- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
دانەكەردى جاقسى تاڭداپ، تۇتقانى ءداپ باسىپ يگەرەيىك
− «ۇلتتار ىنتىماعىنىڭ بەرەكەلى شاڭىراعى» قيمىلىن ىشكەرىلەي ورىستەتۋ جونىندە (3)
2016.10.19 14:09 كەلۋ قاينارى : شينجياڭ گازەتى
ۇلتتار ىنتىماعى − باقىتتىڭ قاينارى. باس شۋجي شي جينپيڭ: «ۇلتتار ىنتىماعىن كۇشەيتۋدە وتە ناقتى ىلگەرىلەتۋ، ۇيىمداستىرۋ كەرەك. ۇلتتار ىنتىماعىن يگەرۋدە، دانەكەر مەن ءتاسىل اسا ماڭىزدى»، - دەپ اتاپ كورسەتكەن. باس شۋجي شي جينپيڭنىڭ ماڭىزدى نۇسقاۋى شينجياڭنىڭ ۇلتتار ىنتىماعى قىزمەتىن ويداعىداي ىستەۋىنە ايقىن باعىت كورسەتتى. ءبىز باس شۋجيدىڭ ماڭىزدى سوزدەرىنىڭ رۋحىن، ءسوز جوق، دەن قويا دايەكتى تياناقتاندىرىپ، ناقتى قىزمەت بارىسىندا شىنايى، تىڭعىلىقتى يگەرىپ، ونىمدىلىككە جەتۋىمىز كەرەك.
ۇلتتار ىنتىماعى بولماسا، گۇلدەنۋ مەن العا باسۋدان اۋىز اشۋعا بولمايدى. كەزەكتە رايونىمىزدىڭ ۇلتتار ىنتىماعى كوپتەگەن جاڭا جاعدايلار مەن تىڭ ماسەلەلەرگە ءدوپ كەلدى، وسى ماسەلەلەرگە توتەپ بەرۋدىڭ جانە ونى شەشۋدىڭ ەڭ نەگىزگى قىزمەتتەردىڭ ءبىرى − ءار ۇلت كادرلارى مەن بۇقارانىڭ بارىس - كەلىسىن قويۋلاستىرۋدى بەلسەنە ىلگەرىلەتۋ. ىشكەرىلەي ءتۇسىنىپ، قارىم - قاتىناستى كۇشەيتىپ، ءوزارا سەنىمدىلىكتى جەبەگەندە عانا، تەرەڭ قاتپارداعى قايشىلىقتى ماسەلەلەردى شەشۋگە مىعىم نەگىز قالاۋعا بولادى. «ۇلتتار ىنتىماعىنىڭ بەرەكەلى شاڭىراعى» قيمىلىن ورىستەتۋ −− ماسەلەنى نىشان ەتۋگە تاباندى بولۋدىڭ، جاۋاپكەرلىك تانىمدى كۇشەيتۋدىڭ، جالپى جاعداي تالابىن مەڭگەرۋدىڭ بەينەسى، پارتيانىڭ ۇلت ساياساتىن تياناقتاندىرۋدىڭ، ۇلتتار ىنتىماعى، العاباسارلىعى ىستەرىن ىلگەرىلەتۋدىڭ، ۇلت ماسەلەسىن شەشۋدىڭ جۇڭگولىق ەرەكشەلىككە يە دۇرىس جولىنان اۋىتقىماۋدىڭ بەينەسى. پارتكوم مەن ۇكىمەتتىڭ ءونىمدى ۇيىمداستىرۋى، تاراۋلار مەن مەكەمە - ورىنداردىڭ، سونداي - اق بۇكىل قوعامنىڭ بەلسەنە ات سالىسۋى ارقىلى ءار ۇلت كادرلارى مەن بۇقارانى ۇلتتار ىنتىماعى قىزمەتىن ۇنەمى ويلاۋعا، ۇلتتار ىنتىماعىنا قاتىستى سوزدەردى ۇنەمى ايتۋعا، ۇلتتار ىنتىماعىنا قاتىستى ناقتى ىستەردى ۇنەمى ىستەۋگە، ۇلتتار ىنتىماعى جاۋاپكەرلىگىن ۇنەمى اتقارۋعا جەتەكشىلىك ەتىپ، بولماشى ارالاسۋ، توعىسۋ، ىشتەسۋ بارىسىندا سۇيىسپەنشىلىكتى ارتتىرىپ، ىنتىماقتى كۇشەيتىپ، تەڭ، ىنتىماقتى، قايىرىمدى سوتسياليستىك ۇلت قاتىناسىن ۇزبەي بەكەمدەپ، دامىتىپ، ۇلتتار ىنتىماعى، العاباسارلىعى ىستەرىنىڭ تىڭ بەت - بەينەسىن ۇزبەي اشۋ كەرەك.
شينجياڭ جونىنەن «ۇلتتار ىنتىماعىنىڭ بەرەكەلى شاڭىراعى» قيمىلىن ورىستەتۋ − ۇلتتار ىنتىماعىن اناعۇرلىم بەكەمدەۋدىڭ، دامىتۋدىڭ پارمەندى تۇتقاسى. ۇلتتار ىنتىماعىن كۇشەيتۋ − شينجياڭنىڭ دامۋ، ورنىقتىلىق جالپى جاعدايىنا سايادى، ونى اۋىز جۇزىندە، قاعاز بەتىندە، فورما رەتىندە اتقارىپ قويماي، ماڭىزدىسى، امالياتتا ىسكە اسىرىپ، ارەكەتپەن ايگىلەپ، كۇندەلىكتى ۇيرەنۋ، قىزمەت، تۇرمىس بارىسىندا تياناقتاندىرىپ، تىڭعىلىقتى ىستەۋ كەرەك. «ۇلتتار ىنتىماعىنىڭ بەركەلى شاڭىراعى» قيمىلىن ورىستەتۋ − وزەننەن وتكىزەتىن «كوپىر» مەن «قايىق» ماسەلەسىن ويداعىداي شەشىپ، ۇلتتار ىنتىماعىن كۇشەيتۋگە تۇعىر قۇرىپ، دانەكەر تابۋ. ال «ۇلتتار ىنتىماعىنىڭ بەرەكەلى شاڭىراعى» قيمىلىن ورىستەتۋدە ىستەۋگە ءتيىستى قىزمەتتەر ءالى كوپ، تەتىگى دانەكەردى جاقسى تاڭداۋدا.
جۇپ قۇراۋ، كوبىرەك بارىس - كەلىس جاساۋ، شىنايى كومەكتەسۋ كەرەك. كادرلار مەن قىزمەتكەرلەردىڭ جۇپ قۇراۋ، تۋىس تابۋ قيمىلىن جاپپاي ورىستەتۋ كەرەك. جالپى كادرلار مەن قىزمەتكەرلەر ارەكەتكە كەلىپ، بارىس - كەلىس جاساۋ، كوڭىل جاراستىرۋ قىزمەتىن بىرگە ىستەپ، كۇندەلىكتى تۇرمىستان ىسكە كىرىسىپ، ناقتى ىستەردەن باستاپ ىستەپ، سۇيىسپەنشىلىكتى تەرەڭدەتۋ كەرەك. جۇپ قۇراعان وتباسىنىڭ تۇرعىسىنان كوبىرەك ويلاستىرىپ، جۇپ قۇراۋ، تۋىس تابۋ جۇمىسىن ءوزىنىڭ ءىسى رەتىندە قاراپ، ولاردىڭ ارمان - تىلەگىن ۇعىسىپ، ەڭ اڭسايتىن، ەڭ كوكەي تەستى، كوز الدا بىتىرۋگە بولاتىن ناقتى ماسەلەلەرىن شەشۋىنە كومەكتەسىپ، ءبىر رەتكى جۇپ قۇراۋ ارقىلى ءومىر بويى تۋىس بولۋعا كەپىلدىك ەتىپ، پارتيالى كادرلاردىڭ تاماشا وبرازىن نەگىزگى ساتى بۇقاراسىنىڭ اراسىندا ورناتىپ، پارتيا مەن ۇكىمەتتىڭ بەدەلىن نەگىزگى ساتى بۇقاراسىنىڭ اراسىندا سومداۋ كەرەك.
ءوزارا ۇيرەنىپ، كوبىرەك قيمىل وتكىزۋ كەرەك. مەيلى از ۇلت كادرلارى، الدە حانزۋ كادرلار بولسىن، بارلىعى پارتيا مەن مەملەكەتتىڭ كادرى، بارلىعى ءار ۇلت حالقىن باقىتقا بولەۋدى كوكەيلەرىنەن شىعارماۋى، ءوزارا ۇيرەنىپ، ءبىر - ءبىرىن ءتۇسىنۋى كەرەك. از ۇلت كادرلارى مەن بۇقاراسى مەملەكەتتىڭ ورتاق قولدانىلاتىن ءتىل - جازۋىن جاقسى ۇيرەنىپ، ويداعىداي قولدانۋى، حانزۋ كادرلار مەن بۇقارا از ۇلتتىڭ ءتىل - جازۋىن ۇيرەنۋى، قولدانۋى، ءبىر - ءبىرىنىڭ ءتىلىن ۇيرەنۋ، ءبىر - ءبىرىنىڭ سالت - ءداستۇرىن ءبىلۋ، ورتاقتىققا ۇمتىلىپ، ايىرماشىلىقتى ساقتاۋ، الۋان تۇرلىلىكتى قامتۋ كەرەك. ءوز ارتىقشىلىقتارىن ساۋلەلەندىرىپ، ءبىر نيەت، ءبىر تىلەكتە بولا وتىرىپ، قىزمەتتى ويداعىداي ىستەۋ كەرەك. سونىمەن بىرگە، ءار دارەجەلى تاراۋلار، كاسىپورىندار، ءىسورىندار الۋان فورمالى، باي مازمۇندى، كوڭىلدى وقىتۋ قيمىلدارىن ۇيىمداستىرىپ، ءبىر - بىرىنە قىدىرىپ، اڭگىمەلەسىپ، ءبي بيلەپ، ءان ايتىپ، بىرگە تاماقتانىپ، ءار ۇلت كادرلارى مەن بۇقارانىڭ ءوندىرىس، تۇرمىس جانە قىزمەت بارىسىندا دوستىق سۇيىسپەنشىلىكتى نىعايتىپ، «بىرگە تۇرۋ، بىرگە ۇيرەنۋ، بىرگە جۇمىس جۇرگىزۋ، بىرگە شاتتانۋ» ورتاسىنا سانالىلىقپەن ارالاسۋىن جەبەپ، بالىق پەن سۋداي ەتەنە بولۋ، ىنتىماقتاسا ءىس تىندىرۋداي قويۋ راي قالىپتاستىرۋ كەرەك.
شابىتتاندىرۋعا ءمان بەرۋ كەرەك. الداعى قىزمەتتە «ۇلتتار ىنتىماعىنىڭ بەرەكەلى شاڭىراعى» قيمىلى بارىسىندا جارىققا شىققان وزات كوللەكتيۆتەر مەن وزات جەكەلەردى دابىرالى تۇردە ماداقتاپ - سيلاۋ كەرەك، بەينەسى كورنەكتىلەرىن الدىمەن تاڭداپ ءوسىرىپ، بارلىق ادام ۇلتتار ىنتىماعىنا ۇلەس قوساتىن جاقسى بەتالىس ورناتىپ، سول ارقىلى وزاتتاردى نەعۇرلىم شابىتتاندىرىپ، ىزگىلىكتى اسقاقتاتۋ كەرەك.
«جۇمىلا كوتەرگەن جۇك جەڭىل» دەگەندەي، دانەكەردى جاقسى تاڭداپ، تۇتقانى ءداپ باسىپ يگەرىپ، ۇلتتار ىنتىماعى قىزمەتىن تىڭعىلىقتى، ناقتى ىستەپ، ۇلتتاردىڭ تىنىستاس، تاعدىرلاس، جۇرەكتەس بولۋ ءداستۇرىن ۇرپاقتان - ۇرپاققا جالعاستىرساق، كوركەم شينجياڭ قوعام ورنىقتىلىعى مەن باياندى تىنىشتىق باس نىساناسىن، ءسوز جوق، ىسكە اسىرا الادى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
