- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«قوس كورمە»: بازارعا بەيىمدەلۋدىڭ تۇڭعىش سىناعى
2016.09.07 15:20 كەلۋ قاينارى : شينجياڭ گازەتى
2016 - جىلعى جۇڭگو دەنە تاربيە مادەنيەت كورمەسى، جۇڭگو دەنە تاربيە ساياحات كورمەسى (قىسقاشا «قوس كورمە») شينجياڭ حالىقارالىق كورمە ورتالىعىندا 2 - قىركۇيەك تۇستەن كەيىن شىمىلدىعىن اشتى. ەلىمىزدىڭ ءار رەتكى وليمپيادا ويىندارىنا قاتىناسقانداعى جۇلدەلەرى مەن مەدالدارى، شينجياڭداعى از ۇلت ءداستۇرلى سپورت تۇرلەرى، 31 ولكە، اۆتونوميالى رايون، قالانىڭ ءوز ەرەكشەلىگىن كورمەگە قاتىناستىرۋى، دەنە تاربيە ساياحات سارا تۋىندىلارى... 60 مىڭ شارشى مەتر كەلەتىن جابىق، اشىق الاڭقىلى كورمە رايونى، 400 نەشە كاسىپورىننىڭ كورمەگە قاتىناسۋى شينجياڭداعى ءار ۇلت حالقىنا دەنە تاربيە مادەنيەتىنىڭ، دەنە تاربيە ساياحاتىنىڭ تاعى ءبىر سالتاناتتى جينالىسىن وتكىزۋ ورايىن بەردى. وسىنداي جوعارى دەڭگەيلى كورمە وتكىزۋگە ۇكىمەت قارجىسى بولىنبەدى، مۇنى جۇرتتىڭ ءبارى بىلە بەرمەسە كەرەك.
بۇل جارقىن ءتۇيىن وسى رەتكى «قوس كورمەنىڭ» بازارلاندىرۋ مەحانيزمىنە قادام قويعاندىعىنان كورىنىس بەرەدى. بۇل «قوس كورمە» تاريحىندا تۇڭعىش رەت بولىپ وتىر، كورمەنى وتكىزىپ جاتقان شينجياڭ جونىنەن العاندا، بۇل «قوس كورمەنى» بازارعا بەيىمدەپ جۇرگىزۋدىڭ ءبىر رەتكى پايدالى ىزدەنىسىنە جانە سىناعىنا اينالدى.
مەحانيزمدە جاڭالىق اشىپ، بازارلاندىرۋ جولىن قاراستىردى
«وسى رەتكى <قوس كورمەنىڭ> جارقىن ءتۇيىنىنىڭ ءبىرى − بازارلاندىرۋ قىزمەت تاسىلىنەن پايدالانعاندىعى ءارى مەملەكەتتىك دەنە تاربيە باس مەكەمەسىنىڭ قۇپتاۋىنا يە بولعاندىعى بولدى»، - دەيدى «قوس كورمەنى» ۇيىمداستىرۋ القاسى كەڭسەسىنىڭ ورىنباسار مەڭگەرۋشىسى، اۆتونوميالى رايوندىق دەنە تاربيە مەكەمەسىنىڭ ورىنباسار باستىعى ياڭ شينلي.
ياڭ شينلي از اقشا جۇمساپ، كوپ ءىس تىندىرۋ، ۇنەمشىل بولۋ ءۇشىن، بازارلاندىرۋ جولىن تاڭداعانىن بۇكپەسىز ايتتى. مۇنان تىس، «مەملەكەتتىك 13 - كەزەكتى قىسقى سپورت جارىسى» وتكىزىلۋدىڭ الدى - ارتىندا «قوس كورمە» وتكىزۋ جۇمىسى بەكىتۋگە جولدانعان، سول كەزدە بەكىتۋ ۋاقىتى مەن كورمە وتكىزۋ اراسى تىم جاقىن ءارى ۋاقىتى قىسىلتاياڭ بولدى، شينجياڭ دەنە تاربيە مەكەمەسى اقىلداسۋ ارقىلى بازارلاندىرۋ جولىن تاڭداۋدى ۇيعارىپ، كورمە وتكىزۋگە سەلبەسەتىن سەرىكتەس ورىنداردى شاقىرىپ، كورمەنى تابىستى وتكىزۋگە بىرگە كۇش شىعارۋدى ويلاستىردى. ۇيىمداستىرۋ القاسى ەل ىشىندەگى ايگىلى كاسىپتىك دەنە تاربيە بۇيىمدارىن ءوندىرۋ - ساتۋ سەرىكتەستىگى − بەيجيڭ وۋشۇن دەنە تاربيە شەكتى جارنا سەرىكتەستىگىمەن سەلبەستىك جاسادى، وۋشۇن دەنە تاربيە شەكتى جارنا سەرىكتەستىگى كورمەنىڭ ساۋدالىق اشۋ، بازاردا جالپىلاستىرۋ سياقتى كاسىپتىك جاقتارىنا قىزمەت كورسەتۋ ءۇشىن، 10 ميلليون يۋان قارجى شىعارىپ، كورمەنىڭ اينالىس قاجەتىن قامتاماسىز ەتتى.
2006 - جىلى قۇرىلعان وۋشۇن دەنە تاربيە سەرىكتەستىگى ەل ىشىندەگى جارناسى تۇڭعىش بازارلاندىرىلعان حالىق باسقارۋىنداعى دەنە تاربيە بۇيىمدارىن ساتۋ سەرىكتەستىگى. وۋشۇن دەنە تاربيە سەرىكتەستىگىنىڭ شينجياڭمەن سەلبەستىگى 2015 - جىلدان باستالعان. وۋشۇن دەنە تاربيە سەرىكتەستىگىنىڭ ورىنباسار باسالقاسى ياۋ جىنيان قىسقا ۋاقىتتا شينجياڭعا 4 رەت قادام قويدى، شينجياڭ بازارىن تەكسەرۋ ارقىلى شينجياڭ تيانشان بارىس فۋتبول كلۋبىمەن سەلبەستىك كەلىسىمىنە قول قويىسىپ، وسى رەتكى جارىس ماۋسىمىنىڭ دەمەۋشى كاسىپورنىنا اينالدى. ياۋ جىنيان بىلاي دەدى: سەرىكتەستىگىمىز شينجياڭنىڭ دەنە تاربيە ىستەرىنىڭ دامۋىنا ايرىقشا قىزىقتى، وتە - موتە، كاسىپتىك دەنە تاربيە جانە دالالىق سپورت قيمىلدارىنا قىزىعۋشىلىق تانىتتى. وۋشۇن دەنە تاربيە سەرىكتەستىگى دەنە تاربيە ىستەرىندە شينجياڭمەن سەلبەستىكتى اناعۇرلىم مولايتىپ، ءوزارا پايدا جەتكىزۋ، تەڭ يگىلىككە كەنەلۋدى ىسكە اسىرادى.
ياڭ شينلي ماقتانىشپەن بىلاي دەدى: وسى رەتكى بازارلاندىرۋ سىناعىنىڭ تابىستى بولۋىندا ءشۇبا جوق، ساۋداگەر تارتۋدىڭ، كورمەگە شاقىرۋدىڭ كولەمى وسى جاعدايدى ايقىندايدى. ءبىز بازارلاندىرۋ اينالىمىن ىسكە قوسىپ، كورمە وتكىزۋ قاراجاتى جونىندە ۇكىمەتكە اۋىز اشپادىق، مىنە بۇل دا باستى جاڭالىق.
مەملەكەتتىك دەنە تاربيە باس مەكەمەسى دەنە تاربيە مادەنيەتىن دامىتۋ ورتالىعى قيمىل ءبولىمىنىڭ مەڭگەرۋشىسى ماۋ يانليڭ بىلاي دەپ قارادى: «قوس كورمەنىڭ» قىزمەت اينالىسىندا ۇكىمەت قولداۋ، كاسىپتىك جوبالاۋ، بازارلاندىرۋ اينالىسى، قوعام قاتىناسۋ ۇلگىسى ىستەتىلىپ، كورمەنى بازارلاندىرۋ شىنايى ىسكە اسىرىلدى، بۇل ەلىمىزدە تۇڭعىش ءجۇرىلدى. بۇل «قوس كورمەنى» كاسىپ سالالاندىرا دامىتۋدىڭ ءبىر رەتكى ءونىمدى، بەلسەندى ىزدەنىسى جانە سىناعى بولدى.
كومەسكى كۇشى زور دەنە تاربيە كاسىبىنىڭ وزىنە باۋراۋ قۋاتى كورنەكتىلەندى
30 - تامىزدا چيچيحار حيلۇڭ كونكي شەكتى جارنا سەرىكتەستىگىنىڭ باسالقاسى دان جىحۇڭ كورمە رايونىندا كورمە جۇمىستارىنا جەتەكشىلىك ەتىپ، كورمەگە قويىلاتىن كونكي، شاڭعى كيىمى، شاڭعى سياقتى ونىمدەردى ءتىزىپ جاتتى. دان جىحۇڭ: شينجياڭ مەملەكەتتىك 13 - كەزەكتى قىسقى سپورت جارىسىن تابىستى وتكىزگەننەن كەيىن، قار - مۇز بايلىعى تىڭ ومىرشەڭدىك كۇشكە يە بولىپ، ەلىمىزدىڭ جەر - جەرىنەن شينجياڭعا كەلگەن ساياحاتشىلار قار - مۇز ساياحاتىنىڭ قىزىعىنا شومدى. شينجياڭنىڭ دەنە تاربيە كاسىبىنىڭ بازار بولاشاعىنان زور ءۇمىت كۇتەمىز، - دەدى.
«وسىنشاما كوپ كاسىپورىندى كورمەگە قاتىناسۋعا، ەل ىشىندەگى ايگىلى دەنە تاربيە كاسىپورىندارىن كورمە وتكىزۋگە تارتۋى <قوس كورمە> سىندى وسى تۇعىردىڭ بازار قۇنىن ايگىلەدى، مۇندا قوعامدىق ونىمدىلىك جانە ەكونوميكالىق ونىمدىلىك بار، سونىمەن قوسا ول شينجياڭنىڭ دەنە تاربيە كاسىبىنىڭ دامۋ كومەسكى كۇشىنىڭ زور ەكەنىن كورسەتتى»، - دەيدى ياڭ شينلي.
مەملەكەتتىك كەڭەستىڭ «دەنە تاربيە كاسىبىن جەدەل دامىتىپ، دەنە تاربيە تۇتىنۋىن جەبەۋ جونىندەگى پىكىردى» جاريالاۋىنا مەڭزەس، شينجياڭ 2015 - جىلى اتقارۋ پىكىرىن شىعارىپ، اۆتونوميالى رايونىمىزدىڭ دەنە تاربيە كاسىبىن دامىتۋدىڭ 8 ۇلكەن مىندەتىن ايقىن العا قويدى. بيىل شينجياڭ مەملەكەتتىك دامۋ - رەفورما كوميتەتىنىڭ قولداۋىنا بەلسەنە قول جەتكىزىپ، دەنە تاربيە كاسىبىنىڭ دامۋىنا قاتىستى 13 قۇرىلىس نىسانىن جانە مەملەكەتتىڭ ارناۋلى قۇرىلىس قورىن تياناقتاندىرىپ، شينجياڭنىڭ دەنە تاربيە كاسىبىنىڭ دامۋىن جەدەلدەتۋىنە وراي ازىرلەپ، شارت - جاعداي جاسادى.
دەنە تاربيە سالاسىنداعى قايراتكەرلەر: «قوس كورمە» ولكە، اۆتونوميالى رايونداردىڭ دەنە تاربيە مادەنيەتى اۋىس - كۇيىسىن جاساسۋ مىنبەرىن ورناتۋمەن بىرگە، دەنە تاربيە كاسىبىنىڭ دامۋىنا ۇلكەن ساۋدا ورايىن دا اكەلدى، ال شينجياڭنىڭ دەنە تاربيە كاسىبى اشۋدى كۇتىپ تۇرعان قازىنالى كەنىش، - دەدى.
جۇڭدا دەنە تاربيە كاسىبى توبى دەنە شىنىقتىرۋ اسپاپتارىن، جابدىقتارىن وندىرەتىن ءىرى كاسىپورىن ءارى كورمەگە قاتىناسۋعا ەڭ ەرتە تىزىمدەلگەن كاسىپورىنداردىڭ ءبىرى. جىل باسىندا شەتەلدەردە تەكسەرۋ جۇمىسى سەبەبىنەن اتالعان توپ مەملەكەتتىك 13 - كەزەكتى قىسقى سپورت جارىسىنان قاپى قالدى. جۇڭدا دەنە تاربيە كاسىبى توبىنىڭ باسالقاسى شۇي مەيفاڭ شينجياڭنىڭ دەنە تاربيە كاسىبىنىڭ دامۋىنا ەجەلدەن قاداعالاي نازار اۋدارىپ كەلەدى. ول: شينجياڭنىڭ بازارىنىڭ ۇلكەن ەكەنىن بايقادىم، بيىل شينجياڭدا جانە ورتا ازيا ەلدەرىندە زاۆود قۇرۋ جۇمىسىن جەدەلدەتەمىز. «قوس كورمە» ءبىزدىڭ ۇگىتتەپ، تانىستىراتىن جانە سەلبەستىك قاراستىراتىن ورايىمىز، ورايدى، ارينە، يگەرە ءبىلۋىمىز كەرەك، - دەدى.
ياڭ شينلي بىلاي دەدى: «قوس كورمە» شينجياڭنىڭ دەنە تاربيە ساياحاتى مەن مادەنيەتىنىڭ بازار قۇنىن ايگىلەدى. «قوس كورمەنىڭ» قوعامدىق ونىمدىلىكپەن قوسا ەكونوميكالىق ونىمدىلىك تە جاراتۋىن، شينجياڭنىڭ دەنە تاربيە مادەنيەتىنىڭ، دەنە تاربيە ساياحاتىنىڭ ءتىپتى جاقسى دامۋ ورايىنا يە بولۋىن تىلەيمىن.تاجىريبە جيناپ، تەڭ يگىلىكتەنە دامۋدى جۇزەگە اسىرادى
شىنىندا، بازار مەحانيزمىمەن كورمە وتكىزۋ «قوس كورمە» ءۇشىن تۇڭعىش رەت بولعانىمەن، بۇدان بۇرىن دا شينجياڭ كورمە جانە دەنە تاربيە جارىستارىن بازار مەحانيزمىمەن جۇرگىزۋدى سىناپ كورگەن، سونداي - اق تابىسقا جەتكەن بولاتىن.
كورمە تۋرالى ايتساق، 2014 - جىلى وتكىزىلگەن 3 - كەزەكتى جۇڭگو − ازيا - ەۆروپا كورمەسىندە بازار مەحانيزمىمەن جۇمىس جۇرگىزۋ بەلگىلەنگەن بولاتىن.
« 3 - كەزەكتى جۇڭگو − ازيا - ەۆروپا كورمەسىنىڭ بازارلانۋعا بەت بۇرۋى − ماڭىزدى بۇرىلىس. 3 - كەزەكتى جۇڭگو − ازيا - ەۆروپا كورمەسى حالىقارالاندىرۋ، ماركالاندىرۋ، ارنايىلاندىرۋ جانە بازارلاندىرۋدى كورنەكتىلەندىرۋدى ورتاعا قويدى، بۇل ۇكىمەت جەتەكشىلىك ەتۋ تۇرىندەگى ازيا - ەۆروپا كورمەسىنىڭ باسقارۋ مەن تيجاراتتى بولۋگە ناقتى قادام باسقانىنان دەرەك بەرەدى. سول جىلى شينجياڭ حالىقارالىق كورمە ىستەرى مەكەمەسى كورمە كاسىبى سالاسىنداعى مامانداردى 3 - كەزەكتى جۇڭگو − ازيا - ەۆروپا كورمەسىن بازارلاندىرۋ جونىندە سىندارلى تالقى جۇرگىزۋگە ۇسىنىس ەتتى»، - دەيدى شينجياڭ حالىقارالىق كورمە ىستەرى مەكەمەسىنىڭ باستىعى لي جيڭيۋان.
دەنە تاربيە جارىستارىندا، بيىل ناۋرىزدا وتكىزىلگەن 2016 - جىلعى «ەلرام ساۋىتى» حالىقارالىق بوكس جارىسى بازار تيجاراتىن قولداندى. شينجياڭ بوكس سپورتىن باسقارۋ ورتالىعىنىڭ مەڭگەرۋشىسى رىن شاڭبو بىلاي دەيدى: «بۇل اۆتونوميالى رايونىمىز تۇڭعىش وتكىزگەن كاسىپقوي بوكس جارىسى، شينجياڭ بوكسىندا كاسىپقوي بوكسقا بىرتىندەپ بۇرىلىس جاساۋ سىناعى، جارىس جۇمىستارى تۇگەلدەي بازار مەحانيزمىمەن ءجۇرىلدى».
اۆتونوميالى رايوندىق دەنە تاربيە مەكەمەسىنىڭ دەنە تاربيە سالاسىندا بازار تيجاراتىن جۇرگىزۋدى سىناق ەتۋىنىڭ ماڭىزدى ستراتەگيالىق ماقساتى بار. ياڭ شينليدىڭ قاراۋىنشا، بازار مەحانيزمىمەن جۇمىس جۇرگىزۋ ءتاسىلىن قولدانۋ ۇكىمەت ورتاعا قويعان PPP سەلبەستىك ۇلگىسىمەن ءدال ۇيلەسەدى، ول ۇكىمەت پەن كاسىپورىندار تەڭ ۇتاتىن دامۋدى جۇزەگە اسىرا الادى، بۇل سىناق شينجياڭنىڭ بۇدان كەيىن قاتىستى قيمىلدار ورىستەتۋىندە دە ماڭىزدى شابىتتىق ءمان الادى ەكەن.
التاي ايماعى مەملەكەتتىك قار - مۇز باقشاسىن تاقىرىپ ەتكەن ايعاي حالىقارالىق دەمالىس ورنىن قۇرۋدا، بۇل شينجياڭنىڭ PPP ۇلگىسىمەن تيجارات جۇرگىزگەن تۇڭعىش ءتۇيىندى نىسانى، قۇرىلىسى بىتكەن سوڭ، كولەمدى حالىقارالىق قار ءۇستى جارىستارىن وتكىزەتىن شارت - جاعدايعا يە بولاتىن دەمالىس ورنىنا ءبىر ۋاقىتتا 30 مىڭ ادام سيادى، ول جىلىنا 5 ميلليون ادام (رەت) ساياحاتشى قابىلداي الادى.
ءبىز بازار مەحانيزمىمەن جۇمىس جۇرگىزۋدىڭ تابىستى سىناعى شينجياڭنىڭ دەنە تاربيە ىستەرىنە ءتىپتى دە كوپ قوعامدىق ونىمدىلىك جانە ەكونوميكالىق ونىمدىلىك، ءتىپتى دە كوپ دامۋ ورايىن سيلاۋىن، تەڭ ۇتا دامۋدى جۇزەگە اسىرۋىن ءۇمىت ەتەمىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
