- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
باسقا سالاعا ويىستىرىپ كاسىپتەندىرۋ مەنىڭ كەدەيلىكتەن قۇتىلىپ، جاڭا ءۇي ساتىپ الۋىما مۇمكىندىك بەردى
2016.08.24 11:06 كەلۋ قاينارى : شينجياڭ گازەتى
وتكەن 5 جىلعا نازار.
باقىت ەسىگىمدى قاقتى
بايانداۋ
مەن كيىم فابريكاسىنىڭ جۇمىسشىسىمىن، ەسىمىم احىمەت ابىلەز، سانجى قالاسى شينجياڭ جيحۋا 7555 قىزمەت كيىمى شەكتى سەرىكتەستىگىنىڭ 6 - سەحىندا جۇمىس ىستەيمىن. ايەلىم اۋاحان سىدىق تا وسىندا جۇمىس ىستەيدى، مەن قوراپتاۋعا، ول كيىمدەردىڭ جيەگىن بۇرۋگە جاۋاپتى.
كوزدى اشىپ - جۇمعانشا، ءبىزدىڭ سانجىدا جۇمىس ىستەگەنىمىزگە 5 جىل بولىپتى. قازىر ءبىز وسى جەردەن قىزمەت ورنىمىز قارجى قۇراپ سالدىرعان بيىك عيماراتتان ءۇي ساتىپ الدىق، بيىل قازان ايىندا، بۇيىرسا ءۇيدىڭ كىلتى قولىمىزعا تيەدى. 2 قىزىم وسىندا وقۋدا، مەكتەپتەرى فابريكامىزدىڭ ىرگەسىندە بولعاندىقتان، بالالاردى مەكتەپكە اپارىپ - اكەلۋ دە قولايلى. وتكەن 5 جىلعا قايىرىلا قاراسام، وتباسىمنىڭ تۇرمىسىندا وراسان زور وزگەرىستەر بولىپتى.
مەنىڭ تۋعان اۋىلىم قاعىلىق اۋدانىنىڭ ءبىر قىستاعى، ونداعى ءۇيىمىز 2 بولمەلى تام ءۇي بولاتىن. سانجىعا كەلىپ جۇمىس ىستەردەن بۇرىن، ءبىر ۇيدەگى 4 جان ەڭ تومەنگى تۇرمىستى قامتاماسىزداندىرۋ قاراجاتىن اۋجال قىلىپ كەلگەنبىز. ايىنا 500 يۋانعا جەتپەيتىن بۇل قاراجاتپەن 2 شيەتتەي بالانى باعۋ وڭاي ما، كۇنىمىز وعان تارتسا بۇعان جەتپەي، ۇنەمى تۋىس - تۋعان، دوس - جارانداردان قارىز سۇراپ جۇرەتىنبىز. سول كەزدە مەن 10 مىڭ يۋان اقشا دەگەن قانداي بولادى ەكەن دەپ ويلاۋشى ەدىم.
فابريكاعا كەلگەن كۇنىم 2011 - جىلدىڭ 15 - ءساۋىرى ەكەنى اپ - انىق ەسىمدە، 16 - كۇنى جۇمىسقا كىرىپ كەتتىم، فابريكا ءار ايدىڭ 20 - كۇنى ەڭبەكاقى بەرەدى ەكەن. العاشقى ايدا مەن اربا سۇيرەۋگە جاۋاپتى بولدىم، 3 كۇن جۇمىسقا بارىپ، 340 يۋان تاپتىم. ويحوي، سونداعى قۋانىشىمدى ايتىپ سۇراما! وسىدان كەيىن مەن وسى جەردە ۇزاق ۋاقىت ىستەي بەرەمىن دەپ بەكىندىم.
كەلەسى ايدا مەن 2200 يۋان تاپتىم. سوسىن ايەلىمە تەلەفون شالىپ، ونى دا فابريكاعا جۇمىسقا كەلۋگە شاقىردىم. 3 ايدان سوڭ، ايەلىم 2 قىزىمىزدى ەرتىپ مەنىڭ جانىما كەلدى، ءبىز 2 بولمەلى ءۇي جالداپ تۇردىق. سول جىلى قىركۇيەكتە، فابريكامىز جازىپ بەرگەن انىقتاما قاعازبەن ءبىز ۇلكەن قىزىمىزدى جاقىن ماڭداعى باستاۋىش مەكتەپكە، كىشكەنە قىزىمىزدى بالا باقشاعا بەرىپ، ءبىر ءۇيلى جان تياناقتاپ تۇرىپ قالدىق.
اقشانى كوبىرەك تابۋ ءۇشىن، ايەلىمىز ەكەۋىمىز ايانباي جۇمىس ىستەدىك، ەكەۋىمىزدىڭ كىرىسىمىزدى قوسقاندا ايلىق تابىسىمىز 4 −− 5 مىڭ يۋانعا جەتتى، بۇرىنعى ەڭ تومەنگى تۇرمىستى قامسىزداندىرۋ قاراجاتىنا سۇيەنگەن كۇنمەن سالىستىرعاندا، بۇل كۇنىمىز مۇلدە باسقاشا ەدى.
ءاۋ باستا بىزدە اقشا قۇراۋ تۋرالى وي بولعان جوق، ءار ايدا تاپقانىمىزدى تاقىر - تۇقىر جۇمساپ تاۋىساتىنبىز. بىردە ايەلىم ماعان اقشا قۇراپ، ءۇي الساق دەگەندى ايتىپ قالدى. ۇزاق ۋاقىت ءۇي جالداۋ دا قاي ءبىر وڭعان تىرلىك دەيسىز، ءسويتىپ، اقشا قۇراپ، ءۇي ساتىپ الۋعا بۋىنىمىزدى بەكىتتىك.
اقشا جيا باستاعان كەزدە بىلدىك، اقشا ۇنەمدەۋ دەگەنىڭ اقشا تابۋ ەكەن عوي. فابريكادا بوس تۇرعان جەر ۇيلەر بار ەكەن، باسشىلار مەنىڭ اقشا قۇراپ ءۇي ساتىپ الۋ جوسپارىمدى بىلگەن سوڭ، ونى ماعان ارزانعا جالعا بەرۋگە قوسىلدى. شاعىن اۋلاسى، 3 بولمەسى بار ءۇيدىڭ ايلىق جالاقىسى 20 نەشە يۋان عانا بولدى، وسىلايشا، ءۇي جالداۋ اقىسىنىڭ وزىنەن جىلىنا نەشە مىڭ يۋان ىركىپ وتىردىق. فابريكادا حانزۋ قىزمەتتەستەر بىزگە جاقسى مامىلە جاسادى، ولار ۇيلەرىندە ىستەتپەيتىن جيھازدارىن بىزگە بەرىپ، باسپانامىز اجەپتاۋىر ءۇي بەينەسىنە كەلىپ قالدى. العاش كەلگەندە، ورتاق تىلدە دۇرىستاپ سويلەي المايتىنمىن، ايەلىم ورتاق تىلدە ءتىپتى ءبىر اۋىز دا بىلمەيتىن. ۇزاق ۋاقىت بىرگە جۇمىس ىستەۋ بارىسىندا، ءبىز حانزۋشانى بارعان سايىن جاقسى سويلەيتىن بولدىق، قازىر ءبىز حانزۋ تىلىمەن كۇندەلىكتى سويلەسۋدە قينالمايمىز. 2 بالامنىڭ حانزۋشا سويلەي دە، جازا دا الاتىنى مەنى قاتتى قۋانتادى. وسى جىلدارداعى قىزمەت كەشىرمەلەرىم ماعان «قوس ءتىلدى» جاقسى يگەرگەندە كەلەشەكتە ءتىپتى دە كوپ ورايلار جاراتاتىندىعىن ۇعىندىردى.
قازىر ءار كۇنى جۇمىستان قايتىپ، فابريكانىڭ قارجى قۇراپ سالدىرعان بيىك عيمارات ۇيلەرىنىڭ جانىنان وتكەن كەزدە، ايەلىم ەكەۋىمىز ۇنەمى قارايلاي بەرەتىن بولدىق. ءبىز ءۇيدى اشەكەيلەۋگە 50 مىڭ يۋان دايىنداپ وتىرمىز، ءۇيىمىزدى اشەكەيلەپ الساق، اتا - انامىزدى قولىمىزعا اكەلىپ، جاڭا ۇيىمىزدە بىرگە تۇرساق دەپ ءجۇرمىز.
ايەلىم ەكەۋىمىز وتكەن 5 جىلداعى كەشىرمەلەرىمىزدى ۇنەمى ەسكە الىپ، تولعانىپ وتىرامىز، ماڭداي تەر، ارينە، كوپ اقتى، دەگەنمەن، ونىڭ قارىمجىسى دا از بولعان جوق: تابىسىمىز تۇراقتى، جاڭا ءۇي دە ساتىپ الدىق، بالالارىمىز ءتىپتى دە جاقسى «قوس ءتىل» تاربيەسىن الىپ جاتىر. مۇنداي جاقسى ءومىر قايدان كەلدى دەرسىز؟! پارتيا مەن ۇكىمەتتىڭ باسقا سالاعا ويىستىرىپ كاسىپتەندىرۋ سىندى جاقسى ساياساتىنىڭ ارقاسى عوي!
)بايانداۋشى: احىمەت ابىلەز، رەتتەگەن: ءتىلشىمىز لي چۇنشيا)
14 - شىلدەدە احىمەت ابىلەز ۇيىندە قوناق كۇتۋدە.
سۋرەتتى ءتىلشىمىز زوۋ ي تۇسىرگەن
كۋا
□ ءتىلشىمىز لي چۇنشيا
كەشكى شاپاق شاعىن اۋلانى نۇرعا بولەپ تۇر، ءۇي مۇنتازداي تاپ - تازا، ۇستەلگە ساڭزى جانە ءتۇرلى كەپتىرىلگەن جەمىستەر تىزىلگەن، اق كويلەك كيگەن 10 نەشە جاستاعى 2 قىز بالا «ايۋلار» مۋلت فيلمىن كورىپ وتىر. «2 بالامىزدىڭ بولاشاقتاعى تۇرمىسىنىڭ الدەقايدا جاقسى بولۋى ءۇشىن، قۇلشىنا ەڭبەكتەنۋدەمىز»، - دەدى احىمەت ابىلەز ايەلىنە قاراپ، ەكەۋىنىڭ جانارى توعىسقاندا كۇلمسىرەپ قويدى.
بۇل ءتىلشىنىڭ احىمەتپەن سۇحبات وتكىزگەندە ونىڭ وتباسىنان كورگەندەرى ەدى. اۋىل - قىستاقتان قالاعا كەلگەنگە، ديقاننان ونەركاسىپ جۇمىسشىسى بولعانعا، ەڭ تومەنگى تۇرمىسى قامتاماسىز ەتىلۋشىدەن قالادان عيماراتتان ءۇي ساتىپ العانعا دەيىن، احىمەت وتباسىنىڭ سالاۋاتى، زاتتىق تۇرمىسى وزگەرۋمەن قاتار، ولاردىڭ تۇرمىس يدەياسىندا دا، وقۋ - اعارتۋ يدەياسىندا دا، رۋحاني بەينەسىندە دە وزگەرىس بولدى، ولاردىڭ بويىنداعى بولاشاققا دەگەن تالپىنىس ادامدى كورگەن جاندى سۇيىندىرەدى.
سۇحبات بارىسىندا اۋىل - قىستاقتاعى ارتىق ەڭبەككۇشتەردى باسقا كاسىپ سالالارىنا ويىستىرۋدى جەدەلدەتۋ مەن جەبەۋدى ماڭىزدى حالىق تۇرمىسى ينجەنەرياسى ەتۋدىڭ «حالىق تۇرمىسى قۇرىلىسى جىلىن» ىلگەرىلەتۋ ماجىلىستەرىندە، ادام كۇشى بايلىعى جانە قوعامدىق قامتاماسىزداندىرۋ قىزمەتى ماجىلىستەرىندە نەشە مارتە اۋىزعا الىنعانىنا، تالقىلانعانىنا، بۇل جونىندە ورنالاستىرۋلار جاسالعانىنا كۋا بولعام. كاسىپ سالاسىمەن جەتەكتەۋدى، ءوز جەرىندە، جاقىن ماڭدا كاسىپتەندىرۋدى، شينجياڭنىڭ ىشىندە ءبىر جايلى ەتۋدى، شينجياڭعا كومەكتەسۋدى جەبەۋدى تياناق ەتۋدەن جازباي، اۋىل - قىستاقتاعى ارتىق ەڭبەككۇشتەردى باسقا كاسىپ سالاسىنا ويىستىرۋدى جان - جاقتى، كوپ تۇرعىدان جەبەپ، ديقانداردىڭ باسقا كاسىپ سالاسىنا ويىسۋىنا، بايۋىنا جول اشقان تالاي يگىلىكتى ىستەرگە تىلشىلىك ىستەگەم.اۋىل - قىستاقتاعى كەدەي وتباسىلارى جونىنەن ءبىر ادامنىڭ كاسىپتەنۋى كىرىستىڭ از دا بولسا مولايعانىن، ءبىر وتباسىنىڭ كەدەيلىكتەن قۇتىلعانىن بەينەلەيدى. «سەرىك زاۆودتار» ەڭسە كوتەردى، شينجياڭ كولەمىندەگى ءوڭىر ارا باسقا كاسىپ سالاسىنا ويىسۋ سەرپىنى كۇشەيتىلدى، وڭتۇستىك شينجياڭ مەن سولتۇستىك شينجياڭداعى ەڭبەككۇشتەردىڭ توعىسۋى ماندىك جاقتا ىلگەرىلەتىلدى، ىشكى ولكەلەرگە بارىپ، ۇيىمدى تۇردە باسقا كاسىپ سالاسىنا ويىسۋ جوعارى دەڭگەيدە ىلگەرىلەتىلدى... حالىققا تيىمدىلىك جەتكىزەتىن شارالار سەبەپتى اۋىل - قىستاقتاعى ارتىق ەڭبەككۇشتەردىڭ اتىز باسىنان، تار عانا تۇرمىس ورتاسىنان سىرتقا شىعىپ، كىرىسىن مولايتقانىن، كوز اياسىن كەڭەيتكەنىن، وسى زامانعى مادەنيەتتى سەزىنگەنىن، يدەيالىق كوزقاراسىن وزگەرتكەنىن، رۋحاني بەينەسىن ەڭسەلەندىرگەنىن، ۇلتتاردىڭ ارالاسۋى، ىشتەسۋى، توعىسۋى جەبەلگەنىن كورىپ قۋاندىق.
كەدەيلەردى دالمە - ءدال سۇيەمەلدەۋدىڭ ىلگەرىلەتىلۋىنە جانە ءتۇرلى كاسىپتەندىرۋ ساياساتتارىنىڭ تىڭعىلىقتى اتقارىلعانىنا ساي، اۋىل - قىستاقتاعى ارتىق ەڭبەككۇشتەردىڭ كاسىپتەنۋ ورايىنىڭ مولايا بەرەتىنىنە، ىستەيتىن جۇمىسى دا، تاباتىن اقشاسى دا، ۇمتىلاتىن ارمانى دا بولاتىنىنا، اناعۇرلىم باقىتتى، تاماشا تۇرمىسقا تالپىنۋ جولىندا الدەقايدا نىق قادام تاستايتىنىنا سەنەمىز.قاتىستى سىلتەمە
اۋىل - قىستاقتاعى ارتىق ەڭبەككۇشتەردى باسقا سالاعا ويىستىرۋ − اۆتونوميالى رايونىمىزدىڭ كاسىپتەندىرۋدەگى 3 ءتۇيىندى شوعىرعا قاراتىلعان شاراسىنىڭ ءبىرى. ەكونوميكانىڭ دامۋىنا جانە كاسىپتەندىرۋ جاعدايىنىڭ وزگەرۋىنە مەڭزەس، اۋىل - قىستاقتارداعى ارتىق ەڭبەككۇشتەردى باسقا سالاعا ويىستىرىپ كاسىپتەندىرۋ اۆتونوميالى رايونىمىزدىڭ كاسىپتەندىرۋ قىزمەتىندەگى ەڭ ماڭىزدى تۇيىنگە اينالدى، سونىمەن بىرگە ول اۆتونوميالى رايونىمىزدىڭ ءتۇيىندى حالىق تۇرمىسى ينجەنەرياسى بولىپ تابىلادى. «12 - بەسجىلدىقتا»، اۋىل - قىستاقتارداعى ارتىق ەڭبەككۇشتەردەن 13 ميلليون 602 مىڭ 500 ادام (رەت) باسقا سالاعا ويىستىرىلىپ كاسىپتەندىرىلىپ، نىسانالىق مىندەتتى ٪123.7 ەتىپ ورىندادى. شارۋالاردىڭ جان باسىندىق تازا كىرىسى جىلىنا ورتا ەسەپپەن ٪13.6 ارتىپ، ارتۋ قارقىنى ءۇرتىس 5 جىل مەملەكەتتىڭ الدىڭعى قاتارىنان كورىندى.
بيىل اۆتونوميالى رايونىمىز، ءبىر جاعىنان، كاسىپتەندىرۋ ارقىلى كەدەيلىكتەن قۇتىلدىرۋ ارنايى ارەكەت جوسپارىن ۇيىمداستىرىپ اتقارىپ، كاسىپتەندىرۋگە تاربيەلەۋ، كاسىپتەندىرۋگە كومەك بەرۋ، باسقا سالاعا ويىستىرىپ كاسىپتەندىرۋ، كەدەي ەڭبەككۇشتەردىڭ كاسىپتەنۋىن، كىرىستەرىن مولايتۋىن شارۋاشىلىق قۇرۋمەن جەتەكتەۋ ارقىلى جەبەدى؛ ەندى ءبىر جاعىنان، وڭتۇستىك شينجياڭداعى 3 ايماق، ءبىر وبلىستى ءتۇيىن ەتىپ، اۋىل - قىستاقتارداعى ارتىق ەڭبەككۇشتەردى كاسىپتەندىرۋدى جاپپاي ىلگەرىلەتتى. «باس شتاب + سەرىك زاۆودتار + شارۋا وتباسى» ۇلگىسىن جالپىلاستىرىپ، سول جەردە، جاقىن ماڭدا كاسىپتەندىرۋ قىزمەتىن بار كۇشپەن ىلگەرىلەتتى. وڭتۇستىك شينجياڭ اۋىل - قىستاقتارىنداعى ەڭبەككۇشتەردىڭ تەحنيكالىق شەبەرلىگىن اشۋ ستراتەگيالىق ينجەنەرياسىن ىسكە قوسىپ، كاسىپكە تاربيەلەۋمەن جانە مەملەكەتتە ءبىر تۇتاس قولدانىلاتىن تىلگە تاربيەلەۋمەن جاپپاي قامتۋدى جۇزەگە اسىردى. وڭتۇستىك شينجياڭداعى ەڭبەككۇشتەردىڭ سولتۇستىك شينجياڭعا بارىپ كاسىپتەنۋ ارنالارىن ىركىلىسسىزدەندىرىپ، ماۋسىمدىق جۇمىس ىستەۋدى ءتۇيىندى تۇردە ۇيىمداستىرىپ ىلگەرىلەتتى. وڭتۇستىك شينجياڭ ەڭبەككۇشتەرىن ىشكى ولكەلەرگە اپارىپ كاسىپتەندىرۋ ساياساتىن بەلگىلەپ، ۇيىمدى تۇردە ىشكى ولكەلەرگە اپارىپ كاسىپتەندىرۋدى جەبەدى. 2016 - جىلى اۆتونوميالى رايونىمىز اۋىل - قىستاقتارداعى ارتىق ەڭبەككۇشتەردەن 2 ميلليون 200 مىڭ ادامدى (رەت) باسقا سالاعا ويىستىرىپ كاسىپتەندىرۋدى جوسپارلاپ وتىر.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
