- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ ساياحاتى جۇرت ىقىلاسىنا بولەنىپ، جوعارى ورلەۋگە كوتەرىلدى
2016.06.16 15:03 كەلۋ قاينارى : شينجياڭ گازەتى
«7 - شىلدە كۇنى اتتاناتىن العاشقى ۇيىرمەنىڭ قۇرامى تولىقتاندى، ەندى ادام قابىلدامايمىز. كەلەسى ۇيىرمەگە قاتىسۋدى قالاساڭىز، كەزەگى كەلگەندە تىركەلەرسىز». شينجياڭ جۇڭشين حالىقارالىق ساياحات كووپەراتيۆى شەكتى سەرىكتەستىگىنىڭ باس ديرەكتورى حۋ شيانچۇن 2 - ماۋسىمنان باستاپ ۇدايى 3 كۇن دوستار شەڭبەرىندە وسىنداي اقپارات تاراتتى ءارى «جۇڭگو، رەسەي، قازاقستان، موڭعۇليا (ءتورت ەل، التى جاق) التاي تاۋىن اينالۋ شەكارا اتتاعان 14 كۇندىك ساياحات» جەلىسىنىڭ ەرەكشەلىگى، ساپار جولى جانە جىلدىڭ اياعىنا دەيىنگى ۇيىرمەلەردىڭ كەزەگى تۋرالى اقپاراتتاردى كەستە تۇرىندە جاريالاپ، جان - جاقتى تۇسىنىك جاسادى.
وتكەن جىلى قىركۇيەكتىڭ ورتا شەنىندە، وسى جەلى العاش اشىلعان بويدا قىزۋ قارسى الۋعا بولەندى، بيىل ساپانى كوتەرۋ نەگىزىندە، ساياحات كووپەراتيۆى 7 - شىلدەدەن 25 - قىركۇيەككە دەيىن ىركەس - تىركەس 7 كەزەك ۇيىرمە اتتاندىرۋدى ۇيعاردى، العاشقى ۇيىرمە ءبىر اي بۇرىن قۇرامىن تولىقتاپ ۇلگىردى. بۇل جىبەك جولى ساياحاتىنىڭ شينجياڭداعى قىزۋ ورلەۋىنىڭ شاعىن دەتالى عانا.
بيىل مەملەكەتتىك ساياحات مەكەمەسى جىلدىق ساياحات ۇگىتىنىڭ تاقىرىبىن 2 - رەت «جىبەك جولى ساياحات جىلى» دەپ بەلگىلەدى، شينجياڭ جىبەك جولى ەكونوميكالىق بەلدەۋىنىڭ وزەكتى ءوڭىرى، مەملەكەتتىڭ باتىسقا اشىلعان قاقپاسى رەتىندە، ساياحات سالاسىن دامىتۋدا وزگەشە جاعراپيالىق ارتىقشىلىق پەن وڭىرلىك ارتىقشىلىققا يە. ءساۋىردىڭ 7 - جانە 19 - كۇندەرى، اۆتونوميالى رايوندىق ساياحات مەكەمەسى ءۇرىمجى مەن بەيجيڭدە 2 مارتە اقپار جاريالاۋ جينالىسىن وتكىزىپ، قوعامعا «اسقاق تيانشان − الەمدىك مۇرا» اتىنداعى جۇڭگو - قازاقستان شەكارا اتتاعان جەكە كولىك ساياحاتى، «جۇڭگو، رەسەي، قازاقستان، موڭعۇليا − ءتورت ەل، التى جاق» اتىنداعى التاي تاۋىن اينالۋ شەكارا اتتاعان ساياحاتى، «پامير ءۇستىرتى − بۇلت ەلىنە ساپار» اتىنداعى جۇڭگو − تاجىكستان 3 باعىتتى شەكارا اتتاعان جەكە كولىك ساياحاتى جەلىلەرىن تانىستىرىپ، جۇرتتىڭ جاپپاي نازارىن اۋداردى.
سونىمەن قاتار، اۆتونوميالى رايوندىق ساياحات مەكەمەسى «ءبىر بەلدەۋ، ءبىر جول» قۇرىلىسىن ۇتىمدى وراي ەتىپ، «ءبىر وزەك، ءبىر ءوڭىر» جوبا قۇرىلىسىن جوعارى باستامامەن باستادى. شينجياڭنىڭ ساياحات سالاسى «ەرەكشەلىكتى ءمان، مادەنيەتتى رۋح، تابيعاتتى نەگىز، حالىقتى ارقاۋ ەتۋ» دەگەن جاڭاشىل ويدى ورتاعا قويىپ، جۇمىستاردى جاسامپازدىقپەن جۇرگىزدى، جىبەك جولى ساياحاتى بويىنشا حالىقارالىق ماركا قۇرىلىسىنىڭ قارقىنى ۇدەي ءتۇستى −
ءۇرىمجى جوعارى جىلدامدىقتى تەمىر جول جاڭا ۆوكزالىنىڭ سولتۇستىك الاڭىنداعى جىبەك جولى ەكونوميكالىق بەلدەۋى ساياحاتتىق تەرمينال ورتالىعىنىڭ عيماراتى ءۇرىمجى جوعارى جىلدامدىقتى تەمىر جول جاڭا ۆوكزالى قۇرىلىس الاڭىنداعى كوزگە ەرەكشە تۇسەتىن نىشاندىق قۇرىلىستىڭ بىرىنە اينالدى؛ التاي ايماعى «التاي تاۋى شەكارا اتتاعان ساياحات سەلبەستىگى سىناق رايونى» قۇرىلىسىن جۇرگىزۋدە؛ قاشقار ايماعىندا «جىبەك جولى ساياحاتى بويىنشا كاسىپتەندىرۋ، حالىقتى اۋقاتتاندىرۋدان ۇلگى كورسەتۋ رايونى» قۇرىلىس باستادى؛ قورعاس «جىبەك جولى شەكارا اتتاعان ساياحات سىناق رايونىنا» نازار اۋداردى؛ سانجى حۇيزۋ اۆتونوميالى وبلىسى «جىبەك جولى ساياحات سالاسىن جيناقتاۋ سىناق رايونىنىڭ» قۇرىلىسىن كۇش سالا جۇرگىزۋدە... «قازىر شينجياڭدا ءداستۇرلى سەرۋەندىك ساياحات ونىمدەرى ۇزبەي مولايىپ، دالالىق، سپورتتىق، سەيىلدىك ساياحات ونىمدەرى ۇزبەي اشىلىپ، جاڭا ساياحات ونىمدەرى مەن جاڭا جەلىلەر ۇزدىكسىز كوبەيۋدە»، - دەدى اۆتونوميالى رايوندىق ساياحات مەكەمەسى جوبا باسقارماسىنىڭ باستىعى جاڭ چۇنميڭ. ماۋسىم جاعىنان ايتقاندا، شينجياڭدا ءتورت ماۋسىمدىق ساياحات ونىمدەرى تولىقتاندى: تۇرپان ورىك گۇلى ماۋسىمى، تارباعاتاي تاۋ گۇلى ماۋسىمى سياقتى كوكتەمگى گۇل تاماشاسىنىڭ ساۋداسى قىزىپ تۇر. ءداستۇرلى جازعى سەرۋەن ساياحاتى دارەجەسى ۇزدىكسىز كوتەرىلىپ كەلەدى. توراڭعى فوتو فەستيۆالى، تاكلاماكاندى كەسىپ ءوتۋ ەرەكشە ساياحاتى سياقتى كۇزگى ساياحات جالپاق جۇرتقا قۇشاعىن جايدى؛ «شينجياڭعا ماحاببات. اۋىلعا ساياحات» اتىنداعى قار - مۇز قيمىلدارى قىسقى ساياحات بازارىن جانداندىردى.
قاشقار قالالىق ساياحات مەكەمەسىنىڭ باستىعى لي شيا بىلاي دەپ تانىستىردى: بيىل قاڭتاردان مامىرعا دەيىن قاشقار قالاسىنا ساياحاتتاي كەلگەندەردىڭ سانى 740 مىڭ ادام - رەتكە جەتىپ، بىلتىرعى سول تۇستاعىدان %35.8 ارتتى، ساياحات كىرىسى 406 ميلليون 330 مىڭ 700 يۋانعا جەتىپ، بىلتىرعى سول تۇستاعىدان %12.9 ارتتى؛ بيىل الدىڭعى 4 ايدا، ىلە قازاق اۆتونوميالى وبلىسىنا ساياحاتتاي بارعانداردىڭ سانى 4 ميلليون 330 مىڭ 900 ادام - رەتكە جەتىپ، بىلتىرعى سول تۇستاعىدان %71.71، ساياحات كىرىسى بىلتىرعى سول تۇستاعىدان %98.37 ارتتى.
بۇدان تىس، «پويەزگە وتىرىپ شينجياڭدى ساياحاتتاۋ» سياقتى شارالاردىڭ اتقارىلۋى شينجياڭنىڭ ساياحات ورلەۋىنە تاعى ءبىر جاقتان تۇرتكى بولدى.
مامىردا 2016 - جىلعى «شينجياڭعا ساپار» اتتى ىشكى ولكەدەگى شينجياڭعا ساياحاتتاي كەلەتىن جولاۋشىلاردى ارناۋلى تاسىمالدايتىن پويەز رەسمي قاتىنادى. تۇرپان قالاسى ءىدىقۇت رايونى ساياحات جانە مادەني مۇرالاردى باسقارۋ مەكەمەسىنىڭ باستىعى شيە فىڭ بىلاي دەپ تانىستىردى: 31 - مامىرعا دەيىن ءىدىقۇت رايونىنا 10 رەت ساياحات ارناۋلى پويەزى قاتىناپ، 6797 ساياحاتشىنى كۇتىپ الدىق، بۇل بىلتىرعى سول تۇستاعىدان %109 ارتتى؛ 26 - مامىردا جياڭسۋ ولكەسىنەن 600 ساياحاتشى وتىرعان ارناۋلى پويەز قۇلجا پويەز ستانسياسىنا كەلىپ توقتاپ، 2016 - جىلعى «100 مىڭ جياڭسۋلىقتىڭ ىلەگە ساپارىن» باستادى، بيىل شىلدەدەن بۇرىن جياڭسۋدان ىلەگە 18 رەت ساياحات ارناۋلى پويەزى قاتىنايتىندىعى جانە 2000 ادام مولشەرىندەگى ساياحات ۇيىرمەسى اۆياتسيا جولى ارقىلى ىلە وبلىسىنا كەلەتىندىگى مەجەلەنىپ وتىر؛ 6 - ماۋسىمدا 1240 قارتتى الىپ بەيجيڭ، تيانجين جانە شانشي ولكەسىنەن شىققان 2 ارناۋلى تەز پويەز 6 - ماۋسىمدا ۇرىمجىگە جەتىپ، «جىبەك جولى شينجياڭ ساياحات مادەنيەت مەرەكەسىنىڭ» شىمىلدىعىن اشتى، جوسپار بويىنشا بۇل ارناۋلى پويەز بيىل 10 رەت قاتىنايدى. مولشەرمەن 5000 - 7000 ادام شينجياڭعا كەلەدى...جاڭ چۇنميڭ تىلشىگە: توراپتا شينجياڭنىڭ ساياحات كاسىبىنە قاتىستى قىزمەت وتەۋ تۇرلەرى ۇشقان قۇستاي دامۋدا، - دەدى. شينجياڭنىڭ ساياحات كاسىبىنىڭ نەگىزى بارعان سايىن نىعايىپ، كوپتەگەن شاعىن، ۇساق كاسىپورىندار ينتەرنەتتەن پايدالانىپ شينجياڭنىڭ ساياحات كاسىبىنە قىزۋ كىرىسىپ كەتتى.
سونىمەن بىرگە، شينجياڭنىڭ ساياحات كاسىپورىندارى كاپيتال بازارىنىڭ ەسىگىن اشتى، قازىر باتىس ءوڭىر ساياحاتى شەكتى جارنا سەرىكتەستىگى، قاناس شەكتى جارنا سەرىكتەستىگى، تۇرپان حويانشان ساياحاتى جارنا سەرىكتەستىگى سياقتى 3 كاسىپورىننىڭ جارناسى بازارعا سالىندى. مۇنان تىس، جۇڭگو حالىقارالىق تەڭىز تاسىمالى جۇك قورابى (توبى) شەكتى جارنا سەرىكتەستىگى، جۇڭگو اۆياتسيا ونەركاسىپ توبى سەرىكتەستىگى، شاڭحاي شانشان عىلىم - تەحنيكا شەكتى سەرىكتەستىگى، جىجياڭ رىحۋا حيميا شەكتى جارنا سەرىكتەستىگى، ليڭشيان توبى سياقتى ءبىر توپ ەل ىشىندەگى ايگىلى ءىرى كاسىپورىندار، ءىرى توپتار شينجياڭنىڭ ساياحات كاسىبىنە بىرتىندەپ قارجى قوسا باستادى. شينجياڭدا مەملەكەت يەلىگىندەگى كاسپورىندار، حالىق يگىلىگىندەگى كاسپورىندار، ۇكىمەت قارجىعا جەتەكشىلىك ەتەتىن، بىرگە قارجى قوسۋ ارقىلى ساياحاتتى دامىتاتىن جاعدايى قالىپتاستى. الەۋمەت پەن جەكە سەلبەستىگىندەگى ساياحاتقا قارجى قوسۋدى اشۋ ۇلگىسى رەسمي ىسكە قوسىلدى.
ساياحات كاسىبىنىڭ قارىشتاپ دامۋىمەن بىرگە، شينجياڭ ساياحاتقا قىزمەت وتەۋ ساپاسىن بۇرىننان بەرى اسا ماڭىزدى ورىنعا قويىپ، ساياحاتقا قىزمەت وتەۋ ساپاسىنىڭ جان تامىرىن قورعاپ كەلەدى.
بيىل 27 - مامىردا اۆتونوميالى رايوندىق ساياحات مەكەمەسى قاتىستى تاراۋلاردىڭ باسىن قوسىپ، «ساياحاتقا قىزمەت وتەۋ ساپاسى جىلى» قىزمەت ءماجىلىسىن اشتى، مۇندا ساياحات بازارىنداعى قىزمەت وتەۋ ساپاسىندا جولىققان ماسەلەلەر جونىنەن ارنايى تالداۋ جۇرگىزىپ، ساياحاتقا بىرىككەن تۇردە جانە سايكەستى تۇردەگى ساياحاتقا قىزمەت وتەۋ ساپاسىن امبەباپ تەكسەرۋ قىزمەتىن جاپپاي ورنالاستىردى. رايونىمىزدىڭ ساياحات بازارىندا ساقتالىپ وتىرعان كورنەكتى ماسەلەلەرگە قاراتا، جۇيەدەن، ساياحات سەرىكتەستىگى، جول باستاۋشى، ۇيىرمە باستاۋشى، كورىنىس رايونى جانە قوناق ءۇي دايىنداۋشى سياقتى قىزمەتتەرگە قاراتا، ساياحاتقا قىزمەت وتەۋدەگى «10 ءتيىمدى» العا قويدى، ساياحات بازارىنىڭ ءتارتىبىن اناعۇرلىم رەتكە سالىپ، ساياحاتقا قىزمەت وتەۋ ساپاسىن جوعارىلاتىپ، ساياحات تۇتىنۋشىلارىنىڭ زاڭدى ۇقىق - مۇددەسىن قورعادى.
شينجياڭدا ساياحاتتىڭ اسا جاندانعان مەزگىلى باستالدى، شينجياڭ ساياحاتشىلاردى اسا قىزۋ مەرەيمەن قارسى الادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
