- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك 13 - كەزەكتى قىسقى سپورت جارىسى شينجياڭنىڭ دەنەتاربيە كاسىبىنىڭ قارقىندى دامۋىنا دەم بەردى
2016.01.22 16:25 كەلۋ قاينارى : ءتاڭىرتاۋ تورابى
مەملەكەتتىك 13 - كەزەكتى قىسقى سپورت جارىسى 20 - قاڭتاردا باستالدى، 100 ميلليونداعان ادامنىڭ نازارى شينجياڭعا اۋدى. بۇل شينجياڭدا تۇڭعىش رەت ءوتىپ وتىرعان مەملەكەتتىك كولەمدى امبەباپ سپورت جارىسى عانا ەمەس، ونان دا ماڭىزدىسى، شينجياڭنىڭ دەنە تاربيە كاسىبىنىڭ دامۋىنداعى ماڭىزدى ءتۇيىن رەتىندە قارالۋى كەرەك. ويتكەنى 13 - كەزەكتى قىسقى سپورت جارىسى ۇدەتكىش ءتارىزدى، شينجياڭنىڭ دەنە تاربيە كاسىبىنىڭ قارقىندى دامۋىنا دەم بەردى.
الاڭدا قيان - كەسكى سايىسقان سپورت ساڭلاقتارى، جارىستى قىزىقتاعان كورەرمەندەر، ەكران الدىندا وتىرعان سپورت جانكۇيەرلەرى. ەكونوميكامەن اينالىساتىندار مەن كاسىپكەرلەر تۇرعىسىنان قاراعاندا، مۇنىڭ استارىندا مولشەرلەۋگە كەلمەيتىن بولەكشە ساۋدا ورايى، ءمانى تەرەڭ كاسىپ اسەرى جاتىر.
جيڭ بو
ساۋداگەرلەردى ماگنيتتەي وزىنە تارتتى
13 - كەزەكتى قىسقى سپورت جارىسىنىڭ كوپتەگەن جارىس الاڭدارىندا بولسىن نەمەسە ءار جەردەگى اقپار جاريالاۋ جيىندارىندا بولسىن، كوپتەگەن كاسىپورىندار مەن كومەكتەسۋشى ورىنداردىڭ بەلگىلەرى كوزىڭىزگە شالىقپاي قويمايدى. تەك وسى كەزەكتەگى قىسقى سپورتتىڭ ءوزىنىڭ تارتۋ قابىلەتى جونىندە ايتار بولساق، ونىڭ دەنە تاربيە بازارىن قوزعاۋ اسەرىن بولجاۋدىڭ ءوزى قيىن.
4 - قاڭتارعا دەيىن، 13 - كەزەكتى قىسقى سپورت جارىسىنىڭ بازار اشۋ بولىمىمەن توقتامعا وتىرعان كاسىپورىندار سانى 50 دەن اسىپ، توقتامعا قاتىستى زاتتىق ماتەريال مەن قارجى 100 ميلليون يۋاننىڭ ۇستىنە شىققان. بۇل ماعىنادان العاندا، 13 - كەزەكتى قىسقى سپورت جارىسى كوپتەگەن كاسىپورىنداردى ماگنيتتەي تارتىپ، قارجى قوسۋعا باۋرادى دەۋگە بولادى.
كۇشار رۇڭگۋاڭ ازىق - تۇلىك، سۋسىن وڭدەۋ شەكتى جاۋاپكەرشىلىك سەرىكتەستىگى − 13 - كەزەكتى قىسقى سپورت جارىسىندا ءبىرىنشى بولىپ ماركا بەرىلگەن كومەكتەسۋشى كاسىپورىن. وسى كاسىپورىننىڭ باسالقاسى باۋ چۋانرۇڭ بىلاي دەدى: «13 - كەزەكتى قىسقى سپورت جارىسى سپورت جارىسى عانا ەمەس، وندا وراسان زور ساۋدا ورايى جاتىر. كاسىپورنىمىز كومەكتەسۋشى كاسىپورىن بولىپ بەلگىلەنگەن سوڭ، 13 - كەزەكتى قىسقى سپورت جارىسى سىندى وسى تەكشەدەن پايدالانىپ، ىشكى ولكە بازارىنا جىلدام ءورىس اشىپ وتىر، فۋجيان، سىچۋان، شاڭحاي سياقتى جەرلەردەن ساۋداگەرلەر سەرىكتەستىگىمىزبەن توقتامعا وتىرىپ 600 توننادان استام ونىمگە تاپسىرىس بەرىپ ۇلگىردى».
سوڭعى جىلدارى مەملەكەتتىك كەڭەس دەنە تاربيە كاسىبىن جوعارى دەڭگەيدە جوبالاپ، ونى تۇتىنۋدى ارتتىرۋدىڭ 6 ءتۇيىننىڭ ءبىرى دەپ تانىعان سوڭ، دەنە تاربيە كاسىبىنىڭ دامۋ سەرپىنى كۇشەيە ءتۇستى. بىلتىر تي - اۋ دۇڭليدىڭ 5 جىلدا 8 ميلليارد يۋاندىق باعامەن جۇڭگو فۋتبول ەرەكشە بىرلەسكەن جارىسىنىڭ 2016 - جىلدان 2020 - جىلعا دەيىنگى تەلە سيگنالىن جاساۋ، سونداي - اق باسپا ۇقىعىن ساتۋ سەلبەستىك سەرىگى بولىپ بەلگىلەنگەندىگى تۋرالى اقپار جۇرتتىڭ قىزۋ اڭگىمەسىنە اينالىپ، جۇڭگونىڭ دەنە تاربيە كاسىبىنىڭ كومەسكى كۇشى مەن ومىرشەڭدىك كۇشىن كورسەتتى.
بۇكىل ەلدىڭ دەنە تاربيە كاسىبىنىڭ قارىشتاپ دامۋىمەن سالىستىرعاندا، شينجياڭنىڭ دەنە تاربيە كاسىبىنىڭ دامۋى ءالى دە ارتتا جاتىر. ءبىراق مەملەكەتتىك 13 - كەزەكتى قىسقى سپورت جارىسى ماڭىزدى «تۇتاندىرۋشى» رەتىندە دەنە تاربيە جارىس كاسىبىنىڭ زور ورلەۋىن اكەلدى.
13 - كەزەكتى قىسقى سپورت جارىسىنىڭ ناتيجەسىندە، شينجياڭنىڭ قار - مۇز بايلىعىنىڭ اتاعى اسقاقتادى، شينجياڭنىڭ قار - مۇزىن كورۋگە بۇكىل ەلدىڭ جەر - جەرىنەن ساياحاتشىلار اعىلدى؛ بۇكىل شينجياڭنىڭ جەر - جەرىندە اشىلعان قار - مۇز سپورتىنا تاربيەلەۋ كۋرستارىنا قاتىناسۋشىلاردىڭ سانى ەسەلەپ ارتىپ، ءار ءتۇرلى جاس دەڭگەيىندەگى ادامداردىڭ قار - مۇز الەمىنە دەگەن قىزىعۋى ارتتى؛ قار - مۇزبەن قاتىستى دالالىق جابدىقتاردىڭ ساتىلىمى كۇرت ارتىپ، شينجياڭنىڭ دەنە تاربيە كاسىبىنىڭ جاڭا ومىرشەڭدىك كۇشىن ايگىلەدى.
قار - مۇز سپورت كاسىبى باقشاسى شاپشاڭ قالىپتاسۋدا
مەملەكەتتىك 13 - كەزەكتى قىسقى سپورت جارىسى باستالعان ساتتە، شينجياڭنىڭ مۇز ءۇستى سپورتى ورتالىعىنىڭ تۇنگى كورىنىسى كورگەن جۇرتتى تامساندىردى. وسى سارايلاردى بەلگى ەتە وتىرىپ، بەلدەۋ تارىزدەس شينجياڭ قار - مۇز سپورتى كاسىبى باقشاسى شاپشاڭ قالىپتاسۋدا.
2015 - جىلى شينجياڭ دەنە تاربيە كاسىبىن جەدەل دامىتىپ، دەنە تاربيە تۇتىنۋىن جەبەۋ جونىندەگى اتقارۋ پىكىرىن شىعارىپ، رايونىمىزدىڭ الداعى ۋاقىتتاعى دەنە تاربيە كاسىبىنىڭ دامۋىنداعى 8 مىندەتتى ايقىن العا قويدى. قار - مۇز سپورتىن دامىتۋ مىنە وسى مىندەتتەردىڭ ءبىرى ەدى. اتقارۋ پىكىرى العا قويىلىسىمەن، 13 - كەزەكتى قىسقى سپورت جارىسىن وتكىزۋدى وڭتايلى وراي ەتىپ، قوعامداعى كۇشتەردى رايونىمىزدىڭ قار - مۇز سپورتىنىڭ الاڭ قۇرىلعىلارىن ۇزدىكسىز كەمەلدەندىرۋگە جەتەكتەپ، بۇقارالىق قار - مۇز سپورتىن جاپپاي ورىستەتتى. 2025 - جىلعا دەيىن شينجياڭ مۇز ءۇستى سپورتى ورتالىعىن وزەك ەتكەن مۇز ءۇستى سپورتى كاسىپ باقشاسى؛ ءۇرىمجىنىڭ نانشان تاۋى، بوعدا كولى، التايداعى گەنەرال تاۋى، ىلەدەگى كۇنەس سياقتىلاردى ءتۇيىن ەتكەن ءبىر توپ قار ءۇستى سپورت كاسىبى باقشالارى قالىپتاسادى.
ءبىر جەردىڭ كاسىبىنىڭ دامۋ ورەسىن ولشەگەندە، باقشا رايونىنىڭ دامۋى ىلعي دا ماڭىزدى كورسەتكىش سانالادى. اۆتونوميالى رايوندىق دەنە تاربيە مەكەمەسىنىڭ ورىنباسار باستىعى ياڭ شينلي: وسى كوزقاراسقا سۇيەنسەك، 13 - كەزەكتى قىسقى سپورت جارىسىنىڭ وتكىزىلۋى شينجياڭنىڭ قار - مۇز سپورتى كاسىپ باقشاسىنىڭ دامۋىنىڭ 5 − 01 جىل تەزدەۋىنە مۇمكىندىك جاسايدى، - دەدى.
قار - مۇز بايلىعىنىڭ قىمباتى جەدەل ارتتى
كوپشىلىككە ايان، شينجياڭدا وركەش - وركەش بولىپ نەشە مىڭ شاقىرىمعا سوزىلىپ جاتقان تيانشان، كۇنلۇن جانە التاي سىندى ءۇش ۇلكەن تاۋ بار. ونىڭ ۇستىنە، شينجياڭنىڭ قىسى ۇزاق، قار ەرتە جاۋادى، قار ساپاسى جاقسى. قازىر شينجياڭدا تەڭىز دەڭگەيىنەن بيىكتىگى 7000 مەتردەن اساتىن، بويسۇندىرىلعان، سىرتقا اشىق ۇستالعان 14 شىڭ بار، بۇلاردىڭ ىشىندەگى «شىڭنىڭ - شىڭى» اتانعان مۇزتاع شىڭى، قوڭۇر شىڭى جانە شوگىر شىڭى قاتارلى باسىنان جىل بويى قار كەتپەيتىن بيىك شىڭدار جالپاق ەلگە تانىس.
ءبىراق ۇزاق ۋاقىتتان بەرى، شينجياڭنىڭ قار - مۇز بايلىعى ۇيقىداعى بايلىق ىسپەتتى بولدى. بۇرىن قار - مۇز شينجياڭدىقتاردىڭ ساناسىندا قولدان جاساعان شاڭعى، شانا سياقتىلارمەن وزىندىك ءىز قالدىرىپ، ادامدار قارلى دالادان وزىنشە ءلاززات الاتىن. ال قار - مۇز سپورتى شينجياڭدىقتارعا تەك بەرتىنگى جىلدارى عانا تانىس بولدى.
مەملەكەتتىك 13 - كەزەكتى قىسقى سپورت جارىسى ماڭىزدى وراي، وسى ارقىلى شينجياڭدىقتار سان مىڭ شاقىرىمدىق قارلى شىڭدارعا قايتا نازار سالادى، مۇنان دا ماڭىزدىسى، بۇل بۇكىل قوعامدى قار - مۇز ارەكەتىنە كەڭ كولەمدى جۇمىلدىرۋ رولىن اتقارادى. مىنە وسىنداي قوعامدىق اۋقىم نەگىزىندە قار - مۇز بايلىعىنىڭ قىمباتى جەدەل ارتتى.
مەملەكەتتىك 13 - كەزەكتى قىسقى سپورت جارىسى ورايىندا اۆتونوميالى رايون مەن ءارقايسى ايماق، وبلىستار قىسقى ساياحاتتىڭ ءتيىمدى ساياساتتارىن جاريالاپ، قىسقى سپورت جارىسىنا بايلانىستى سي كورسەتىپ، ىشكى وڭىرلەردەگى ساياحاتشىلاردى شينجياڭعا كەلۋگە شاقىردى. سونىمەن بىرگە، سولتۇستىك شينجياڭداعى كوپتەگەن قالالار بيىل قىستا قار - مۇز ساياحات فەستيۆالىن وتكىزىپ، از ۇلت ەرەكشەلىگىنە يە، باي مازمۇندى سەيىل - سەرۋەن ساياحاتىن، دەنە شىنىقتىرۋ ارەكەتىن قانات جايدىرىپ، ەل ءىشى - سىرتىنداعى سيلى قوناقتاردى باۋرادى.
كاسىپ سالاسى دامۋىنىڭ وراسان زور ۇدەۋ مۇمكىندىگى بار
ياڭ شينلي: 2013 - جىلعى ساندى مالىمەتتەرگە قاراساق، اۆتونوميالى رايونىمىزدىڭ دەنە تاربيە كاسىپ سالاسىنىڭ ارتقان قۇنى نە بارى 277 ميلليون يۋان بولىپ، بۇل 3 - كاسىپتەگى ارتقان قۇننىڭ % 0.07 ىن ۇستاعان. دەنە تاربيە كاسىپ سالاسىنىڭ اۆتونوميالى رايونىمىزدىڭ ەكونوميكالىق دامۋىنداعى ۇستاعان سالىستىرماسى تىم ماردىمسىز بولۋمەن بىرگە، بۇل ونىڭ دامۋ كومەسكى كۇشىنىڭ اسا زور ەكەنىن تۇسىندىرەدى، - دەدى.
دەنە تاربيە كاسىپ سالاسىنىڭ دامۋىن جەدەلدەتىپ، دەنە تاربيەنىڭ باسەكەلىك قۋاتىن جاپپاي جوعارىلاتۋدى جىبەك جولى ەكونوميكالىق بەلدەۋىندەگى «مادەنيەت، عىلىم، وقۋ - اعارتۋ ورتالىعى» قۇرىلىسىنىڭ ماڭىزدى مازمۇنى ەتكەن اۆتونوميالى رايون 5202 - جىلى شينجياڭنىڭ دەنە تاربيە سالاسىنا ات سالىسقان ادام سانىن جالپى حالىق سانىنىڭ ۇشتەن بىرىنەن اسىرىپ، دەنە تاربيە كاسىپ سالاسىنىڭ ىشكى ءوندىرىستىڭ جالپى ءونىم قۇنىنداعى ۇستاعان سالىستىرماسىن كورنەكتى ارتتىرىپ، ادام باسىنا تۋرا كەلەتىن ورتاشا دەنە تاربيە الاڭى كولەمىن بۇكىل ەلدىڭ ورتاشا ورەسىنەن اسىرىپ، قالا مەن اۋىل تۇرعىندارىنا تۋرا كەلەتىن ورتاشا دەنە تاربيە تۇتىنۋىن كورنەكتى ارتتىرىپ، دەنە تاربيە شارۋاشىلىعىمەن شۇعىلدانۋشىلار سانىنىڭ بۇكىل قوعامداعى كاسىپتەنۋشىلەر سانىنداعى ۇستاعان سالىستىرماسىن كورنەكتى ارتتىرۋدى العا قويدى.
جۋىردا شينجياڭ مەملەكەتتىك دامۋ - رەفورما كوميتەتىنىڭ قولداۋىنا بەلسەنە ۇمتىلىپ، دەنە تاربيە كاسىپ سالاسىن دامىتۋداعى 13 قۇرىلىس نىسانى مەن مەملەكەتتىڭ ارناۋلى قۇرىلىس قورىن تياناقتاندىرىپ، شينجياڭنىڭ دەنە تاربيە كاسىپ سالاسىنىڭ دامۋىن جەدەلدەتۋگە وراي ازىرلەپ، شارت - جاعداي جاراتتى.
قار - مۇز سپورتى جونىنەن العاندا، مەملەكەتتىك 13 - كەزەكتى قىسقى سپورت جارىسىنىڭ وتكىزىلۋى شينجياڭنىڭ اناعۇرلىم ءتيىمدى ستراتەگيالىق ورنىن تۇراقتاندىردى. مەملەكەت «300 ميلليون ادامدى قار - مۇز سپورتىنا تارتۋ» جانە «وڭتۇستىككە قانات جازۋ، باتىسقا ىرگە كەڭەيتۋ» ستراتەگياسىن العا قويدى، شينجياڭ وسى جوبانىڭ ماڭىزدى قۇرامداس بولەگىنە اينالدى.
مەملەكەتتىك 13 - كەزەكتى قىسقى سپورت جارىسىن ۇيىمداستىرۋ القاسىنىڭ ورىنباسار مەڭگەرۋشىسى، اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى لي شۋەجۇن: ءبىز مەملەكەتتىك 13 - كەزەكتى قىسقى سپورت جارىسىن وراي ەتىپ، مەملەكەتتىك دەنە تاربيە باس مەكەمەسى العا قويعان «وڭتۇستىككە قانات جايۋ، باتىسقا ىرگە كەڭەيتۋ» ستراتەگياسىنا ىرىقتىلىقپەن سايكەسىپ، ۇكىمەتتىڭ الەۋمەتتىك قىزمەت وتەۋ قابىلەتىن كۇشەيتۋمەن بىرگە، بازاردىڭ بايلىقتى ورنالاستىرۋداعى شەشۋشى رولىن تولىق ساۋلەلەندىرىپ، دەنە تاربيە بايلىعىن مۇمكىندىكتىڭ بارىنشا اشىپ، قوعامدىق كۇشتەردى دەنە تاربيە شارۋاشىلىعىمەن اينالىسۋعا جەتەلەپ، ءتىپتى دە كوپ ساپالى قارشاڭعى الاڭدارى مەن كونكي الاڭدارىن سالىپ، قار - مۇز سپورتىنىڭ دامۋى مەن جالپىلاسۋىن جەدەلدەتەمىز، - دەيدى.
بەيجيڭ دەنە تاربيە ۋنيۆەرسيتەتىنىڭ دوكتور جەتەكشىسى لي يۋانۋي: مەملەكەتتىك 13 - كەزەكتى قىسقى سپورت جارىسىنىڭ وتكىزىلۋىن وراي ەتكەن شينجياڭنىڭ دەنە تاربيە كاسىپ سالاسى، ءسوز جوق، ءبىرشاما ۇزاق ۋاقىتتىق جەدەل دامۋ كەزەڭىنە قادام تاستايدى، - دەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
