- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حۋاڭ سانپيڭ وبلىسقا توتە قاراستى ورىندارداعى ءبيدايدىڭ اپاتقا ۇشىراۋى جانە جازعى استىق ساتىپ الۋ جونىندەگى ارناۋلى ماجىلىستە مىنانى باسا دارىپتەدى: جان–جاقتى ىسكە كىرىسىپ، استىق الۋ – ساقتاۋ قىزمەتىن ويداعىداي ىستەيىك
2016.07.26 13:51
شىلدەنىڭ 22–كۇنى تۇستەن كەيىن وبلىس توتە قاراستى ورىنداردىڭ ءبيدايدىڭ اپاتقا ۇشىراۋى جانە جازعى استىق ساتىپ الۋ جونىندە ارناۋلى ءماجىلىس اشتى. وبلىستىق پارتكومنىڭ شۋجيى حۋاڭ سانپيڭ، وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى قاتارلى باسشىلار وبلىسقا توتە قاراستى ورىندارداعى ءبيدايدىڭ اپاتقا ۇشىراۋى جانە جازعى استىق ساتىپ الۋ قىزمەتىنىڭ جاعدايى جونىندەگى دوكلادتى ارناۋلى تىڭدادى.
حۋاڭ سانپيڭ سوزىندە مىنانى باسا دارىپتەدى: قازىر جازعى استىق ساتىپ الۋدىڭ شەشۋشى مەزگىلى، اۋدان–قالالار، تاراۋلار، ورىندار جازعى استىق ساتىپ الۋ قىزمەتىنە وسكەلەڭ ءمان بەرىپ، استىق ساتىپ الۋ ساياساتىن ءونىمدى تياناقتاندىرىپ، ءونىمدى شارا قولدانىپ، استىق ساتىپ الۋ قىزمەتىن ويداعىداي ىستەۋ كەرەك.
ۇعىسۋىمىزشا، بيىل وبلىسقا توتە قاراستى ورىنداردا 6 ميلليون 899 مىڭ 500 مۋ جەرگە ەگىس داقىلدارى ەگىلگەن، بۇل ۇقساس مەزگىلدەگىدەن 117 مىڭ مۋ ارتقان. مۇنىڭ ىشىندە استىق داقىلدارى 5 ميلليون 370 مىڭ مۋ جەرگە ەگىلگەن، بۇل وتكەن جىلعىمەن سالىستىرعاندا ءبىرشاما تومەندەگەن. كەزەكتە ءبىر ميلليون 204 مىڭ مۋ جەرگە ەگىلگەن ءبيدايدان، 7 مىڭ مۋ جەرگە ەگىلگەن قىشىدان ءونىم الىنىپ، ءونىم مولشەرى ٪85 كە جەتكەن. سونىمەن بىرگە، ەگىس داقىلدارىن قايتا ەگۋ قىزمەتى ورنىقتى ىلگەرىلەتىلۋدە ەكەن.
العاشقى جارتى جىلدا وبلىسقا توتە قاراستى ورىندار نوسەرلى جاڭبىر، بوران، تاسقىن اپاتى سياقتى جاراتىلىستىق اپاتتارعا ۇشىراپ، 887 مىڭ مۋ جەردەگى ەگىس داقىلى ۇقساماعان دارەجەدە اپاتقا ۇشىراپ، 99 مىڭ 800 مۋ جەردىڭ ءونىمى بولماعان، ەكونوميكالىق زيان مەجەمەن 289 ميلليون يۋانعا جەتكەن. كەزەكتە اپات زيانى تۇراقتاندىرىلىپ، تولەم قارجىسى تياناقتاندىرىلۋدا.
حۋاڭ سانپيڭ دوكلادتى تىڭداعاننان كەيىن مىنانى اتاپ كورسەتتى: جازعى استىق ساتىپ الۋ _ كەزەكتەگى ماڭىزدى قىزمەت، استىق الۋ، ساقتاۋ بازارىنىڭ سايكەسىمدىلىك تەبىنىن ارتتىرىپ، ءتۇرلى شارا قولدانىپ، العاشقى جارتى جىلداعى جاراتىلىستىق اپات سالدارىنان تۋىلعان زياندى ەڭ تومەنگى شەكتە ازايتۋ كەرەك اۋدان، قالالاردىڭ پارتكوم–ۇكىمەتى بىرلىكتە قۇلشىنىپ، استىق ساتىپ الۋعا قىزمەت وتەۋدى ويداعىداي ىستەپ، حالىققا قولايلى جانە ءونىمدى شارالاردى قولدانىپ، ساپالى ءارى بەلسەنە قىزمەت وتەپ، قاۋىرت ساتىپ الۋ، ساتىپ الۋعا ءتيىستىسىن قالدىرماي ساتىپ الۋ كەرەك. مەملەكەتتىڭ استىق ساتىپ الۋ تولىقتاما قاراجاتى ساياساتىن قاتاڭ تياناقتاندىرىپ، استىق جيناۋ، ساقتاۋعا جەتەكشىلىك ەتۋ باعاسىن دەرەۋ تۇراقتاندىرىپ، مۇمكىندىككە قاراي تولىقتاما قاراجات تەبىنىن ارتتىرۋ كەرەك.
حۋاڭ سانپيڭ مىنانى تالاپ ەتتى: استىق باسقارۋعا جاۋاپتى تاراۋلار استىق ساتىپ الۋ بۋىنىنىڭ ءارقايسى قامتاماسىزداندىرۋ قىزمەتىن ويداعىداي ىستەپ، جازعى استىق ساتىپ الۋ قىزمەتىنىڭ ءتارتىپتى، ءساتتى ورىستەتىلۋىنە كەپىلدىك ەتۋ كەرەك. استىق مانەرلەۋ كاسىپورىندارى، جيناۋ، ساقتاۋ ورىندارى ەگىنشىلەرمەن سەرىكتەسۋ قىزمەتىن ويداعىداي ىستەپ، كاسىپورىننىڭ سەنىمدىلىگىن ارتتىرىپ، استىق الۋ، ساقتاۋ بازارىن جەتىلدىرۋدى ىلگەرىلەتىپ، ۋاكىلدىك ساقتاۋ بازارىن اشۋ قىزمەتىن كۇشەيتۋ كەرەك. جان–جاقتى ىسكە كىرىسىپ، كەڭ ءورىس اشىپ، بيىلعى استىق ساتىپ الۋ، ساقتاۋ قىزمەتىن ويداعىداي ىستەۋ كەرەك. ەگىنشىلەردىڭ استىق ساتۋىنا جەتەكشىلىك ەتۋ جانە بازاردى باقىلاپ–باسقارۋ قىزمەتىن ويداعىداي ىستەپ، ديقانداردىڭ بازار تيجاراتى تانىمىن كۇشەيتۋىنە جەتەكشىلىك ەتىپ، كىرىستەرىن ارتتىرۋ كەرەك. ءار دارەجەلى ورىندار، اۋدان–قالالار بۇقارانى ويداعىداي باستاپ، استىق الۋ، ساقتاۋ قىزمەتى بارىسىنداعى بازاردى باقىلاۋ–باسقارۋدى كۇشەيتىپ، تولىقتاما قاراجاتتىڭ جەتە تياناقتانۋىنا كەپىلدىك ەتۋ كەرەك.
حۋاڭ سانپيڭ مىنانى باسا دارىپتەدى: بيىلعى جازعى استىقتى ساتىپ الۋ قىزمەتىن ويداعىداي ىستەۋمەن بىرگە، ەگىن شارۋاشىلىق تاراۋلارى بۇدان كەيىنگى ەگىن شارۋاشىلىق قۇرىلىمىن رەتتەۋ قىزمەتىنە ىشكەرىلەي زەرتتەۋ جۇرگىزىپ، ديقانداردى ساپالى ەگۋ قۇرىلىمىنا باستاپ، سەيىل - سەرۋەن اۋىل شارۋاشىلىعى، ساياحات اۋىل شارۋاشىلىعى سياقتى ەرەكشە اۋىل شارۋاشىلىعىن بەلسەنە دامىتىپ، ەكونوميكالىق ەگىس داقىلدارىن بار كۇشپەن دامىتىپ، ەگىن شارۋاشىلىق رايوندارىنداعى مال شارۋاشىلىعىن دامىتۋ جاعىندا تىڭ داستان جازىپ، شارۋالاردىڭ كىرىسىن ارتتىرۋعا كومەكتەسۋ كەرەك. كەزەكتە ەگىن شارۋاشىلىعىن قامسىزداندىرۋ تاراۋلارى حالىقتى نەگىز ەتۋدە تاباندى بولىپ، ءتۇرلى تولەم بەرۋ قىزمەتتەرىن ۇزدىكسىز ويداعىداي ىستەپ، ەگىن شارۋاشىلىعىن قامسىزداندىرۋ ساياساتىنىڭ تياناقتانۋىن جانە ولشەمدەنۋىن بەلسەنە ساپالىلاندىرىپ، تولەم بەرۋ كولەمى مەن ونىمدىلىگىنە زەرتتەۋ جۇرگىزۋ كەرەك.
قۇرماش سىرجان ۇلى ماجىلىستە مىنانى تالاپ ەتتى: بيىلعى جىل – كەدەيلىكتەن قۇتىلدىرۋدا قامال الىناتىن جىل، جاراتىلىستىق اپاتتاردىڭ ءجيى تۋىلۋى سىندى ناقتى جاعدايعا توتەپ بەرۋ ءۇشىن قاتىستى تاراۋلار جازعى استىق ساتىپ الۋ قىزمەتىن بار كۇشپەن ويداعىداي ىستەپ، قىزمەتتىڭ تياناقتانۋ ءتۇيىنى مەن كۇش سالۋ ءتۇيىنىن شارۋالاردىڭ مۇددەسىن قورعاۋعا، شارۋالاردىڭ كىرىسىن ارتتىرۋدى قامتاماسىزداندىرۋعا شوعىرلاندىرىپ، ءتۇرلى ەگىن شارۋاشىلىعى ساياساتىن تەز ارادا جەتە تياناقتاندىرىپ، قاۋىرت ساتىپ الىپ، تولىقتاما قاراجاتتى تىكە بەرىپ، جازعى استىق ساتىپ الۋ قىزمەتىنىڭ ءساتتى ورىندالۋىنا كەپىلدىك ەتۋ كەرەك.
وبلىستىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى ءابدۇسالام سادىق، وبلىستىڭ ورىنباسار باستىعى مەي يۇي جانە اۆتونوميالى وبلىستىڭ قاتىستى تاراۋلارىنىڭ، ءىشىنارا فينانس جانە قامسىزداندىرۋ سەرىكتىكتەرىنىڭ جاۋاپتىلارى ماجىلىسكە قاتىناستى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
