- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شوكىرات زاكىر قاشقار ايماعىندا تەكسەرۋ - زەرتتەۋ جۇرگىزدى
ۇلتتار ىنتىماعىن ءىس جۇزىندىك ارەكەت ارقىلى قورعاۋ كەرەك
2016.11.15 10:29 كەلۋ قاينارى : شينجياڭ گازەتى
ءتىلشىمىز لي شيڭ 12 - قاراشادا قاشقاردان حابارلايدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 11 - قاراشا كۇنى قاشقاردا تەكسەرۋ - زەرتتەۋ جۇرگىزدى. ول مىنالاردى باسا دارىپتەدى: ۇلتتار ىنتىماعى ءار ۇلت حالقىنىڭ جان تامىرى، ەڭ ۇلكەن بۇقارالىق قىزمەت، ۇلتتار ىنتىماعى قىزمەتىن ونان ارى جاقسى ىستەپ، ءار ۇلتتىڭ ارالاسۋىن، ىشتەسۋىن، توعىسۋىن، تاتۋ - ءتاتتى، جاراسىمدىلىعىن جەبەپ، قوعام ورنىقتىلىعى مەن باياندى تىنىشتىقتىڭ نەگىزىن ونان ارى بەكەمدەۋ كەرەك.
قاشقارداعى كەزىندە، شوكىرات زاكىر قاشقار قالاسىندا ۇلتتار ىنتىماعى، كاسىپتەنۋ جاعدايىن تەكسەرىپ، ۇعىسىپ، اۋىل - قىستاقتارداعى «4 ءتۇرلى قارتتارمەن»، قىستاق كادرلارىمەن اڭگىمەلەسىپ، اۋىل - قىستاق كادرلارى مەن بۇقاراسىنىڭ ءوندىرىس، تۇرمىس احۋالىن ۇعىستى ءارى اۋىل - قىستاق نەگىزگى ساتى توڭكەرىستىك تاربيەسى بازاسىنىڭ قۇرىلىس جاعدايىن تەكسەردى.
قاشقار قالاسىنىڭ داۋلەتباق اۋىلى ىنتىماق شاعىن الەۋمەتتىك اۋماعىندا ۇيعۇر، حانزۋ، حۇيزۋ، قىرعىز سىندى 7 ۇلت تۇرادى. ۇلت قۇرامىنىڭ، جىلجىمالى حالىقتىڭ كوپ بولۋ جاعدايىنا مەڭزەس، شاعىن الەۋمەتتىك اۋماق قىزمەت كورسەتۋ ءتۇرىن ساتىپ الۋ ءتاسىلى ارقىلى الەۋمەتتىك قىزمەت ۇيىمىن ەنگىزىپ، «ۇلتتار ىنتىماعىنىڭ بەرەكەلى شاڭىراعى» قيمىلىن ارقاۋ ەتىپ، ءار ۇلت تۇرعىندارىن بىرگە ۇيرەنۋگە، بىرگە كوڭىل اشۋعا، بىرگە ءومىر كەشىرۋگە ۇيىمداستىرىپ، ۇلتتار ىنتىماعى مەن قوعام ورنىقتىلىعىن قورعاۋدا بەلسەندى رول اتقاردى. سونىمەن بىرگە شاعىن الەۋمەتتىك اۋماق كاسىپتەندىرۋ قىزمەت ورىندارىمەن جانە تاربيەلەۋ قۇرىلىمدارىمەن بەلسەنە بايلانىس جاساپ، 800 نەشە ارتىق ەڭبەككۇشتى جۇمىسقا تانىستىردى.
شوكىرات زاكىر الەۋمەتتىك اۋماقتىڭ تۇرعىندارعا كورسەتكەن ءتۇرلى قىزمەتتەرىن تۇراقتاندىراتىندىعىن ايتا كەلىپ، بىلاي دەدى: ءار ۇلت بىرگە ءومىر كەشىپ جاتقان سوڭ، ۇلتتار ىنتىماعىن، ءسوزسىز، جاقسارتىپ، ءار ۇلت حالقىن اناردىڭ دانىندەي تىعىز بىرىكتىرىپ، ءار ۇلت تۇرعىندارىنىڭ بىرگە تۇرمىس كەشىرۋ جانە قىزمەت ىستەۋ بارىسىندا تۇسىنىستىكتى تەرەڭدەتىپ، سۇيىسپەنشىلىكتى ارتتىرىپ، بىرگە اۋقاتتانۋىنا مۇمكىندىك جاساۋ كەرەك. ول مىنالاردى اتاپ كورسەتتى: قوعام ورنىقتىلىعى مەن باياندى تىنىشتىق باس نىساناسىن باستان - اياق ارقاۋ ەتىپ، كاسىپتەندىرۋ ارناسىن جانە كاسىپتەندىرۋ ءورىسىن قۇلشىنا كەڭەيتىپ، تالابى تومەن ءتىپتى كوپ كاسىپتەندىرۋ قىزمەت ورنىن ازىرلەپ، اۋىل - قىستاقتارداعى ارتىق ەڭبەككۇشتەردى ءوز جەرىندە، جاقىن ماڭدا كاسىپتەنۋگە جەتەكتەۋ كەرەك.
قاشقار قالاسى پاقتاكلا اۋىلىنىڭ توڭكەرىستىك تاربيە بازاسىنا كىرە بەرىستەگى مەن مۇندالاپ تۇراتىن ورىنعا وسى اۋىلداعى بۇقارانىڭ ءتوراعا ماۋ زىدۇڭعا جازعان حاتى مەن ءتوراعا ماۋ زىدۇڭنىڭ جاۋاپ حاتى جاپسىرىلىپتى. وتكەن عاسىردىڭ 50 - جىلدارىندا، جەر رەفورماسىنان كەيىن ەڭسە كوتەرىپ، ءوز - وزىنە قوجا بولعان پاقتاكلا اۋىلىنىڭ ەگىنشىلەرى كوممۋنيستىك پارتياعا شىن جۇرەگىمەن العىس ايتىپ، ءتوراعا ماۋ زىدۇڭعا اسەرلى، قۋانىشتى كوڭىل كۇيلەرىن ءبىلدىرىپ، حات جازعان بولاتىن. ءتوراعا ماۋ زىدۇڭ جاۋاپ حات جازىپ، پاقتاكلا اۋىلىنداعى بۇقارانىڭ ونان ارى ىنتىماقتاسىپ، وندىرىسپەن قۇلشىنا شۇعىلدانىپ، وزىندىك مادەنيەت ورەسىن جوعارىلاتۋىن ءۇمىت ەتكەن ەدى. پارتيا ورتالىق كوميتەتىنىڭ ىقىلاستى قامقورلىعى پاقتاكلا اۋىلىنداعى حالىقتىڭ ەكونوميكانى دامىتۋىنىڭ، كورىكتى مەكەن قۇرۋىنىڭ زور قوزعاۋشى كۇشىنە ءارى پاقتاكلا اۋىلىنداعى حالىقتىڭ مول رۋحاني بايلىعىنا اينالادى. شوكىرات زاكىر تاعى وسى اۋىلداعى «4 ءتۇرلى قارتتارمەن»، اۋىل كادرلارىمەن اڭگىمە ءماجىلىسىن وتكىزدى. 82 جاستاعى ساقا كوممۋنيست تۇرسىن قادىر سول جىلدارى ءتوراعا ماۋ زىدۇڭعا حات جازعان كەزدەگى جاعدايدى ەسكە الدى ءارى قازىرگى جاقسى تۇرمىسىن تىلگە تيەك ەتىپ، كوممۋنيستىك پارتيانىڭ، ۇكىمەتتىڭ بۇقارانىڭ تۇرمىسىن بارعان سايىن جاقسارتا تۇسكەندىگىنە العىس ايتتى.
شوكىرات زاكىر بىلاي دەدى: ءتوراعا ماۋ زىدۇڭ 1952 - جىلى پاقتاكلا اۋىلىنداعى بۇقاراعا جاۋاپ حات جازعان ەدى، سودان بەرى 64 جىل وتە شىقتى. پارتيانىڭ قامقورلىعىندا، پاقتاكلا اۋىلىندا زور وزگەرىس تۋىلدى، اۋىل تۇرعىندارىنىڭ پارتيانى، وتاندى، سوتسياليزمدى سۇيۋدەي داڭقتى ءداستۇرى بار، سىزدەردىڭ وسى تاماشا ءداستۇردى ۇزدىكسىز ساۋلەلەندىرىپ، پارتيا ورتالىق كوميتەتىنىڭ قامقورلىعى مەن تىلەگىن اقتاۋلارىڭىزدى ءۇمىت ەتەمىز. ءار ۇلت بۇقاراسى تىلەگىن شي جينپيڭ جولداستى ۇيتقى ەتكەن پارتيا ورتالىق كوميتەتىمەن تىعىز توعىستىرىپ، وسى قۇندى رۋحاني قازىنانى ۇرپاقتان - ۇرپاققا جالعاستىرىپ، ۇلتتار ىنتىماعىن، وتاننىڭ تۇتاستىعىن ءىس جۇزىندىك ارەكەتتەرىمەن قورعاپ، پارتيانىڭ ابزال ساياساتىن ۇگىتتەپ، اۋقاتتانۋ باستاماشىلارىن كۇش سالا جەتىلدىرىپ، پاقتاكلا اۋىلىن قاشقار ايماعىنىڭ دوڭگەلەلەك داۋلەتكە ۇمتىلۋداعى «باستاماشى اۋىلعا» اينالدىرىپ، اۋىلداستاردىڭ جاراسىمدى، باقىتتى دوڭگەلەك داۋلەتتى تۇرمىسقا ەرتەرەك جەتۋىنە مۇمكىندىك جاساۋى كەرەك.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
