- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
نەكەسىز تۋعان بالانى باعۋ ۇقىعى كىمگە تاۋەلدى
ورال قاسەيىن ۇلى
2016.08.31 13:29 كەلۋ قاينارى : شينجياڭ گازەتى
كەي ادامداردىڭ اتا - انا بولۋ تۇسىنىگى جەتەرسىز، زاڭدىق تانىمى تومەن بولعاندىقتان، قوعامدىق تۇرمىستا نەكە − وتباسى قاتىناسىن قالىپتى تارتىپكە سالا المايتىندىقتان، نەكەدەن اجىراسۋ، قايتادان تۇرمىستانۋ سياقتى بارىستاردا كوپتەگەن كىلەڭسىز جايتتەر تۋىلادى، بالالاردىڭ باعىم ۇقىعى جاعىندا كوپتەگەن قايشىلىقتى ماسەلەلەر كەزدەسىپ وتىرادى. بۇل جونىندە مىنا ءتۇيىندى انىق ءبىلۋىمىز كەرەك. ەرلى - زايىپتىلار نەكەدەن اجىراسقانىمەن ولاردىڭ پەرزەنتتەرىمەن بولعان قاتىناسى وزگەرمەيدى، جالعاستى اكە - شەشەلىك جاۋاپكەرلىك ارقالايدى. نەكەسىز تۋعان بالا دا نەكەلى تۋعان بالامەن تەڭ باعىلۋ ۇقىعىنان يگىلىكتەنەدى. ەندەشە، نەكەسىز تۋعان بالانى باعۋ ۇقىعى كىمگە تاۋەلدى بولادى؟ باعۋ ۇقىعىنا قالاي قول جەتكىزۋگە بولادى؟ بۇل ماسەلەنى تولىق ءتۇسىندىرۋ ءۇشىن تومەندەگى 4 ءتۇرلى سۇراۋعا جاۋاپ بەرەمىز.
ءبىرىنشى، نەكەسىز تۋعان بالا دەگەن نە؟
نەكەسىز تۋعان بالا دەگەنىمىز ەرلى - زايىپتىلاردىڭ نەكە قاتىناسى زاڭ بويىنشا تۇراقتاندىرىلۋدان بۇرىن نەمەسە نەكەلەنبەي تۇرىپ تۋعان بالا. مىسالى، نەكەلەنۋ جاسىنا تولعانىمەن نەكەنى تىزىمگە الدىرۋ ورنىنا بارىپ نەكەلەنۋدى تىزىمگە الدىرماستان، ءوز بىلگەندەرىنشە نەكەلەنۋ تويىن وتكىزىپ، ەرلى - زايىپتىلىق اتپەن تۇرمىس كەشىرگەندەردەن نەمەسە زاڭ بويىنشا نەكەدەن اجىراسقاننان كەيىن، نەكە كۋالىگىن الماي قايتادان جاراسقانداردان تۋعان بالالار، ياعني ەرلى - زايىپتىلار اراسىندا زاڭدى نەكە قاتىناسى ورناماي تۇرىپ تۋىلعان بالالار.
ەكىنشى، نەكە زاڭىندا نەكەسىز تۋعان بالا جونىندە قانداي زاڭدىق بەلگىلەمەلەر بار؟
« جۇڭحۋا حالىق رەسپۋبليكاسى نەكە زاڭىنىڭ» 25 - تارماعىندا: «نەكەسىز تۋعان بالا دا نەكەلى تۋعان بالامەن ۇقساس باعىلۋ ۇقىعىنان يگىلىكتەنەدى، ەشكىمنىڭ قاقپايلاۋىنا، كەمسىتۋىنە بولمايدى. ءوز باۋىرىندا باقپاعان اكەسى نەمەسە شەشەسى پەرزەنتتەرىنىڭ تۇرمىس قاراجاتى مەن وقۋ قاراجاتىن بالا دەربەس تۇرمىس كەشىرە الاتىن بولعانعا دەيىن تولەۋى كەرەك» دەپ بەلگىلەنگەن. ءۇشىنشى، نەكەسىز تۋعان بالانى باعۋ ۇقىعى كىمگە ءتان؟
«جۇڭحۋا حالىق رەسپۋبليكاسى نەكە زاڭىنىڭ» 36 - تارماعىندا: «اكە - شەشە مەن پەرزەنتتەرى اراسىنداعى قاتىناس اكە - شەشەسىنىڭ نەكەدەن اجىراسۋىنا بولا ءۇزىلىپ قالمايدى. نەكەسىز تۋعان بالالار دا نەكەلى تۋعان بالالارمەن ۇقساس باعىلۋ ۇقىعىنان يگىلىكتەنەدى» دەپ بەلگىلەنگەن. ءادىليا امالياتىندا نەكەسىز تۋعان بالانىڭ باعىلۋ ۇقىعى تومەندەگى تاسىلدەرمەن تۇراقتاندىرىلادى:
1. 2 جاستان تومەنگى پەرزەنتتەر ادەتتە شەشەسىمەن بىرگە تۇرادى. شەشەسىندە تومەندەگى احۋالداردىڭ ءبىر كورىلسە، اكەسىمەن بىرگە تۇرسا بولادى:
(1) ۇزاق ۋاقىت ەمدەلسە دە ساۋىقپايتىن جۇقپالى اۋرۋعا شالدىققان نەمەسە باسقا دا اۋىر ناۋقاس بولىپ، بالاسىنىڭ بىرگە تۇرمىس كەشىرۋىنە قولايسىز بولسا؛
(2) شەشەسىنىڭ شارت - جاعدايى جاقسى بولعانىمەن، بالانى باقپاي قويعاندىقتان، بالانى باعۋدى اكەسى تالاپ ەتسە؛
(3) باسقا سەبەپتەردەن بالا شەشەسىمەن بىرگە تۇرۋعا امالسىز بولسا.
2. اكە - شەشەسى 2 جاستان اسقان بالانىڭ باعۋ ۇقىعىنا تالاسسا، تومەندەگى احۋالداردىڭ ءبىرى بولعان جاقتىڭ باعۋ ۇقىعىن الۋى الدىن الا ويلاستىرىلادى:
(1) تۋىتتان توقتاۋ وپەراتسياسىن جاساتقان نەمەسە باسقا سەبەپتەردەن ۇرپاق كورۋ قابىلەتىنەن ايرىلعان بولسا؛
(2) بالا اكە - شەشەسىنىڭ بىرەۋىمەن ۇزاق ۋاقىت بىرگە تۇرعاندىقتان، تۇرمىس ورتاسىن شۇعىل وزگەرتسە بالانىڭ اقاۋسىز ءوسىپ - جەتىلۋىنە ايرىقشا ءتيىمسىز بولسا؛
(3) بالانى باعۋدى ايرىقشا تالاپ ەتكەن ادامدا باسقا بالا جوق، ال قارسى جاقتا باسقا بالا بار بولسا؛
(4) ەرلى - زايىپتى ەكەۋىنىڭ پەرزەنتتەرىن باعۋ شارت - جاعدايى قارايلاس بولعان جاعدايدا ەكى جاق بالانى باعۋ ۇقىعىنا تالاسسا، سول بالانىڭ اتاسى مەن اجەسىنىڭ نەمەسە ناعاشى اتاسى مەن ناعاشى اپاسىنىڭ قايسىسىمەن كوبىرەك بىرگە تۇرعاندىعى، ياعني سول بالانى باعۋعا قايسىسى كوبىرەك قارايلاسقاندىعى ەسكەرىلىپ، سول جاقتىڭ باعۋ ۇقىعىن الۋى الدىن الا ويلاستىرىلادى؛
(5) پەرزەنتتەرىنىڭ ۇقىق - مۇددەسىن قورعاۋعا پايدالى بولۋ شارتى استىندا، اكە - شەشەسى پەرزەنتتەرىن كەزەكتەسىپ باعۋعا كەلىسسە، رۇقسات ەتىلەدى.
3. ەرلى - زايىپتى ەكەۋى 2 جاستان تومەنگى بالانىڭ اكەسىمەن بىرگە تۇرۋىن لايىق كورسە ءارى بۇلاي ورنالاستىرۋدىڭ بالانىڭ اقاۋسىز ءوسىپ - جەتىلۋىنە كەسىرى بولماسا، رۇقسات ەتۋگە بولادى.
ءتورتىنشى، نەكەسىز تۋعان بالانى باعۋ ۇقىعىنا قالاي قول جەتكىزۋگە بولادى؟
اكە - شەشەسىندە زاڭدى نەكە قاتىناسى بولماي تۇرىپ تۋىلعان بالالارعا، ياعني نەكەسىز تۋىلعان بالالارعا جۇرت قىرىن قارايتىن احۋال كوپ كەزىگەدى. سوندىقتان نەكەسىز تۋعان بالانى باعۋ ۇقىعىنا قول جەتكىزۋ ءۇشىن تومەندەگى ءبىرقانشا جاقتاردان دالەل - سىپات توپتاپ، بالانى باعۋ ۇقىعىنا قول جەتكىزۋگە بولادى:
(1) ءوزىنىڭ الدەقاشان تۋىتتان توقتاۋ وپەراتسياسىن جاساتقانىن نەمەسە باسقا سەبەپتەردەن ۇرپاقتى بولۋ قابىلەتىنەن ايرىلعاندىعىن دالەلدەي السا؛
(2) بالانىڭ ۇزاق ۋاقىت وزىمەن بىرگە تۇرعانىن، تۇرمىس ورتاسىن شۇعىل وزگەرتسە بالانىڭ اقاۋسىز ءوسىپ − جەتىلۋىنە ايرىقشا ءتيىمسىز بولاتىندىعىن دالەلدەي السا؛
(3) قارسى جاقتىڭ ۇزاق ۋاقىت ەمدەلسە دە ساقايمايتىن جۇقپالى اۋرۋعا شالدىققانىن نەمەسە باسقاداي اۋىر ناۋقاسى بار بولىپ، بالانىڭ ونىمەن بىرگە تۇرمىس كەشىرۋىنە بولمايتىندىعىن دالەلدەي السا؛
(4) قارسى جاقتا بالانىڭ پسيحيكالىق، فيزيولوگيالىق جاقتان اقاۋسىز ءوسىپ - جەتىلۋىنە ءتيىمسىز احۋالدار بولىپ، بالامەن بىرگە تۇرمىس كەشىرۋىنە ءتيىمسىز بولاتىندىعىن دالەلدەي السا؛
(5) ءوزىنىڭ تۇراقتى كىرىمى بولىپ، قارسى جاقتىڭ كىرىمى تۇراقسىز بولعاندىقتان ۇزاق ۋاقىت سىرتتا ءجۇرىپ بالاعا قارايلاسۋ مۇمكىنشىلىگىنىڭ جوقتىعىن دالەلدەي السا؛
(6) قارسى جاقتا قۇمار ويناۋ، ماسكۇنەمدىككە سالىنۋ، ەسىرتكى شەگۋ قاتارلى جامان ادەتتەر بارلىعىن، سول ادەتتەردىڭ بالاعا ءتيىمسىز ەكەندىگىن دالەلدەي السا؛
(7) قارسى جاقتا ءمورالدىق جاقتان ماسەلە بولىپ، وسى سەبەپتەن نەكەدەن اجىراسقاندىعىن دالەلدەسە.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
