- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«كۇمىس كومەيدىڭ» قوس جۇلدەسى مادينا دۋمان قىزىنا بۇيىردى
2016.08.31 13:24 كەلۋ قاينارى : ءتاڭىرتاۋ تورابى
ءتىلشىمىز ءبيسارا قۋانبەك قىزى حابارلايدى. بۇكىل شينجياڭ قازاعىن اسەم انىمەن تەربەتىپ، حالىق اراسىنداعى تالانتتى ۇل-قىزداردىڭ باعىن اشقان كوركەم تەلە جوبا «كۇمىس كومەي» ءٴان بايقاۋى وسىمەن ەكى كەزەك وتكىزىلگەندىگى بارلىعىمىزعا بەلگىلى. بۇكىل شينجياڭ قازاعىن اسەم انىمەن تەربەتىپ، حالىق اراسىنداعى تالانىتتى ۇل-قىزداردىڭ باعىن اشقان كوركەم تەلە جوبا «كۇمىس كومەي» ءٴان بايقاۋى وسىمەن ەكى كەزەك وتكىزىلگەندىگى بارلىعىمىزعا بەلگىلى. جىلعا جۋىق ۋاقىتپەن سارالانعان ساڭلاقتاردىڭ قاتارىنان وزا شاۋىپ، توپتى جارعان ناعىز جۇيرىكتەردىڭ اقتىق سىنى. 2-كەزەكتى كۇمىس كومەيدىڭ سوڭعى دوداسى 22-تامىز تۇستەن كەيىن شينجياڭ تەلەۆيزياسىندا وتكىزىلدى.
جوبا بارىسىندا جۇرت كوڭىلىنەن شىققان، دەسەدە، سوڭعى مارەگە جەتە الماي شابىسىنان جاڭىلعان، ۇزدىك قاتسۋشىلار جارىس باستالۋدان بۇرىن جينالعان جۇرتقا اسەم اندەرىن سيلاپ ٴءبىر جەلپىندىرىپ تاستادى. ەستەرىڭىزدە قالسا كەرەك، جارىق دۇنيەنى كوزىمەن ەمەس كوڭىلىمەن كورىپ، مۋزىكانى جانىمەن تەرەڭ سەزىنە بىلگەن جاس تالانىت جۇمابەك مۇقىيات ۇلى، بۇگىن دە ٴءدال وسى سان جۇيرىك شاۋىپ وتكەن كيەلى ساحنانى اسەم انىمەن الدەيلەدى. ونىڭ ونەرىنە ٴءتانتتى بولعان ازاماتتارىمىزدىڭ ٴءبىرى شاپان جاۋىپ ونەرىن القاسا، ال ٴءبىرى قارجىلاي كومەك بەرىپ، كوڭىلىن ٴءبىلدىرىپ جاتتى.
توپ ىشىنەن قارا وزىپ سوڭعى كومبەگە جەتكەن جۇيرىكتەردىڭ قاتارىندا ٴمادينا دۋمان قىزى، سامەت ابدىكارىم ۇلى، مۇقيات راحات ۇلى، مەيىربان سەيىتباي ۇلى قاتارلى انشىلەر شەشۋشى جارىسىقا ءتۇستى.
جارىس بارىسىندا شاباندوزدار جەرەبە سۋىرىپ، ٴءوز قارسىلاستارىن تالداپ بەكىتتى.
شينجياڭداعى ءٴان ونەردىڭ بيىگىنەن كورىنىپ، اتى التى الاشقا تانىمالى بولعان ايتۋلى انشىلەر ءٴادىل باعاسىن بەرىپ، ناعىز «كۇمىس كومەي» ءانشىنىڭ كىم ەكەندىگىن انىقتادى.
باس جۇلدە 17 جاسقا جاڭا تولعان، تولعان ايداي ارۋ قىز ٴمادينا دۋمان قىزىنا بۇيىردى. «حالىق ەڭ ءادىل باعالاۋشى» دەپ بەكەر ايتپاساق كەرەك. ٴمادينا باس جۇلدەنى جەڭىپ الۋمەن قاتار، حالىقتىڭ قالاۋىنان شىققان ۇزدىك ءانشى رەتىندە باعالانىپ، ەكى بىردەي تەمىر تۇلپاردى قانجىعاسىنا بايلادى.
كورگەن جاندى بيىمەن ەلىتىپ، انىمەن جەلپىندىرىپ تاستايتىن سامەت ابدىكارىم ۇلى 2-دارەجەلى سيلىققا يە بولدى، ال جاستاردىڭ قالاۋىن تاۋىپ ليريكالى اندەردى جۇرەككە جەتكىزىپ ورىندايتىن مەيىربان سەيىتباي ۇلى 3-دارەجەلى سيلىقتى ەنشىلەدى. باياۋ ىرعاقتى، سەزىمگە تولى اندەرىمەن تىڭدارماندارىنىڭ قۇلاق قۇرىشىن قاندىراتىن مۇقيات راحات ۇلى 4-دارەجەلى ۇزدىك ءٴانشى ماراپاتىن الدى.
وتكەن كەزەكتى كۇمىس كومەي ءٴان بايقاۋىنىڭ ۇزدىك انشىلەرى دە ارتتارىنان ەرگەن شاكىرتتەرىنىڭ قۋانىشىمەن بولىسۋگە كەلگەن سياقتى. توپ بولىپ «كۇمىس كومەي» انشىلەرىنە عانا ٴءتان اسەم اندەرىن اسقاقتاتا شىرقادى.
ارينە، ولاردىڭ بۇگىنگى بيىكتى باعىندىرۋىن، «كۇمىس كومەي» اتىنداعى تاماشا باعدارلامانى وتكىزىپ وتىرعان شينجياڭ تەلەۆيزياسى قازاقشا ارناسى جانە قاتىستى قولداپ-قۋاتتاعان ورىنداردىڭ ەڭبەگىنەن، وتانبەك ەڭسەقان ۇلى، بەكەش زەينەل ۇلى، گۇلنۇر اسكەرقان قىزى، قازىكەن قالي ۇلى قاتارلى تانىمالى تالىمگەرلەردىڭ ەڭبەگىنەن، وسىنداي ۇل-قىزدار تاربيەلەگەن اتا-اناسىنىڭ ەڭبەگىنەن مۇلدە بولە قاراي المايمىز.
ۇلتىمىزدىڭ وسىنداي ۇلاعاتتى ۇل-قىزدارىنىڭ ۇكىدەي ۇلپىلدەگەن قانات قاعىسى ەرتەڭگى ۇلى جەڭىستىڭ قىلاڭىن بايقاتقانداي بولا بەرەدى. ٴءبىز تەك قاتارىن قازداي تىزگەن، جاس بۋىن انشىلەر اسەم ءاننىڭ تەڭىزىنە توقتاماي اعىن بولىپ قوسىلا بەرسە ەكەن دەپ تىلەيمىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
