- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«كىرىكپەلى» قونىستانۋ جاراسىمدىلىققا ارقاۋ بولدى
2016.05.20 14:47 كەلۋ قاينارى : شينجياڭ گازەتى
«ءبىزدىڭ اۋلامىز مەيىرگە تولى ۇلى شاڭىراق، وسىنداعى تۇرعىندار وزدەرىن قاشاندا كوكتەم شۋاعىنا شومعانداي باقىتتى سەزىنەدى». 1 - مامىر كۇنى اقتاۋ اۋدانى مۇز تاۋ جولى الەۋمەتتىك اۋماعىنىڭ بەرەكەلى اۋلاسىنا بارعانىمىزدا، الەۋمەتتىك اۋماقتىڭ مەڭگەرۋشىسى پاتيگۇل سىدىق ءبىزدى ىقىلاسپەن قارسى الىپ، قاتىستى جاعدايلاردى تانىستىردى.
كەشقۇرىم الەۋمەتتىك اۋماق الاڭىندا 100گە تارتا ادام ويناقى مۋزيكانىڭ سۇيەمەلدەۋىندە شاتتانا بيگە باستى، ءبي جەتەكشىسى ۇيعۇر بويجەتكەن ەكەن، بيشىلەر قوسىنى قىرعىز، حانزۋ، ۇيعۇر، تاجىك سىندى ءار ۇلت تۇرعىندارىنان قۇرالىپتى. ءبيدى تاماشالاپ وتىرعان قارتتاردىڭ سانى دا از ەمەس سياقتى، ولار دا ارا - تۇرا مۋزيكا اۋەنىنە ەلىتىپ، اياق - قولدارىن قوزعاپ قويادى.
«قارتاڭ تارتقاندا وسىنداي مەيىرلى ۇلى شاڭىراقتا تۇرمىس كەشىرىپ جاتقانىما قاتتى قۋانىشتامىن!». ءبيدى تاماشالاپ تۇرعان حى يانگۇي قاريا سىچۋان اكسەنتىندە: وتە كەرەمەت بولدى، - دەدى.
حى يانگۇڭ وتباسى بىلتىر اقپان ايىندا بەرەكەلى اۋلانىڭ 18 - عيماراتىنا كوشىپ كەلگەن - دى. «ءبىر كۇنى ەسىگىم ىشىنەن قۇلىپتالىپ قالدى، كىلتتى الا شىعۋدى ۇمىتىپ قالىپپىن، سونىمەن ۇيگە كىرە الماي داعدارىپ تۇرعانىمىدا، استىڭعى قاباتتاعى بيبياقشى يمام، كورشى عيماراتتاعى تۇرۇپجان كومەككە كەلدى، ولار ماعان ىستىق شاي اكەلىپ بەردى، كىلت اشاتىندارعا تەلەفون شالدى، ءبارى ءىس وڭىنا باستى!»، - دەدى حى يانگۇي.
قاسىندا وتىرعان تۇرۇپجان ونىڭ ءسوزىن ساباقتاپ كۇلىمسىرەي: ءبىز ءبىر شاڭىراقتىڭ ادامدارىمىز ەمەسپە، - دەدى.
قاريامەن ءبىر عيماراتتا تۇراتىن ماحيت تۇرسىن ءسوز قىستىرىپ: حى اتايدىڭ وتباسىنداعىلار وتە مەيىرلى ادامدار. بىرنەشە كۇننىڭ الدىندا بيبياقشى سەمياسىنىڭ قۇبىرى بۇزىلىپ قالعانىنان حاباردار بولعان حى اتايدىڭ ۇلى قىزمەتتەن ءتۇسىپ ۇيىنە كەلگەننەن كەيىن، تاماققا دا قاراماستان قۇرال - جابدىقتارىن الىپ، قاربالاس جۇمىسقا كىرىسىپ كەتتى، - دەدى.
وسى كەزدە سەرۋەندەپ جۇرگەن ورگۇل مامەت پەن بيبياقشى دا ءبىز تۇرعان جەرگە كەلگەن - دى. «حى اتاي، راديو ەستىدىڭىز بە؟»، «كەل، كەل، مىنا جەرگە وتىر، قىزىم».
ورگۇلدىڭ جاڭا باس كيىم كيگەنىن كورگەن ماحيت تۇرسىن: باس كيىمىڭ ادەمى جاراسىپتى، - دەپ ماقتادى.
«بۇل باس كيىمدى بيبياقشى ءسىڭلىم تىككەن». ورگۇل كۇلىمسىرەي بىلاي دەدى: «باس كيىم كىشكەنە بولعانىمەن، تىگۋگە ءبىر اي ۋاقىت جۇمسالدى». بيبياقشى تاجىك ۇلتى، كەستەشىلىككە شەبەر. قازىر ورگۇل ودان كەستەشىلىك ۇيرەنۋدە، ءبىر باس كيىمدى 600 يۋانعا ساتۋعا بولادى.
«ورگۇل تاماقتى وتە ءدامدى جاسايدى، ۇنەمى كورشىلەردى تاماققا شاقىرادى، مەن ودان لاعىمان جاساۋدى ۇيرەنىپ الدىم»، - دەدى بيبياقشى دوسىنىڭ ارتىقشىلىعىن ايتىپ.
جاراسىمدى اۋلادا مەيىرگە تولى مۇنداي جاعدايدى ۇنەمى كەزدەستىرۋگە بولادى، كوپشىلىك ءبىرىن - ءبىرى قۇرمەتتەيدى، ءبىر - بىرىنە كەشىرىممەن قارايدى، ءبىر - بىرىنەن ۇيرەنەدى، بەينە ءبىر شاڭىراقتىڭ ادامدارىنداي ءوزارا قول ۇشىن بەرىپ، كومەك قولىن سوزادى. مۇنىڭ ءبارى اقتاۋ اۋدانىنىڭ ءار ۇلت ورتاق تۇرمىس كەشىرەتىن «مەيىرلى اۋماقتى» قۇرۋ بارىسىندا «كىرىكپەلى» ۇلگىدەگى «سىزدەردىڭ ارالارىڭدا ءبىز بارمىز، ءبىزدىڭ ارامىزدا سىزدەر بارسىڭدار» سىندى قونىستانۋ يدەياسىنا تاباندى بولۋىنىڭ جانە «سەن مەنىڭ كورشىمسىڭ، مەن سەنىڭ كورشىڭمىن» جوسپارىن جاساۋىنىڭ ارقاسى دەۋگە بولادى.
«جاراسىمدى اۋلاداعى ءاربىر عيماراتتا ارزان باعادا مايعا بەرىلەتىن ءۇي، تاۋار ءۇي ءارى الەۋمەتتىك مايعا بەرىلەتىن ءۇي، قارجى توپتاپ سالىنعان ءۇي بار، <ارالاسپالى> تۇرعىندار عيماراتىنان 43 كورپۋس بار، وندا قىرعىز، ۇيعۇر، حانزۋ، تاجىك، حۇيزۋ، مانزۋ سىندى 8 ۇلتتان قۇرام تاپقان 1989 وتباسى، 5409 ادام تۇرادى». ۇلتتاردىڭ ارالاسۋىن، ىشتەسۋىن، توعىسۋىن جەبەۋ ءۇشىن الەۋمەتتىك اۋماق <قىستا ىستىق نان جەتكىزۋ>، <جازدا سۋسىن جەتكىزۋ>، <كۇندەلىك الاڭ ءبيى>، <كورشىلەر مەرەكەسى> سىندى جەلىلەس قيمىلداردى ىركەس - تىركەس ورىستەتىپ، ۇلتتار ىنتىماعىنىڭ وڭ ەنەرگياسىن ءار ۇلت تۇرعىندارى اراسىنا تاراتتى، جالعاستىردى»، - دەدى پاتيگۇل.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
