- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق حالىق قۇرىلتايى تۇراقتى كوميتەتى ۋاكىلدەر قىزمەتى جونىندە اڭگىمە ءماجىلىس وتكىزدى
2016.05.27 15:42 كەلۋ قاينارى : شينجياڭ گازەتى
ءتىلشىمىز جاۋ جىيۇن 25 - مامىردا ۇرىمجىدەن حابارلايدى. 25 - مامىر تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتى ۋاكىلدەر قىزمەتى جونىندە اڭگىمە ءماجىلىس وتكىزدى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن ءماجىلىستى باسقاردى جانە ءسوز سويلەدى.
بۇل جولعى اڭگىمە ءماجىلىس اۆتونوميالى رايوندىق پارتكومنىڭ حالىق قۇرىلتايى قىزمەتى ءماجىلىسىنىڭ جانە اۆتونوميالى رايوندىق 12 - كەزەكتى حالىق قۇرىلتايى 4 - ءماجىلىسىنىڭ رۋحىن دايەكتى تياناقتاندىرىپ، حالىق قۇرىلتايى تۇراقتى كوميتەتىنىڭ حالىق قۇرىلتايى ۋاكىلدەرىمەن قاتىناسىن اناعۇرلىم نىعايتىپ، حالىق قۇرىلتايى ۋاكىلدەرىنىڭ رولىن تولىق ساۋلەلەندىرىپ، اۆتونوميالى رايوننىڭ حالىق قۇرىلتايى ۋاكىلدەرى قىزمەتىن تەرەڭدەتۋ جانە ونىڭ اياسىن كەڭەيتۋ ماقساتىندا اشىلدى. ماجىلىستە اۆتونوميالى رايوندىق حالىق قۇرىلتايىنىڭ 7 ۋاكىلى وزدەرىنىڭ ءىس جۇزىندىك جاعدايىمەن ۇشتاستىرا وتىرىپ، ءماجىلىس جابىق كەزدە ءوز مىندەتتەرىن وتەۋ احۋالدارىن تانىستىردى، سونداي - اق ۋاكىلدەر قىزمەتىن ويداعىداي ىستەۋ جونىندە ۇسىنىس بەردى.
نايىم ياسىن بىلاي دەپ اتاپ كورسەتتى: اۆتونوميالى رايوندىق حالىق قۇرىلتايى تۇراقتى كوميتەتى ۋاكىلدەر قىزمەتىنە باستان - اياق وسكەلەڭ ءمان بەرىپ، تۇراقتى كوميتەتتىڭ ۋاكىلدەرىمەن بايلانىسىن كۇشەيتتى، ۋاكىلدەردىڭ جاعدايدان جانە ۇكىمەت ىسىنەن حابارلى بولۋ ارناسىن كەڭەيتىپ، ۋاكىلدەردىڭ تۇلعالىق رولىن ساۋلەلەندىرىپ، ۋاكىلدەردىڭ ءوز مىندەتتەرىن زاڭ بويىنشا وتەۋىنە قولداۋ كورسەتتى ءارى ونى قامتاماسىزداندىردى. قازىر اۆتونوميالى رايون جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىندە تۇر، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋ مىندەتتەرى ءالى دە اۋىر. ۋاكىلدەردىڭ زاڭمەن باسقارىلاتىن شينجياڭ قۇرۋ، رەفورمانى تەرەڭدەتۋ، جىبەك جولى ەكونوميكالىق بەلدەۋى وزەكتى رايونىن قۇرۋ، ۇلتتار ىنتىماعىن قورعاۋ، لاڭكەستىككە قارسى تۇرىپ، ورنىقتىلىقتى قورعاۋ، «ۇشقارىلىقتى الاستاۋ» سياقتى جاقتارداعى ماڭىزدى رولىن تولىق ساۋلەلەندىرۋدىڭ ماڭىزى اسا زور.
نايىم ياسىن مىنانى باسا دارىپتەدى: جاڭا جاعدايدا ۋاكىلدەر قىزمەتىن ويداعىداي ىستەۋدىڭ كەلەلى ماڭىزىن جەتە تانۋ كەرەك. حالىق قۇرىلتايىنىڭ ۋاكىلدەرى جاۋاپكەرلىكتى باتىلدىقپەن ارقالاۋ ساناسىن ىرىقتىلىقپەن جوعارىلاتىپ، حالىق قۇرىلتايىنىڭ ءماجىلىسى اشىلعان كەزدەگى ءار الۋان قىزمەتتەرگە دەن قويا ات سالىسۋلارى، ءماجىلىس جابىق كەزدەگى ءتۇرلى قيمىلدارعا بەلسەنە قاتىناسۋلارى، حالىق بۇقاراسىمەن ەتەنە بايلانىس ورناتىپ، حالىق بۇقاراسىنىڭ مۇڭ - مۇقتاجىن ءتۇسىنىپ، ارمان - تىلەگىنە قۇلاق اسۋلارى، حالىقتىڭ اقىل - پاراساتىن شوعىرلاندىرىپ، حالىقتىڭ ارمان - تىلەگىن اڭىس ەتۋلەرى كەرەك، سونىمەن بىرگە، حالىقتىڭ باقىلاۋىن سانالىلىقپەن قابىلداۋلارى ءتيىس؛ اۆتونوميالى رايوندىق حالىق قۇرىلتايى تۇراقتى كوميتەتى ۋاكىلدەردىڭ ۇيرەنۋ، تاربيە قيمىلدارىنىڭ مازمۇنىن بايىتۋ، ۇسىنىس جوبا مەن ۇسىنىستاردى ءبىر جايلى ەتۋ ءتاسىلىن جاقسارتۋ، ۋاكىلدەر قيمىلىنىڭ ۇلگىسىن جاڭالاۋ، ۋاكىلدەرمەن تىعىز بايلانىس ورناتۋ سياقتى جاقتاردا بەلسەنە جۇمىس ىستەپ، ۋاكىلدەردىڭ رولىن تولىق ساۋلەلەندىرۋىنە تاماشا شارت - جاعداي ازىرلەيدى.
نايىم ياسىن بىلاي دەدى: اۆتونوميالى رايوندىق حالىق قۇرىلتايى تۇراقتى كوميتەتىنىڭ ۋاكىلدەر - كادرلار قىزمەتى كوميتەتى تۇراقتى كوميتەتتىڭ قۇرامىنداعىلاردىڭ ۋاكىلدەرمەن تىكە بايلانىس جاساۋ ءتۇزىمىن ويداعىداي تياناقتاندىرىپ، ۋاكىلدەردىڭ ارناۋلى كوميتەتتەر مەن قىزمەت كوميتەتتەرىنىڭ قيمىلىنا قاتىناسۋىن داعدىعا اينالدىرىپ، «حالىق ۇكىمەتىنىڭ، حالىق سوتى مەكەمەسىنىڭ جانە حالىق پروكۋراتۋراسىنىڭ» ۋاكىلدەرمەن بايلانىسىن نىعايتىپ، ۋاكىلدەردىڭ جاعدايدان جانە ۇكىمەت ىسىنەن حابارلى بولۋ ارناسىن كەڭەيتىپ، ۋاكىلدەر قىزمەتىن ينفورماتسيالاندىرۋ قۇرىلىسىن جەبەپ، ۋاكىلدەردىڭ ۇسىنىس جوبالارى مەن ۇسىنىستارىن ءبىر جايلى ەتۋ قىزمەتىن كەمەلدەندىرىپ، ۋاكىلدەردىڭ ءوز قۇرىلىسىن كۇشەيتىپ، ءار دارەجەلى ۋاكىلدەردىڭ رولىن تولىق ساۋلەلەندىرىپ، اۆتونوميالى رايوننىڭ قوعام ورنىقتىلىعى مەن باياندى تىنىشتىعى ءۇشىن ۇلەس قوسۋى كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
