- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
داۋلەت پەن شياۋ شاڭىراعىنداعى اعايىندىلار اراسىنداعى اڭگىمە
ي شينحۋا
2016.04.06 14:02
ءساۋىر ايى كىرىسىمەن باتىس سولتۇستىكتەگى شەكارا وڭىردە كوكتەم لەبى ەسىپ، بار تىرشىلىك ۇيقىدان ويانىپ، بار الاپتان تىرشىلىك تىنىسى جالىندادى. بيڭتۋان 9 - ديۆيزياسى 168 - پولك سولتۇستىك رايون 4 - روتاسىندا تۇراتىن شياۋ شينحۇڭنىڭ اۋلاسى ءشوپ تۋراعىش ماشينانىڭ گۇرىلدەگەن داۋىسىمەن جاڭعىردى، ءشوپ تۋراعىش ماشيناعا داۋلەت ءبىر جاعىنان جوڭىشقا سالىپ، ءبىر جاعىنان جيىپ، جۇمىستى تاپ - تۇيناقتاي ىستەدى.
داۋلەت بيىل 50 جاسقا شىققان، ءدوربىلجىن اۋدانى شاڭحۋ قالاشىعى قۇماق 2 - قىستاعىنىڭ ازاماتى. شياۋ شينحۇڭ بيىل 45 جاستا، تىڭ يگەرۋشى اسكەريلەردىڭ ۇرپاعى. داۋلەت پەن شياۋ شينحۇڭ اعايىندىلارداي ەتەنە دوستىق - سۇيىسپەنشىلىك ورناتقان.
2012 - جىلى سالت باس داۋلەت تانىس - بىلىستەرىنىڭ تانىستىرۋىمەن 168 - پولكتىڭ سولتۇستىك رايون 4 - روتاسىنا كەلىپ، شياۋ شينحۇڭنىڭ 2 - اعاسىنىڭ مالىن باعادى. داۋلەت ءوزى مومىن، ۇزاق جىل مال باققان، مالدىڭ بابىن جاقسى بىلەتىن ەدى، ول شياۋ شاڭىراعىنىڭ مالىن دەن قويا باپتاپ - باعادى. جازدا مالدى ءشوبى شۇيگىن جەرگە ايداپ اپارىپ باقسا، قىستا قورادا جەم - ءشوپ بەرىپ باعۋعا دا ءوزى جاۋاپتى بولادى، تولدەيتىن كەزدە مالدىڭ جانىنان ەكى ەلى ايرىلمايدى، جايشىلىقتا ول كارانتيندەۋگە دە باسا ءمان بەرەدى. داۋلەتتىڭ دەن قويا باپتاپ - باعۋىندا شياۋ شينحۇڭنىڭ 2 - اعاسىنىڭ قوراسى قويعا تولادى.
سالت باستى داۋلەتكە تۇرمىستا قارايلاساتىن ءبىر ادام بولسا دەگەن ويعا كەلگەن شياۋ شينحۇڭنىڭ 2 - اعاسى وعان لايىقتى ادام قاراستىرادى. 2013 - جىلى كوكتەمدە وزگەلەردىڭ تانىستىرۋىمەن داۋلەت ناعيرا نۇرقان قىزىن وزىنە جار ەتىپ الادى. نەكەلەنۋ تويىن شياۋ شاڭىراعىنداعىلار روتادا وتكىزىپ بەرەدى، روتاداعى كادرلار مەن جۇمىسشى - قىزمەتكەرلەردىڭ ءبارى كەلىپ قاتىناسىپ، تىلەكتەرىن بىلدىرەدى. داۋلەت ولارعا شەكسىز العىس ايتادى. ول: ەگەر بيڭتۋانعا كەلىپ مال باقپاعان بولسام، شياۋ شاڭىراعىنداعى اعايىندىلاردىڭ كومەگى بولماسا، مۇنداي باقىتتى تۇرمىسقا كەنەلە الماس ەدىم، - دەيدى.
2013 - جىلى كۇزدە شياۋ شينحۇڭنىڭ 2 - اعاسى قولىنداعى 160 قويىن شياۋ شينحۇڭعا ساتىپ بەرەدى، سونىمەن قاتار وعان داۋلەتتى تانىستىرىپ، مىنا قازاق باۋىرلاسىمىزعا جاقسى مامىلە جاسا دەپ تاپسىرادى.
داۋلەت شياۋ شينحۇڭنىڭ مالىن باققان كۇننەن باستاپ، شياۋ شينحۇڭ ونى ءوز وتباسىنىڭ ءبىر مۇشەسىندەي كورەدى. داۋلەتتى ۇن، ماي سياقتى تۇرمىستىق بۇيىمدارمەن قامداپ تۇرادى.
قازىر داۋلەتتىڭ جاسى ەگدەلەپ قالعاندىقتان، دەنساۋلىعى دا بۇرىنعىداي بولماي قالدى، شياۋ شينحۇڭ ونىڭ دەنساۋلىعىنا كوڭىل ءبولىپ، قاجەتتى ءدارى - دارمەكتەرىن الىپ بەرىپ تۇردى. 2014 - جىلى ءبىر كۇنى شياۋ شينحۇڭ داۋلەتتىڭ قىزۋى ورلەپ قاتتى اۋىرىپ جاتىر ەكەن دەگەن حاباردى ەستىگەننەن كەيىن، قولىنداعى جۇمىسىن تاستاي سالىپ، ونى ماشينامەن شيپاحاناعا دەرەۋ جەتكىزەدى ءارى ونىڭ داۋالانۋ قاراجاتىن وتەيدى. داۋلەت: شياۋ شاڭىراعىنداعى اعايىندىلاردى ءوز ىنىلەرىمدەي كورەمىن، - دەيدى.
كەلۋ قاينارى: شينجياڭ گازەتى - ءتاڭىرتاۋ تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
