بەرۋ، نەگىزدىك قۇرىلعى قۇرىلىسىن كۇشەيتۋ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىن العا ىلگەرىلەتۋ، ءتۇزىلىس مەحانيزمى رەفورماسىن جەدەلدەتۋ، حالىق تۇرمىسىن قامتاماسىزداندىرۋ، جاقسارتۋ، «ۇشتە قاتاڭ، ۇشتە شىنايى بولۋ» ارناۋلى تاربيەسى سياقتى 7 جاقتان قورىتىندىلادى. 2015 - جىلى وڭىرلىك ءوندىرىستىڭ جالپى ءونىم قۇنى مەجەمەن %6.8تەن استام ارتىپ، بۇكىل جىلدا قوعامدىق تۇراقتى مۇلىككە ءبىر تريلليون 72 ميلليارد 800 ميلليون يۋان قوسىلىپ، %10 ارتىپ، ەكونوميكالىق، قوعامدىق دامۋدىڭ مەجەدەگى باستى نىسانالارى نەگىزىنەن جۇزەگە اسىپ، «12 - بەسجىلدىق» جوبانى جەڭىسپەن جۇزەگە اسىرۋعا شىنايى كەپىلدىك ەتىلدى. ءبىز 2015 - جىلى اۆتونوميالى رايون قۇرىلعاندىعىنىڭ 60 جىلدىق مەرەي تويىن قۇتتىقتاۋ قيمىلدارىن سالتاناتپەن وتكىزىپ، «سالتاناتتى، دابىرالى، حاۋىپسىز، جاراسىمدى، تابىستى» بولۋ نىساناسىن جۇزەگە اسىرىپ، «شينجياڭدى كوركەيتىپ، وتان ارمانىن بىرگە جۇزەگە اسىرۋدىڭ» قۇدىرەتتى كۇش - قۋاتىن ۇيىستىردىق.
شوكىرات زاكىر بىلاي دەدى: سونىمەن بىرگە، ءبىز ەكونوميكالىق، قوعامدىق دامۋدا ءالى دە ءىشىنارا بىركەلكىسىزدىكتەردىڭ، سايكەسىمسىزدىكتەردىڭ، باياندى بولماۋ ماسەلەلەرىنىڭ ءومىر ءسۇرىپ وتىرعانىن دا قىراعىلىقپەن بايقاپ، جىعا تانىپ، مەملەكەت پەن حالىققا وسكەلەڭ جاۋاپتى بولۋ رۋحىمەن، ماسەلەگە تىكە بەت كەلىپ، ماسەلەنى شەشىپ، ءار ۇلت حالقىنىڭ كۇتكەن ءۇمىتىن، استە، سەلگە جىبەرمەۋىمىز كەرەك.
شوكىرات زاكىر «13 - بەسجىلدىق» جوبا كەزىندەگى ەكونوميكالىق، قوعامدىق دامۋدىڭ باستى نىسانالارىن باياندادى: ەكونوميكانىڭ ورتا جوعارى جىلدامدىقپەن ارتۋىن ساقتاۋ، كاسىپ سالالارىن ورتاشا، جوعارى ورەگە كوتەرۋ، ءوندىرىس جالپى جىلدىق ورتاشا قۇنىن %7 شاماسىندا ارتتىرۋ، قالا، اۋىل تۇرعىندارىنىڭ جان باسىندىق ورتاشا كىرىسىنىڭ ارتۋ دەڭگەيى ءوندىرىس جالپى ءونىم قۇنىنىڭ ارتۋ دەڭگەيىنەن تومەن بولماۋ؛ دامۋ كەڭىستىگى جاعدايى مەن ەكونوميكالىق قۇرىلىمدى ونان ارى ساپالىلاندىرۋ، نوپوستاعى حالىقتىڭ قالا - قالاشىقتانۋ سالىستىرماسىن جەدەل جوعارىلاتۋ، ەگىن، مال شارۋاشىلىعىن وسىزامانداندىرۋدا كورنەكتى ىلگەرىلەۋشىلىككە قول جەتكىزۋ؛ حالىقتىڭ تۇرمىستىق ورەسى مەن ساپاسىن جاپپاي جوعارىلاتۋ، قازىرگى ولشەم بويىنشا اۋىل - قىستاقتارداعى كەدەيلەردى كەدەيلىكتەن قۇتىلدىرۋ، كەدەي اۋدان اتاعىنان جاپپاي قۇتىلۋ، وڭىرلىك سيپاتتى كەدەيلىك ماسەلەسىن شەشۋ؛ قوعامنىڭ وركەنيەتتىلىك دەڭگەيىن كورنەكتى جوعارىلاتۋ؛ ەكولوگيالىق ورتانىڭ ساپاسىن تۇلعالىق جاقتان جاقسارتۋ؛ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدا ەلەۋلى ىلگەرىلەۋشىلىككە قول جەتكىزۋ.
شوكىرات زاكىر مىنانى اتاپ كورسەتتى: وسى جوبا نىسانانى جۇزەگە اسىرۋ ءۇشىن، ءسوز جوق، يدەيا مەن ءىس - ارەكەتتى پارتيا ورتالىق كوميتەتىنىڭ كەلەلى تۇجىرىمدارىمەن، شەشىم - ورنالاستىرۋلارىمەن بىرلىككە كەلتىرىپ، جاڭا قالىپتى تانىپ، جاڭا قالىپقا ۇيلەسىپ، جاڭا قالىپقا جەتەكشىلىك ەتىپ، قىزمەت تۇيىندەرىنە كوپ جاقتان بۇرىلىس جاساۋدى قۇلشىنا جۇزەگە اسىرۋ كەرەك. جاڭالىق اشا دامۋدان جازباي، جاڭالىق اشۋدى جەبەيتىن ءتۇزىلىس جۇلگەسىن قالىپتاستىرۋ؛ سايكەستى دامۋدان جازباي، سايكەستى دامۋ بارىسىندا دامۋ ءورىسىن كەڭەيتۋ، جەتەرسىز بۋىنداردى نىعايتۋ بارىسىندا سەرپىندى كۇشەيتۋ؛ جاسىل دامۋدان جازباي، ەكولوگيالىق وركەنيەت تانىمىن، پرينسيپىن، نىساناسىن ەكونوميكالىق، قوعامدىق دامۋدىڭ ءار جاعىمەن توعىستىرۋ؛ اشىق دامۋدان جازباي، مەملەكەتتىڭ «ءبىر بەلدەۋ، ءبىر جول» ستراتەگياسىمەن توعىستىرۋ؛ بىرگە يگىلىككە كەنەلەتىن دامۋدان جازباي، جالپى حالىقتىڭ جاپپاي دوڭگەلەك داۋلەتتى قوعامعا قادام تاستاۋىن قۇلشىنا جۇزەگە اسىرۋ كەرەك.
شوكىرات زاكىر بىلاي دەدى: بيىل − «13 - بەسجىلدىق» جوبانىڭ باستالعان جىلى. ج ك پ اۆتونوميالى رايوندىق 8 - كەزەكتى كوميتەتىنىڭ ونىنشى جالپى (كەڭەيتىلگەن) ءماجىلىسى مەن ەكونوميكالىق قىزمەت ءماجىلىسىنىڭ رۋحىنا ساي، 2016 - جىلعى ەكونوميكالىق، قوعامدىق دامۋدىڭ باستى كوزەۋلى نىسانالارى مىناداي دەپ بەلگىلەندى: ايماقتاردىڭ ءوندىرىس جالپى ءونىم قۇنىن %7 شاماسىندا ارتتىرۋ، ونەركاسىپتىڭ ارتقان قۇنىن %7 ارتتىرۋ، تۇتاس قوعامداعى تۇراقتى مۇلىككە قوسىلعان قارجىنى %12 ارتتىرۋ، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسىن %10 ارتتىرۋ، يمپورت، ەكسپورت جالپى سوماسىن %6 ارتتىرۋ، ادەتتەگى الەۋمەتتىك مەجە ەسەپ كىرىسىن %5 شاماسىندا ارتتىرۋ، تۇرعىنداردىڭ تۇتىنۋ باعاسى جالپى ورەسىن %3 شاماسىندا ارتتىرۋ، قالا - قالاشىقتاردان 440 مىڭ ادامدى جۇمىسقا تىڭنان ورنالاستىرۋ، قالا - قالاشىقتارداعى تىزىمگە الىنعان كاسىپسىزدىك سالىستىرماسىن %4.5 ىشىندە تىزگىندەۋ، حالىق سانىنىڭ تابيعي ارتۋ سالىستىرماسىن %11.6 ىشىندە تىزگىندەۋ، قالا، اۋىل تۇرعىندارىنىڭ جان باسىندىق ورتاشا كىرىسىنىڭ ارتۋى ءوندىرىس جالپى ءونىم قۇنىنىڭ ارتۋ دەڭگەيىنەن تومەن بولماۋ، ەنەرگيا، سۋ، قۇرىلىسقا پايدالاناتىن جەر سياقتى بايلىق قۇراۋى مەن كومىرتەگى قوس توتىعى سياقتى پارنيكتىك گازداردىڭ شىعارىلۋىن شەكتەۋلى كورسەتكىش كولەمىندە تىزگىندەۋ.
شوكىرات زاكىر 2016 - جىلى ۇكىمەت قىزمەتىندە تىڭعىلىقتى ىستەلەتىن قىزمەتتەردى مىناداي 10 جاقتان باياندادى: ءبىرىنشى، قوعامدىق جالپى جاعدايدىڭ ورنىقتىلىعىن باتىل قورعاۋ؛ ەكىنشى، ۇلتتار ىنتىماعىندا قۇلشىنا جاڭا جاعداي اشۋ؛ ءۇشىنشى، ەكونوميكانىڭ دامۋ ساپاسى مەن ونىمدىلىگىن جوعارىلاتۋ؛ ءتورتىنشى، نەگىزدىك قۇرىلعى قۇرىلىسىن جەدەلدەتۋ؛ بەسىنشى، رەفورمانى اناعۇرلىم تەرەڭدەتىپ، ەسىكتى ايقارا اشۋ؛ التىنشى، حالىق تۇرمىسىن جەدەل جاقسارتىپ، كەدەيلىكتەن قۇتىلدىرۋ نەگىزىن بەكەمدەۋ؛ جەتىنشى، تازا، كورىكتى شينجياڭ قۇرۋ؛ سەگىزىنشى، شينجياڭعا باعىتتامالى كومەكتەسۋ قىزمەتىن تىڭعىلىقتى جاقسى ىستەۋ؛ توعىزىنشى، بيڭتۋان ىستەرىنىڭ دامۋى مەن شينجياڭداعى اسكەري بولىمدەردىڭ قۇرىلىسىن قولداۋ؛ ونىنشى، ۇكىمەتتىڭ وزىندىك قۇرىلىسىن ۇزدىكسىز كۇشەيتۋ.
ءماجىلىستىڭ كەڭەستىك تارتىبىنە ساي، قۇرىلتايدا اۆتونوميالى رايوننىڭ حالىق شارۋاشىلىعى مەن قوعامدىق دامۋىنىڭ «13 - بەسجىلدىق» جوبا پروگرامما نۇسقاسى، اۆتونوميالى رايوننىڭ 2015 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە اۆتونوميالى رايوننىڭ 2016 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى بايانداما، اۆتونوميالى رايوننىڭ 2015 - جىلعى مەجە ەسەبىنىڭ اتقارىلۋ جاعدايى مەن اۆتونوميالى رايوننىڭ 2016 - جىلعى مەجە ەسەپ جوباسى جونىندەگى بايانداما باسىپ تاراتىلىپ، تەكسەرىپ بەكىتۋگە ۇسىنىلدى.
حۋا شىفەي، ءمامتىمىن ياسىن، چيان جى، شى داگاڭ، جۋ چاڭجيە، ءمۇتالىپ قاسىم، جاروللا يسامىدىن، ماعاۋ سەيىتقامزا ۇلى، تيان ۋىن، ليۋ يانلياڭ، ريزۋان ابەي، ماۋكەن سەيىتقامزا ۇلى، ءجۇرات يمىن، ليۋ جىيۇڭ، ليۋ جيانشين، ۋان حايچۋان، باداي، گۇلشات ءابدىقادىر، يۇي شيۋدۇڭ، ابدىلەتىپ ابدىرەيىم، حۋاڭ چاڭيۋان، ۋاڭ ۋي، سامەت مامەت، سۇڭ جيانيە، لۋ شياۋفىڭ، شۇي ۋيحۋا، لي شينميڭ، سۇڭ حاۋ، ياڭ فۋلين، ابىلەز نياز، تيان جيانرۇڭ، ۋاڭ شىجياڭ، ياڭ حۇڭلي، شۇي جىشين، گو يۇڭحۇي، ۋاڭ جيلياڭ، چىڭ جياجۋ، يان فىنشين، ءمۇتالىپ وبۇل، گو ليانشان، نيشان يبىرايىم قاتارلى باسشىلار دا ءتوراعالار مىنبەسىنەن ورىن الدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
