قازىنانىڭ، سالىقتىڭ، فينانستىڭ تىرەكتىلىگى كۇشەيدى
شينجياڭ گازەتى جالپىلىق اقپارات قۇرالدارى ءتىلشىسى ميھىرگۇل ناسىر
2020.12.01 15:45 كەلۋ قاينارى : شينجياڭ گازەتى
قازىنا مەملەكەتتى جونگە سالۋدىڭ نەگىزى جانە ماڭىزدى تىرەگى، سالىق كىرىسى ەكونوميكالىق، قوعامدىق دامۋدى جەبەۋدىڭ جانە حالىق تۇرمىسىن جاقسارتۋدىڭ نەگىزى جانە قامتاماسىزدىعى، فينانس وسى زامانعى ەكونوميكانىڭ قانى. ۇشەۋى ءبىر - بىرىنەن ايرىلا المايدى، ءبىرىن - ءبىرى جەبەيدى.
”13 - بەسجىلدىق“ مەزگىلىندە رايونىمىزدىڭ قازىنا، سالىق، فينانس تاراۋلارى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن مۇقيات دايەكتىلەندىرىپ، تياناقتاندىرىپ، بازار تۇلعالارىن بەلسەندىلىكپەن قورعاپ، كاسىپ سالاسىنىڭ تىرەگىن كۇشەيتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن پارمەندى ىلگەرىلەتتى.
قازىنانىڭ جەتەكتەۋ اسەرى كورنەكتى بولدى
بيىل 5 - ايدىڭ اياعىنا دەيىن، ءپايزاۋات اۋدانىندا قالا مەن اۋىلدىڭ اۋىز سۋ حاۋىپسىزدىگى ينجەنەرياسى بويىنشا جالپى بەتتىك سۋ تۇتاستىرىلۋىنا ىلەسە، بۇكىل اۋدانداعى 15 مىڭ 300 كەدەي ”الاڭسىز سۋ“ ىشەتىن بولدى. سونىمەن شينجياڭداعى بارلىق كەدەي حالىق كەرمەك، اششى سۋعا تۇبەگەيلى قوش ايتىپ، اۋىز سۋ حاۋىپسىزدىگى جالپى بەتتىك جۇزەگە استى.
ءپايزاۋات اۋدانىنىڭ اۋىل - قىستاق اۋىز سۋ حاۋىپسىزدىگى ينجەنەرياسىنا ءبىر ميلليارد 451 ميلليون يۋان ناقتى قارجى سالىندى، اۆتونوميالى رايون كوپ ءتۇرلى ارنامەن قارجى قۇرادى، ورتالىقتىڭ مەجە ەسەبى بويىنشا قارجى سالۋى، بيڭتۋاننىڭ پايدا دەڭگەيى بويىنشا ينجەنەريا قۇرىلىسىنىڭ قارجىسىن قۇراۋى، جەرگىلىكتى ۇكىمەتتىڭ زايوم قارجىسى، كەدەيلەردى سۇيەمەلدەۋ ارنايى قارجىسى سياقتى ارنالار ارقىلى قارجى جەتىسپەۋ ماسەلەسىن شەشىپ، سۋ وزگەرتۋ ينجەنەرياسىنىڭ ءساتتى ىلگەرىلەۋىنە كەپىلدىك ەتتى.
”13 - بەسجىلدىق“ مەزگىلىندە رايونىمىز جالپىعا ءتيىمدى فينانستى دامىتۋدى زور كۇشپەن ىلگەرىلەتىپ، ساياساتتىق قولداۋ، ءادىل كىرۋگە رۇقسات ەتۋ جانە پارىقتى باقىلاۋ - باسقارۋ ءتۇزىمىن اقاۋسىزداندىرىپ، اۋىل - قىستاقتاعى فينانستىق قىزمەت وتەۋدىڭ كولەمى مەن قامتۋ اۋماعىن كەڭەيتىپ، فينانستىق قىزمەت وتەۋ ءونىمى مەن ۇلگىسىندە جاڭالىق اشىپ، الەۋمەتتىڭ شارۋاشىلىق قۇرۋىن، جۇمىستانۋىن ىلگەرىلەتىپ، ەكونوميكالىق دامۋ ءتاسىلىنىڭ تيبىن وزگەرتىپ، دارەجەسىن جوعارىلاتۋعا دەم بەرىپ، فينانستىق قىزمەت وتەۋ ورەسىن جالپى بەتتىك جوعارىلاتىپ، كوپ ساتىلى، كەڭ قامتىمدى، باياندى، ۇيلەسىمدى باسەكەلەسەتىن، حاۋىپ - قاتەرى تىزگىندەلەتىن جالپىعا ءتيىمدى فينانس جۇيەسىن جەدەل ورناتتى.
قازىرگە دەيىن، بۇكىل رايونداعىPPP (ۇكىمەت پەن قوعامدىق كاپيتالدىڭ سەلبەستىگى) نىسان قامباسىنداعى نىساننىڭ سانى جيىنى 385كە جەتىپ، جيىنى 580 ميلليارد 400 ميلليون يۋان قارجى سالىنىپ، اۋىل شارۋاشىلىعى، سۋ يگىلىگى قۇرىلىسى، اۋىل - قىستاق قاتىناسى، اۋىل - قىستاق وقۋ - اعارتۋى، اۋىل - قىستاق نەگىزدىك قۇرىلعىسى سياقتى كوپ سالانى قامتىپ، اۆتونوميالى رايوننىڭ ەكونوميكالىق، قوعامدىق دامۋىن پارمەندى قولدادى.
2016 - جىلدان 2019 - جىلعا دەيىن، رايونىمىز اۋىل - قىستاققا باعىتتالعان قاراجاتىنان 406 ميلليون يۋان جاردەماقى قارجىسىن اجىراتىپ، نەگىزگى فينانستىق قىزمەت وتەۋ ءالسىز وڭىرلەردە 93 (رەت) اۋىل - قىستاق فينانس قۇرىلىمىن جانە بانكە فينانس قۇرىلىمىن (تور ءتۇيىنى) جاڭادان قۇرۋعا قولداۋ كورسەتتى؛ 420 ميلليون يۋان شارۋاشىلىق قۇرۋ كەپىلدىك نەسيەسى جاردەماقىسىن تياناقتاندىرىپ، 5 ميلليارد 500 ميلليون يۋان شارۋاشىلىق قۇرۋ نەسيەسىن جەبەدى؛ حالىقتىق جانە شاعىن، ۇساق كاسىپورىندارعا فينانستىق قىزمەت وتەۋ كەشەندى رەفورماسىن تەرەڭدەتۋ سىناق تۇيىندەرىنە قازىنالىق قولداۋ كورسەتۋ جاردەماقى قارجىسىنان 100 ميلليون يۋاندى تياناقتاندىردى.
قازىنالىق ساياساتتىڭ جەبەۋىندە رايونىمىزدىڭ اۋىل شارۋاشىلىعى قامسىزداندىرۋ اقىسى كولەمى تەز ارتىپ، قامسىزداندىرۋدىڭ قامتۋ اۋماعى ۇزدىكسىز كەڭەيىپ، قامتاماسىزدىق ورەسى ءبىرشاما تەز ارتۋ بەتالىسىن كورسەتىپ، اۋىل شارۋاشىلىق ءوندىرىسىنىڭ ورنىقتى دامۋىن پارمەندى جەبەدى.
سالىقتى ازايتۋ، اقىنى تومەندەتۋ كاسىپورىندارعا دالمە - ءدال تيىمدىلىك جەتكىزدى
قازىنا - سالىق − وڭىرلىك ەكونوميكانىڭ كورسەتكىشى ءارى ەكونوميكالىق دامۋدىڭ دەمەۋشىسى.
”13 - بەسجىلدىق“ مەزگىلىندە بازار تۇلعالارىنىڭ اۋىرتپالىعىن جەڭىلدەتۋگە ارنالعان سالىق اقى تيىمدىلىك ساياساتتارى ىركەس - تىركەس شىعارىلىپ، سان مىڭداعان كاسىپورىنداردىڭ اۋىرتپالىعىن جەڭىلدەتىپ، كاسىپورىننىڭ جاڭالىق اشۋ، شارۋاشىلىق قۇرۋ بەكىمى مەن سەنىمىن كۇشەيتتى.
”مەملەكەتتىك جوعارى، جاڭا تەحنيكالىق كاسىپورىن“، ”جۇڭگو مۇناي حيميا سالاسىنداعى ونىمدىلىكتە كوش باستاۋشى ۇلگى كاسىپورىن“... سەرىكتەستىكتىڭ جۋىرداعى جىلداردان بەرى ارت - ارتىنان قول جەتكىزگەن داڭقتارىن تىلگە العاندا، شينجياڭ جۇڭتاي حيميا فۋكاڭ ەنەرگيا شەكتى سەرىكتەستىگىنىڭ قازىنا جاۋاپتىسى جاڭ چيڭحۋا قاتتى تەبىرەندى: ”ناتيجەنىڭ قولعا كەلۋىن سەرىكتەستىكتىڭ تەحنيكالىق زەرتتەپ اشۋ جاسامپازدىعى جاعىنداعى ۇسىنىلىمىنان بولە قاراۋعا كەلمەيدى، سالىق تيىمدىلىگى ساياساتىنىڭ تياناقتى قولداۋىنان دا بولە قاراۋعا كەلمەيدى“. 2014 - جىلدان بەرى بۇل سەرىكتەستىك زەرتتەپ اشۋ قاراجاتىنان ۇستەمەلەپ ەسەپتەپ الىپ تاستاۋ بويىنشا 98 ميلليون 253 مىڭ يۋان يگىلىكتەنىپ، كاسىپورىننىڭ تابىس سالىعىنان 14 ميلليون 738 مىڭ يۋان ازايتىلدى، كەشىرىم ەتىلدى.
جۇڭتاي حيميانىڭ ”زەردەلى جاساۋ“ جولى شينجياڭنىڭ سالىق ىستەرى تاراۋىنىڭ سالىق تيىمدىلىگى ساياساتىن تياناقتاندىرۋداعى، بازار تۇلعالارىنا قىزمەت وتەۋدەگى، ەكونوميكانىڭ جوعارى ساپالى دامۋىن ىلگەرىلەتۋدەگى قاجىرلى قۇلشىنىسىن كورسەتتى.
2019 - جىلى پارتيا ورتالىق كوميتەتى، مەملەكەتتىك كەڭەس اناعۇرلىم زور كولەمدە سالىقتى ازايتۋ، اقىنى تومەندەتۋدى اتقاردى، شينجياڭنىڭ سالىق ىستەرى تاراۋى سالىق اقى ساياساتىن ناقتى، ەگجەي - تەگجەيلى تياناقتاندىرىپ، جاڭادان 24 ميلليارد 550 ميلليون يۋان سالىقتى ازايتتى، كەشىرىم ەتتى. تىلگە الۋعا تاتيتىنى، 2014 - جىلدان بەرى شينجياڭنىڭ سالىق ىستەرى تاراۋى قيىنشىلىعى بار وڭىرلەردەگى كاسىپورىنداردىڭ تابىس سالىعىندا ”ەكىنى كەشىرىم ەتىپ، ۇشتە جارتىسىن تومەندەتۋ“ جانە قاشقار، قورعاس ەكونوميكالىق اشۋ رايونىنداعى كاسىپورىنداردىڭ تابىس سالىعىندا ”بەستى كەشىرىم ەتۋ“، حالىقارالىق ۇلكەن بازار نىسانىندا ارتقان قۇن سالىعىن كەشىرىم ەتۋ سياقتى مەملەكەتتىڭ شينجياڭنىڭ دامۋىنا قولداۋ كورسەتۋگە ارناعان وزگەشە 3 ءتۇرلى سالىق ساياساتىن دالمە - ءدال تياناقتاندىرۋدى بەلسەندىلىكپەن ىلگەرىلەتىپ، جيىنى 40 ميلليارد يۋاننان استام سالىقتى ازايتتى، كەشىرىم ەتتى.
”’13 - بەسجىلدىق‘ مەزگىلىندە شينجياڭنىڭ سالىق ىستەرى تاراۋى ’تومەنگە بەرۋ، باسقارۋ، قىزمەت وتەۋ‘ رەفورماسىن شوعىرلى ىلگەرىلەتىپ، سالىقتى ازايتۋ، اقىنى تومەندەتۋ ساياساتىن بۇلجىتپاستان تياناقتاندىرىپ، حالىققا قولايلى سالىق ىستەرىن ءبىتىرۋ كوكتەم سامالى ارەكەتىن بەلسەندىلىكپەن ورىستەتىپ، سالىق ساياساتىنىڭ پايداسىن كاسىپورىندارعا تىكە جەتكىزىپ، شارۋاشىلىق - ساۋدا ورتاسىن ۇزدىكسىز جاقسارتتى“. شينجياڭ سالىق ىستەرى مەكەمەسى پارتكومىنىڭ شۋجيى، مەكەمە باستىعى ياڭ يۇڭ مىنالاردى ءبىلدىردى: ”سالىق اقىسى تيىمدىلىك ساياساتىنىڭ پايداسى ۇزدىكسىز جارىققا شىعىپ، رايونىمىز ەكونوميكاسىنىڭ ورنىقتى دامۋىنا بەرىك تىرەك ازىرلەدى“.
فينانس ناقتى ەكونوميكاعا كۇش قوستى
ءۇرىمجى قالاسى باينياۋحۋ ارحاۋتايديداعى امايلۇڭ قيال - عاجايىپ باقشاسىندا جۇزدەن استام كوڭىل اشۋ ءتۇرى بار، مۇنداعى جىبەك جولىن تاقىرىپ ەتكەن 9 ءىرى نىسان ەل ىشىندەگى اق تاڭداقتى تولتىردى. بىلتىر 6 - ايدان باستاپ، جۇڭگو قۇرىلىس بانكەسى شينجياڭ بولىمشە بانكەسى وسى نىسانعا 400 ميلليون يۋان نەسيە بەردى، بۇل سالىنعان جالپى قارجىنىڭ ％26.6ىن ۇستايدى. شينجياڭ جينماۋ سىلۋ باقشا جارناگەرلىك شەكتى سەرىكتەستىگىنىڭ باس ديرەكتورى شياۋ چۇنلەي بىلاي دەدى: نەسيەنىڭ قولداۋىندا نىسان توتەنشە ءساتتى ىلگەرىلەدى، قازىر باقشانىڭ ءارقايسى تۇلعالىق قۇرىلىستارى تۇگەلدەي اياقتالدى.
قارجى قۇراۋ ءتاسىلى جاعىندا شينجياڭنىڭ فينانس كاسىبى مال - مۇلىك كەپىلى، بانكتەر توبى نەسيەسى، كورىنىس اۋماعىنىڭ تيجارات ۇقىعىن كەپىلگە قويۋ نەسيەسى، ەسىك بەلەتى كىرىسىن كەپىلگە قويۋ نەسيەسى، تيجاراتتىق قوجالىقتى كەپىلگە قويۋ نەسيەسى، ورمان ۇقىعىن كەپىلگە قويۋ نەسيەسى، قارجى قۇراۋ سيپاتتى جالعا بەرۋ سياقتى كوپ نەگىزدى سەنىمدىلىك نەسيەسى ونىمدەرى مەن قىزمەت وتەۋ ۇلگىلەرىن جاسامپازدىقپەن جولعا قويىپ، كاسىپورىنداردىڭ قارجى قۇراۋداعى كەپىلدىك قيىنشىلىعىن بەلسەندىلىكپەن شەشتى.
”13 - بەسجىلدىق“ مەزگىلىندە رايونىمىز فينانستىڭ قامداۋ جاعىنداعى قۇرىلىمدىق رەفورماسىن ىشكەرىلەي ىلگەرىلەتىپ، پارىقتى فينانس ساياساتىن باتىل تياناقتاندىرىپ، جاڭا، كونە قوزعاۋشى كۇشتەردىڭ اۋىسۋىنا جانە ونەركاسىپتىڭ ارتۋدى ورنىقتىرىپ، قۇرىلىمدى رەتتەپ، ونىمدىلىكتى ارتتىرۋىنا پارمەندى تىرەك ازىرلەدى. 2020 - جىلدىڭ باسىنا دەيىن، شينجياڭنىڭ قوعامدىق قارجى قۇراۋ كولەمىنىڭ ساقتالىمى 3 تريلليون 30 ميلليارد يۋان، حالىق، شەتەل اقشاسى بويىنشا ءتۇرلى نەسيە قالدىعى 2 تريلليون 50 ميلليارد يۋانعا جەتىپ، جەكە - جەكە 2016 - جىلدىڭ باسىنداعىدان ％62.9 جانە ％49.6 ارتتى، جىلدىق ورتاشا ارتۋى جەكە - جەكە ％13.0 جانە ％10.6 بولدى.
2016 - جىلدان 2020 - جىلى 8 - ايعا دەيىن، رايونىمىز كاپيتال بازارى ارقىلى جالپى 281 ميلليارد 53 ميلليون يۋان تىكە قارجى قۇراپ، نەگىزدىك قۇرىلعى، ەنەرگيا، زات اينالىمى سياقتى نىساندار قۇرىلىسىن پارمەندى جەبەپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
