- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قىستاق دارەجەلى حالىق تۇرمىسىنا تيىمدىلىك جاساۋداعى 120 نىسان بۇقارانى يگىلىككە كەنەلتتى
2016.08.30 14:33
جۋىقتا قۇلجا قالاسىنىڭ «حالىقتىڭ تىلەگىن توعىستىرۋ، حالىق تۇرمىسىنا تيىمدىلىك جاساۋ، حالىقتىڭ جاعدايىن ۇعىسۋ» قيمىل كەڭسەسى نىسان گرۋپپاسىنان ۇعىسۋىمىزشا، 2015-جىلدان 2016-جىلعا دەيىن قۇلجا قالاسى اۆتونوميالى رايوننىڭ قىستاق دارەجەلى حالىق تۇرمىسىنا تيىمدىلىك جاساۋ نىساندارىنان 120 نىسانعا قول جەتكىزگەن. بۇل نىسانداردىڭ اتقارىلۋى قۇلجا قالاسىنداعى بۇقارانىڭ ءوندىرىس شارت-جاعدايىن كورنەكتى جاقسارتىپ، ءوز كۇشتەرىنە سۇيەنىپ كاسىپتەنىپ، يگىلىك جاراتۋىنا دەم بەرگەن.
2015-جىلى 2-توپتا قۇلجا قالاسى پانجىم قالاشىعى بىلىكشى قىستاعىنا تۇسكەن قىزمەت گرۋپپاسىنداعىلار قاتىستى تاراۋلارمەن سايكەسىپ، اۆتونوميالى رايوننىڭ قىستاق دارەجەلى حالىق تۇرمىسىنا تيىمدىلىك جاساۋ نىسان قارجىسىنان 500 مىڭ يۋان الىپ، 300 شارشى مەترلىك قارتتار قيمىل ورتالىعىن سالدىردى ءارى قىستاق تۇرعىندار كوميتەتىنىڭ بۇرىنعى كوللەكتيۆ ءۇيىن شاعىن كاسىپ باقشاسى ەتىپ وزگەرتتى.
«بۇرىن ءبىزدىڭ قيمىل ورنىمىز جوق ەدى، اۋلا ىشىندە وتىرىپ كۇنگە قاقتالاتىنبىز» دەيدى مامەتجان قارت. قازىر ول بوس ۋاقىتىندا قارتتار قيمىل ورتالىعىنا كەلىپ، شاحمات وينايتىنىن، قارتتاردىڭ تۇرمىسى كوڭىلدى ءوتىپ جاتقانىن ايتتى.
شاعىن كاسىپ باقشاسى ىشىندە ادەتتەگى شاش قىسقىش، قولمەن جاسالعان روزا گۇلى، ءبىر تاباق الۋان ءتۇستى مەرۋەرت مارجان تۇر، قىستاق تۇرعىنى زۇرايات مەرۋەرت مارجانداردى شاش قىسقىشتىڭ ۇستىنە قاداپ، ونى ادەمىلەپ جاساپ شىعادى ەكەن. «مۇنداي قىسىشتان مەن كۇنىنە 20 - 30 داناسىن جاسايمىن» دەيدى ول. بىلتىر قىستاقتىڭ كاسىپتەندىرۋ كۋرسىنا قاتىناسقاننان كەيىن ول شاعىن كاسىپ باقشاسىنداعى شينجياڭ وزنۇر حالىقارالىق ساۋدا سەرىكتىگىنىڭ بىلىكشى قىستاعىنداعى ءوندىرىس بازاسىندا جۇمىس ىستەگەن. ءوندىرىس بازاسى مەن ءۇيىنىڭ ارالىعى ەكى -ءۇش مينۋتتىق جول، ءبىر جاعىنان ۇيىندەگىلەرگە قارايلاسىپ، ءبىر جاعىنان اقشاسىن تابا بەرەدى، ونىڭ ءار ايداعى ەڭبەكاقىسى ورتا ەسەپپەن ءبىر مىڭ 300 يۋان، جىلدىق كىرىسى 15 مىڭ يۋان اينالاسىندا.
بيىل اۆتونوميالى رايوننىڭ قىستاق دارەجەلى حالىق تۇرمىسىنا تيىمدىلىك جاساۋ نىسانىنىڭ 4 ميلليون يۋان قارجىسىنا يە بولدىق، قىستاقتاعى 37 كوشەگە قارا ماي توسەلدى، جالپى ۇزىندىعى 9.2 كيلومەترگە جەتتى. ىلە وبىلىستىق تۇرعىن ءۇي، قۇرىلىس مەكەمەسىنىڭ، قۇلجا قالالىق تۇرعىن ءۇي، قۇرىلىس مەكەمەسىنىڭ بىلىكشى قىستاعىنا تۇسكەن قىزمەت گرۋپپاسىنىڭ باستىعى گۋاڭ حۇيدىڭ تانىستىرۋىنشا، بىلىكشى قىستاعىنىڭ جولدارىنىڭ جوندەلگەنىنە كوپ جىل بولىپ بۇزىلىپ كەتكەن، جاقىنعى جىلداردان بەرى جاڭبىر جاۋسا باتپاق بولىپ، قىستاق تۇرعىندارىنا قولايسىزدىق تۋدىرعان ەكەن. بيىل قىستاق دارەجەلى حالىق تۇرمىسىنا تيىمدىلىك جاساۋ نىسانىنىڭ ارقاسىندا قىستاق تۇرعىندارى قاتىناستان الاڭدامايتىن بولىپتى.
قىستاق دارەجەلى حالىق تۇرمىسىنا تيىمدىلىك جاساۋ نىسانى قۇلجا قالاسى حانبيڭ اۋىلىنداعى جۇرتشىلىققا دا تيىمدىلىك اكەلدى. 2015-جىلى حانبيڭ اۋىلى اۆتونوميالى رايوننىڭ قىستاق دارەجەلى حالىق تۇرمىسىنا تيىمدىلىك جاساۋ نىسانىنىڭ قارجىسىنا يە بولىپ، ۇلتتىق قولونەر بازاسىنا 500 مىڭ يۋان قارجى قوسىپتى، بازادا ۇستەگى جىلى مامىردا جۇمىس باستالىپتى.
بۇل بازادا كومپيۋتەرلى كەستە ماشيناسى، جوعارى قارقىندى تىگىن ماشيناسى، جيەكتەۋ ماشيناسى سياقتى جابدىقتار تولىق ەكەن، بازاعا 33 جۇمىسشى ورنالاسىپتى. شەبەرحانا جاۋاپتىسى تۇرسىناي: مۇندا 100 دەن استام ادامدى كاسىپتەندىرۋگە بولادى، كەستەشىلىك، كيىم-كەشەك جوبالاۋ، كەستە باسۋ قاتارلى كاسىپ تۇرلەرى بار، جۇمىسشىلاردىڭ قازىرگى ورتاشا ەڭبەكاقىسى 2 مىڭ يۋاننان استام،- دەدى.
جۋىقتان بەرى قۇلجا قالاسى قىستاق دارەجەلى حالىق تۇرمىسىنا تيىمدىلىك جاساۋ نىسانىن ورىستەتىپ، جوبا، جوسپاردى، ءبىر تۇتاس جاساپ، تىڭعىلىقتى ىلگەرىلەتتى، قۇلجا قالاسى «حالىق تىلەگىن توعىستىرۋ، حالىق تۇرمىسىنا تيىمدىلىك جاساۋ، حالىقتىڭ جاعدايىن ۇعىسۋ» قيمىلى كەڭسەسى نىسان گرۋپپاسىنىڭ باستىعى لي دان بىلاي دەدى: 2015-جىلدان 2016-جىلعا دەيىن قۇلجا قالاسى اۆتونوميالى رايوننىڭ قىستاق دارەجەلى حالىق تۇرمىسىنا تيىمدىلىك جاساۋ نىساندارىنان 120 نىسانعا قول جەتكىزدى، بۇعان 93 ميلليون 310 مىڭ يۋان قارجى ءبولىندى، نىسانعا قارجى شىعارعان ورىندار اراسىندا اۆتونوميالى رايوندىق قازىنا مەڭگەرمەسى، قاتىناس مەڭگەرمەسى، وقۋ-اعارتۋ مەڭگەرمەسى قاتارلى ورگاندار بار، قارجى مال باعىمشىلىعى، ەگىنجاي سۋ ىستەرى، جولدى اسفالتتاندىرۋ، قىستاق بەت-بەينەسىن جاڭالاۋ، بالا باقشا قاتارلى جۇمىستارعا پايدانىلادى. بۇلاردىڭ ىشىندە 2016-جىلى قولعا كەلتىرگەن 63 نىسان بار، وعان قوسىلاتىن قارجى 38 ميلليون 350 مىڭ يۋان، قازىرگە دەيىن 10 نىساندا جۇمىس باستالىپ، 3 نىسان اياقتالدى. اۋدارعان پراكتيكانت اليگۇل نۇردايىر قىزى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
