- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
چىن چۋانگو مەملەكەتتىك قورشاعان ورتانى قورعاۋ مينيسترى چىن جي - نيڭمەن كەزدەستى
شوكىرات زاكىر كەزدەسۋدە بىرگە بولدى
2016.11.10 10:18 كەلۋ قاينارى : شينجياڭ گازەتى
تىلشىلەرىمىز جاڭ لەي، ياۋ تۇڭ 8 - قاراشادا ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى چىن چۋانگو 7 - قاراشا تۇستەن كەيىن ۇرىمجىدە مەملەكەتتىك قورشاعان ورتانى قورعاۋ مينيسترى چىن جي - نيڭمەن جانە ونىڭ ساپارلاستارىمەن كەزدەستى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر جانە اۆتونوميالى رايون مەن بيڭتۋاننىڭ باسشىلارىنان سۇن جينلۇڭ، لي شۋەجۇن، ماعاۋ سەيتقامزا ۇلى، ۋان حايچۋان، يۇي شيۋدۇڭ كەزدەسۋدە بىرگە بولدى.
چىن چۋانگو اۆتونوميالى رايوندىق پارتكوم، ۇكىمەت جانە تۇتاس رايونىمىزداعى 23 ميلليوننان استام ءار ۇلت حالقى اتىنان چىن جي - نيڭنىڭ شينجياڭعا قىزمەت تەكسەرگەلى كەلگەندىگىن قارسى الاتىندىعىن بىلدىرە كەلىپ، مەملەكەت بويىنشا قورشاعان ورتانى قورعاۋ جۇيەسىنىڭ «13 - بەسجىلدىق» كەزىندە شينجياڭعا باعىتتامالى كومەكتەسۋ قىزمەت ءماجىلىسىنىڭ اشىلعاندىعىن قۇتتىقتادى، مەملەكەتتىك قورشاعان ورتانى قورعاۋ مينيسترلىگىنىڭ تالاي جىلداردان بەرى شينجياڭ قىزمەتىنە كوڭىل ءبولىپ، قولداۋ كورسەتىپ كەلگەندىگىنە شىنايى العىس ايتتى. چىن چۋانگو بىلاي دەدى: جاقىندا عانا جەڭىسپەن جابىلعان ج ك پ اۆتونوميالى رايوندىق 9 - قۇرىلتايى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋ، تياناقتاندىرۋ جونىندە قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتە وتىرىپ، تۇتاس رايونىمىزدىڭ الداعى 5 جىلداعى ەكونوميكالىق، قوعامدىق دامۋ نىساناسى مەن مىندەتتەرىن جانە جالپى تۇلعالىق ورنالاستىرۋىن ايقىن تۇراقتاندىردى. كەزەكتە تۇتاس رايونىمىزدىڭ جەر - جەرى پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، اسىرەسە، شينجياڭ قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، شينجياڭدى زاڭ بويىنشا جونگە سالۋعا، شينجياڭدى ىنتىماقتاستىرا ورنىقتىرۋعا، شينجياڭدى باياندى كوركەيتۋگە، كەڭ ورىستە جاڭالىق اشىپ، شىنايى يگەرىپ، ناقتى ءىس ىستەۋگە تاباندى بولىپ، قوعام ورنىقتىلىعى مەن باياندى تىنىشتىقتى جۇزەگە اسىرۋ، جاپپاي دوڭگەلەك داۋلەتتى قوعام قۇرۋ، تۇتاس رايونىمىزداعى كەدەيلەردى كوزەۋلى مەزەتتە كەدەيلىكتەن قۇتىلدىرۋ، ەكولوگيالىق ورتانىڭ تاماشا قالپىن ساقتاۋعا كەپىلدىك ەتۋ جولىندا ىنتىماقتاسا كۇرەس جاساۋدا.
چىن چۋانگو بىلاي دەدى: اۆتونوميالى رايوندىق پارتكوم، ۇكىمەت قورشاعان ورتانى قورعاۋ قىزمەتىنە باستان - اياق باسا ءمان بەرىپ، ەكولوگيالىق ورتانى قورعاۋ − ءوندىرىس قۋاتىن قورعاعاندىق، ءمولدىر سۋ، جاسىل تاۋ − بايلىق دەگەن كوزقاراستى بەرىك ورناتىپ، ەكولوگيانى قورعاۋدىڭ تومەنگى شەگىن قاتاڭ ساقتاپ، ءتۇيىندى ەكولوگيالىق ينجەنەريالاردى بەلسەنە ىلگەرىلەتىپ، ەكولوگيالىق حاۋىپسىزدىك قالتقىسىن ورناتىپ، لاستانۋدان ساقتانۋ جانە ونى جونگە سالۋ تەبىنىن ارتتىرىپ، قورشاعان ورتانى قورعاۋ جاۋاپكەرشىلىگىن تياناقتاندىردى. ءبىز الداعى جەردە مەملەكەت بويىنشا قورشاعان ورتانى قورعاۋ جۇيەسىنىڭ «13 - بەسجىلدىق» كەزىندە شينجياڭعا باعىتتامالى كومەكتەسۋ قىزمەت ءماجىلىسىن وراي، قوزعاۋشى كۇش ەتىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ يدەياسىن ونان ارى بەرىك ورناتىپ، ءوندىرىسى دامىعان، تۇرمىسى ىرعىن، ەكولوگياسى تاماشا بولعان وركەنيەتتى دامۋ جولىمەن مىزعىماي ءجۇرىپ، شينجياڭنىڭ جاسىل تاۋىنىڭ، ءمولدىر سۋىنىڭ قالپىن ساقتاۋىنا مۇمكىندىك جاساپ، شي جينپيڭ جولداستى ۇيتقى ەتكەن پارتيا ورتالىق كوميتەتىن الاڭسىز ەتىپ، تۇتاس رايونىمىزداعى ءار ۇلت حالقىنا باقىت جاراتامىز. مەملەكەتتىك قورشاعان ورتانى قورعاۋ مينيسترلىگىنىڭ شينجياڭدى قولداۋ تەبىنىن ونان ارى ارتتىرىپ، شينجياڭنىڭ ەكولوگيالىق ورتا قۇرىلىسىنا پارمەندى تىرەك جانە كەپىلدىك ازىرلەۋىن شىنايى ءۇمىت ەتەمىز.
چىن جي - نيڭ اۆتونوميالى رايوندىق پارتكومنىڭ، ۇكىمەتتىڭ قورشاعان ورتانى قورعاۋ قىزمەتىنە وسكەلەڭ نازار اۋدارعاندىعىنا جانە بارىنشا قولداۋ كورسەتكەندىگىنە العىس ايتا كەلىپ، بىلاي دەدى: شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورىنعا يە. شينجياڭنىڭ قورشاعان ورتا قىزمەتىن جاقسى ىستەۋ − شينجياڭنىڭ قوعامدىق ورنىقتىلىعىن، ەكونوميكالىق دامۋىن، ۇلتتار ىنتىماعىن، حالىق تۇرمىسىن جاقسارتۋدى جەبەۋ جونىنەن ەرەكشە ماڭىزدى ءمان الادى. مەملەكەتتىك قورشاعان ورتانى قورعاۋ مينيسترلىگى الداعى جەردە ساياسي تانىمدى، جالپى جاعداي تانىمىن اناعۇرلىم كۇشەيتىپ، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ رۋحىن تىڭعىلىقتى دايەكتىلەندىرىپ، تياناقتاندىرىپ، شينجياڭنىڭ قورشاعان ورتانى قورعاۋ قىزمەتىن جاقسى ىستەۋىنە بۇرىنعىداي قولداۋ كورسەتىپ، قورشاعان ورتانى قورعاۋ جاعىنان شينجياڭعا كومەكتەسۋ تەبىنىن ارتتىرىپ، تۇتاس جۇيە بويىنشا شينجياڭمەن بىرگە كورىكتى شينجياڭ قۇرۋعا ۇيىمداستىرادى جانە اتتانىسقا كەلتىرەدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
