ىندەتتەن ساقتانۋ مەن تىزگىندەۋگە قولداۋ كورسەتىپ، نەگىزدىك حالىق تۇرمىسىن قامتاماسىزداندىردى —
«تىكە جەتكىزىلەتىن قاراجات» كاسىپورىندار مەن حالىققا تيىمدىلىك جاراتىپ، ونىمدىلىگى بىرتىندەپ كورىنە باستادى (بەدەلدى ورىندار جاريالاعان مالىمەت)
حالىق گازەتىنىڭ ءتىلشىسى چۇي جىحان
2020.08.27 15:39 كەلۋ قاينارى : حالىق تورابى
مەملەكەتتىك كەڭەستىڭ اقپارات كەڭسەسى 8 – ايدىڭ 26 – كۇنى وتكىزگەن مەملەكەتتىك كەڭەستىڭ ساياسات جونىندەگى كەزەكتى حابارلاندىرۋ ماجىلىسىندە، قازىنا مينيسترلىگىنىڭ قاتىستى جاۋاپتىلارى جاڭادان ارتقان قازىنا قاراجاتىن قالالار مەن اۋداندارداعى نەگىزگى ساتىلارعا تىكەلەي جەتكىزۋ قىزمەتىنىڭ بارىسىنا قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى.
ورتالىق قازىنا ءبىر تريلليون 674 ميلليارد يۋان قارجىنى تومەنگە ءتۇسىردى
ەرەكشە جوتكەپ تولەۋ مەحانيزمىن قۇرۋ ارقىلى الدا جاڭادان ارتتىرىلعان 2 تريلليون يۋان قازىنالىق قاراجات قالالار مەن اۋداندارداعى نەگىزگى ساتىلارعا تىكەلەي جەتكىزىپ، كاسىپورىندار مەن حالىققا تىكەلەي تيىمدىلىك جەتكىزۋ — پارتيا ورتالىق كوميتەتى مەن مەملەكەتتىك كەڭەس ورتاعا قويعان كەلەلى شەشىم جانە ورنالاستىرۋ، «التىنى ورنىقتىرۋ» قىزمەتىن، «التىنى قامتاماسىزداندىرۋ» مىندەتىن ويداعىداي، تياناقتى ورىنداۋ جاعىنداعى ماڭىزدى شارا.
قازىنا مينيسترلىگىنىڭ ورىنباسارى مينيسترى شۇي حۇڭسايدىڭ تانىستىرۋىنشا، 6 – ايدىڭ 30 – كۇنىنەن بۇرىن، ورتالىق قازىنا بەكىتۋ بارىسىن نەگىزىنەن ورىنداپ بولادى. بەكىتۋدى ورىنداپ بولعان سوڭ، جەرگىلىكتى ورىن ءبىر اپتا اينالاسىندا ۋاقىت جۇمساپ، قاراجاتتى قالالار مەن اۋداندارداعى نەگىزگى ساتىلارعا ءبىر – بىرلەپ جەتكىزىپ بەرەدى. «8 – ايدىڭ ورتا شەنىنە دەيىن، جاڭادان ارتقان باجىنى ازايتىپ، اقىنى ارزانداتۋعا تولەنەتىن 300 ميلليارد يۋاندى شىعارىپ تاستاعاننان سىرت، تىكەلەي جەتكىزىلەتىن ءبىر تريلليون 700 ميلليارد يۋان قاراجاتتان، ورتالىق قازىنا ءبىر تريلليون 674 ميلليارد يۋاندى تومەنگە ءتۇسىرىپ بولعان. تاعى %1.5 ى، شامامەن 26 ميلليارد يۋان قاراجات ءالى تومەنگە ءتۇسىرىلىپ بولماعان، باستىسى الداعى جەردەگى ىندەتتەن ساقتانۋ جانە ونى تىزگىندەۋ ىستەرىنە قاراجات قالدىرۋ قاجەت، ورتالىقتاعى ورىنداردىڭ زەينەتكەرلىك قامسىزداندىرۋىنا قاتىستى ءىشىنارا قوسىمشا كومەك قاراجات بەرۋ ساياساتىن تياناقتاندىرۋ دا قاجەت بولىپ وتىر، بۇل قاراجات جۇمىس ۇردىسىنە قاراي دەر كەزىندە تومەنگە تۇسىرىلەدى»، — دەيدى شۇي حۇڭساي، ورتالىق جەرگىلىكتى ورىنعا قاراجاتتى ءبولىپ تۇسىرگەننەن كەيىن، ولكەلىك قازىنا تاراۋلارى ءبىر تريلليون 558 ميلليارد يۋان قاراجاتتى تومەنگە ءبولىپ ءتۇسىردى، بۇل ورتالىقتىڭ تومەنگە تۇسىرگەن قاراجاتىنىڭ %93.3 ىن ۇستايدى؛ قالعان %6.7 ى نەگىزىنەن جوسپارلانعان سالىستىرماسى بويىنشا قالدىرىلىپ، بولىسكە سالۋعا ساقتالعان، ىندەتكە توتەپ بەرۋگە قاتىستى ەرەكشە مەملەكەتتىك زايومعا تولەنەتىن 90 ميلليارد 20 ميلليون يۋان قاراجات. ولكەلىك قازىنا تاراۋلارى تومەنگە تۇسىرگەن ءبىر تريلليون 558 ميلليارد يۋاننىڭ ىشىندە، قالا – اۋدان دارەجەلى قازىنا تاراۋلارى ءبىر تريلليون 451 ميلليارد يۋاندى ناقتى نىساندارعا ءبولىپ ءتۇسىردى، بۇل جالپى سومانىڭ %95 ىن ۇستايدى، تاعى %5 ى قازىرشە تياناقتاندىرىلمادى.
قاراجاتتان پايدالانۋ جاعدايى بويىنشا قاراعاندا، 8 – ايدىڭ ورتا شەنىنە دەيىن، ءبىر تريلليون 700 ميلليارد يۋان قاراجاتتان ءىس جۇزىندە تولەم ەسەبىن قالىپتاستىرعانى 509 ميلليارد 700 ميلليون يۋان، مۇندا قالالار مەن اۋداندارداعى نەگىزگى ساتىلاردا تولەمگە پايدالانىلعانى 488 ميلليارد 800 ميلليون يۋان بولىپ، %95.9 ىن ۇستاعان.
ىندەتكە توتەپ بەرۋ جاعىنداعى ءبىر تريلليون يۋاندىق ەرەكشە مەملەكەتتىك زايومدى تاراتۋ ءساتتى ورىندالدى
2 تريلليون يۋاندىق قازىنالىق تىكەلەي جەتكىزىلەتىن قاراجاتتىڭ ءبىر تريلليون يۋانى قاراجات جاڭادان ارتقان قازىنالىق قىزىل سيفردان كەلگەن، ءبىر ميلليارد يۋانى قاراجات ىندەتكە توتەپ بەرۋ جاعىنداعى ەرەكشە مەملەكەتتىك زايومنان كەلگەن.
قازىنا مينيسترلىگى مەملەكەت قامباسى مەڭگەرمەسىنىڭ باستىعى ۋاڭ شياۋلۇڭنىڭ تانىستىرۋىنشا، 6 – ايدىڭ 18 – كۇنى ءبىرىنشى توپتا تاراتىلعان قاراجات 7 – ايدىڭ 30 – كۇنىنە دەيىن تاراتىلىپ بولادى، جيىنى 16 مەرزىمدىك ىندەتتەن ساقتانۋ جاعىنداعى ەرەكشە مەملەكەتتىك زايوم تاراتىلادى. بۇل رەتكى ءبىر تريلليون يۋاندىق مەملەكەتتىك زايوم ءۇش ءتۇرلى شەكتى ۋاقىت بويىنشا تاراتىلادى، ولار جەكە – جەكە 5 جىلدىق مەرزىم، 7 جىلدىق مەرزىم جانە 10 جىلدىق مەرزىم بولىپ تابىلادى. 5 جىلدىق مەرزىم بويىنشا 4 رەتتە جيىنى 200 ميلليارد يۋاندىق زايوم تاراتىلادى، 7 جىلدىق مەرزىم بويىنشا 2 رەتتە جيىنى 100 ميلليارد يۋاندىق زايوم تاراتىلادى، 10 جىلدىق مەرزىم بويىنشا 10 رەتتە 700 ميلليارد يۋان زايوم تاراتىلادى، جالپى تاراتۋ قۇرىلىمى ءبىرشاما ۇيلەسىمدى، تاراتىلۋ ريتمى ءبىرشاما ورنىقتى بولادى؛ تاراتقان كەزدەگى ءوسىم مولشەرى ورتا ەسەپپەن %2.77 بولىپ، الدىڭعى 5 كۇن ىشىندەگى مەملەكەتتىك زايوم ەكىنشى دارەجەلى بازارىنداعى تابىس مولشەرىنەن ورتا ەسەپپەن 10 ولشەمدى نۇكتە تومەن بولىپ، مەملەكەتتىك زايوم ەكىنشى دارەجەلى بازارىمەن جاقسى ۇشتاستىرىلعان، قارجى قوسۋشىلاردىڭ تالابىنا ساي كەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
