- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
5 - كەزەكتى جۇڭگو − ازيا - ەۆروپا كورمەسىنىڭ عىلىم - تەحنيكا سەلبەستىگى جونىندەگى تالقى مىنبەرى سانجىدا ءوتتى
2016.09.23 11:11 كەلۋ قاينارى : شينجياڭ گازەتى
20 - قىركۇيەك تۇستەن كەيىن 5 - كەزەكتى جۇڭگو − ازيا - ەۆروپا كورمەسىنىڭ ماڭىزدى تالقى مىنبەرى بولعان عىلىم - تەحنيكا سەلبەستىگى جونىندەگى تالقى مىنبەرى سانجىدا وتكىزىلدى. «جىبەك جولى رۋحىن ساۋلەلەندىرۋ، جاڭالىق اشۋعا قاتىستى سەلبەستىكتەردى تەرەڭدەتۋ، تىزە قوسا كوركەم بولاشاق جاراتۋ» سىندى نەگىزگى تاقىرىپتى ارقاۋ ەتە وتىرىپ، 30 نەشە مەملەكەت پەن حالىقارالىق ۇيىمنان كەلگەن 032دەن استام قوناق «ءبىر بەلدەۋ، ءبىر جول» بويىنا ورنالاسقان ەلدەرمەن ەنەرگيا جونىندە حالىقارالىق سەلبەستىك ورناتۋ، نەگىزدىك قۇرىلعى قۇرىلىستارى سياقتى تاقىرىپتار جونىندە ىشكەرىلەي اۋىس - كۇيىس جاساپ، عىلىم - تەحنيكادا جاڭالىق اشۋ جونىندە سەلبەستىك ورناتۋدى اقىلداستى.
تاجىكستاننىڭ زۇڭليى كوحير راسۇلزودا تالقى مىنبەرىنە قاتىناستى ءارى ارناۋ ءسوز سويلەدى.
كوحير راسۇلزودا بىلاي دەدى: تاجىكستان مەن جۇڭگونىڭ سەلبەستىگى تاجىكستاننىڭ ەكونوميكاسىن، قوعامدىق جانە حالىق تۇرمىسى قۇرىلىستارىن ىلگەرىلەتتى. جەرگىلىكتى ورىنداعى ادامداردى كاسىپكە تاربيەلەپ، ولارعا قىزمەت ورىن جاراتىپ، ەكى ەلدىڭ ءداستۇرلى دوستىعىن نىعايتتى. تاجىكستان ەسىكتى سىرتقا اشىق ۇستاۋ ساياساتىن اتقارىپ، جىبەك جولى ەكونوميكالىق بەلدەۋى جونىندەگى سەلبەستىكتەرگە بەلسەندى ات سالىستى. ءبىز جۇڭگو كاسىپورىندارىنىڭ تاجىكستاننىڭ ءار سالالى كاسىپتەرىنىڭ دامۋىنا ات سالىسۋىن قارسى الامىز، سونداي - اق ءتوراعا شي جينپيڭ العا قويعان جىبەك جولى ەكونوميكالىق بەلدەۋى قۇرىلىسىنا ورتاق ات سالىسۋدى ءۇمىت ەتەمىز.
قازاقستان شىعىس قازاقستان وبلىسىنىڭ باستىعى دانيار احمەتوۆ ارناۋ سوزىندە بىلاي دەدى: قازاقستان مەن جۇڭگونىڭ عىلىم - تەحنيكا جاعىنداعى سەلبەستىگىنىڭ كومەسكى كۇشى زور، ەكى ەلدىڭ عىلمي زەرتتەۋ ۇيىمدارى مەن كاسىپورىندارى ەنەرگيا ۇنەمدەۋ، نانومەتر جانە بيوتەحنيكا، جاڭاشا ماتەريال جانە IT تەحنيكاسى سياقتى سالالاردا بەلسەندى سەلبەستىك ورناتىپ، ءبىزدىڭ جىبەك جولى ەكونوميكالىق بەلدەۋ قۇرىلىسىمەن ۇشتاسۋىمىزعا مۇمكىندىك جاراتتى. ءبىز جوعارى ونىمدىلىكپەن سەلبەسىپ، ورنىقتى سەلبەستىك سەرىكتەستىك قاتىناس ورناتىپ، كوزەۋلى نىسانانى ءساتتى ىسكە اسىرۋدى ءۇمىت ەتەمىز.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز قارسى الۋ ءسوزىن سويلەپ بىلاي دەدى: جۇڭگونىڭ شينجياڭى ۇزاق ۋاقىتتان بەرى «ءبىر بەلدەۋ، ءبىر جول» جانە جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن توڭىرەكتەي وتىرىپ، شاڭحاي سەلبەستىك ۇيىمىنا مۇشە ەلدەردىڭ عىلىم - تەحنيكا مينيسترلەرىنىڭ كەزەكتى ءماجىلىس سەلبەستىك مەحانيزمىنە ات سالىستى، «جۇڭگو - ورتا ازيا عىلىم - تەحنيكا سەلبەستىك ورتالىعى» قۇرىلىسىن تەزدەتتى، «شاڭحاي سەلبەستىك ۇيىمىنا مۇشە ەلدەردىڭ عىلىم - تەحنيكا جاعىندا سەرىكتەس بولۋ جوباسىن» بەلسەندى ىلگەرىلەتىپ، ءبىر قىدىرۋ حالىقارالىق عىلىم - تەحنيكا سەلبەستىك تەكشەلەرىن بىرگە قۇردى، شەتەلدەردە بايلىق ورتاسىنا، جاڭاشا ەنەرگياعا قاتىستى قۇرىلىستاردى سالدى، ەكى جاقتى جانە كوپ جاقتى سەلبەستىك مەحانيزمدەرىن قۇردى. شينجياڭ ەلىمىز بەن ورتا ازياداعى ەلدەردىڭ عىلىم - تەحنيكا سەلبەستىك بازاسىنا، نەگىزگى ارناسىنا جانە تەرەزەلىك كوزىنە اينالىپ، جىبەك جولى ەكونوميكالىق بەلدەۋىندەگى ىقپالدى، جەتەكشىلىك رولى زور عىلىم - تەحنيكا ورتالىعىنا جانە جاڭالىق جاراتۋ ورتالىعىنا بىرتىندەپ اينالدى. مەن شار تاراپتان كەلگەن سيلى قوناقتاردىڭ وسى جولعى عىلىم - تەحنيكا سەلبەستىگى جونىندەگى تالقى مىنبەردە ىشكەرىلەي اۋىس - كۇيىس جاساپ، سەلبەستىك ورناتۋ جونىندە كەڭەس قۇرىپ، سەلبەستىك ءورىسىن كەڭەيتىپ، شينجياڭمەن عىلىم - تەحنيكا جونىندە جان - جاقتىلى، كوپ ساتىلى اۋىس - كۇيىس جاساۋىن جانە سەلبەستىك ورناتۋىن ءۇمىت ەتەمىن.
تالقى مىنبەرىندەگى قول قويۋ سالتىندا جۇڭگو مەن شەتەل سەلبەستىك ورناتقان ورتا ازيا اۋىل شارۋاشىلىق عىلىم ورتالىعى، قازاقستان سەمەي قالاسىنىڭ 3 - ءنومىرلى وت ەلەكتر ستانسياسىنىڭ قۇرىلىسى سياقتى 15 نىساننىڭ كەلىسىمىنە قول قويىلدى. سەلبەستىك نىساندارى عىلىم - تەحنيكا، اۋىل شارۋاشىلىق، كەن ونىمدەرى، ەنەرگيا، ونەركاسىپ سياقتى سالالاردى قامتيدى، رەسەي، تاجىكستان، قازاقستان، قىرعىزستان قاتارلى ەلدەرمەن سەلبەستىك ورناتىلدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
