جۇڭگو ەكونوميكاسىنىڭ بيىلعى ارتۋ مەجە نىساناسى نازار اۋدارۋدا، نەلىكتەن «٪6.5 اينالاسىندا» دەپ بەلگىلەندى
«حالىق گازەتىنىڭ» تىلشىلەرى لۋ يانان، چي جىميڭ
2017.03.27 15:54 كەلۋ قاينارى : حالىق تورابى
«ۇكىمەت قىزمەتىنەن باياندامادا» بيىلعى ەكونوميكا ارتۋىنىڭ مەجەلى نىساناسى بىلايشا ورتاعا قويىلدى: «ىشكى ءوندىرىستىڭ جالپى قۇنىن ٪6.5 اينالاسىندا ارتتىرىپ، ناقتى قىزمەت بارىسىندا ءتىپتى دە جاقسى ناتيجەگە قول جەتكىزۋگە قۇلشىنامىز». ولاي بولسا ارتتىرۋ نىساناسى نەلىكتەن ٪6.5 اينالاسىندا دەپ بەلگىلەندى؟ «ءتىپتى دە جاقسى ناتيجە» نەنى كورسەتەدى، ول قايدان كەلەدى؟
«ءتىپتى دە جاقسى» ناتيجە تۇبەگەيلى انىقتاۋدىڭ اقىرلاسقانىنان دەرەك بەرە مە
ءبىر مامان بىلاي دەپ قارادى: جۇڭگونىڭ ەكونوميكاسى «L» فورماسىنداعى «تىك سىزىقتان» «كولدەنەڭ سىزىققا» ءوتۋى مۇمكىن
2016 – جىلى جۇڭگو ەكونوميكاسىنىڭ ءتورت توقسانداعى ارتۋ قارقىنى جەكە %6.7، %6.7، %6.7 جانە %6.8 بولدى، بۇل كوپتەگەن ادامدا بيىلعى ەكونوميكانىڭ ارتۋ شاماسى جوعارىلايدى دەگەن تانىم قالىپتاستىرىپ وتىر. دەسە دە، بيىلعى «ۇكىمەت قىزمەتىنەن باياندامادا» GDP ارتۋ قارقىنىنىڭ نىساناسى %6.5 اينالاسىنا تومەندەتىلدى. ارتۋ شاماسى نەلىكتەن %6.5 اينالاسىندا دەپ بەلگىلەندى؟
«ۇكىمەت قىزمەتىنەن باياندامانى» جازۋ گرۋپپاسىنىڭ جاۋاپتىسى، مەملەكەتتىك كەڭەستىڭ زەرتتەۋ كەڭسەسىنىڭ مەڭگەرۋشىسى حۋاڭ شوۋحۇڭ بىلاي دەدى: بيىلعى حالىقارالىق ورتانىڭ كۇردەلى، ورنىقسىز بولۋ فاكتورلارىنىڭ كوبەيۋىنە قاراتا ەل ىشىندەگى قامداۋ تۇرىندەگى قۇرىلىمدىق رەفورمانى ىلگەرىلەتۋ، ساپا مەن ونىمدىلىكتى جوعارىلاتۋ جاقتارىنداعى تالاپتاردى ويلاسىپ، «ۇكىمەت قىزمەتىنەن باياندامادا» بيىلعى GDPدىڭ ارتۋ شاماسى %6.5 اينالاسىندا بولادى دەگەندى ورتاعا قويدىق، ناقتى قىزمەت بارىسىندا ءتىپتى دە جاقسى ناتيجەگە قول جەتكىزۋگە قۇلشىنامىز.
حۇڭ شوۋحۇڭ بىلاي دەدى: بەلگىلەنگەن ارتۋ نىساناسى حالىق تۇرمىسىمەن، كاسىپتەنۋمەن تىعىز قاتىستى. GDP ءبىر پايىز ارتسا، ءبىر ميلليون 900 مىڭنان 2 ميلليونعان دەيىنگى ادامنىڭ كاسىپتەنۋى جەبەلەدى، %6.5 اينالاسىنداعى ارتۋ قارقىنىمەن ءبىر جىلدا 11 ميلليوننان استام ادامدى كاسىپتەندىرۋ نىساناسىن ىسكە اسىرۋعا بولادى.
%6.5 اينالاسىنداعى ارتۋ قارقىنى تاعى جاپپاي دوڭگەلەك داۋلەتتى قوعام قۇرۋ نىساناسىمەن ۇشتاسقان. مەجەگە نەگىزدەلگەندە، بۇدان كەيىنگى بىرنەشە جىلدا ەكونوميكانىڭ ارتۋ قارقىنى جىلىنا %6.4 تەن كوبىرەك نەمەسە %6.5 كە تاياۋ بولسا، 2020 – جىلعا بارعاندا ىشكى ءوندىرىستىڭ جالپى ءونىم قۇنى مەن قالا – اۋىل تۇرعىندارىنىڭ كىسى باسىندىق كىرىسىن 2010 – جىلداعىدان ءبىر ەسە ارتتىرۋ نىساناسىن ىسكە اسىرۋعا بولادى.
ولاي بولسا، «ءتىپتى دە جاقسى ناتيجەگە قول جەتكىزۋگە قۇلشىنامىز» دەگەن ءسوز نەنى كورسەتەدى؟ بۇل جۇڭگو ەكونوميكاسىنىڭ ارتۋ قارقىنىنداعى تۇبەگەيلى انىقتاۋدىڭ اياقتالعانىنان دەرەك بەرە مە؟
مەملەكەتتىك حالىق قۇرىلتايى قازىنا – ەكونوميكا كوميتەتىنىڭ ورىنباسار مەڭگەرۋشى مۇشەسى يىن جۇڭچيڭ بىلاي دەدى: «ءتىپتى دە جاقسى ناتيجە» جوعارىلاۋ ارتۋ قارقىنىن كورسەتەدى، قازىر كوپتەگەن ەكونوميست، ەل ءىشى – سىرتىنداعى زەتتەۋ قۇرىلىمدارى جۇڭگونىڭ %6.5 تىك ارتۋ قارقىنىن ىسكە اسىرۋىنا ءبىرشاما سەنىممەن قارايدى، ونىڭ ۇستىنە ورنىقسىز فاكتورلار كوپ تۋىلماسا، ارتۋ قارقىنى %6.5 تەن جوعارى بولۋى مۇمكىن. دەسە دە ءبىز ارتۋ قارقىنىنىڭ نىساناسىن %6.5 اينالاسىندا دەپ بەلگىلەدىك، وسىلايشا قامداۋ تۇرىندەگى قۇرىلىمدىق رەفورمادا قۇرىلىمدىق قايشىلىقتى شەشۋگە بەلگىلى بوستىق قالدىردىق.
ەكونوميست لي ي – نيڭ تالداۋ جاساپ بىلاي دەدى: بيىل ارتۋ قارقىنىن %6.5 تەن اسىرا الامىز با، جوق پا، مۇندا ونىمدىلىك نەگىزىنىڭ قالاي بولارىنا قاراۋ كەرەك. قازىر بۇكىل ەلدە جوعارى – تومەن بولىپ پارتيا 19 – قۇرىلتايىنىڭ ءساتتى اشىلۋىنا كۇش سالۋدا. مۇنىڭ ءوزى 2017 – جىلعى ارتۋ قارقىنىنىڭ %6.5 تەن جوعارى بولاتىنىن ۇعىندىرادى، ءتىپتى دە جاقسى ەكونوميكالىق تابىسقا قول جەتكىزۋىمىز مۇمكىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
