- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
بانكە، ءۇنحات، اقى تولەۋ قاپشىعى سياقتىلاردا اقشا باسقالارعا قاتە اۋدارىلىپ كەتسە قايتۋ كەرەك
2016.05.19 15:47 كەلۋ قاينارى : شينجياڭ گازەتى
قول تەلەفوندى مەڭگەرۋدە قاتەلىك تۋىلىپ، بانكەگە قويعان امانات اقشا باسقالاردىڭ ەسەبىنە اۋدارىلىپ كەتسە، ءوزىنىڭ ۇقىق - مۇددەسىن قالاي قورعاۋى كەرەك؟ جاقىندا، چاڭجوۋ قالاسى جينتان رايوندىق حالىق سوتى مەكەمەسى ءبىر ورىنسىز پايدا ءتۇسىرۋ دەلوسىن تەكسەرىپ اياقتاتتى. جاۋاپكەر نيە XXتى ۇكىم كۇشكە يە بولعاننان كەيىن، داۋگەرگە 15 مىڭ يۋاندى وسىمىمەن بىرگە قايتارىپ بەرۋگە ۇكىم ەتتى. ياڭ XX پەن نيە XX اراسىندا كاسىپتىك قارىم - قاتىناس ءجيى جاسالاتىن، ىلگەرى قول تەلەفون اقى تولەۋ قاپشىعى ارقىلى نيە XXكە اقشا جولداعان، ەكەۋى اراسىندا سەنىمدىلىك ورناعان. سوندىقتان ياڭ XXتىڭ ەسەپ وتكەرەتىن ادامدارىنىڭ ىشىندە نيە XXتىڭ اقى تولەۋ قاپشىعىنىڭ ءنومىرى قول تەلەفونىنا اۆتوماتتى ساقتالىپ قالعان. 2015 - جىلى 14 - مامىر كۇنى داۋگەر ياڭ XX ساۋدا قاجەتىمەن قول تەلەفون بانكەسى ارقىلى نيە XXكە اقشا جىبەرمەكشى بولادى، دەلو سىرتىنداعى ادام مەن جاۋاپكەر نيە Xتىڭ فاميلياسى ۇقساس بولعاندىقتان، ياڭ XX بەيعامدىق ىستەپ، اقشا تاپسىرىپ الۋشىنىڭ تولىق اتى - جونىنە مۇقيات قاراماي، ساۋساعىمەن قول تەلەفون ەكرانىن اقىرىن ءتۇرتىپ قالعاندا، نيە XXكە جولداۋعا ءتيىستى 15 مىڭ يۋان ابايسىزدا جاۋاپكەر نيە XXتىڭ ەسەبىنە كىرىپ كەتكەن. ياڭ XX اقشانىڭ قاتە اۋدارىلىپ كەتكەنىن بايقاعاننان كەيىن، دەرەۋ جاۋاپكەر نيە XXپەن حابارلاسىپ قايتارىپ بەرۋىن تالاپ ەتكەن، الايدا جاۋاپكەر نيە XX مۇنى ەلەپ تە قويماعان. امالسىز قالعان ياڭ XX نيە XXتىڭ ۇستىنەن حالىق سوتى مەكەمەسىنە ارىز بەرىپ، جاۋاپكەر نيە XXتىڭ 15 مىڭ يۋان اقشانى وسىمىمەن قايتارىپ بەرۋىن تالاپ ەتكەن.
حالىق سوتى مەكەمەسى دەلوعا تەكسەرۋ جۇرگىزىپ، «ورىنسىز پايدا الۋ دەگەندە ءبىر جاقتىڭ ەشقانداي زاڭدىق نەگىزى بولماعان پايداعا يە بولىپ، باسقالاردى زيانعا ۇشىراتۋ مەڭزەلەدى. ەلىمىزدىڭ <ازاماتتىق ىستەر زاڭىنىڭ جالپى ەرەجەلەرىندە> زاڭدى نەگىزى بولماي تۇرىپ، وزىنە ورىنسىز پايدا ءتۇسىرىپ، باسقانى زيانعا ۇشىراتقاندار سول پايدانى زيان تارتقان ادامعا قايتارۋعا ءتيىس دەپ بەلگىلەنگەن. بۇل دەلودا داۋگەر ياڭ XX كورسەتكەن اقشا اۋدارۋ سىپاتتاماسى، ايعاقتىڭ كۋالىك ءسوزى سياقتىلارعا نەگىزدەلىپ، داۋگەر ياڭ XX اقشانىڭ قاتە اۋدارىلىپ كەتكەنىن بايقاعاننان كەيىن، دەرەۋ جاۋاپكەر نيە XXكە تەلەفون شالىپ احۋالدى ۇقتىرۋمەن بىرگە، ىزدەپ بارىپ قاتە اۋدارىلىپ كەتكەن اقشانى قايتارىپ بەرۋىن تالاپ ەتكەن. جاۋاپكەر نيە XX توقتام ارقىلى سول اقشاعا قول جەتكىزگەنىن دالەلدەيتىن دالەل - سىپات كورسەتە الماعان. سوندىقتان جاۋاپكەر نيە XXتىڭ ارەكەتى ورىنسىز پايدا الۋدىڭ قالىپتاسۋ شارتىنا ۇيلەسەدى، زاڭ بويىنشا ورىنسىز پايدانى اقى يەسىنە قايتارىپ بەرۋى كەرەك دەپ تۇراقتاندىرۋعا بولادى. ورىنسىز پايدانى قايتارىپ بەرۋدە، اسىلگى قولعا كەلگەن پايدانى قايتارىپ بەرۋمەن بىرگە، وسى پايدادان تۋىنداعان ءوسىمدى دە بىرگە قايتارىپ بەرۋى كەرەك» دەپ قاراپ، قاتىستى زاڭدار مەن ءادىليالىق تۇسىندىرمەلەرگە نەگىزدەلىپ، جاۋاپكەر نيە XXكە ۇكىم كۇشكە يە بولعاننان كەيىن، دەرەۋ ياڭ XXكە 15 مىڭ يۋاندى قايتارىپ بەرۋمەن بىرگە، 2015 - جىلى 15 - مامىردان باستاپ اقشانى قايتارىپ بەرىپ بولعان كۇنگە دەيىنگى ۋاقىتقا دەيىن جۇڭگو حالىق بانكەسىنىڭ ۇقساس مەزگىلدەگى ۇقساس تۇردەگى قارىزدىڭ ءوسىمى بويىنشا ءوسىم ەسەپتەپ بەرەدى دەپ ۇكىم شىعارادى.
سۋديانىڭ كوزقاراسى
ينتەر تورابى فينانسىنىڭ دامۋىنا ىلەسىپ، اقشا تولەۋ قاپشىعى، توراپ بانكەسى ارقىلى اقشا اۋدارعان نەمەسە بانكەگە بارىپ باسقالارعا اقشا جولداعان كەزدە، ءسوزسىز، ءتۇرلى سىپات، تالونداردى مۇقيات سالىستىرىپ كورۋ كەرەك. بانكە ەسەبات ءنومىرى مەن اتى - ءجونىن انىق سالىستىرىپ كورگەننەن كەيىن، ءىس جۇرگىزۋ، ورىنسىز اۋرەشىلىكتىڭ تۋىلۋىنان ساقتانۋ كەرەك. ەگەر ابايسىزدا اقشانى قاتە اۋدارىپ قويۋ سياقتى جايتتەر كورىلسە، الدىمەن قاتىستى دالەل - سىپاتتاردى جاقسىلاپ ساقتاپ قويۋ، قارسى جاقپەن كەڭەسۋ، شىنىندا، كەڭەسىپ ءبىر جاقتى ەتۋ مۇمكىنشىلىگى بولماعان جاعدايدا، حالىق سوتى مەكەمەسىنە ارىز - شاعىم بەرۋ ءتيىس.
ەگەر ويلاماعان پايداعا جولىقساڭىز، ورىنسىز ولجاعا كەنەلگەن جاق بولعان ءسىز، ادالدىق، سەنىمدىلىك پرينسيبى نەگىزىندە، ورىنسىز ولجانى اقى يەسىنە قايتارىپ بەرىڭىز.
اۋدارعان: ورال قاسەيىن ۇلى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
