- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
رايونىمىز زەينەتكەرلەردىڭ نەگىزگى زەينەتاقىسىن رەتتەيدى
بۇدان ءبىر ميلليون 274 مىڭ زەينەتكەر يگىلىكتەنەدى
2016.09.09 13:31 كەلۋ قاينارى : شينجياڭ گازەتى
ءتىلشىمىز لي چۇنشيا 7 - قىركۇيەكتە ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋعا قاراعاندا، اۆتونوميالى رايوندىق حالىق ۇكىمەتىنىڭ بەكىتۋىمەن، رايونىمىز تۇتاس رايونىمىزداعى كاسىپورىنداردان، ورگانداردان، ءىسورىندارىنان زەينەتكە شىققانداردىڭ نەگىزگى زەينەتاقىسىن ءبىر تۇتاس رەتتەپ ءوسىرۋدى ۇيعارعان. بۇل رايونىمىزدىڭ ورگانداردىڭ، ءىسورىندارىنىڭ زەينەتكەرلىك قامسىزداندىرۋ رەفورماسىنان كەيىن، تۇتاس رايونىمىزداعى ورگاندارداعى، ءىسورىندارىنداعى زەينەتكەرلەر مەن كاسىپورىندارداعى زەينەتكەرلەردىڭ زەينەتاقىسىنىڭ تۇڭعىش رەت بىردەي رەتتەلۋى، بۇدان تۇتاس رايونىمىزداعى ءبىر ميلليون 274 مىڭ زەينەتكەر يگىلىكتەنەدى.
2016 - جىلى رايونىمىزدىڭ زەينەتكەرلەردىڭ نەگىزگى زەينەتاقىسىن رەتتەپ، ءوسىرۋىنىڭ باستى ەرەكشەلىكتەرى: ءبىرىنشى ورگاندارداعى، ءىسورىندارىنداعى، كاسىپورىندارداعى زەينەتكەرلەرگە ءبىر تۇتاس رەتتەۋ ساياساتى، رەتتەۋ ءادىسى، رەتتەۋ ولشەمى قولدانىلادى؛ ەكىنشى، رايونىمىز كاسىپورىندارداعى 70 جاستاعى جانە 70 جاستان اسقان زەينەتكەرلەردىڭ نەگىزگى زەينەتاقىسىن رەتتەۋگە ءۇرتىس 9 رەت بەيىمدەلدى. بيىل كاسىپورىندارداعى 70 جاستاعى جانە 70 جاستان اسقان زەينەتكەرلەرگە بەيىمدەلۋمەن قاتار، ورگاندارداعى، ءىسورىندارىنداعى 70 جاستاعى جانە 70 جاستان اسقان زەينەتكەرلەرگە دە بەيىمدەلىپ، 70 جاستاعى جانە 70 جاستان اسقان زەينەتكەرلەرگە بەرىلەتىن قوسىمشا قاراجاتتىڭ قالىپتى ارتۋ مەحانيزمىن العاشقى ادىمدا ورناتادى؛ ءۇشىنشى، كاسىپورىندارداعى زەينەتكەرلەردىڭ جاپالى، شەت - شالعاي وڭىردە بولۋ فاكتورى جالعاستى ەسكەرىلىپ، زەينەتاقىلارى ۇيلەسىمدى كوبەيتىلىپ، ءتۇرلى زەينەتكەرلەرگە جاسالاتىن مامىلەدەگى پارىق بىرتىندەپ ازايتىلادى.
بيىل زەينەتكەرلەردىڭ زەينەتاقىسى رەتتەلگەندە نورما بەلگىلەپ رەتتەۋ، بايلانىستىرىپ رەتتەۋ جانە بەيىمدەپ رەتتەۋ ءوزارا ۇشتاستىرىلعان ءادىس قولدانىلادى. نورما بەلگىلەپ رەتتەۋ 2016 - جىلعى نەگىزگى زەينەتاقىسى رەتتەلەتىن كولەمدەگى زەينەتكەرلەردىڭ اربىرىنە ايىنا 20 يۋان قوسىپ بەرۋدى مەڭزەيدى، بۇل زەينەتكەرلىك قامسىزداندىرۋ ءتۇزىمىنىڭ ادىلدىگىن بەينەلەيدى؛ بايلانىستىرىپ رەتتەۋدە قامسىزداندىرۋ اقىسىن تاپسىرعان جىل شەگى، نەگىزگى زەينەتاقى ورەسى سياقتىلار نەگىزىندە رەتتەلەدى، مۇندا زەينەتكەرلىك قامسىزداندىرۋ اقىسىن «ۇزاق ۋاقىت تاپسىرعاندار، كوپ تاپسىرعاندار كوپ الاتىن» شابىتتاندىرۋ مەحانيزمى بەينەلەنەدى؛ بەيىمدەپ رەتتەۋ 70 جاستاعى جانە 70 جاستان اسقان زەينەتكەرلەر مەن جاپالى، شەت - شالعاي وڭىرلەردەگى كاسىپورىندارداعى زەينەتكەرلەر سياقتى توپقا بەيىمدەلۋدى مەڭزەيدى.
وسى رەتكى رەتتەۋدە نەگىزگى زەينەتاقىسى وسىرىلەتىندەر 2015 - جىلى 31 - جەلتوقساننان بۇرىن بەلگىلەمە بويىنشا زەينەتكە شىعۋ، مىندەتىنەن بوساۋ راسمياتتارىن وتەگەندەردى ءارى نەگىزگى زەينەتاقىنى ايىنا الىپ تۇرعانداردى قامتيدى. بۇل 2016 - جىلى 1 - قاڭتاردان باستاپ اتقارىلادى. دەمالىسقا شىققاندار مەن جۇڭحۋا حالىق رەسپۋبليكاسى قۇرىلۋدان بۇرىن توڭكەرىستىك قىزمەتكە قاتىناسقان، بۇرىنعى ەڭبەك جانە كادرلار مينيسترلىگى ەڭبەك - كادرلار قامسىزداندىرۋ - يگىلىك مەكەمەسىنىڭ 1983 - جىلعى 3 - ءنومىرلى حۇجاتىنا ۇيلەسەتىن، زەينەتكە شىققاننان كەيىن دە ءوزىنىڭ اسىلگى ولشەمدى ەڭبەكاقىسى بويىنشا زەينەتاقى الىپ كەلگەن ساقا جۇمىسشىلار وسى رەتكى رەتتەۋ كولەمىنە ەنگىزىلمەيدى. مۇنىڭ رەتتەۋ ءادىسى مەملەكەتتىڭ قاتىستى بەلگىلەمەلەرى بويىنشا بولەك جاسالادى.
سىلتەمە:
اۆتونوميالى رايونىمىزدىڭ 2016 - جىلعى زەينەتكەرلەردىڭ نەگىزگى زەينەتاقىسىن رەتتەپ ءوسىرۋ ادىستەرىنىڭ ولشەمى
(1) نورما بەلگىلەپ رەتتەۋ
2016 - جىلعى نەگىزگى زەينەتاقىسى رەتتەلۋ كولەمىندەگى زەينەتكەرلەردىڭ اربىرىنە ايىنا 20 يۋان قوسىپ بەرىلەدى.
(2) بايلانىستىرىپ رەتتەۋ
1. قامسىزداندىرۋ اقىسىن تاپسىرعان جىل شەگى بويىنشا رەتتەلەدى. 2016 - جىلعى نەگىزگى زەينەتاقىسى رەتتەلۋ كولەمىندەگى زەينەتكەرلەردىڭ اربىرىنە ايىنا 45 يۋان قوسىپ بەرىلەدى. قامسىزداندىرۋ اقىسىن تاپسىرعان جىل شەگى (ەسەپكە ەنگىزىلگەن تاپسىرۋ جىل شەگى قامتىلادى، دولايلاستىرىلعان ستاج قامتىلمايدى) 15 جىلدان اسسا، 16 - جىلدان باستاپ ءاربىر جىلعا 3 يۋان قوسىپ بەرىلەدى ( قامسىزداندىرۋ اقىسىن تاپسىرعان جىل شەگى تۇتاس جىل بويىنشا ەسەپتەلەدى، ءبىر جىلعا تولماسا، ءبىر جىل بويىنشا ەسەپتەلەدى).
2. نەگىزگى زەينەتاقى ورەسى نەگىزىندە رەتتەلەدى. سول ادامنىڭ 2015 - جىلى جەلتوقسانداعى نەگىزگى زەينەتاقىسى ولشەمدى سان ەتىلىپ، ايىنا %3.5 بويىنشا ( دوڭگەلەكتەۋ ءادىسى بويىنشا يۋانعا اينالدىرىلادى) قوسىلادى.
(3) بەيىمدەپ رەتتەۋ
70 جاستاعى جانە 70 جاستان اسقان زەينەتكەرلەر مەن جاپالى، شەت - شالعاي وڭىرلەردەگى كاسىپورىندارداعى زەينەتكەرلەر سياقتى قاۋىمعا بەيىمدەلەدى.
1. 2015 - جىلى 31 - جەلتوقساننان بۇرىن جاسى 70 پەن 79 ارالىعىندا بولعان زەينەتكەرلەردىڭ اربىرىنە 20 يۋان قوسىپ بەرىلەدى؛ 80 جاسقا تولعانداردىڭ جانە 80 جاستان اسقانداردىڭ اربىرىنە ايىنا 30 يۋان قوسىپ بەرىلەدى. 2016 - جىلى 1 - قاڭتاردان كەيىن، ورگاندارداعى، ءىسورىندارىنداعى 70 جاسقا، 80 جاسقا كەلگەن زەينەتكەرلەرگە جوعارىداعى ولشەم بويىنشا قوسىمشا قاراجات بەرىلەدى؛ كاسىپورىندارداعى زەينەتكەرلەرگە ۇستەمەلەپ قوسىلعاننان كەيىنگى ولشەم بويىنشا اتقارىلادى.
2. جاپالى، شەت - شالعاي وڭىرلەردەگى كاسىپورىندارداعى زەينەتكەرلەر 2 - تۇردەگى وڭىردە بولسا، اربىرىنە ايىنا 10 يۋان؛ 3 -، 4 - تۇردەگى وڭىردە بولسا، اربىرىنە ايىنا 15 يۋان؛ 5 -، 6 - تۇردەگى وڭىردە بولسا، اربىرىنە ايىنا 20 يۋان قوسىپ بەرىلەدى.
3. كاسىپورىندارداعى زەينەتكەرلەردىڭ اراسىنداعى ارميادان كاسىپ اۋىستىرعان كادرلاردىڭ زەينەتاقىسى جوعارىداعى ءادىس بويىنشا رەتتەلگەننەن كەيىن، ولاردىڭ ايلىق نەگىزگى زەينەتاقىسىنىڭ ورەسى 2016 - جىلعى اۆتونوميالى رايونىمىز كاسىپورىندارىنداعى زەينەتكەرلەردىڭ ورتاشا زەينەتاقى ورەسىنە جەتپەسە، ولارعا ورتاشا ورە بويىنشا ەسەپتەپ تاراتىلادى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
