- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭنىڭ دامۋىنا دەمەۋ بولعان «اۋە موتورى»
يۋان لەي
2016.07.26 16:06 كەلۋ قاينارى : شينجياڭ گازەتى
كۇنى كەشە «كۇمىس قارلىعاش» قوس قاناتىن كەڭ جايىپ، تيانشان تاۋىنىڭ اسقار بيىگىندە ەركىن سامعاعاندا، كەڭىستىكتەگى وسى ءبىر قاتىناس ارقىلى تورتكىل دۇنيەمەن بايلانىس جاساۋدى كوكسەيتىن شينجياڭدىقتار جونىنەن مۇنىڭ ءبارى تەك الىستاعى الاۋلى ارمان سياقتى سەزىلۋشى ەدى.
ال بۇگىن ءۇرىمجى حالىقارالىق اۋەجايىنا ات باسىن بۇرا قالساڭىز، اۋەجايداعى قات - قابات قاربالاستىققا كۋا بولىپ قايتارىڭىز حاق. اۋەجايدىڭ ۇشۋ - قونۋ جولىندا ۇشاق موتورى گۇرىلدەپ، كەزەكشى ۇشاقتار ءالسىن - ءالى ۇشىپ - قونسا؛ ۇشاق كۇتۋ زالىندا قالىڭ ادام قايشالىسىپ، ارلى - بەرلى سابىلىپ جۇرەدى. كەزەكشى ۇشاقتىڭ قاۋىرت كەزىندە اۋەجايدىڭ سىرعىما جولىنداعى ۇشاقتار ۇشۋعا كەزەككە تۇرىپ، 2 مينۋتتا ءبىر ۇشاق ۇشىپ - قونىپ جاتادى.
ماۋسىم ايىندا ءۇرىمجى حالىقارالىق اۋەجايدىڭ جولاۋشى قابىلداۋ - جونەلتۋ مولشەرى ءبىر ميلليون 608 مىڭ ادام - رەتكە جەتىپ، بىلتىرعى سول تۇستاعىدان %5.48 ارتقان. سونىمەن بىرگە بۇل اۋەجايدىڭ ۇشاقتاردى ءدال ۋاعىندا ۇشىرۋ مولشەرى %82.13كە جەتىپ، ۇلى قۇرلىقتاعى 10 ميلليون دارەجەلى اۋەجايدىڭ ءدال ۋاعىندا ۇشىرۋ مولشەرى جاعىندا ءساۋىر ايىنان كەيىن تاعى ءبىر رەت اعالاپ العا شىققان. جازعى قاربالاس كەزىندە شينجياڭ حالىقتىق اۆياتسياسى مىنە وسىنداي وزگەشە ناتيجەسىمەن جۇرتتى وزىنە ءتانتى ەتتى.
ەل ءىشى - سىرتىنداعى 33 اۆياتسيا سەرىكتەستىگى شينجياڭ اۋەجايىندا مەرزىمدى كەزەكشى ۇشاقتاردى ىسكە قوستى
بيىل الدىڭعى 6 ايدا اۆتونوميالى رايونىمىزداعى ۇشاقپەن ساپار شەككەن جولاۋشىلار سانى ۇزبەي ارتىپ، تەك ءۇرىمجى حالىقارالىق اۋەجايىنداعى ساننىڭ ءوزى 9 ميلليون 360 مىڭ ادام - رەتكە جەتىپ، بىلتىرعى سول تۇستاعىدان %7.3 ارتقان.
مۇنداي ارتۋ قارقىنى شينجياڭ حالىقتىق اۆياتسياسى جونىنەن جاڭالىق ەمەس. «12 - بەسجىلدىقتان» بەرى ەكونوميكانىڭ، قوعامنىڭ قارقىندى دامۋىنا، وتە - موتە، ساياحات شارۋاشىلىعىنىڭ قارىشتاپ دامۋىنا وراي، اۆتونوميالى رايونىمىزدا ۇشاققا وتىرۋشىلاردىڭ قاتارى بارعان سايىن كوبەيىپ، حالىقتىق اۆياتسيانىڭ تاسىمال ءوندىرىسى 2 ورىندى سانمەن ارتۋ دەڭگەيىن ۇزبەي ساقتادى.
2010 - جىلى ورتالىقتىڭ شينجياڭ قىزمەتى جونىندەگى تۇڭعىش رەتكى اڭگىمە ءماجىلىسى اياقتاپ، ءبىر اي وتە بەرە جۇڭگو حالىقتىق اۆياتسيا مەكەمەسى اۆتونوميالى رايوندىق پارتكوممەن، حالىق ۇكىمەتىمەن «شينجياڭنىڭ حالىقتىق اۆياتسياسىنىڭ قارىشتاپ دامۋىن العا ىلگەرىلەتۋ جونىندەگى كەڭەس ەستەلىگىنە» قول قويىستى. وسىدان كەيىنگى 40 كۇندە شينجياڭ حالىقتىق اۆياتسياسى باعىتتامالى كومەكتەسكەن 19 ولكە، قالامەن ارادا جاپپاي اۋە لەنياسىن اشىپ، بۇكىل ەلدىڭ شينجياڭعا باعىتتامالى كومەكتەسۋ ىستەرىن پارمەندى قولدادى.
وسىدان كەيىن شينجياڭ حالىقتىق اۆياتسياسى جەدەل دامۋ ارناسىنا تاعى ءتۇستى. 2010 - جىلى قاراشادا بۇكىل شينجياڭداعى اۋەجايلاردىڭ جولاۋشى قابىلداۋ - جونەلتۋ مولشەرى 10 ميلليون ادام - رەتتەن استى. 2011 - جىلى قاراشادا ءۇرىمجى حالىقارالىق اۋەجايىنىڭ جولاۋشى قابىلداۋ - جونەلتۋ مولشەرى 10 ميلليون ادام - رەتتىك ۇلكەن وتكەلدەن ءوتىپ، بۇكىل ەلىمىزدەگى 17 ءىرى اۋەجايدىڭ بىرىنە اينالدى. 2012 - جىلى شينجياڭ حالىقتىق اۆياتسياسىنىڭ 3 ءىرى تاسىمال كورسەتكىشىنىڭ ايلىق ارتۋ مولشەرى تۇگەلدەي %20تەن اسىپ، ءۇرىمجى حالىقارالىق اۋەجايىنىڭ جولاۋشى قابىلداۋ - جونەلتۋ مولشەرىنىڭ ارتۋ شاماسى بۇكىل ەلىمىزدەگى 21 ءىرى اۋەجايدىڭ الدىڭعى قاتارىنا ءوتتى. 2014 - جىلى شينجياڭنىڭ كەزەكشى ۇشاق مولشەرى الدىنداعى جىلداعىدان %16 ارتىپ، بۇكىل ەلدەگى ءارقايسى ولكە، قالانىڭ الدىڭعى ورنىنا شىقتى.
جۇڭگو حالىقارالىق اۆياتسيا جارناسى مەڭگەرۋلى شەكتى سەرىكتەستىگى، جۇڭگو وڭتۇستىك اۆياتسيا شەكتى جارنا سەرىكتەستىگى، جۇڭگو وڭتۇستىك اۆياتسيا شەكتى جارنا سەرىكتەستىگى، حاينان اۆياتسيا توبى شەكتى سەرىكتەستىگى سياقتى جۇڭگوداعى 4 نەگىزگى اۆياتسيا سەرىكتەستىگى جاڭا اۋە جولىن اشۋ، كەزەكشى ۇشاقتى كوبەيتۋ، «اۋە جولى، تەمىر جول بىرلەسكەن تاسىمال» ۇلگىسىن اشۋ، شينجياڭدى كىندىك ەتىپ، ورتا ازيا، باتىس ازيا، ورتا شىعىس سياقتى ەكونوميكالىق تۇلعالار اراسىنداعى ءوزارا بايلانىستى، ءوزارا قاتىناستى جەبەۋ كەرەك. مەملەكەت تاسىمالى كوركەيسە، حالىقتىق اۆياتسيا كوركەيەدى؛ حالىقتىق اۆياتسيا ىركىلىسسىزدەنسە، دامۋ دا ىركىلىسسىزدەنەدى. ماۋسىمنىڭ سوڭىنا دەيىن ەل ءىشى - سىرتىنداعى 33 اۆياتسيا سەرىكتەستىگى شينجياڭ اۋەجايىنان پايدالانىپ، كەزەكشى ۇشاق ورنالاستىردى، حالىقارالىق، ەل ءىشى اۋە جولى 214، ەل ىشىندە 62 قالاعا، 17 مەملەكەت پەن رايونداعى 27 قالاعا قاتىنايدى. ءۇرىمجى حالىقارالىق اۋەجايىنىڭ اۋە جولى تورابى باستاپقى قادامدا قالىپتاستى. شينجياڭ حالىقتىق اۆياتسيا ىستەرى شينجياڭنىڭ دامۋىنا دەم بەرەتىن «اۋە موتورىنا» اينالدى.
شينجياڭ ەلىمىزدەگى اۋەجايى ەڭ كوپ، اۋە جولى ەڭ ۇزاق ولكە، اۆتونوميالى رايونعا اينالدى
اۋەجاي قۇرىلىسى − حالىقتىق اۆياتسيا ىستەرى دامۋىنىڭ نەگىزى. «12 - بەسجىلدىق» جوبادان بەرى، شينجياڭنىڭ حالىقتىق اۆياتسيا ىستەرى جاڭا كەزەكتى نەگىزدىك قۇرىلعى قۇرىلىسى ورلەۋىنە ءدوپ كەلدى، تۇتاس شينجياڭدا 18 حالىقتىق تاسىمال اۋەجايى بار، شينجياڭ ەلىمىزدەگى اۋەجايى ەڭ كوپ، اۋە جولى ەڭ ۇزاق ولكە، اۆتونوميالى رايونعا اينالدى.
اۋە جولى شينجياڭنىڭ وڭتۇستىگى مەن سولتۇستىگىن تىعىز بايلانىستىرعان. جولاۋشىلاردىڭ ساياحاتتاۋىنا قولايلى بولىپ قانا قالماستان، ابزال بايلىق قاينارىن شوعىرلاندىرۋداعى، ابزال كاسىپ سالالارىن دامىتۋداعى، كاسىپ سالاسى قۇرىلىمىن رەتتەۋدەگى، كاسىپ سالالارى ۇلگىسىن جاڭالاۋداعى، دەڭگەيىن جوعارىلاتۋداعى ماڭىزدى تەكشەگە اينالدى.
قاشقار اۋەجايى توڭىرەگىندەگى وزگەرىستەر مىنە وسىنىڭ ايعاعى. 1953 - جىلى بۇل ارا قاعىر دالا بولاتىن. ال قازىر قۇرىلعىلارى كەمەلدى، شينجياڭداعى 2 - ۇلكەن اۋە پورتىنا اينالدى.
كورلا اۋەجايىنان ءار كۇنى 19 كەزەكشى ۇشاق قاتىنايدى، قاشقار، اقسۋ اۋەجايىنان قالسا، شينجياڭداعى ميلليون دارەجەلى تارماق جەلىلى اۋەجايعا اينالدى.
قاناس اۋەجايى، نارات اۋەجايى، كوكتوعاي اۋەجايى ساياحات مەزگىلى كەزىندە توتەنشە قاربالاستىققا تۇسەدى، ولار جەرگىلىكتى ورىنداردىڭ 3 - كاسىپ سالاسىن جەبەيتىن جەتەكشى كۇشكە اينالدى.
«13 - بەسجىلدىق» جوبا كەزىندە، رايونىمىزدىڭ اۋەجاي قۇرىلىسىندا تىڭ ورلەۋ كوتەرىلەدى. 2020 - جىلعا بارعاندا، تۇتاس شينجياڭدا تاسىمال اۋەجايى 31گە جەتەدى، مۇنىڭ ىشىندە ىلە قازاق اۆتونوميالى وبلىسى، بايىنعولين موڭعۇل اۆتونوميالى وبلىسى، التاي ايماعىنان 3تەن ارتىق تاسىمال اۋەجايى سالىنادى.
جوعارى ءونىمدى بىرلەسىپ قيمىلداۋ مەحانيزمىن ورناتىپ، اينالىم حاۋىپسىزدىگى مەن ونىمدىلىگىن جوعارىلاتتى
ءۇرىمجى اۋەجايىنىڭ اسپانى جاي كوزگە داڭعىلداي كورىنگەنىمەن، ءىس جۇزىندە توتەنشە «قاربالاس».
تاماشا جاعراپيالىق ورنى بار ءۇرىمجى حالىقارالىق اۋەجايى «ءبىر بەلدەۋ، ءبىر جول» ستراتەگياسىنىڭ اتقارىلۋىن استار ەتىپ، وراسان زور كومەسكى قۋاتقا يە بولدى، الايدا دامۋ سۇرانىسى ەسەلەپ ارتۋ جانە ءتۇيىندى بايلىق جەتىسپەۋ قايشىلىعىنا ءدوپ كەلۋدە. اسىرەسە، ءۇرىمجى حالىقارالىق اۆياتسيا جۇيەسى ستراتەگيالىق جوباسىنىڭ ايقىندالۋىنا، ەل ءىشى جانە حالىقارالىق لەنيا مەن شينجياڭ ىشىندەگى تارماق لەنيالاردىڭ ۇزبەي ارتۋىنا ساي، حالىقتىق اۆياتسيانىڭ قامتاماسىز ەتۋ قۋاتى، ۇشاقتاردىڭ ءدال ۋاعىندا ۇشۋ مولشەرى سياقتىلارعا ءتىپتى جوعارى تالاپتار قويدى.
23 - ماۋسىمدا شينجياڭ اۋە جولى، اۋە لەنياسىنا 20 جىلعا تاياۋ ۋاقىتتان بەرگى ەڭ كولەمدى رەتتەۋ جۇرگىزدى. «قاراپايىمداستىرىپ ايتساق، وسى رەتكى كەڭىستىك اياسىن ساپالىلاندىرۋ شينجياڭ ءوڭىرىنىڭ كەزەكشى ۇشاقتارىنا جوعارى قارقىندى كەڭىستىك جولىن سالىپ بەرۋمەن تەڭ، سول ارقىلى قارسى جاقتىڭ كەسىپ ءوتۋى سياقتى جايتتەردىڭ كەزەكشى ۇشاقتىڭ ۇشۋ جاعدايىنا ىقپال جاساۋىنان ساقتانۋعا بولادى»، - دەدى شينجياڭ اۆياتسيا باسقارۋ مەكەمەسىنىڭ قاتىستى جاۋاپتىسى تانىستىرىپ. ۇشاتىن جانە قوناتىن ۇشاقتاردىڭ وزىنە تاۋەلدى «ارناۋلى جولىن» سالىپ، ۇشۋ حاۋىپسىزدىگىنە كەپىلدىك ەتىپ قانا قويماي، ۇشۋ ونىمدىلىگىن دە بارىنشا ارتتىرۋعا بولادى.
ءۇرىمجى حالىقارالىق اۋەجايى جەرمەن قامتاماسىز ەتۋ بايلىعىن ۇزبەي بىرىكتىرىپ، جوعارى ءونىمدى بىرلەسىپ قيمىلداۋ مەحانيزمىن ورناتۋمەن بىرگە، تىڭ ءادىس - شارالار ارقىلى قاۋىرت كەزەڭدە اۋەجايداعى كەزەكشى ۇشاقتاردىڭ ۇشۋ ارالىق ۋاقىتىن كەم دەگەندە ءبىر مينۋت قىسقارتادى.
بيىل جىل باسىنان بەرى وڭتۇستىك اۆياتسيا شەكتى جارنا سەرىكتەستىگىنىڭ شينجياڭ بولىمشەسىنىڭ (جول تورابىن مەڭگەرۋ ورتالىعى) اتقارعان رولى ءتىپتى دە تولىسا ءتۇستى، ول وڭتۇستىك اۆياتسيانىڭ ۇرىمجىدەگى بارلىق ۇشىپ - قوناتىن كەزەكشى ۇشاقتارىنا جەر بەتىندە ساپالى قىزمەت وتەۋ، سايكەستىرۋ قىزمەتىن ۇستىنە العان، ۇشاققا شىعۋ، ۇشاق اۋىستىرۋ سياقتى جەر بەتىندىك قىزمەت وتەۋ جۇمىستارىنا جالپى بەتتىك جەتەكشىلىك ەتەدى ءارى ۇشاققا جانار ماي قۇيۋ، سۇيرەۋ، ۇشاق تازالاۋ، جۇك تيەۋ - ءتۇسىرۋ، اس - سۋمەن قامداۋ سياقتى جۇمىستاردى باقىلاپ، سايكەستىرىپ، وڭتۇستىك اۆياتسيانىڭ ۇرىمجىدەگى ۇشاقتارىنىڭ ءدال ۋاعىندا ۇشۋ مولشەرىن جوعارىلاتۋ، شۇعىل جاعدايلاردى جەدەل ءبىر جايلى ەتۋ سياقتى جاقتاردان ماڭىزدى رول اتقاردى.
جۇڭگو وڭتۇستىك اۆياتسيا جارنا شەكتى سەرىكتەستىگىنىڭ ءۇرىمجى - تۇرپان - شاڭحاي اراسىندا قاتىنايتىن العاشقى كەزەكشى ۇشاعىنا وتىرعان جولاۋشىلار تۇرپان يارعول اۋەجايىندا ۇشاقتان تۇسۋدە. (20 - ماۋسىمدا تۇسىرىلگەن سۋرەت) سۋرەتتى ليۋ جيان تۇسىرگەن
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
