- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شىت - جاڭا ۇلگىدەگى جۇڭگو − ازيا - ەۆروپا كورمەسىن اشايىق
2016.09.07 15:19 كەلۋ قاينارى : شينجياڭ گازەتى
5 - كەزەكتى جۇڭگو − ازيا - ەۆروپا كورمەسىنىڭ تۇڭعىش رەتكى اقپار جاريالاۋ ءماجىلىسى 6 - قىركۇيەك كۇنى تۇستەن بۇرىن ۇرىمجىدە اشىلدى. «بىرگە اقىلداسۋ، بىرگە قۇرۋ، تەڭ يگىلىكتەنۋ، جىبەك جولىنداعى وراي مەن بولاشاق» تاقىرىبى توڭىرەگىندە تالقى مىنبەرى جانە كورمەگە دايىندالۋ، تالقى مىنبەرى جانە ارناۋلى تاقىرىپتىق قيمىلدارعا دايىندالۋ، كورمە جانە ساۋداگەر شاقىرۋ، كورمەگە قاتىناسۋشى ورىنداردى شاقىرۋ ارقىلى ساۋدانى جەبەۋ قيمىلدارىنا دايىندالۋ، شەكارا سىرتىندا كورمەگە قاتىناسۋ جانە ساۋدانى جەبەۋگە دايىندالۋ سياقتى جاعدايلار تانىستىرىلدى.
اقپار جاريالاۋ ماجىلىسىندە مىنالار ايتىلدى: جۇڭگو − ازيا - ەۆروپا كورمەسىنىڭ جاڭا يقۋاتتىق ورنىن كوزدەي وتىرىپ، وزەكتى رايون قۇرىلىسى مەن جىبەك جولى بويىنداعى ەلدەردىڭ ەكونوميكا - ساۋدا، كاسىپ سالاسى سەلبەستىگىن ارقاۋ ەتىپ، 5 - كەزەكتى جۇڭگو − ازيا - ەۆروپا كورمەسىن شىت جاڭا ۇلگىدە كورسەتەدى. 5 - كەزەكتى جۇڭگو − ازيا - ەۆروپا كورمەسىنە (تومەندە قىسقارتىلىپ كورمە دەلىندى) 6 حالىقارالىق ۇيىم، 42 مەملەكەت (ءوڭىر)، 2192 كاسىپورىن قاتىناسادى، وسى كەزەكتى كورمەنىڭ كولەمى، اۋماعى، تاقىرىبى وتكەن كەزەكتەگىلەرمەن سالىستىرعاندا ەڭ جوعارى دەڭگەيدە.
مينيستر دارەجەلى باسشىلاردىڭ 15 ءتۇرلى تالقى مىنبەرى مەن ارناۋلى تاقىرىپتىق قيمىلى وتكىزىلەدى
5 - كەزەكتى جۇڭگو − ازيا - ەۆروپا كورمەسى كەزىندە اشىلۋ سالتى مەن جۇڭگو − ازيا - ەۆروپا كورمەسىنىڭ ەكونوميكانى دامىتۋ سەلبەستىك تالقى مىنبەرى (نەگىزگى تالقى مىنبەرى)، سونداي - اق مينيستر دارەجەلى باسشىلاردىڭ 15 ءتۇرلى تالقى مىنبەرى مەن ارناۋلى تاقىرىپتىق قيمىلى وتكىزىلەدى.
وسى كەزەكتى كورمە كەزىندە 5 - كەزەكتى جۇڭگو − ازيا - ەۆروپا كورمەسىنىڭ اشىلۋ سالتى جانە جۇڭگو − ازيا - ەۆروپا كورمەسىنىڭ ەكونوميكالىق سەلبەستىك تالقى مىنبەرى وتكىزىلەدى. ول كەزدە جۇڭگونىڭ مەملەكەت باسشىلارى، شەتەلدىڭ ساياسي قايراتكەرلەرى كورمەنىڭ نەگىزگى تاقىرىبىن ارقاۋ ەتە وتىرىپ ارقاۋ ءسوز سويلەيدى ءارى جىبەك جولى ەكونوميكالىق بەلدەۋى قۇرىلىسى جانە ورتاق نازار اۋداراتىن تاقىرىپتار جونىندە ىشكەرىلەي اۋىس - كۇيىس جاسايدى.
مينيستر دارەجەلى باسشىلاردىڭ 15 ءتۇرلى تالقى مىنبەرى مەن ارناۋلى تاقىرىپتىق قيمىلى: اقپارات مينيسترلەرى تالقى مىنبەرى، جۇڭگو − ازيا - ەۆروپا كەدەنىنەن كىرىپ - شىعۋ بويىنشا دەنساۋلىق ساقتاۋ، كارانتيندەۋ سەلبەستىك تالقى مىنبەرى، عىلىم - تەحنيكا سەلبەستىك تالقى مىنبەرى، جىبەك جولى فينانس تالقى مىنبەرى، مۇھاجىرلار، شەتەلدەگى جۇڭگولىقتار جانە جىبەك جولى قۇرىلىسى تالقى مىنبەرى سياقتى مينيستر دارەجەلى باسشىلاردىڭ 11 ءتۇرلى تالقى مىنبەرى، سونداي - اق جۇڭگو، شەتەل مادەنيەتىن ايگىلەۋ اپتالىعى، 3 - كەزەكتى ازيا - ەۆروپا كينو كورمەسى، جۇڭگو − ازيا - ەۆروپا ساپالى جەمىستەردى تانىستىرۋ جانە شاڭحاي سەلبەستىك ۇيىمى استىق حاۋىپسىزدىگى تالقى ءماجىلىسى، «اشىق بيڭتۋان» سىندى 4 ارناۋلى تاقىرىپتىق قيمىل قامتىلادى.
2011 - جىلدان بەرى، مەملەكەتىمىزدەگى ءارقايسى مينيسترلىكتەر مەن كوميتەتتەر جانە ورتالىققا قاتىستى ورىندار شينجياڭنىڭ ەكونوميكالىق، قوعامدىق دامۋىن ارقاۋ ەتىپ، مينيستر دارەجەلى باسشىلاردىڭ تالقى مىنبەرىنەن، سونداي - اق ارناۋلى تاقىرىپتىق قيمىلدارىنان 40قا جۋىعىن وتكىزىپ، ساياسي، ەكونوميكا - ساۋدا، عىلىم - تەحنيكا، ديپلوماتيا، گۋمانستيكا سياقتى سالالاردا ءبىر قىدىرۋ جەتىستىكتەرگە قول جەتكىزىپ، نەگىزگى تالقى مىنبەرىن وزەك ەتكەن جۇڭگو − ازيا - ەۆروپا كورمەسىنىڭ تالقى مىنبەر جۇيەسىن قالىپتاستىردى. 6 حالىقارالىق ۇيىم، 42 مەملەكەت پەن رايون كورمەگە قاتىناسادى
قازىر 6 حالىقارالىق ۇيىمنىڭ، 42 مەملەكەت پەن شەكارا سىرتىنداعى رايوننىڭ 5 - كەزەكتى جۇڭگو − ازيا - ەۆروپا كورمەسىنە قاتىناساتىندىعى بەلگىلى بولدى. ازيا، ەۆروپا، سولتۇستىك امەريكا، وڭتۇستىك امەريكا، وكەانيا جانە افريكا قۇرلىعىنداعى 418 شەتەل سەرىكتەستىگى كورمەگە قاتىناسىپ، سانى جاعىنان الدىڭعى كەزەكتەگى 133تەن كوبەيىپ، %214 ارتقان. مۇنىڭ ىشىندە بەلورۋسسيا رەسپۋبليكاسى، رەسەي فەدەراتسياسى، قازاقستان رەسپۋبليكاسى سياقتى 23 مەملەكەت پەن رايون ءۇرتىس 4 كەزەكتى جۇڭگو − ازيا - ەۆروپا كورمەسىنە قاتىناستى. باربادوس، ترينيداد جانە توباگو رەسپۋبليكاسى، باگام سياقتى كارايب وڭىرىندەگى 10 مەملەكەتتىڭ جۇڭگوداعى ەلشىلىگى تۇڭعىش رەت ۇيىرمە ۇيىمداستىرىپ قاتىناسادى.
5 - كەزەكتى جۇڭگو − ازيا - ەۆروپا كورمەسىنىڭ بيىلعى نەگىزگى قوناعى − بەلورۋسسيا كورمەگە كولەمدى ۇكىمەتتىك ەكونوميكا - ساۋدا ۋاكىلدەر ۇيىرمەسىن قاتىناستىرادى. كورمە رايونىنىڭ كولەمى 360 شارشى مەتر، 40قا جۋىق كاسىپورىن كورمەگە قاتىناسادى، كورمە بۇيىمدارى اۋىل شارۋاشىلىعى ونىمدەرى، ازىق - تۇلىك، ەنەرگيا، شاعىن تيپتى جابدىق جانە اسپاپ سياقتىلاردى قامتيدى.
گەرمانيانىڭ كورمەگە ۇيىمداستىرۋ قۇرىلىمى 40قا جۋىق اتاقتى ماركانى ۇيىمداستىرىپ، وسى كەزەكتى كورمەگە «گەرمانيانىڭ تاڭداۋلى ونىمدەر سارايى» فورماسىمەن قاتىناسادى، گەرمانيانىڭ جۇڭگوداعى كورمە تەكشەسىنەن تۇڭعىش رەت پايدالانىپ، جۇڭگو - ەۆروپانىڭ قاتىناسى ارقىلى جۇڭگو مەن گەرمانيانىڭ ەكونوميكا - ساۋدا سەلبەستىگىن جەبەيدى.
مۇنان سىرت، ەرەكشە ترانسفورماتور جارنا شەكتى سەرىكتەستىگى ۇسىنىس ەتكەن نيگەر رەسپۋبليكاسى، نيگەريا فەدەراتسيالىق رەسپۋبليكاسى، سۋدان رەسپۋبليكاسى سياقتى 13 ەلدىڭ ساۋدا - ونەركاسىپ تاراۋلارى مەن قاتىستى كاسىپورىندارى وسى كەزەكتى كورمەگە تۇڭعىش رەت قاتىناسادى. كاسىپتىك كورەرمەندەر مەن ساتىپ الۋشى ساۋداگەرلەر 5000نان اسۋى مۇمكىن
5 - كەزەكتى جۇڭگو −− ازيا - ەۆروپا كورمەسىنىڭ كورمە ورنىنىڭ جالپى اۋدانى 140 مىڭ شارشى مەتر بولىپ، 6809 ولشەمدى كورمە ورنى ورنالاستىرىلادى، بۇل وتكەن كەزەكتى كورمەمەن سالىستىرعاندا جەكە - جەكە %57 جانە %79 ارتقان، كورمەدە حالىقاراعا، سونداي - اق شياڭگاڭ، اۋمىن، تايۋان رايوندارىنا، قارجى قوسۋ سەلبەستىگىنە، توقىماشىلىق، كيىم - كەشەككە، اۋىل شارۋاشىلىق ونىمدەرىنە، ازىق - تۇلىككە ارنالعان 14 كورمە ورنى دايىندالعان، بۇل وتكەن كەزەكتەگىدەن %56 ارتقان. ەلىمىزدەن 1774 كاسىپورىن كورمەگە قاتىناسادى، بۇل وتكەن كەزەكتەگىدەن %24 ارتقان.
5 - كەزەكتى جۇڭگو − ازيا - ەۆروپا كورمەسى كورمە ورىندارى ورنالاستىرىلعاندا، وتكەن كەزەكتەگىمەن سالىستىرعاندا، اقىلدىق تۇرمىس كورمە ورنى، اۆتوكولىك تۇرمىس كورمە ورنى جانە زات اينالىم مەن ينفورماتسيالاندىرۋ كورمە ورنى سىندى 3 كورمە ورنى جاڭادان قوسىلعان.
5 - كەزەكتى جۇڭگو − ازيا - ەۆروپا كورمەسى اتقارۋ القاسىنىڭ ورىنباسار باس حاتشىسى، كورمە جانە قارجى قوسۋ ساۋداسىن جەبەۋ قىزمەت ءبولىمىنىڭ باستىعى ءادىلجان داۋۇت بىلاي دەدى: وسى كەزەكتى كورمە مەملەكەت دارەجەلى ساۋدا قوعامى جانە كاسىپتىك كورمە سەرىكتەستىكتەرى سياقتى قۇرىلىمداردىڭ رولىن تولىق ساۋلەلەندىرىپ، وسى كەزەكتى كورمەنىڭ مازمۇندارىن ارقاۋ ەتىپ، ەلىمىز كولەمىنەن ساتىپ الۋشى ساۋداگەرلەردى ۇسىنىس ەتەدى. وسى كەزەكتى كورمەگە قاتىناساتىن كاسىپتىك كورەرمەندەر مەن ساتىپ الۋشى ساۋداگەرلەر 5000 ادامنان اسۋى مۇمكىن.
وسى كەزەكتى كورمە كەزىندە، ەلىمىزدەگى 30 ولكە، رايون، قالا جانە جوسپارى ايىرىم جاسالاتىن 6 قالا، بيڭتۋان جانە شينجياڭداعى ايماق، وبلىس، قالالار وزدەرىنىڭ ەرەكشە، ساپالى ونىمدەرىن كورمەگە قويادى جانە قارجى قوسۋ نىساندارىن كورسەتەدى ءارى باسىمدىعى بار نىساندار مەن ونىمدەردى تانىستىرۋ جينالىسىن اشادى، قازىرگە دەيىن ساۋدانى جەبەۋ قيمىلىنان 30 كەزەگى تۇراقتاندىرىلدى.
ۇعىسۋعا قاراعاندا، 5 - كەزەكتى جۇڭگو − ازيا - ەۆروپا كورمەسى 20 - قىركۇيەكتەن 25 - قىركۇيەككە وتكىزىلەدى ەكەن، 20 - ، 21 - قىركۇيەك كاسىپتىك كورەرمەندەر كۇنى، 22 - قىركۇيەكتەن 25 - قىركۇيەككە دەيىن كورمە تاماشالاۋشىلارعا اشىلادى.
22 - قىركۇيەكتەن 24 - قىركۇيەككە دەيىن، تاماشالاۋشىلار ءار كۇنى ساعات 10:00نان 18:30عا دەيىن كورمەنى تاماشالاسا بولادى. 25 - قىركۇيەك كورمە ساعات 10:00نان 16:30عا دەيىن اشىلادى. بيىلعى كاسىپتىك كورەرمەندەر كۇنى ءبىر جارىم كۇن، ياعني كورمە 20 - قىركۇيەك ساعات 14:30دان 18:30عا دەيىن، 21 - قىركۇيەك ساعات 10:00نان 18:30عا دەيىن كاسىپتىك كورەرمەندەرگە ارنالادى. كورەرمەندەر كورمەنىڭ بەلەتىن توراپتان جانە بەلەت ساتۋ ورىندارىنان ساتىپ السا بولادى. 5 - كەزەكتى جۇڭگو − ازيا - ەۆروپا كورمەسىنىڭ ەسىك بەلەتى قاعاز بەلەت جانە ەلەكتروندىق بەلەت دەپ بولىنەدى، ەلەكتروندىق بەلەت 5 - كەزەكتى جۇڭگو − ازيا - ەۆروپا كورمەسىنىڭ رەسمي ءۇنحات الەۋمەتتىك تۇعىرىندا ساتىلادى. 21 - قىركۇيەككە دەيىن، كورەرمەندەر قاعاز بەلەتتى ءۇرىمجى قالاسىنداعى 30 پوچتا تۇيىنىنەن جانە سانجىداعى، كورلاداعى، شىحىزىداعى بەلگىلەنگەن پوچتا تۇيىندەرىنەن ساتىپ السا بولادى. 22 - قىركۇيەكتەن 25 - قىركۇيەككە دەيىن، كورەرمەندەر بەلەتتى شينجياڭ حالىقارالىق كورمە ورتالىعىنىڭ ماڭىنداعى بەلەت ساتۋ ورىندارىنان ساتىپ السا بولادى. 5 - كەزەكتى جۇڭگو − ازيا - ەۆروپا كورمەسىنىڭ كاسىپتىك كورەرمەندەر بەلەتىن كورمەدەن بۇرىن توراپتا الدىمەن تىزىمگە الدىرۋ جانە كورمەنىڭ ۇستىندە الۋ سياقتى 2 ءتۇرلى تاسىلمەن الۋعا بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
