مەملەكەتتىك كەڭەس 100 ميلليارد يۋان قازىنالىق قارجىنى اپاتتان كەيىنگى قالپىنا كەلتىرۋ، قايتا قۇرۋعا جۇمساۋعا ورنالاستىردى
2020.08.28 16:56 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 26 - كۇنى، بەيجيڭ (تىلشىلەر جيا چىڭ، ليۋ شياسۇن). 8 - ايدىڭ 26 - كۇنى اشىلعان مەملەكەتتىك كەڭەستىڭ ۇنەمىلىك ىستەر ءماجىلىسى تاسقىننان ساقتانۋ، اپاتتان قۇتقارۋ جانە اپاتتان كەيىنگى قالپىنا كەلتىرۋ، قايتا قۇرۋ قىزمەتىن ورنالاستىردى. ماجىلىستە بىلاي دەلىندى: ءتۇرلى ارنالار ارقىلى ورتالىق پەن جەرگىلىكتى قازىنانىڭ اپاتتان كەيىنگى قالپىنا كەلتىرۋ، قايتا قۇرۋعا جۇمسالاتىن قارجى كولەمى شامامەن 100 ميلليارد يۋان بولادى ءارى قارجىنى اپات تۋىلعان رايون مەن نىسانعا تىكەلەي جەتكىزۋ مەحانيزمى ورناتىلادى.
ماجىلىسكە ساي قازىر تاسقىننان ساقتانۋ، اپاتتان قۇتقارۋ قىزمەتىن تيتتەي دە بوساڭسىتپاي مىقتى يگەرىپ، وڭتۇستىك پەن سولتۇستىكتىڭ تاسقىننان ساقتانۋ، تايفىڭ داۋىلىنان ساقتانۋ قىزمەتتەرىن ءبىر تۇتاس جوسپارلاپ ويداعىداي ىستەۋ كەرەك. سونىمەن بىرگە، جەرگىلىكتى ورىنداردىڭ نەگىزگى تۇلعالىق جاۋاپكەرلىگىن تياناقتاندىرىپ، اپاتتان كەيىنگى قالپىنا كەلتىرۋ، قايتا قۇرۋ قىزمەتىن ورايدى قولدان بەرمەي ورىستەتۋ كەرەك.
ورتالىق قازىنا اپاتقا ۇشىراۋى ءبىرشاما اۋىر ولكەلەردەگى تۇرعىنداردىڭ قۇلاعان جانە اۋىر دارەجەدە بۇلىنگەن ۇيلەرىنە بەرىلەتىن كومەك قاراجاتتى ارتتىرادى؛ اپاتقا ۇشىراعان اتىزدار جانە جىلىجاي، لاپاس سياقتى قۇرىلعىلى اۋىل شارۋاشىلىعىن قالپىنا كەلتىرۋگە قولداۋ كورسەتۋ، تۇقىم سياقتىلاردى قامداۋدى ويداعىداي ىستەپ، باسقا داقىل ەگۋدى نەمەسە تولىقتاپ ەگۋدى مىقتى يگەرۋ؛ سۋ ويرانداعان ينجەنەريا قۇرىلىستارىن جەدەل ىلگەرىلەتۋ، جەرگىلىكتى جەرلەردىڭ ويراندالعان جول، كوپىر، ورتا، شاعىن سۋ يگىلىگى قۇرىلىسى سياقتى قۇرىلعىلاردى جوندەۋىن قولداۋ كەرەك... ءماجىلىس اپاتتان كەيىنگى قالپىنا كەلتىرۋ، قايتا قۇرۋدىڭ كۇش سالۋ بەتالىسىن ايقىندادى.
اپاتتان كەيىنگى قالپىنا كەلتىرۋ، قايتا قۇرۋ قىزمەتىن ويداعىداي ىستەۋ قارجى قامتاماسىزداندىرۋىنان قول ۇزە المايدى. سوندىقتان ماجىلىستە ءبىرقىدىرۋ قاتاڭ شارا شىعارىلدى. مىسالى، الدىڭعى مەرزىمدە ورتالىق بوساتقان قارجى نەگىزىندە بيىل جانە كەلەر جىلى جوعارى ولشەمدى ەگىنجاي قۇرىلىسىنا 16 ميلليارد يۋان قارجى ورنالاستىرىلاد، بۇندا اپاتقا ۇشىراعان رايوندارعا بەيىمدەلۋ كەرەك؛ جەرگىلىكتى ورىنداردىڭ ىندەتكە قارسى اتتانۋ ەرەكشە زايومى، جەرگىلىكتى ۇكىمەتتەردىڭ قارىزى، ەرەكشە اۋدارىپ تولەۋ قارجىسى سياقتىلاردى قالپىنا كەلتىرۋ، قايتا قۇرۋ قاتارلىلارعا جۇمساۋىنا جول بەرىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
