- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«قوس كورمە» نەلىكتەن شينجياڭعا تياناقتادى
2016.08.29 11:19 كەلۋ قاينارى : شينجياڭ گازەتى
بەتاشار
2016 - جىلعى جۇڭگو دەنە تاربيە مادەنيەت كورمەسى، جۇڭگو دەنە تاربيە ساياحات كورمەسى (تومەندە قىسقارتىلىپ «قوس كورمە» دەلىندى) 2 - قىركۇيەكتەن 5 - قىركۇيەككە دەيىن ءۇرىمجى قالاسىندا وتكىزىلەدى. اسىرەسە، 2016 - جىلى جۇڭگو دەنە تاربيە مادەنيەت كورمەسى مەملەكەتتىك 13 - كەزەكتى قىسقى سپورت جارىسىنان كەيىنگى مەملەكەت دارەجەلى جوعارى دەڭگەيدەگى تاعى ءبىر سالتاناتتى كورمە. وسىنشا قىسقا ۋاقىت ىشىندە شينجياڭ نەلىكتەن مەملەكەتتىك كولەمدى دەنە تاربيە قيمىلدارىن ىركەس - تىركەس وتكىزۋگە مۇمكىندىك الدى؟ مەملەكەتتىك كولەمدى، سالتاناتتى جينالىستى وزىنە تارتا الاتىن شينجياڭدا قانداي ارتىقشىلىق، بايلىق جانە قۇدىرەت بار؟ گازەتىمىز بۇگىننەن باستاپ «قوس كورمەگە نازار» ايدارىن اشىپ، جەلىلەس بايىمداۋلار جاريالاپ، وقىرماندارعا وسى سۇراقتاردىڭ جاۋاپتارىن، تالداۋلارىن ۇسىنادى.
□ ءتىلشىمىز زىڭ حۋافىڭ
مەملەكەتتىك 13 - كەزەكتى قىسقى سپورت جارىسىنىڭ الاۋى ۇرىمجىدەگى قاراتاۋدىڭ ەتەگىندە سونگەنىنە ۇزاق وتپەي، جۇڭگو دەنە تاربيە مادەنيەت كورمەسى، جۇڭگو دەنە تاربيە ساياحات كورمەسى جەمىس - جيدەك ءيىسى اڭقىعان ۇرىمجىدە سالتاناتپەن وتەتىن بولدى. مەملەكەتتىك كولەمدى 2 ءىرى دەنە تاربيە قيمىلىن ىركەس - تىركەس وتكىزۋ شينجياڭ تاريحىندا بۇرىن بولماعان - دى. ەندەشە، «قوس كورمە» نەلىكتەن شينجياڭعا تياناقتادى؟
كورىكتى جەر ەلىمىز دەنە تاربيە كاسىپ سالاسىنىڭ دامۋىنداعى تىڭ ورىسكە اينالدى
ارتى ۇلكەن ىقتىرما ءتارىزدى نانشان تاۋى، الدى باسىنا بۇلت قوناقتاعان بوعدا شىڭى.
شينجياڭ كارتاسىن اشساڭىز، «2 ويپاتتى ورتاعا العان 3 ۇلكەن تاۋ» كەلبەتى كوز الدىڭىزعا كەلەدى. بۇل جەر − كوركەم شينجياڭ، بۇل جەر − ايبىندى شينجياڭ!
شينجياڭنىڭ بوگەنايى بولەك بايلىق ارتىقشىلىعىن قايتكەندە ءتىپتى دە تولىق كورنەكتىلەندىرۋگە بولادى؟ دەنە تاربيە سالاسىنا سۇيەنىپ، قايتكەندە ۇزدىكسىز دامۋعا بولادى؟ مەملەكەتتىك 13 - كەزەكتى قىسقى سپورت جارىسىنىڭ الدى - ارتىندا، اۆتونوميالى رايوندىق پارتكومنىڭ ورنالاستىرۋى بويىنشا، اۆتونوميالى رايوندىق دەنە تاربيە مەكەمەسى مەملەكەتتىك دەنە تاربيە باس مەكەمەسىنە «قوس كورمەنى» وتكىزۋ تۋرالى بەلسەندى تۇردە ءوتىنىش جولداپ، شينجياڭنىڭ دەنە تاربيە، ساياحات سالاسىنىڭ تاماشا شارت - جاعدايلارىن ءبىر - بىرلەپ تانىستىرىپ، دەنە تاربيە سالاسىنىڭ ماماندارىن ءوز كوزدەرىمەن كورىپ، تەكسەرىپ قايتۋعا شاقىردى. شينجياڭ دەنە تاربيە سالاسىنىڭ ەلدەن ەرەك ارتىقشىلىعىن جانە مەملەكەتتىك 13 - كەزەكتى قىسقى سپورت جارىسىن تابىستى وتكىزگەنىن ەسكەرگەن مەملەكەتتىك دەنە تاربيە باس مەكەمەسى اقىرىندا «قوس كورمەنى» شينجياڭدا وتكىزۋدى ۇيعاردى.
بۇل پارتيا مەن مەملەكەتتىڭ شينجياڭعا ارتقان كۇشتى سەنىمى جانە كورسەتكەن پارمەندى قولداۋى.
سوڭعى جىلدارى پارتيا ورتالىق كوميتەتىنىڭ، مەملەكەتتىك كەڭەستىڭ شينجياڭعا كورسەتكەن ساياساتتىق قولداۋىنىڭ، قارجىلىق ۇسىنىلىم سەرپىنىنىڭ كۇشتىلىگى، جۇرگىزگەن نىساندارىنىڭ كوپتىگى، حالىق تۇرمىسىنا جاساعان تيىمدىلىگىنىڭ مولدىعى بۇرىنعى ءارقانداي كەزدەن دە اسىپ ءتۇستى. ناتيجەسىندە شينجياڭنىڭ دەنە تاربيە، مادەنيەت قۇرىلعىلارى، قاتىناس - حابارلاسۋ، الەۋمەتتىك قىزمەت كورسەتۋ سياقتى نەگىزدىك قۇرىلعى قۇرىلىستارى جاپپاي جاقساردى.
سونىمەن بىرگە، بۇل جۇڭگونىڭ دەنە تاربيە مادەنيەتى، دەنە تاربيە ساياحاتى سالاسىنىڭ دامۋىنداعى بەتالىس جانە تالعام. شينجياڭ باتىس سولتۇستىكتەگى ستراتەگيالىق قامال، باتىس ءوڭىردى قاۋىرت اشۋ ستراتەگياسىن اتقارۋداعى ماڭىزدى ءوڭىر، جۇڭگونىڭ سىرتقا ەسىك اشاتىن ماڭىزدى قاقپاسى، جۇڭگونىڭ ماڭىزدى ەنەرگيا بازاسى جانە تاسىمال ارناسى، سونداي - اق جاڭا داۋىردەگى جىبەك جولى ەكونوميكالىق بەلدەۋىندە كۇش سالا قۇراتىن وزەكتى رايون. قوس كورمەنىڭ شينجياڭدا وتكىزىلۋى شينجياڭ دەنە تاربيە سالاسىنىڭ دامۋىن جەبەپ قانا قويماي، باتىس سولتۇستىكتەگى باسقا ولكە - رايونداردىڭ دەنە تاربيە سالاسىنىڭ دامۋىن دا ونان ارى جەبەي تۇسەدى.
«قوس كورمە» كورشىلەس ەلدەردەگى دەنە تاربيە سالاسىنا دا دەم بەرەدى. شينجياڭ ازيا - ەۆروپا قۇرلىعىنىڭ كىندىگىنە ورنالاسقان، رەسەي، قازاقستان، قىرعىزستان سياقتى 8 ەلمەن شەكارالاسادى. سوڭعى جىلدارى شينجياڭ كورشىلەس ەلدەرمەن مادەنيەت، دەنە تاربيە سالاسىنداعى اۋىس - كۇيىستەر مەن سەلبەستىكتەردى ۇزدىكسىز تەرەڭدەتىپ، جۇڭگونىڭ جانە جىبەك جولى بويىنداعى ەلدەردىڭ دەنە تاربيە مادەنيەتى سالاسىنىڭ دامۋىنا كۇش قوستى.
ءىس ىلگەرىلەگەن، بەرەكە نىعايعان، داۋلەتى شالقىعان زاماندا وتكىزىلگەن «دەنە تاربيە سالتاناتى»
اۆتونوميالى رايون قۇرىلعاندىعىنىڭ 60 جىلدىعىن تويلاۋ كەزىندە، تيانشاننىڭ تۇستىگى مەن تەرىستىگىندە «كۇندىز دەرسىڭ بۇل ءتۇندى الۋان شىراق جايناعان»، «تۇمەن كۇيمەن شىعانداپ شينجياڭ سازى ءورىلىپ» دەگەندەي ايبىندى كورىنىستەر قايتا كەسكىندەلدى. 60 نەشە جىلدان بەرى پارتيا ورتالىق كوميتەتىنىڭ ىقىلاستى قامقورلىعىندا، اۆتونوميالى رايون ايبىنى كۇشتى، سەرپىنى قۋاتتى تاريحتى باستان كەشىپ، كۇللى دۇنيە كوز تىككەن شۇعىلالى تابىستارعا قول جەتكىزدى.
ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، اۆتونوميالى رايوندىق پارتكوم، ۇكىمەت «ورنىقتىلىق بارىسىندا ىلگەرىلەۋ، رەفورما جاساۋ، جاڭالىق اشۋ» نەگىزگى اۋەنىندە تاباندى بولىپ، كۇردەلى دە قاتاڭ جاعدايلارمەن سىن - سايىستارعا ۇتىمدى توتەپ بەرىپ، تەرەڭ قاتپارلى قايشىلىقتار مەن ماسەلەلەردى كۇش سالا شەشىپ، ەكونوميكالىق ارتۋدىڭ باسەڭدەۋى ەلىمىز بويىنشا تەز بولۋ، ەكونوميكالىق ارتۋدىڭ كۇشەيۋى ەلىمىز بويىنشا باياۋ بولۋ سىندى ۇزاقتان بەرگى جاعدايدى وزگەرتتى. شينجياڭ ەكونوميكاسىنىڭ ارتۋ قارقىنى مەملەكەت بويىنشا 29 - ورىننان مەملەكەت بويىنشا الدىڭعى قاتارعا ءوتتى، جان باسىندىق ءوندىرىس جالپى قۇنى تومەن كىرىستى وڭىردەن ورتا دارەجەلى وڭىرلەر قاتارىنا كىردى.
شينجياڭ قارقىنى دەگەن نە؟ شينجياڭ ونىمدىلىگى دەگەن نە؟ بۇعان ءبىز مىنا ساندى مالىمەتتەرمەن جاۋاپ بەرەيىك: 2010 - جىلدان 2014 - جىلعا دەيىن، شينجياڭنىڭ ىشكى ءوندىرىس جالپى ءونىم قۇنى ءۇرتىس 5 جىل 2 ورىندى سانمەن، جىلىنا ورتا ەسەپپەن ٪8.10 ارتىپ، سايكەس مەزگىلدەگى مەملەكەتتىڭ ورتاشا دەڭگەيىنەن 3 پايىز جوعارى بولعان. 2013 - جىلدان 2015 - جىلعا دەيىن، ەكونوميكانىڭ ارتۋ قارقىنى مەملەكەت بويىنشا 6 - ورىندى، 4 - ورىندى، 8 - ورىندى كورسەتتى.
«قاناستا دا اۋەجاي بار ەكەنىن بىلمەيدى ەكەم، بەيجيڭنەن قاناسقا بارۋىما بۇل وتە قولايلى بولدى»، - دەدى شينجياڭعا ساياحاتتاي كەلگەن بەيجيڭ تۇرعىنى ۋاڭ جيانشين 27 - تامىزدا. كەزەكتە شينجياڭدا 17 اۋەجاي بار، ول مەملەكەت بويىنشا اۋەجايى ەڭ كوپ رايون سانالادى؛ لانجوۋ - شينجياڭ جوعارى جىلدامدىقتى تەمىر جولىندا پويەز قاتىنادى، ول ارى قاراي بەيجيڭمەن جالعاسپاق، سول كەزگە بارعاندا شينجياڭعا كەلۋ تىپتەن قولايلى بولادى؛ شينجياڭنىڭ ساياحاتشىلاردى قابىلداۋ قۋاتى ايتارلىقتاي كۇشەيىپ، ساياحاتتا جۇلدىز دارەجەسى بار قوناق ۇيلەر مەن رەستوراندار 405كە جەتتى، مۇنىڭ ىشىندە 5 جۇلدىز دارەجەلىسىنەن 16سى بار، بۇل كورسەتكىش باتىس سولتۇستىكتەگى 5 ولكە - رايوندا 1 - ورىندى كورسەتىپ، ساياحاتپەن تىكەلەي نەمەسە جانامالاي شۇعىلداناتىن ادامدار ءبىر ميلليون 560 مىڭعا جەتتى.
«كوكوراي شالعىن جايلاۋدا گۇل - بايشەشەك قۇلپىرعان، قۇبا تۇزدەگى قىستاقتى جيدە اعاشى كومكەرگەن، مۇزارت شىڭ، قارلى تاۋلار كۇمىستەي جارقىراعان، قۇمدى ءشولدىڭ اراسىندا ءمولدىر بۇلاق سىلدىراعان...». شينجياڭنىڭ ساياحات بايلىعى ايرىقشا مول، مەملەكەتىمىزدە 68 ءتۇرلى ساياحات بايلىعى بولسا، سونىڭ 56سى شينجياڭنان تابىلادى؛ 1100دەن استام كورىنىس اۋماعى بار شينجياڭ وسى كورسەتكىشتەن مەملەكەت بويىنشا 1 - ورىندى يەلەگەن؛ بۇكىل الەم بويىنشا تەڭىز دەڭگەيىنەن بيىكتىگى 8000 مەتردەن اساتىن 14 قارلى تاۋدىڭ تورتەۋى شينجياڭدا.
مەملەكەتتىك 13 - كەزەكتى قىسقى سپورت جارىسىنىڭ تابىستى وتكىزىلۋى بۇكىل دۇنيەگە شينجياڭنىڭ قۋاتىن، شينجياڭنىڭ سەنىمىن، شينجياڭنىڭ رۋحىن، شينجياڭنىڭ كەلىستى كەلبەتىن كورسەتتى. شينجياڭدا پارتيا مەن مەملەكەت جۇكتەگەن اۋىر مىندەتتى ارقالاي الاتىن، قوعام ورنىقتىلىعى مەن باياندى تىنىشتىقتى قورعاي الاتىن قارىم - قابىلەت بار ەكەنىن شىندىق دالەلدەپ وتىر.
قىسقى سپورت جارىسىنىڭ ءىزىن باسىپ، قوس كورمەنىڭ كەلۋى اۆتونوميالى رايوننىڭ شۇعىلالى تابىستارى مەن جالپىلىق قۋاتىن ايگىلەۋ جانە سىناۋ بولىپ تابىلادى، بۇل ۇلتتار اراسىنداعى ارالاسۋدى، ىشتەسۋدى، توعىسۋدى جەبەپ، ءار ۇلت بۇقاراسىنىڭ وتانعا جانە شينجياڭعا دەگەن ورتاق تانىمىن، ماقتانىش سەزىمىن كۇشەيتەدى.
دەنە تاربيەدە داۋىرلەگەن رايوندا بۇقارالىق دەنە تاربيە مەن سپورت ىستەرى قاتار وركەندەدى
ءار ەل الپينيستەرى شينجياڭدا الەمدىك بيىك شىڭعا ورمەلەسە، قىسقى سپورت جۇلدىزدارى مەملەكەتتىك 13 - كەزەكتى قىسقى سپورت جارىسىندا جاسىنداي جارقىلداپ ونەر كورسەتتى، ۇزاققا جۇگىرەتىن سپورتشىلار سايرام كولىنىڭ جاعاسىندا 100 شاقىرىمنان قارىم سىناسسا، ءداۋ سومكە ارقالاعان «جاياۋ ساياحاتشىلار» لاڭتىر جولىمەن ساپار شەگىپ، جول تاڭدامايتىن اۆتوكولىكتەر تاكلاماكان شولىندە شاڭداتىپ جۇيتكىپ جاتتى... سوڭعى جىلدارى ۇلان - بايتاق جەرى، ءار ءتۇرلى جەر بەدەرلەر ايقىش - ۇيقىش ارالاسقان شينجياڭدا بۇقارالىق دەنە تاربيە مەن سپورت ىستەرى قارقىندى دامىپ كەلەدى.
اسىرەسە، پارتيا 18 - قۇرىلتايىنان بەرى، اۆتونوميالى رايوندىق پارتكوم، ۇكىمەت وسى زامانعى مادەنيەتتى جەتەكشى ەتىپ، شينجياڭ دەنە تاربيەسىنىڭ ساياسي، ءبىلىم بەرۋ، جەتەكتەۋ، ۇيىستىرۋ جانە شەپ سىندى 5 ۇلكەن فۋنكتسياسىن كورنەكتىلەندىرىپ، ۇلتتار ىنتىماعىن جەبەۋ، شينجياڭ رۋحىن ايگىلەۋ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدا دارا ءارى ماڭىزدى رولىن ساۋلەلەندىردى.
بولاشاقتى بەتكە الا وتىرىپ، اۆتونوميالى رايون: 2025 - جىلى شينجياڭداعى دەنە تاربيەمەن شۇعىلداناتىن حالىقتى جالپى حالىقتىڭ ۇشتەن ءبىر بولىگىنەن اسىرۋدى، دەنە تاربيە سالاسىنىڭ GDPدەن ۇستاعان ارا سالماعىن كورنەكتى ارتتىرۋدى، ادام باسىنا تۋرا كەلەتىن دەنە تاربيە الاڭدارىنىڭ اۋدانىن مەملەكەتتىڭ ورتاشا دەڭگەيىنەن اسىرۋدى، قالا، اۋىل تۇرعىندارىنىڭ دەنە تاربيەگە جۇمساعان ادام باسىندىق ورتاشا تۇتىنۋىن كورنەكتى مولايتۋدى، دەنە تاربيە سالاسىمەن شۇعىلدانۋشىلار سانىنىڭ بۇكىل قوعامداعى جۇمىسقا ورنالاسقاندار سانىنان ۇستايتىن سالىستىرماسىن كورنەكتى ءوسىرۋدى العا قويدى.
«<قوس كورمەنى> وتكىزۋگە ءوتىنىش بەرگەن شينجياڭ كوپتەگەن باسەكەلەستەرىنىڭ اراسىنان وزىپ شىقتى، جۇرتتىڭ كۇتكەن ءۇمىتى دە وسى ەدى، <قوس كورمە> شينجياڭدا وتكىزۋگە ۇيلەسەدى، ءبىز دە دەنە تاربيەدەن پايدالانىپ، شينجياڭدى ۇگىتتەۋدى، جالىندى شينجياڭدى، وسى زامانعى شينجياڭدى، كوركەم شينجياڭدى ايگىلەۋدى ءۇمىت ەتەمىز. <قوس كورمەنى> جاقسى وتكىزۋگە ءبىزدىڭ سەنىمىمىز كامىل»! - دەيدى اۆتونوميالى رايوندىق دەنە تاربيە مەكەمەسىنىڭ ورىنباسار باستىعى ياڭ شينلي.
مەملەكەتتىك دەنە تاربيە باس مەكەمەسى ۇگىت مەكەمەسىنىڭ باستىعى تۋ شياۋدۇڭ بيىل جىل باسىندا شينجياڭ مەملەكەتتىك 13 - كەزەكتى قىسقى سپورت جارىسىن ءساتتى وتكىزگەندىگىن اۋىزعا الىپ، شينجياڭنىڭ «قوس كورمەنى»، ءسوز جوق، ۇلتتىق ەرەكشەلىككە ايرىقشا باي، دەنە تاربيە مادەنيەتىنىڭ، ساياحاتىنىڭ سالتاناتتى جينالىسى ەتىپ وتكىزەتىنىنە سەنىمدى ەكەندىگىن ايتتى.
«قوس كورمەنىڭ» شينجياڭدا تياناقتاۋى ءارى ەلىمىز دەنە تاربيە سالاسى دامۋىنىڭ تالعامى، ءارى شينجياڭنىڭ جالپىلىق قۋاتىنىڭ ايگىلەنۋى، ول «قۇلشىنعاندا عانا وزگەرىس بولاتىنىن، قۇلشىنساق عانا وزگەرتە الاتىنىمىزدى» تاعى ءبىر رەت دالەلدەدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
