- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان ءسوز سويلەدى ءارى قىزمەت گرۋپپالارىنا تۋ ۇسىندى
اۆتونوميالى رايون «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى بويىنشا قورىتىندىلاۋ، ماداقتاپ سيلاۋ، اتتانىسقا كەلتىرۋ، اتتاندىرۋ جينالىسىن اشتى
500 قىزمەت گرۋپپاسى «وزات گرۋپپا» اتاعىنا، 2500 ادام «وزات جەكە» اتاعىنا يە بولدى
ياۋ تۇڭ
2016.02.25 16:03 كەلۋ قاينارى : شينجياڭ گازەتى
ءتىلشىمىز ياۋ تۇڭ 24 - اقپاندا ۇرىمجىدەن حابارلايدى. 24 - اقپان كۇنى ءتۇستىڭ الدىندا، اۆتونوميالى رايوندىق پارتكوم جينالىس اشىپ، 2015 - جىلعى «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەتىن قورىتىندىلاپ، تاجىريبە اۋىستىردى، وزات كوللەكتيۆتەر مەن وزات جەكەلەردى ماداقتاپ سيلادى، 2016 - جىلعى قىزمەت مىندەتتەرىن ورنالاستىردى، 3 - توپتا اۋىل - قىستاقتارعا تۇسەتىن قىزمەت گرۋپپالارىن اتتاندىردى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان جينالىستا ءسوز سويلەدى.
2014 - جىلى اقپاندا اۆتونوميالى رايوندىق پارتكوم «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن ورىستەتۋدى ۇيعارعاننان بەرى بيىل 3 - جىلعا قادام تاستادى. بۇگىنگى جينالىس تەلەۆيزور، تەلەفون ءماجىلىسى فورماسىمەن اشىلدى. شينجياڭ بويىنشا 112 قوسىمشا ءماجىلىس الاڭى ورنالاستىرىپ، 27 مىڭنان استام ادام جينالىسقا قاتىناستى.
جينالىس ايبىندى مەملەكەت گيمنىمەن باستالدى.
2015 - جىلعى «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىندا جارىققا شىققان وزات قىزمەت گرۋپپالارى (اترەتتەرى) مەن وزات جەكەلەردى ماداقتاپ سيلاۋ ءۇشىن، اۆتونوميالى رايوندىق پارتكوم ىلە قازاق اۆتونوميالى وبلىستىق ساۋداگەر شاقىرۋ - دامىتۋ مەكەمەسىنىڭ، وبلىستىق وداق كوميتەتىنىڭ قۇلجا قالاسى بايانداي اۋىلى بايانداي قىستاعىنداعى بىرلەسكەن قىزمەت گرۋپپاسى سياقتى 500 قىزمەت گرۋپپاسىنا (اترەت) وزات قىزمەت گرۋپپاسى (اترەتى) اتاعىن، ياڭ يۇيليڭ سياقتى 2500 جولداسقا وزات جەكە اتاعىن بەرۋدى ۇيعاردى.
جاڭ چۇنشيان باستاعان باسشىلار ماداقتالىپ سيلانعان وزات قىزمەت گرۋپپالارى (اترەت) مەن وزات جەكەلەرگە سيلىق تابىس ەتتى. ماداقتالىپ سيلانعان قىزمەت گرۋپپالارى مەن جەكەلەردىڭ ۋاكىلدەرى، قىزمەتى وسىرىلگەن قىستاقتا تۇرعان كادرلاردىڭ ۋاكىلدەرى كەۋدەلەرىنە قىزىل گۇل تاعىپ، نەگىزگى جينالىس الاڭىندا بۇكىل شينجياڭداعى ءار ۇلت كادر - بۇقاراسىمەن جۇزدەستى.
جينالىستا ۋ شيان، ابىلەت مامەت، يۇي جيە، ءومارجان قۇربان، جوۋ شيڭجي، ليۋ جۇنگو، جاڭ يۋان، گاۋ جياڭحۋاي قاتارلى 8 جولداس 2 - ، 3 - توپتاردا قىستاقتارعا جىبەرىلگەن كادرلار مەن ورىندار اتىنان ءسوز سويلەدى. ولاردىڭ اسەرلى اڭگىمەلەرى، شىنايى سۇيىسپەنشىلىكتەرى سول جەردە وتىرعان 2 - توپتاعى قىزمەت گرۋپپالارى مۇشەلەرىنىڭ ەسىنە قىستاقتا تۇرعان ءبىر جىلداعى ۇمىتىلماس كۇندەردى سالىپ، 3 - توپتاعى قىزمەت گرۋپپالارى مۇشەلەرىنىڭ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن تەرەڭدەتۋ، ناتيجەگە قول جەتكىزۋ بەكىمى مەن سەنىمىن بەكەمدەدى.
جاڭ چۇنشيان بىلاي دەدى: 2015 - جىل − اۆتونوميالى رايوننىڭ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنداعى الدىڭعىعا مۇراگەر، كەيىنگىگە بۇيداگەر بولۋداعى شەشۋشى جىل. ءبىر جىلدان بەرى ءار دارەجەلى پارتكوم (پارتيا باسشىلىق گرۋپپاسى) سۋبيەكتتىك جاۋاپكەرشىلىكتى مۇقيات اتقارىپ، دەن قويا ۇيىمداستىرىپ، ۇزدىكسىز كۇش سالدى؛ قالىڭ پارتيالى كادرلار تاسقىنداعان ىنتا - جىگەرمەن بەلسەنە ات سالىسىپ، ىرىقتىلىقپەن ىستەدى؛ ءار ۇلت بۇقاراسى ۇلكەن ءۇمىت ارتىپ، شىن جۇرەكتەن قولداپ - قۋاتتادى. شينجياڭعا باعىتتامالى كومەكتەسەتىن ولكە، قالالار «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنا ەرەكشە قولداۋ كورسەتتى، شينجياڭعا كومەككە كەلگەن كوپتەگەن كادرلار قيمىلعا تىكەلەي ات سالىستى. اۆتونوميالى رايوندا، بيڭتۋاندا، شينجياڭدا تۇراتىن اسكەري بولىمدەردە 10 مىڭنان استام قىزمەت گرۋپپاسى (اترەت)، قىستاقتاردا تۇراتىن 70 مىڭنان استام كادر «ەكىگە تاباندى بولۋدى» مۇقيات دايەكتىلەندىردى، نەگىزگى ساتى ۇيىمدارىنىڭ جاۋىنگەر قورعاندىق رولى ايتارلىقتاي كۇشەيدى؛ «ۇشقارىلىقتى الاستاۋ» ءىسى بارىنشا ىلگەرىلەتىلىپ، ءدىني ۇشقارىلىق جاعدايى كورنەكتى تۇردە باسەڭدەدى؛ جۇمىلا ساقتانۋ، جۇمىلا وڭاۋ، جۇمىلا مەڭگەرۋ ءىسى كۇشەيتىلىپ، قوعام جاعدايى ۇزدىكسىز ورنىقتىلىققا بەت الدى؛ ۇگىت - تاربيە ارقىلى جەتەكشىلىك ەتۋ كۇشەيتىلىپ، ۇلتتار ىنتىماعى، ءوزارا سەنىمدىلىك ايتارلىقتاي كۇشەيدى؛ حالىق تۇرمىسىن جاقسارتۋ ۇزدىكسىز ىلگەرىلەتىلىپ، زەيىن - زەردە، كۇش - قۋاتتى جۇمىلدىرۋدىڭ ونىمدىلىگى كورنەكتى تۇردە جوعارىلادى؛ «ۇشتە قاتاڭ، ۇشتە شىنايى بولۋ» امالياتتا ايگىلەنىپ، كادرلاردىڭ قىزمەت ستيلىندە كورنەكتى بەت بۇرىس بولدى. 2 جىلدان بەرگى اماليات مىنانى دالەلدەدى: «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى − «ءتورتتى جاپپاي ورىنداۋ» ستراتەگيالىق ورنالاستىرۋىن دايەكتىلەندىرۋدەگى كەلەلى شارا، شينجياڭدى ورنىقتىرىپ، شينجياڭدى تىنىشتاندىرۋداعى ستراتەگيالىق ورنالاستىرۋ، پارتيا قۇرىلىسىنداعى جاڭا ۇلى ينجەنەريانى ىلگەرىلەتۋدەگى ماڭىزدى ىزدەنىس، اۆتونوميالى رايوندىق پارتكومنىڭ باس نىسانانى ارقاۋ ەتۋ، جاڭا سىن - سايىستارعا توتەپ بەرۋ، شينجياڭنىڭ ءتۇرلى كۇردەلى رەال ماسەلەسىن شەشۋ سىندى نەگىزدى بەكەمدەۋ شاراسى، نەگىزگى ساتىنى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدىڭ تابىستى امالياتى.
جاڭ چۇنشيان بىلاي دەپ اتاپ كورسەتتى: نەگىزگى ساتى ۇيىمدارىنىڭ باسشىلىق ۇيتقىلىق قۇرىلىسىن جاپپاي كۇشەيتۋ كەرەك. شي جينپيڭ جولداس باس شۋجي بولعان پارتيا ورتالىق كوميتەتى اۋىل - قىستاق نەگىزگى ساتى پارتيا قۇرىلىسى قىزمەتىنە بارىنشا ءمان بەردى، وتە - موتە، شينجياڭنىڭ نەگىزگى ساتىنىڭ نەگىزگى قىزمەتىن كۇشەيتۋ جونىندە تالاي رەت ماڭىزدى نۇسقاۋ بەرىپ، بەكىتۋ جازدى. ءبىز اۋىل - قىستاق نەگىزگى ساتى پارتيا قۇرىلىسىن كۇشەيتۋدىڭ ماڭىزدىلىعى مەن كوكەي تەستىلىگىن جەتە تانىپ، باس شۋجي شي جينپيڭنىڭ «نەگىزگى ساتىنى يگەرۋدى، نەگىزدى بەكەمدەۋدى بۇلجىماستان شينجياڭدى ورنىقتىرۋ، شينجياڭدى تىنىشتاندىرۋدىڭ ۇزاق بولاشاقتىق ءتاسىلى جانە نەگىزدى بەكەمدەۋ شاراسى ەتۋ، نەگىزگى ساتى پارتيا ۇيىمدارىن بۇلجىماستان ۇلتتار ىنتىماعىن جەبەيتىن، قوعام ورنىقتىلىعىن قورعايتىن، مەملەكەتتى بولشەكتەۋگە قارسى تۇراتىن پارمەندى جاۋىنگەر قورعان ەتىپ قۇرىپ شىعۋ» تالابىنا ساي، اۋىل - قىستاق نەگىزگى ساتى پارتيا ۇيىمدارىنىڭ باسشىلىق ۇيتقىلىق ورنىنان باستان - اياق اۋىتقىماي، ساياسي جاقتان جەتەكشىلىك ەتۋ يقۋاتىن شىن مانىندە كۇشەيتۋىمىز، قىزمەت ەتۋ قابىلەتى مەن ورەسىن شىن مانىندە جوعارىلاتۋىمىز، بۇقارانى تاربيەلەۋ مەن ولاردى جەتەلەۋدى شىن مانىندە كۇشەيتۋىمىز، قىستاق دارەجەلى ۇيىمدارعا ءبىر تۇتاس باسشىلىقتى شىن مانىندە كۇشەيتۋىمىز، قىستاق پارتيا ياچەيكالارىنىڭ ورتالىق پەن جەرگىلىكتى ءار دارەجەلى پارتيا ۇيىمدارىنىڭ شەشىم - ورنالاستىرۋلارىن اتقارۋدىڭ ۇيىمداستىرۋشىسى مەن جەبەۋشىسىنە، پارتيانىڭ لۋشيان، باعىت - ساياساتتارىنىڭ اۋىل - قىستاقتا دايەكتى تياناقتانۋىن قامتاماسىز ەتەتىن باسشىلىق ۇيتقىعا، اۋىل - قىستاقتارداعى ءتۇرلى ۇيىمداردىڭ باسشىلىق ۇيتقىسىنا، اۋىل - قىستاق قىزمەتتەرىنىڭ باسشىلىق ۇيتقىسىنا، بۇقارانى جارقىن ءومىر قۇرۋعا ىنتىماقتاستىراتىن، باستايتىن باسشىلىق ۇيتقىعا اينالۋىنا مۇمكىندىك جاساۋىمىز كەرەك.
جاڭ چۇنشيان «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەتىنىڭ ولشەمىن ورناتۋدى باسا دارىپتەدى ءارى بيىلعى «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەتىنىڭ «1235» نىسانالىق تالابىن، ياعني ءبىر شەپ قۇرۋ، ەكى قالپاقتى الىپ تاستاۋعا ۇمتىلۋ، ەكى ءتۇرلى رازىلىق سالىستىرماسىن جوعارىلاتۋ، «زورلىقتى كۇش لاڭكەستىك دەلوسى، ۇشقارى ءدىني قيمىل، اۋىر توپتىق وقيعا بولماۋدى» ىسكە اسىرۋ، «بەستە جاقسى پارتيا ياچەيكاسىن» قۇرۋ تالابىن العا قويدى.
جاڭ چۇنشيان بىلاي دەپ باسا دارىپتەدى: بيىلعى ءتۇيىندى قىزمەتتەردى كۇش سالا جاقسى ىستەۋ كەرەك. 2016 - جىلى «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن ونان ارى تەرەڭدەتۋ، ناقتى ونىمدىلىككە قول جەتكىزۋ كەرەك. نەگىزگى ساتى ۇيىمىن كۇشەيتۋ، «ۇشقارىلىقتى الاستاۋدى» ىلگەرىلەتۋ، حالىق تۇرمىسىن قامتاماسىزداندىرۋ، جاقسارتۋ سىندى «3 ءتۇرلى ءتۇيىندى قىزمەت» ارقىلى «6 ءتۇرلى مىندەتكە» ءبىر تۇتاس جەتەكشىلىك ەتۋ كەرەك.
ءبىرىنشى، ماڭگى تاپجىلمايتىن قىزمەت اترەتىن كۇش سالا سومداپ، نەگىزگى ساتى ۇيىمىن شىن مانىندە كۇشەيتۋ كەرەك. شۋجيدى جاقسى تاڭداپ، ىسكەر، ىسىلعان كادرلار ارقىلى ءالسىز بۋىندارداعى قىزمەتتەردى كۇشەيتىپ، قىستاق پارتيا ياچەيكاسىنىڭ ۇيىسۋ قۋاتى مەن جاۋىنگەرلىك قۋاتىن كۇش سالا جوعارىلاتۋ؛ جاقسى القا قۇرىپ، «القاسى بەرەكەلى، شايقاس جۇرگىزە الاتىن، بۇقارانى باستاپ پارتيانىڭ سوڭىنان ەرەتىن، قىزمەت مىندەتتەرىن تياناقتاندىرا الاتىن، بايقالعان ماسەلەنى ءبىر جايلى ەتە بىلەتىن، بۇقارا قيىنشىلىققا كەز بولعاندا قول ۇشىن بەرە الاتىن» بولۋدى جۇزەگە اسىرۋ؛ جاقسى قوسىن قۇرىپ، «ءۇش قوسىن» قۇرىلىسىن مىقتى يگەرىپ، نەگىزگى ساتىدا شينجياڭ ەرەكشەلىگىنە يە جاقسى كادرلار قوسىنىن كۇش سالا قۇرۋ؛ ءبىر توپ جاقسى مەحانيزمدى تياناقتاندىرىپ، ءبىرسىپىرا ءتۇزىمدى اقاۋسىزداندىرۋعا، كەمەلدەندىرۋگە كومەكتەسۋ ءارى ونى تىڭعىلىقتى تياناقتاندىرۋ؛ ءبىر جاقسى شەپ قۇرىپ، ساياساتتى، بايلىقتى، كۇشتى، قارجىنى تومەنگە بەيىمدەۋگە تاباندى بولىپ، نەگىزگى ساتى ۇيىمدىق شەبى قۇرىلىسىن شوعىرلى تۇردە مىقتى يگەرۋ كەرەك.
ەكىنشى، «ۇشقارىلىقتى الاستاۋدى» ىشكەرىلەي ىلگەرىلەتىپ، قوعامنىڭ ورنىقتىلىعىن بار كۇشپەن قورعاۋ كەرەك. ۇگىت - تاربيەنى ويداعىداي ورىستەتىپ، شينجياڭنىڭ وراسان زور وزگەرىستەرىن، ورتالىقتىڭ قولداۋىن، قامقورلىعىن جانە شينجياڭعا باعىتتامالى كومەكتەسىپ جاتقان ولكە، قالالاردىڭ قالتقىسىز كومەگىن، شۇعىلالى، جارقىن بولاشاقتى تىڭعىلىقتى ءتۇسىندىرۋ؛ ۇلتتار ىنتىماعى ۇگىت - تاربيەسى قيمىلىن ويداعىداي ۇيىمداستىرىپ، ءار ۇلت كادر - جۇرتشىلىعىنىڭ كوپ ساتىلى، الۋان فورمالى بارىس - كەلىسىن العا ىلگەرىلەتىپ، ارالاسۋ، ىشتەسۋ، توعىسۋ؛ ءدىن ىستەرىن ويداعىداي باسقارىپ، پارتيانىڭ ءدىن قىزمەتىنىڭ نەگىزدىك باعىتىن جاپپاي تياناقتاندىرىپ، ءدىندى سوتسياليستىك قوعاممەن سايكەسۋگە بەلسەنە جەتەلەپ، «بەستە جاقسى ءدىني قيمىل ورىندارىن» قۇرۋ، «بەستە جاقسى ءدىني قايراتكەرلەردى» باعالاۋ قيمىلىن ۇزدىكسىز ىشكەرىلەي ىلگەرىلەتىپ، وتانشىل ءدىني قايراتكەرلەر قوسىنى قۇرىلىسىن كۇشەيتۋ؛ ءتالىم - تاربيە بەرۋ، دۇرىس جولعا ءتۇسىرۋ قىزمەتىن تىڭعىلىقتى جاقسى ىستەپ، تۇرلەرگە ءبولىپ شارا قولدانىپ، دالمە - ءدال كومەكتەسۋ، ءتالىم - تاربيە بەرۋ قىزمەتى مەحانيزمىن ورناتۋ؛ ورنىقتىلىقتى قورعاۋعا بايلانىستى ناقتى شارالاردى تىڭعىلىقتى تياناقتاندىرىپ، ىرىقتىلىقپەن شابۋىلعا وتۋدەن جازباي، قاتاڭ سوققى بەرۋدىڭ تەگەۋىرىندى كۇيىن باستان - اياق ساقتاپ، ارناۋلى وڭاۋ مەن بۇقارالىق وڭاۋدى ۇشتاستىرۋعا، جۇمىلىپ ساقتانىپ، جۇمىلىپ جونگە سالۋعا تاباندى بولۋ، جاقسى جاعدايدى ساقتاۋ جانە جاقسى ورتانىڭ اياسىن كەڭەيتۋ كەرەك.
ءۇشىنشى، حالىق تۇرمىسىن شىنايى قامتاماسىزداندىرۋ جانە جاقسارتۋ، بۇقارانىڭ تۇرمىس ساپاسى مەن باقىت كورسەتكىشىن تىنباي جوعارىلاتۋ كەرەك. حالىققا تيىمدىلىك جاساۋ ساياساتتارىن، حالىق تۇرمىسى ينجەنەريالارىن، كەدەيلىكتەن قۇتىلدىرۋ جاۋاپكەرشىلىگىن جاپپاي تياناقتاندىرۋ كەرەك. بيىل اۆتونوميالى رايون «حالىق تۇرمىسى قۇرىلىسى جىلى» قيمىلىن ۇزدىكسىز اتقارىپ، ءار ۇلت جۇرتشىلىعىنىڭ بىرگە قۇرۋ، بىرگە يگىلىككە كەنەلۋ بارىسىندا اناعۇرلىم مول دۇنيەگە كەنەلۋ سەزىمىندە بولۋىنا مۇمكىندىك جاسايدى.
جاڭ چۇنشيان مىنالاردى تالاپ ەتتى: «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنا ۇيىمدىق باسشىلىقتى شىنايى كۇشەيتۋ كەرەك. ءار دارەجەلى پارتكوم، ۇكىمەت جانە قىزمەت گرۋپپالارى يدەيانى بىرلىككە كەلتىرىپ، سايكەسە ارەكەتتەنىپ، بىرىككەن كۇش قالىپتاستىرىپ، تۇلعالىق جاقتان العا ىلگەرىلەتۋ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن تىنباي ىشكەرىلەتۋ كەرەك. جاۋاپكەرشىلىكتى ساتىلار بويىنشا تياناقتاندىرىپ، تۇلعالىق رولدى كۇشەيتىپ، سايكەسە ارەكەتتەنۋ، تەڭ يگەرىپ، بىرگە باسقارۋدىڭ بىرىككەن كۇشىن قالىپتاستىرۋ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى بارىسىندا ساياسيدا تاباندى، قابىلەتى كۇشتى، ستيلى جاقسى، كوڭىل كۇيى ورنىقتى، ءتۇسىنۋ، اتقارۋ تياناقتاندىرۋ قابىلەتى مىعىم شينجياڭ ەرەكشەلىگىنە يە جاقسى كادرلاردى تاربيەلەۋ، ۇزاق ءونىمدى مەحانيزمدى ورناتىپ، قىزمەتتى جۇيەلىلەندىرۋ، تاماشا اۋقىم ازىرلەپ، قوعامدىك پىكىر ۇگىت قىزمەتىن تەرەڭدەتۋ، قاداعالاۋ، تەكسەرۋدى كۇشەيتىپ، قىزمەتتى دايەكتى تياناقتاندىرۋ كەرەك.
وسىدان كەيىن جاڭ چۇنشيان «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى بويىنشا 3 - توپتاعى قىزمەت گرۋپپاسىنا تۋ ۇسىندى. اۆتونوميالى رايوننىڭ اقسۋ ايماعىندا، قىزىلسۋ قىرعىز اۆتونوميالى وبلىسىندا، قاشقار ايماعىندا، حوتان ايماعىندا تۇراتىن 4 قىزمەت گرۋپپاسىنىڭ ۋاكىلى تۋدى سالتاناتپەن تاپسىرىپ الىپ، بيىك كوتەرىپ ارلى - بەرلى بۇلعادى. بىرگە تۇرعان كوپشىلىك دۋ قول شاپالاق سوقتى.
جينالىستى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر باسقاردى. اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى، اۆتونوميالى رايوننىڭ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنا باسشىلىق ەتۋ گرۋپپاسىنىڭ ورىنباسار باستىعى ما شۋەجۇن ماداقتاپ سيلاۋ قاۋلىسىن وقىدى.
چى جۇن، لي ۋي، حۋاڭ ۋي، شاۋكەت يمىن، جۋ حايلۇن، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، ليۋ شينچي قاتارلىلار نەگىزگى جينالىس الاڭىنداعى جينالىسقا قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
