كەدەيلىك قالپاعى ءالى الىنباعان 10 اۋداننىڭ ەلەكترمەن قامداۋ ساپاسىن جوعارىلاتادى

2020.04.30 15:48 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　حالىق تورابى. 4 – ايدىڭ 30 – كۇنى، بەيجيڭ. شينجياڭ گازەتى جالپىلىق اقپارات قۇرالدارىنىڭ ءتىلشىسى چىن چياڭۋي 4 - ايدىڭ 28 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋعا قاراعاندا، شينجياڭنىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە جالپى بەتتىك قول جەتكىزۋىن قولداۋ ءۇشىن، مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى «كەدەيلىكتەن ارىلتۋدان قامال الۋ. اۋىل - قىستاقتاردى جارىقتاندىرۋ» ەلەكترمەن قامداۋ ساپاسىن جوعارىلاتۋ ارناۋلى ارەكەتىن باستاپ، بيىل 668 ميلليون يۋان قارجى قوسۋدى جوسپارلاپ، شينجياڭداعى كەدەيلىك قالپاعى ءالى الىنباعان 10 اۋداننىڭ ءبىر ءبولىم ەلەكتر ۇلەستىرۋ تورابىندا ساقتالعان «بوگەتتىك» ماسەلەلەردى ءتۇيىندى شەشەدى، بۇل 42 مىڭ 100 وتباسىنداعى 165 مىڭ 800 ادامعا تيىمدىلىك اكەلەدى دەپ مەجەلەنىپ وتىر.

　　اۋىل - قىستاقتى گۇلدەندىرۋ جانە كاسىپ سالاسى ارقىلى كەدەيلەردى سۇيەمەلدەۋ سياقتىلاردىڭ اتقارىلۋىنا ساي، شينجياڭداعى كەدەيلىكتەن ءالى ارىلماعان 10 اۋداندا كەدەيلەردى سۇيەمەلدەۋ سەحى، سەرىك زاۆودتار نىسانى ۇزدىكسىز كوبەيىپ، تۇرعىنداردىڭ ءوندىرىس - تۇرمىس ەلەكتر قاجەتى ۇزدىكسىز ارتقاندىقتان، ءبىر ءبولىم توك جولدارىندا كەرنەۋ تۇراقتى بولماۋ سياقتى ەلەكترمەن قامداۋ ماسەلەلەرى تۋىلدى. جەرگىلىكتى ورىننىڭ كاسىپ سالاسى دامۋىنداعى ەلەكترمەن قامداۋدى قامتاماسىز ەتۋ ءۇشىن، مەملەكەت ەلەكتر تورابى شينجياڭ ەلەكتر كۇشى شەكتى سەرىكتەستىگى «كەدەيلىكتەن ارىلتۋدان قامال الۋ. اۋىل - قىستاقتاردى جارىقتاندىرۋ» ەلەكترمەن قامداۋ ساپاسىن جوعارىلاتۋ ارناۋلى ارەكەتىن باستاۋدى ۇيعاردى.

　　3 - ايدىڭ 23 - كۇنى مەملەكەت ەلەكتر تورابى شينجياڭ ەلەكتر كۇشى شەكتى سەرىكتەستىگى كەدەيلىكتەن ءالى ارىلماعان 10 اۋدانعا باعىتتاي ەلەكترمەن قامداۋ ماسەلەسىن جۇيەلى اداقتاۋدى ورىستەتىپ، ەلەكتر تورىن بولەتىن توك جولى، ەلەكتر بولەتىن كەرنەۋ وزگەرتكىش قوندىرعىسى سياقتىلارعا ساياتىن كوپ ءتۇرلى ەلەكترمەن قامداۋ ساپاسى ماسەلەسى بارلىعىن بايقايدى.اداقتالىپ شىققان ەلەكترمەن قامداۋ ساپاسى ماسەلەلەرىنە قاراتا، مەملەكەت ەلەكتر تورابى شينجياڭ ەلەكتر كۇشى شەكتى سەرىكتەستىگى ماسەلەنى تۇرلەرگە ءبولىپ شەشتى. ەلەكتر تورىنىڭ اينالىس ءتاسىلىن عىلىمي، ۇيلەسىمدى ساپالاندىرۋ، «اينالىس، تەكسەرۋ، جەدەل جوندەۋدى» ءبىر تۇلعالاندىرۋدى ءبىرتۇتاس جوسپارلاپ ورىستەتۋ، ەلەكتر تورىن ءبولۋ جابدىقتارىنىڭ اينالىسىن باقىلاۋ - ولشەۋدى، سونداي - اق ساندى مالىمەتتەرگە تالداۋ جاساۋدى كۇشەيتۋ، وزەكتى وڭىرلەردەگى ەلەكتر ءبولۋ جابدىعى كىناراتتارىنا تۇزەتۋ جۇرگىزۋ سياقتى تاسىلدەر ارقىلى ءبىر ءبولىم ەلەكترمەن قامداۋ ماسەلەلەرىن شەشتى.

　　رەتتەۋ - تۇزەتۋ قيىندىعى جوعارى، جاڭالاۋ نىسانىن جۇرگىزۋ ارقىلى شەشۋ قاجەت بولعاندارىنا قاراتا، مەملەكەت ەلەكتر تورابى شينجياڭ ەلەكتر كۇشى شەكتى سەرىكتەستىگى اۋىل شارۋاشىلىعى ەلەكتر تورابىن ءبولۋ - جاڭالاۋ نىسانىنان 176 ءتۇرىن تىڭنان كوبەيتىپ، ءتۇيىندى وڭىرلەردە وزەكتى جابدىقتاردىڭ جانە توك جولدارىنىڭ دارەجەسىن جوعارىلاتىپ جاڭالاۋ جۇرگىزىپ، جاڭالاۋ مىندەتىن جىل سوڭىنان بۇرىن ورىنداپ بولۋدى جوسپارلاپ وتىر.

　　ۇعىسۋعا قاراعاندا، «كەدەيلىكتەن ارىلتۋدان قامال الۋ. اۋىل - قىستاقتاردى جارىقتاندىرۋ» ەلەكترمەن قامداۋ ساپاسىن جوعارىلاتۋ ارناۋلى ارەكەتىنىڭ سوڭعى جوسپارى بۇكىل شينجياڭداعى كەدەيلىك قالپاعى الىنعان 25 اۋدان مەن كەدەيلىك تىزىمىنەن شىعارىلعان 3107 قىستاقتى دا قامتىپ، كەدەيلىك قالپاعى الىنعان وسى اۋدان، قىستاقتاردىڭ ەلەكترمەن قامداۋ ساپاسىن ۇزدىكسىز جوعارىلاتادى ەكەن.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved